Agriculture stories in Marathi, agrowon agralekh on telangana free electricity | Agrowon

तेलंगणाची प्रकाशवाट
विजय सुकळकर
बुधवार, 3 जानेवारी 2018

राज्यातील शेतकऱ्यांना मोफत वीज मिळाली तर ते चांगलेच आहे. परंतु ते जमत नसेल तर किमान रास्त दरात तरी आम्हाला वीजपुरवठा व्हायला हवा आणि त्याचे योग्य बिल आकारले जावे, अशी शेतकऱ्यांची मागणी आहे.

मागील तीन वर्षांत तेलंगणा सरकारने वीज क्षमतेत दुपटीहून 
 अधिक वाढ करीत विजेच्या बाबतीत स्वयंपूर्णतः प्राप्त केली आहे. आणि आता नवीन वर्षाच्या मुहूर्तावर शेतकऱ्यांना २४ तास मोफत विजेची भेट दिली आहे. आपल्या राज्यात मात्र अजूनही दिवसा-रात्री आठ-दहा तास विजेचा खेळ चालूच आहे. त्याहूनही गंभीर बाब म्हणजे राज्यात कृषिपंपांची वीजबिले चुकीची दिली जातात, अशी कबुली ऊर्जामंत्री चंद्रशेखर बावनकुळे यांनी देऊनसुद्धा थकीत वीजबिलापोटी वितरण कंपनीकडून कोणतीही पूर्व सूचना शेतकऱ्यांना न देता त्यांचा वीजपुरवठा खंडित केला जात आहे. रब्बीतील पिके शेतात असताना खंडित

वीजपुरवठ्यामुळे शेतकऱ्यांना आंदोलन करावे लागते. वाढता जनक्षोभ पाहून वीजपुरवठा पुन्हा सुरळीत करण्याचे प्रकारही राज्यात काही ठिकाणी चालू आहेत. तेलंगणा, आंध्र प्रदेश, पंजाब आणि कर्नाटक या राज्यांमध्ये ठराविक शेती क्षेत्र तसेच एचपीसाठी मोफत वीज दिली जाते. तर हरियाना या राज्यात अगदी नाममात्र दरात (१५ रुपये/एचपी/महिना) शेतीला वीजपुरवठा केला जातो. आपल्या राज्यातही सुशीलकुमार शिंदे मुख्यमंत्री असताना ११ महिने शेतीसाठी वीज मोफत होती. त्यानंतर मात्र सवलतीच्या दरात शेतीला वीजपुरवठा केला जातो.

मागील दोन वर्षांत राज्यात विजेचे दर दुप्पट झाले आहेत. महाराष्ट्र विद्युत नियामक आयोगाचे दर वाढले, पण शासनाने सवलतीचे दर मात्र निश्‍चित केले नाहीत, त्यामुळे वाढीव दराचा भुर्दंड ग्राहकांवर बसतो आहे. आज ३ एचपीकरिता १.०१ रुपये तर ३ एचपीच्या वर १.३१ रुपये/युनिट विजेचे दर आहेत. मीटर नसलेल्या ठिकाणी ३ एचपीसाठी १५५ रुपये तर ५ एचपीसाठी १७१ रुपये/एचपी/महिना असा दर आकारला जातो. विशेष म्हणजे शेतीसाठीचा विजेचा वापर दुप्पट दाखवून (युनिट अथवा एचपी वाढवून) तेवढे बिल शेतकऱ्यांकडून वसूल केले जाते. राज्यातील शेतकऱ्यांना मोफत वीज मिळाली तर ते चांगलेच आहे. परंतु ते जमत नसेल तर किमान रास्त दरात (सुमारे एक रुपया/युनिट) तरी आम्हाला वीजपुरवठा व्हायला हवा आणि त्याचे योग्य बिल आकारले जावे, अशी शेतकऱ्यांची मागणी आहे.

