Agriculture stories in Marathi, agrowon agralekh on cotton puchasing delay in state. | Agrowon

मुहूर्तालाच खोडा
विजय सुकळकर
मंगळवार, 17 ऑक्टोबर 2017

मूग, उडीद, सोयाबीनला भावाचा फटका बसल्याने कापसावर तरी दिवाळी साजरी होईल, असे शेतकऱ्यांना वाटत असताना त्यातही सीसीआय, कापूस पणन महासंघाचा खोडाच दिसतो.
 

कर्जमाफी शेतकऱ्यांच्या पदरात टाकण्यासाठीचा शासनाचा दिवाळीचा मुहूर्त जवळपास टळला आहे. राज्य शासनाने वारंवार जाहीर करूनही दिवाळीपूर्वी कर्जमाफीबाबत संबंधित यंत्रणेने हे गांभीर्याने घेतलेलेच दिसत नाही. खरिपाची पिके हाती आल्यानंतर त्यांची विक्री करून शेतकऱ्यांची दिवाळी साजरी होत असते, हे शासन प्रशासनाला चांगले माहीत आहे. चालू हंगामात राज्यात मूग, उडीद, सोयाबीनला बहुतांश ठिकाणी हमीभावाचासुद्धा आधार मिळाला नाही. त्यातच आता कापूस पणन महासंघाने पहिल्या टप्प्यातील खरेदी केंद्रे सुरू करावीत, असे निर्देश राज्य शासनाने दिले आहेत. परंतु, सध्या कापसाची स्थिती जाणून घेण्याकरिता स्थानिक कर्मचाऱ्यांना सूचना दिल्याचे कळते. त्यांच्याकडून माहिती घेऊन पणन महासंघाच्या संचालक मंडळाच्या बैठकीत कापूस खरेदीचा निर्णय घेतला जाईल, असे महासंघाच्या अध्यक्षांची भूमिका दिसते.

गंभीर बाब म्हणजे राज्यातील कापूस परतीच्या पावसाने भिजला असल्याने सीसीआयला कापूस खरेदीसाठी ऑक्टोबरएेवजी नोव्हेंबरचा मुहूर्त चांगला वाटतोय. सध्याच शेतकऱ्यांचा कापूस व्यापाऱ्यांच्या घरात जात असताना नोव्हेंबरमध्ये व्यापाऱ्यांसाठी खरेदी केंद्रे सुरू करायचेत का? असा सवाल उपस्थित होतोय.

राज्यात सर्वसाधारणपणे दसऱ्यापासूनच शेतकऱ्यांच्या घरात कापूस येऊ लागतो. दसरा ते दिवाळीदरम्यान राज्यात पावसाच्या सरी सुरू होत्या. त्यामुळे काही शेतकऱ्यांनी लगबगीने कापूस वेचून घेतला. ज्यांनी कापूस वेचला नाही त्यांचा कापूस भिजला असून मागील दोन दिवसांच्या उघाडीत तोही कापूस वेचून झाला आहे. मूग, उडीद, सोयाबीनला भावाचा फटका बसल्याने कापसावर तरी दिवाळी साजरी होईल, असे शेतकऱ्यांना वाटत असताना त्यातही सीसीआय, कापूस पणन महासंघाचा खोडा दिसतो.

शासकीय कापूस खरेदीच्या मुहूर्ताला होत असलेल्या विलंबाचा फायदा मात्र व्यापाऱ्यांना होत आहे. विदर्भ, मराठवाड्यात अनेक खासगी व्यापाऱ्यांनी ४००० ते ४३०० रुपये प्रतिक्विंटल अशा हमीभावापेक्षा कमी दराने (हमीभाव ४३३० रुपये) कापसाची खरेदी सुरू केली आहे. शासकीय कापूस खरेदी केंद्रांना सुरू होण्यास तीन ते चार आठवडे उशीर झाल्यास पहिल्या, दुसऱ्या वेचणीचा कापूस शेतकऱ्यांना नाइलाजास्तव व्यापाऱ्यांना विकावा लागेल. एकदा खरेदी केंद्रे सुरू झाली म्हणजे राज्यात कापसाचे दर सुधारण्यासही हातभारच लागणार आहे. गेल्यावर्षी दिवाळीदरम्यान कापसाला सर्वसाधारणपणे ५५०० रुपये प्रतिक्विंटल दर मिळाला होता. यावर्षीही तोच दर मिळू शकतो. त्यामुळे राज्यातील कापूस उत्पादक खरेदी केंद्रे लवकर सुरू करा, अशी मागणी करताहेत, यावर गांभीर्याने विचार व्हायला हवा.

