Agriculture stories in Marathi, Agriculture commodity trends in future market | Agrowon

मका, सोयाबीन, हळदीचे भाव सुधारण्याची शक्यता
डॉ. अरुण प्र. कुलकर्णी
शुक्रवार, 27 ऑक्टोबर 2017

गेल्या सप्ताहात कापूस, हळद व गहू वगळता इतरांचे भाव उतरले. साखरेचे भाव स्थिर राहिले. सध्याच्या स्पॉट किमतींच्या तुलनेने पुढील काही महिन्यांत मका, सोयाबीन, हळद व गवार बीचे भाव सुधारतील. साखर व कापसाचे भाव अधिक आवकेच्या अपेक्षेने कमी होतील. 

गेल्या सप्ताहात कापूस, हळद व गहू वगळता इतरांचे भाव उतरले. साखरेचे भाव स्थिर राहिले. सध्याच्या स्पॉट किमतींच्या तुलनेने पुढील काही महिन्यांत मका, सोयाबीन, हळद व गवार बीचे भाव सुधारतील. साखर व कापसाचे भाव अधिक आवकेच्या अपेक्षेने कमी होतील. 

खरीप पिकाची आवक आता सुरू झाली आहे. मालाची प्रत कमी असल्याने भावसुद्धा पडून आहेत. सोयाबीनच्या किमती हमीभावापेक्षा कमी आहेत; पण त्या मुख्यत्वे त्यातील ओलाव्याचे प्रमाण अधिक असल्याने आहेत. २४ ऑक्टोबर रोजी संपणाऱ्या सप्ताहात कापूस, हळद व गहू वगळता इतरांचे भाव उतरले. साखरेचे भाव स्थिर राहिले. सध्याच्या स्पॉट किमतींच्या तुलनेने पुढील काही महिन्यांत मका, सोयाबीन, हळद व गवार बीचे भाव सुधारतील. साखर व कापसाचे भाव अधिक आवकेच्या अपेक्षेने कमी होतील. 

 गेल्या सप्ताहातील एनसीडीइएक्स आणि एमसीएक्समधील किमतींतील चढ-उतार ः
मका 
खरीप मक्याच्या (नोव्हेंबर २०१७) किमती  या सप्ताहात रु. १,३७९ वर आल्या आहेत. स्पॉट किमती (निझामाबाद) रु. १,३७२ वर आल्या आहेत. जानेवारीमधील फ्युचर्स किमती रु. १,३९३ वर आल्या आहेत. हमीभाव गेल्या वर्षी रु. १,३६५ होता. या वर्षी तो रु. १,४२५ वर नेला आहे. २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी खरीप मक्याचे उत्पादन घसरून १८.७३ दशलक्ष टनावर होणार आहे (गेल्या वर्षीचे उत्पादन : १९.२४ दशलक्ष  टन). मागणी चांगली आहे. लांबवरचा कल वाढता आहे. मात्र खरीप पिकाच्या पुढील काही महिन्यांतील आवकेमुळे किमती घसरण्याचा संभव आहे. 

साखर 
साखरेच्या (डिसेंबर २०१७) किमती  या सप्ताहात रु. ३,४१० वर स्थिर आहेत. स्पॉट (कोल्हापूर) किमती रु.३,६३३ वर आल्या आहेत. पुढील वर्षी जागतिक उत्पादन व पुरवठा घटण्याची शक्यता व्यक्त केली जात आहे. जुलै (२०१८) च्या फ्युचर्स किमती रु. ३,४१० वर आल्या आहेत.  सध्या साठा पुरेसा आहे. पुढील महिन्यात नवीन हंगामाचे उत्पादन सुरू होईल. २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी भारतातील उसाचे उत्पादन वाढून ते  ३३७.३ दशलक्ष टनावर येणार आहे. 