महत्त्वाचे म्हणजे सध्या आठवड्यात तीन दिवस दिवसा आठ तास व तीन दिवस रात्री दहा तास वीजपुरवठ्याचे नियोजन आहे. परंतु भारनियमनाचे हे नियोजन केवळ कागदोपत्रीच आहे. प्रत्यक्षात मात्र शेतकऱ्यांना दिवसा पाच ते सहा तास तर रात्री सात ते आठ तास अशीच वीज मिळते. त्यामुळे राज्यातील शेतकऱ्यांची दुसरी महत्त्वाची मागणी म्हणजे रात्री नको तर दिवसा आठ तास सलग आणि योग्य दाबाने वीजपुरवठ्याची आहे. सौरऊर्जा निर्मितीमध्ये तेलंगणा राज्याने आघाडी घेतली म्हणून त्यांना मोफत आणि २४ तास शेतीसाठी वीजपुरवठा करता येत आहे. तेलंगणाने दाखविलेल्या या प्रकाशवाटेवर राज्याने मार्गक्रमण करायला हवे. सौर कृषी वाहिनीद्वारे शेतकऱ्यांना दिवसा अखंडित वीजपुरवठा करता येऊ शकतो. त्याकरिता सौर फिडरची संख्या मात्र राज्याला झपाट्याने वाढवावी लागेल.

इतर अॅग्रो विशेष
‘कर्जनिधी’चा लाभ शेतकऱ्यांना कसा मिळणार...केंद्र सरकारने शेतकऱ्यांना कर्ज म्हणून ११ लाख...
अधिक नुकसान, कमी भरपाईराज्यभरात खरीप, रब्बी आणि उन्हाळी अशा तिन्ही...
'टिळक महाराष्ट्र विद्यापीठा'तर्फे...पुणे : टिळक महाराष्ट्र अभिमत विद्यापीठाने ‘सकाळ’...
शेतकऱ्यांसाठी हमीभाव दिवास्वप्नचमुंबई : सध्या शेतीमाल हमीभावाच्या मुद्द्यावरून...
साखर मूल्यांकनात १३० रुपयांनी वाढकोल्हापूर : साखर दरात वाढ होत असल्याने त्याचा...
संयुक्त खतांच्या किमती वाढल्यानागपूर ः वातावरणातील बदलामुळे शेतकऱ्यांसमोरील...
हेक्टरी २९१ किलोच तुरीची खरेदीसांगली : वेळ सकाळी दहाची...जत तालुक्‍यातील शेतकरी...
सरकार कांदा खरेदी करण्याची शक्यतानवी दिल्ली : देशात कांदा उत्पादक शेतकऱ्यांना...
मध्य महाराष्ट्रात शुक्रवारी गारपिटीची...पुणे ः कर्नाटकाचा उत्तर भाग आणि अरबी समुद्र, गोवा...
‘हवामान स्मार्ट शेती’ प्रकल्पाला...नवी दिल्ली : हवामानाच्या लहरीपणामुळे देशातील...
माझा शेतकरी चोर आहे का ः धनंजय मुंडेरावेर, जि. जळगाव ः मराठवाड्यातील गारपीटग्रस्त...
राज्यातील धरणासाठा ५२.८३ टक्क्यांवरपुणे : राज्यात रब्बी हंगामात पाण्याचा मोठ्या...
खतांवरील अनुदानाबरोबरच किमतीही हव्यात...खत उद्योगाच्या प्रगतीमध्ये केंद्र सरकार व राज्य...
पंचायत तज्ज्ञ गटाचा अहवाल लवकरच सादर...पुणे  : राज्यातील ग्रामविकासाची भविष्यकालीन...
तेहेतीस वर्षांपासून ‘बोन्साय’ कलेचा...पुणे येथील प्राजक्ता काळे यांनी ३३ वर्षांपासून...
उसापेक्षा किफातशीर ठरले रताळेसोलापूर जिल्ह्यातील बाभूळगावाने रताळे पिकात आपली...
हमी नको, हवा रास्त भाव केंद्र सरकारने २०१८ चा अर्थसंकल्प सादर करताना...
राज्यात अधिकाधिक ‘सीड पार्क’...दर्जेदार बियाण्यांच्या संशोधनासाठी खासगी...
दीडपट हमीभाव : केंद्र सरकारचं लबाडाघरचं...केंद्र सरकार आकड्यांचा खेळ करून स्वतःच्या सोयीचा...
उत्पादन खर्च काढण्यात सरकारची चलाखीपुणे : केंद्र सरकार आपल्या सोयीचा उत्पादन...