agriculture stories in marathi agrowon agralekh on cherry tomato new variety | Agrowon

दुर्लक्षित पिकांवर करा लक्ष केंद्रित
विजय सुकळकर
बुधवार, 6 जून 2018

अनेक दुर्लक्षित फळे-भाजीपाला पिके, रानभाज्या, विदेशी भाजीपाला यांचा आहारात वापर वाढत असताना त्यावरील संशोधनावर कृषी विद्यापीठाने लक्ष केंद्रित करायला हवे. असे झाल्यास राज्यातील शेतीत वैविध्यता येईल.

ब्रोकोली, रेड कॅबेज, सिलेरी, झुकेनी आदी विदेशी भाजीपाल्याची लागवड राज्यात वाढत आहे. याच बरोबर दुर्लक्षित अशा चेरी टोमॅटोचे पीकही बरेच शेतकरी आता घेऊ लागले आहेत. चेरी टोमॅटो हे देशी भाजीपाला पीक असून, याची रोपे शेत-शिवारात प्रामुख्याने हिवाळी हंगामात दिसतात. आहार आणि औषधी गुणधर्माच्या बाबतीत अत्यंत उपयुक्त असे हे पीक संशोधन आणि त्यामुळेच लागवडवृद्धीच्या बाबतीतही दुर्लक्षित राहिले आहे. अलीकडे या भाजीपाला पिकाचे महत्त्व कळाल्याने खासकरून मोठ्या शहरांमधील बाजारपेठेत चेरी टोमॅटो विदेशी भाजीपाल्याबरोबर विकले जात आहे. चेरी टोमॅटोचा उपयोग तारांकित हॉटेल्समधून सलाड साठी होतो. तसेच याचा भाजी आणि सॉसेस मध्येही वापर वाढत आहे. मागणीच्या प्रमाणात आवक कमी असल्याने यांस दरही चांगला मिळतोय. चेरी टोमॅटोची लागवड वाढवायची म्हणजे याबाबात वाणांबरोबर प्रगत लागवड तंत्राचाही अभावच दिसून येतो. चेरी टोमॅटोची लागवड करायची म्हटलं तर आजतागायत तरी खासगी कंपन्यांचेच वाण, त्यांच्याकडूनच बियाणे विकत घ्यावे लागते. नियंत्रित शेतीत काटेकोर व्यवस्थापनात चेरी टोमॅटोचे उत्पादन घ्यावे लागत असल्याने खर्च अधिक येतो. चेरी टोमॅटोची व्यवस्थित पॅकिंग करून मोठ्या शहरांतच विक्री करावी लागते. हे कामही खर्चिक आहे. त्यामुळे या भाजीपाला पिकाच्या व्यावसायिक लागवडीत बहुतांश करून खासगी कंपन्याच उतरलेल्या आहेत. अशा एकंदरीत परिस्थितीमध्ये महात्मा फुले कृषी विद्यापीठाने चेरी टोमॅटोचा फुले जयश्री हा वाण विकसित केला आहे. चेरी टोमॅटोवर संशोधन करून वाण विकसित करण्याचा हा राज्यातील तरी पहिलाच प्रयोग आहे. 

