कोल्हापुरात गवार ३०० ते ५६० रुपये दहा किलो

कोल्हापूर : येथील बाजार समितीत गतसप्ताहात गवारीचे दर तेजीत राहिले. गवारीची दररोज ६० ते ७० पोती आवक झाली. गवारीस ३०० ते ५६० रुपये प्रतिदहा किलो असा दर होता. हिरव्या (ओली) मिरचीची दररोज ५०० ते ६०० पोती आवक झाली. मिरचीला २१५ ते ४२० रुपये प्रतिदहा किलो असा दर मिळाल्याची माहिती बाजार समितीच्या सूत्रांनी दिली.

बाजार समितीत ढोबळी मिरचीची दररोज ६०० ते ७०० पोती आवक झाली. ढोबळी मिरचीस १०० ते २३० रुपये प्रतिदहा किलो असा दर मिळाला. भेंडीची ४०० ते ५०० करंड्या आवक झालीे. भेंडीस १०० ते ३०० रुपये प्रति दहाकिलो असा दर मिळाला.

वरण्याची ७० ते ८० पोती आवक झाली. वरण्यास २०० ते ४०० रुपये प्रतिदहा किलो असा दर होता. काकडीची पाचशे करंड्या आवक झाली. काकडीस १०० ते ३२० रुपये प्रतिदहा किलो असा दर मिळाला. आल्याची ७०० ते ८०० पोती आवक झाली. आल्यास १५० ते ३५० रुपये प्रति दहाकिलो असा दर होता.

कोथिंबिरीची चौदा ते पंधरा हजार पेंढ्या इतकी आवक होती. कोथिंबिरीस शेकडा २०० ते ५०० रुपये दर होता. कांदापातीची चार हजार पेंढ्या आवक होती. कांदापातीस शेकडा १०० ते ४०० रुपये दर मिळाला. मका कणसाच्या आवकेत घट झाली होती. मका कणसाचे शंभर ते दोनशे नग इतकीच किरकोळ आवक राहिली. मका कणसास शेकडा ३०० ते ५०० रुपये दर होता.

या सप्ताहात फळांच्या आवकेत वाढ दिसून आली. द्राक्षाची दररोज चारशे ते पाचशे बॉक्‍स आवक होती. द्राक्षास २० ते ३५ रुपये किलो दर होता. चिकूची पाचशे ते सातशे पोती आवक झाली. चिकूस शेकडा ५० ते ७०० रुपये दर होता.

पेरुची पन्नास ते साठ डाग आवक झाली. पेरूस प्रतिडाग ४०० ते ८०० रुपये दर मिळाला. कलिंगडाची दीड ते दोन हजार डझन आवक होती. कलिंगडास डझनास ५० ते १५०० रुपये दर होता. कैरीच्या आवकेसही सुरवात झाली आहे. कैरीस ६० ते १२० रुपये प्रति दहाकिलो दर मिळाला.