 सोयाबीन 
फ्युचर्स (नोव्हेंबर २०१७) किमती रु. २,८७२ वर आल्या आहेत. स्पॉट (इंदूर) किमती रु. २,८५३ वर आल्या आहेत. फेब्रुवारी २०१८ च्या फ्युचर्स किमती रु. ३,०३३ वर आल्या आहेत.  हमीभाव (बोनससहित) गेल्या वर्षी रु. २,७७५ होता. या वर्षी तो रु. ३,०५० वर नेला आहे. २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी सोयाबीनचे उत्पादन घसरून १२.२ दशलक्ष टनावर येणार आहे. मात्र अमेरिकेतील व जागतिक उत्पादनात वाढ अपेक्षित आहे. खरीप पिकाच्या पुढील काही महिन्यांतील आवकेमुळे किमती घसरण्याचा संभव आहे. शासनाने हमी भावाने सोयाबीन खरेदी करण्याची तयारी दर्शवली आहे. त्यामुळे पुढील काही महिने किमती हमीभावाच्या आसपास राहतील. 

हळद  
फ्युचर्स (नोव्हेंबर २०१७) किमती या सप्ताहात रु. ७,४५२ वर आल्या आहेत. स्पॉट (निझामाबाद) किमती रु. ७,४७१ वर  आल्या आहेत.  एप्रिल २०१८ च्या फ्युचर्स किमती सध्याच्या स्पॉट किमतींच्या तुलनेने १.९ टक्क्यांनी अधिक आहेत  (रु. ७,६१२).  तेलंगण व कर्नाटकमध्ये पावसाची तूट गेल्या सप्ताहात बऱ्याच प्रमाणात भरून निघाली आहे. त्यामुळे वाढीव उत्पादनाची अपेक्षा आहे. पुढील काही दिवसांत किमतीवर परिणाम होईल.

गहू 
सप्टेंबर महिन्यात गव्हाच्या (नोव्हेंबर २०१७) किमती घसरत होत्या. (रु. १,६८२ ते  रु. १,६४३).  या सप्ताहात त्या ०.९ टक्क्यांनी वाढून रु. १,७३० वर आल्या आहेत. स्पॉट किमती (दिल्ली)  रु. १,८०० वर आल्या आहेत. जानेवारी २०१८ मधील फ्युचर्स किमती सध्याच्या स्पॉट किमतींपेक्षा २.३ टक्क्यांनी कमी आहेत. (रु. १,७५८). पुढील वर्षाचे उत्पादन चांगले येण्याची शक्यता आहे.   

  गवार बी   
फ्युचर्स (नोव्हेंबर २०१७) किमती रु. ३,६५१  वर आल्या आहेत. स्पॉट (जोधपूर) किमती रु. ३,६९१ वर आल्या आहेत.  सध्याच्या स्पॉट (जोधपूर) किमतींपेक्षा जानेवारी २०१८ मधील फ्युचर्स किमती ३.३ टक्क्यांनी अधिक आहेत (रु. ३,८१२). राजस्थानमध्ये पाऊस समाधानकारक झाला आहे. मात्र मागणी वाढती आहे. 

हरभरा 
फ्युचर्स (नोव्हेंबर २०१७) किमती रु. ५,१३२ वर आल्या आहेत. स्पॉट (बिकानेर) किमती रु. ५,३०० वर आल्या आहेत. जानेवारी २०१८ मधील फ्युचर्स किमती सध्याच्या स्पॉट किमतीपेक्षा ७ टक्क्यांनी कमी आहेत (रु. ४,९२७). रब्बी पिकाचे उत्पादन वाढण्याची अपेक्षा आहे. मार्च-एप्रिलमध्ये किमतींत आणखी उतरण होण्याची अपेक्षा आहे (मार्च डिलिवरीचा सध्याचा भाव रु. रु. ४,५३१ आहे).  रब्बी उत्पादन घेताना हेजिंगचा विचार करावा. 