फुले जयश्री हा वाण पारंपरिक, जंगली चेरी टोमॅटोच्या अनेक जातींपासून निवड पद्धतीने विकसित करण्यात आला आहे. त्यामुळे उंच वाढणाऱ्या या वाणाचे घडात फळे लागण्याचे प्रमाण जास्त असल्याने उत्पादकता अधिक मिळते. मुख्य म्हणजे आंबट गोड असा चेरी टोमॅटोचा मूळ स्वाद यात उतरविण्यात आला असल्याने ग्राहकांना तो चाखता येणार आहे. या वाणाच्या चेरी टोमॅटोस बाजारात मागणी वाढून दरही अधिक मिळू शकतो. फुले जयश्री या वाणाचे बियाणे कृषी विद्यापीठाकडे उपलब्ध आहे. या वाणामुळे भाजीपाला उत्पादकांना (खासकरून विदेशी भाजीपाला घेणाऱ्यांना) लागवडीसाठी एक वेगळा चांगला पर्याय उपलब्ध झाला आहे. त्यामुळे शहराजवळच्या गावातील शेतकरी एवढेच नव्हे शहरातही टेरेस, किचन गार्डन करणारे या वाणाची लागवड करून उत्पादन घेऊ शकतात. अशा शेतकऱ्यांना विद्यापीठाने चेरी टोमॅटोच्या नवीन वाणाच्या बियाण्याबरोबर याच्या व्यावसायिक लागवडीचे प्रगत तंत्रही द्यायला हवे. विशेष म्हणजे याची विक्री करताना घ्यावयाची काळजी, टिकाऊ अन् साठवण क्षमता, मूल्यवर्धन याबाबतही शेतकऱ्यांना मार्गदर्शन मिळायला हवे. खरे तर अनेक दुर्लक्षित फळे-भाजीपाला पिके, रानभाज्या, विदेशी भाजीपाला यांचा आहारात वापर वाढत असताना त्यावरील संशोधनावर कृषी विद्यापीठाने लक्ष केंद्रित करायला हवे. असे झाल्यास राज्यातील शेतीत वैविध्यता येईल. विभागनिहाय अनेक पिके, त्यांची नवनवीन वाण शेतकऱ्यांना उपलब्ध होतील. चांगले उत्पादन आणि अधिक दर देणाऱ्या या पिकांपासून शेतकऱ्यांचे उत्पन्न वाढेल.

इतर अॅग्रो विशेष
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
कमतरतेनुसार सूक्ष्म अन्नद्रव्यांचा वापर...अलीकडे सूक्ष्म अन्नद्रव्यांची कमतरता अधिक...
पिंप्री गावाने कमावले लसूणघास शेतीत नाव पिंप्री (वळण) (ता. राहुरी, जि. नगर) हे गाव मुळा...
दुष्काळातही सुरती हुरड्याची  चवच काही...औरंगाबाद जिल्ह्यातील सारंगपूर येथील अरुण कडूबाळ...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...
नांदेड जिल्ह्यात कापूस उत्पादकता...नांदेड ः नांदेड जिल्ह्यात २०१८-१९ च्या खरीप...
नगरची लढत राहणार लक्षवेधीनगर : राज्याच्या सर्वाधिक लक्ष असलेल्या नगर (...
रब्बी पीकविम्याला बोगस प्रकरणांचे ग्रहणमुंबई ः २०१८-१९ च्या रब्बी हंगामात पंतप्रधान...
सहा कारखान्यांची धुराडी थंडावलीऔरंगाबाद  : मराठवाडा व खानदेशातील पाच...
बेदाण्याला दराची गोडीसांगली ः होळी सणाच्या पार्श्वभूमीवर बेदाण्याची...
आनंदाचा उतरता आलेखजगभरातील आनंदी देशांचा अहवाल (वर्ल्ड हॅपीनेस...
आदित्यात् जायते वृष्टि:जगात एकूण १९५ देश आहेत, पण आकार, आर्थिक स्थिती,...
आज संत तुकाराम बीजदेहू, जि. पुणे  : जगद्‌गुरू संत श्री तुकाराम...
उज्ज्वल भविष्याचा सर्वोत्तम मार्ग ‘जल...भारत जलसंकट समस्येचा सामना करत आहे. वाढती...
जल‘मुक्त’ शिवारवॉ टर ग्रीडच्या माध्यमातून मराठवाड्यातील सर्व...
राज्यात शंभर लाख टन साखर उत्पादनभवानीनगर, जि. पुणे ः राज्यात ३० टक्के हुमणीग्रस्त...
मध्य महाराष्ट्र, मराठवाड्यात अवकाळीची...पुणे : रविवारी, सोमवारी पुन्हा काही अंशी...
जैविक कीड-नियंत्रणासाठी उपयुक्त बुरशीगेल्या काही वर्षांमध्ये कीडनियंत्रणासाठी...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
रसदार उन्हाळी काकडी अर्थकारणाला देतेय...जळगाव जिल्ह्यात पाचोरा, जामनेर, यावल, जळगाव आदी...