महत्त्वाचा मुद्दा म्हणजे स्थानिक कर्मचारी राज्यातील कापसाची नेमकी काय स्थिती जाणून घेणार ते भल्याभल्यांना पडलेले एक कोडे आहे. हा सर्व प्रकार म्हणजे वेळ मारून नेऊन कापसाची खरेदी कोणत्याही परिस्थितीत उशिरा सुरू करण्यासाठीचा डाव दिसतो. पणन महासंघ सीसीआयकरिता कापूस खरेदी करणार आहे. सीसीआयच्या सूचनेशिवाय राज्यात कापूस खरेदी केंद्रे सुरू होणार नाहीत. दरवर्षी ऑक्टोबर महिन्यात अथवा दिवाळीस कापसाची खरेदी सुरू होते. मात्र, मागील काही वर्षांपासून सीसीआयकडून कापूस खरेदीला उशीर होतोय. अशावेळी राज्य शासनाने कापूस पणन महासंघाला निर्देश देण्यापेक्षा सीसीआयवर खरेदी केंद्रे तत्काळ सुरू करण्यासाठी दबाव वाढवायला हवा.

इतर अॅग्रो विशेष
तेल्हारा तालुक्यात बीटीवर बोंड अळीअकोला ः यंदाच्या हंगामात प्री-मॉन्सून लागवड...
साखरेसाठी दुहेरी दर योजना अव्यवहार्यनवी दिल्ली ः साखरेचे दर घसरल्याने उद्योगात वापर...
आता होणार पीक पेऱ्याची अचूक नोंद लातूर  : पेरणीचे सूक्ष्म नियोजन व अचूक संकलन...
पावसाचा जोर वाढण्याचा अंदाजपुणे : बंगालच्या उपसागरातील तीव्र कमी दाबाचे...
बनावट संवर्धके, कीटकनाशकांचा २९ लाखांचा...परभणी: विनापरवाना बनावट पीकवाढ संवर्धके (...
दूध दराबाबतचे हमीपत्र देणे बंधनकारकपुणे  ः दूधदरप्रश्‍नी शासनाने जाहीर केलेल्या...
पुणे दूध संघाला ‘एनडीडीबी’चे मानांकनपुणे ः भेसळयुक्त दूध विक्रीला आळा घालण्यासाठी...
पालख्या पंढरपूरच्या उंबरठ्यावर...भाग गेला, शीण गेला । अवघा झाला आनंद ।। ...
शेतीला दिली शेळीपालनाची जोडपाटबंधारे खात्यातील नोकरी सांभाळून राम चंदर...
बचत गटातून वाढली रोजगाराची संधीशेडगाव (ता. श्रीगोंदा, जि. नगर) येथील महिलांनी...
दूध दरवाढ निर्णयाच्या अंमलबजावणीबाबत...कोल्हापूर: दूध संघांनी गायीच्या दुधास २५ रुपये...
विदर्भ, मराठवाडा विकासासाठी २२ हजार...नागपूर (विशेष प्रतिनिधी) ः विदर्भ, मराठवाडा आणि...
विदर्भात आज अतिवृष्टीचा इशारापुणे : बंगालच्या उपसागरात शुक्रवारी (ता. २०...
जमिनीच्या सुधारणेसह आले पिकाची...जमिनीची सुपीकता टिकवणे हे सर्वात महत्त्वाचे झाले...
रोजगार शोधार्थ गाव सोडलेले निवृत्ती...शेतीतून शाश्‍वत उत्पन्नाची हमी नसल्यामुळे कोकर्डा...
कुटुंब एेवजी व्यक्ती घटक माणून कर्जमाफी...नागपूर : "शेतकरी सन्मान योजने" साठी आता कुटुंब...
सर्व इथेनॉल खरेदीची केंद्र शासनाची...नागपूर : अडचणीत असलेल्या साखर उद्योगाला...
गनिमी काव्याने ‘जाम’पुणे: दूध उत्पादकांनी गनिमी कावा करत राज्यभरात...
कोकण, मध्य महाराष्ट्रात पावसाचा जोर...पुणे ः गेल्या दोन ते तीन दिवसांपासून राज्यातील...
`एफआरपी`चे कारखाने संघाकडून स्वागतपुणे : साखर कारखाने अडचणीत असतानाही एफआरपीमध्ये...