कापूस 
एमसीएक्समधील कापसाच्या फ्युचर्स (नोव्हेंबर २०१७) किमती रु. १८,५१० वर आल्या आहेत.  स्पॉट (राजकोट) किमती  रु. १८,८२९ वर स्थिर आहेत. जानेवारी २०१८ च्या फ्युचर्स किमती सध्याच्या स्पॉट किमतींपेक्षा २.२ टक्क्यांनी कमी आहेत (रु. १८,४१०).   २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी कापसाचे उत्पादन घसरून ३२.३ दशलक्ष गाठीवर येणार आहे (गेल्या वर्षीचे उत्पादन : ३३.१ दशलक्ष गाठी). मागणी चांगली आहे. लांबवरचा कल वाढता आहे. मात्र खरीप पिकाच्या पुढील काही महिन्यांतील आवकेमुळे किमती घसरण्याचा संभव आहे. (सर्व किमती प्रतिक्विंटल; कापसाची किमत प्रति १४० किलोची गाठी).

  इमेल ः arun.cqr@gmail.com

इतर अॅग्रोमनी
मका, सोयाबीन, हळदीच्या भावात घसरणएनसीडीईएक्समध्ये या सप्ताहात साखर व सोयाबीन वगळता...
नोंदी ठेवून करा शेतीचे नियोजनशेतीच्या नोंदी या अनुभव समृद्ध करण्यासाठी कामी...
दुधावर प्रक्रिया करणाऱ्या कंपन्यांना ‘...देशात दुधाचा पुरवठा वाढला असून केवळ दूध विकणाऱ्या...
नाबार्ड पाच हजार `एफपीओं`चे उद्दिष्ट...``नाबार्डने शेतकरी उत्पादक संघ (एफपीओ) स्थापन...
सेंद्रिय भातशेतीसोबतच राबविली थेट...पुणे जिल्ह्यातील भोयरे (ता. मावळ) येथील रोहिदास...
धान्यांतील पुरवठा वाढ संतुलित होणार?केंद्रीय कृषी मंत्रालयाच्या १३ जुलैच्या...
सोयाबीन, कापूस, हळदीत घटएनसीडीईएक्समध्ये या सप्ताहात साखर व हळद वगळता...
सोयाबीन, कापूस अन् हळदीत घटएनसीडीइएक्समध्ये या सप्ताहात कापूस व हळद वगळता...
दुष्काळ, आपत्तीवर चेळकर कुटुंबीयांची...लातूर जिल्ह्यातील किल्लारी येथील चेळकर...
खतांच्या किमतीत २० टक्के वाढकच्च्या मालाच्या किमतीत वाढ झाल्यामुळे...
रुपयाची घसरण निर्यातीसाठी लाभदायीसध्या डॉलरच्या तुलनेत रुपया आणखी कमजोर होऊन...
साखर कारखान्यांकडील थकीत रकमेत तीन हजार...केंद्र सरकारने साखर उद्योगाला दिलासा...
साखरेच्या दरात ३.५ टक्के वाढकेंद्र सरकारने साखर कारखान्यांना जुलै महिन्यात...
सोयाबीन, हरभऱ्याच्या फ्युचर्स भावात घटएनसीडीईएक्समध्ये या सप्ताहात कापूस व हळद वगळता...
सोयाबीनच्या फ्युचर्स भावात घटएनसीडीइएक्स मध्ये या सप्ताहात कापूस, मका व साखर...
सोयाबीनच्या फ्युचर्स भावात नरमाईएनसीडिएक्स मध्ये या सप्ताहात कापूस, साखर, हळद,...
तूर उत्पादकांना दोन हजार बोनस न दिल्यास...अमरावती ः तुरीची शासकीय हमीभाव खरेदी सुरू करावी...
सोयाबीनमध्ये तेजीची शक्यता नाहीदेशातील प्रमुख बाजारपेठांमध्ये सध्या सोयाबीनचे दर...
सीमाबंदीमुळे टोमॅटोचा लाल चिखलकेंद्रीय कृषी मंत्रालयाने ३० मे रोजी...
दूध दर कमी असतानाही मूल्यवर्धित...वाढता उत्पादन खर्च, तुलनेने कमी झालेले दूध दर...