agriculture news in marathi,weather prediction, pune, maharashtra | Agrowon

राज्यात उन्हाचा चटका कायम
टीम अॅग्रोवन
रविवार, 14 ऑक्टोबर 2018

पुणे   : कोरड्या व निरभ्र हवामानामुळे राज्यात उन्हाचा चटका वाढला आहे. अनेक ठिकाणी तापमानाचा पारा ३५ अंशांपुढे गेला असून जळगाव, मालेगाव, सोलापूर, नांदेड, बीड, अकोला, अमरावती, यवतमाळ येथे उन्हाचा चटका अधिक आहे. शनिवारी (ता. १३) सकाळपर्यंतच्या २४ तासांमध्ये जळगाव येथे राज्यातील उच्चांकी ३७.६ अंश सेल्सिअस तापमानाची नोंद झाली. बुधवारपर्यंत (ता. १७) राज्यात मुख्यत: कोरड्या हवामानासह तापमानातील वाढ कायम राहण्याचा अंदाज हवामान विभागाने वर्तविला आहे.  

पुणे   : कोरड्या व निरभ्र हवामानामुळे राज्यात उन्हाचा चटका वाढला आहे. अनेक ठिकाणी तापमानाचा पारा ३५ अंशांपुढे गेला असून जळगाव, मालेगाव, सोलापूर, नांदेड, बीड, अकोला, अमरावती, यवतमाळ येथे उन्हाचा चटका अधिक आहे. शनिवारी (ता. १३) सकाळपर्यंतच्या २४ तासांमध्ये जळगाव येथे राज्यातील उच्चांकी ३७.६ अंश सेल्सिअस तापमानाची नोंद झाली. बुधवारपर्यंत (ता. १७) राज्यात मुख्यत: कोरड्या हवामानासह तापमानातील वाढ कायम राहण्याचा अंदाज हवामान विभागाने वर्तविला आहे.  

राज्यात बहुतांशी ठिकाणी कमाल तापमानाचा पारा सरासरीपेक्षा २ ते ४ अंशांनी वाढला आहे. मध्य महाराष्ट्रात कमाल तापमान २८ ते ३८ अंशांच्या आसपास आहे. कोकणात ३२ ते ३४, मराठवाड्यात ३४ ते ३६ आणि विदर्भात ३२ ते ३६ अंश सेल्सिअस तापमानाची नोंद होत आहे. मध्य महाराष्ट्र, कोकणात रात्रीचे किमान तापमान सरासरीच्या वर असून, विदर्भ आणि मराठवाड्यात मात्र रात्रीचे तापमान सरासरीच्या खाली घसरले आहे. परभणी येथे राज्यातील नीचांकी १७.१ अंश सेल्सिअस तापमानाची नोंद होत असल्याचे पुणे वेधशाळेतर्फे सांगण्यात आले.

बंगालच्या उपसागरामधील वादळ निवळले असून, शनिवारी सकाळी पश्‍चिम बंगाल आणि परिसरावर कमी दाब क्षेत्र सक्रिय होते. त्यामुळे अोडीशा, पश्‍चिम बंगालसह ईशान्येकडील राज्यांमध्ये ढगांची दाटी झाली असून, या भागात पाऊस पडत आहे. तर अरबी समुद्रातील ‘लुबन’ चक्रीवादळाची तीव्रता कमी होऊ लागली आहे. आज (ता. १४) दुपारपर्यंत हे वादळ रियान (येमेन) आणि अल-घैदाह (आेमान) जवळ किनाऱ्याला धडकण्याचा इशारा देण्यात आला आहे.

शनिवारी (ता. १३) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३४.१, जळगाव ३८.०, कोल्हापूर ३३.८, महाबळेश्वर २७.८, मालेगाव ३६.०, नाशिक ३४.१, सातारा ३२.८, सोलापूर ३६.६, सांताक्रूझ ३४.७, अलिबाग ३२.७, रत्नागिरी ३३.५, डहाणू ३४.१, आैरंगाबाद ३५.०, परभणी ३५.५, नांदेड ३६.०, उस्मानाबाद ३४.३, अकोला ३६.८, अमरावती ३६.०, बुलडाणा ३४.०, ब्रह्मपुरी ३४.०, चंद्रपूर ३४.२, गोंदिया ३२.०, नागपूर ३३.५, वर्धा ३५.०, यवतमाळ ३६.०.

दक्षिण भारतात माॅन्सूनचे अस्तित्व
महाराष्ट्रासह बहुतांशी देशांतून परतीची वाटचाल अवघ्या आठ दिवसांत पूर्ण करणाऱ्या नैर्ऋत्य मोसमी वाऱ्यांनी (माॅन्सून) अद्यापही देशाचा निरोप घेतलेला नाही. महाराष्ट्रातून गेल्या आठवड्यात शनिवारी (ता. ६) परतल्यानंतर लुबन आणि तितली चक्रीवादळांच्या निर्मितीमुळे मॉन्सूनची वाटचाल मंदावली आहे. दक्षिण भारतातील राज्यामध्ये मॉन्सूनचे अस्तित्व असून, मच्छलीपट्टणम, कर्नुल, गदग, वेंगुर्लापर्यंतची मॉन्सूनची परतीची सीमा शनिवारी (ता. १३) कायम असल्याचे हवामान विभागातर्फे सांगण्यात आले.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...