Agriculture stories in Marathi, banana crop advisory , AGROWON, Maharashtra | Agrowon

केळी पीक सल्ला
     नाझेमोद्दीन शेख,अंजली मेंढे, डॉ. राकेश सोनवणे 
शुक्रवार, 22 सप्टेंबर 2017

सद्यःस्थितीत जून-जुलै महिन्यांतील केळीची मृगबाग वाढीच्या अवस्थेत आहे. गेल्यावर्षी ऑक्‍टोबर-नोव्हेंबर महिन्यातील कांदेबागेत घड पक्वतेच्या अवस्थेत आहेत. त्यामुळे बागेच्या अवस्थेनुसार खत,पाणी व इतर बाबींचे व्यवस्थापन करावे. 

पावसाळी हंगामात असणारी हवेतील आर्द्रता व तापमान या घटकांमुळे केळी बागेत रोग, किडींचा प्रादुर्भाव होण्यास पोषक स्थिती निर्माण झाली आहे. त्यामुळे केळी बागेत पुढीलप्रमाणे नियोजन करावे. 

नियोजन  : 

सद्यःस्थितीत जून-जुलै महिन्यांतील केळीची मृगबाग वाढीच्या अवस्थेत आहे. गेल्यावर्षी ऑक्‍टोबर-नोव्हेंबर महिन्यातील कांदेबागेत घड पक्वतेच्या अवस्थेत आहेत. त्यामुळे बागेच्या अवस्थेनुसार खत,पाणी व इतर बाबींचे व्यवस्थापन करावे. 

पावसाळी हंगामात असणारी हवेतील आर्द्रता व तापमान या घटकांमुळे केळी बागेत रोग, किडींचा प्रादुर्भाव होण्यास पोषक स्थिती निर्माण झाली आहे. त्यामुळे केळी बागेत पुढीलप्रमाणे नियोजन करावे. 

नियोजन  : 

  • बाग तणमुक्त करावी. 
  • बागेत पाणी साचले असल्यास अतिरिक्त पाणी बागेबाहेर काढावे. बाग नेहमी वाफसा स्थितीत ठेवावी. 
  • मुख्य वाढीच्या अवस्थेतील मृग बागेस ठिबकसिंचन संचातून विद्राव्य खते द्यावीत. त्यासाठी प्रति हजार झाडांसाठी प्रति आठवडा ४.५ किलो युरिया, ६.५ किलो मोनो अमोनियम फॉस्फेट व ३ किलो म्युरेट ऑफ पोटॅश ठिबक संचातून सोडावे. 
  • ठिबकसिंचन संच नसल्यास मुख्य वाढीच्या अवस्थेतील मृग बागेस जमिनीतून प्रतिझाड ८२ ग्रॅम युरिया, ३७५ ग्रॅम सिंगल सुपर फॉस्फेट व ८३ ग्रॅम म्युरेट ऑफ पोटॅश बांगडी पद्धतीने किंवा खड्डा करून घेऊन द्यावे. खत दिल्यानंतर मातीआड करावे. 
  • निसवणीच्या/ घड पक्वतेच्या अवस्थेतील कांदेबागेस विद्राव्य खते देताना प्रतिहजार झाडांसाठी प्रति आठवडा ५.५ किलो युरिया व ७ किलो म्युरेट ऑफ पोटॅश पाण्यातून सोडावे. 
  • ठिबकसिंचन संच नसल्यास निसवणीच्या व घड पक्‍वतेच्या अवस्थेतील बागेस प्रतिझाड ३६ ग्रॅम युरिया अधिक ८३ ग्रॅम म्युरेट ऑफ पोटॅश अशी खतमात्रा द्यावी.  
  • केळीचा घड पूर्ण निसवल्यावर केळफूल तोडून टाकावे. केळफूल तोडल्यानंतर घडावर पोटॅशियम डाय हायड्रोजन फॉस्फेट ५० ग्रॅम अधिक युरिया १०० ग्रॅम अधिक सर्फेक्टंट १० मिलि प्रति १० लिटर पाणी या प्रमाणात मिसळून फवारणी करावी.
  • नवीन केळी बागेस लागवडीनंतर दुसऱ्या व चौथ्या महिन्यात इडीटीए -जस्त आणि इडीटीए - लोह यांची प्रत्येकी ०.५ टक्के (५० ग्रॅम प्रति १० लिटर पाणी ) तीव्रतेची फवारणी करावी. 
  • केळी बागेभोवताली वाराप्रतिरोधक म्हणून सजीव कुंपण (शेवरी) लावावे. 

पीक संरक्षण : 
करपा नियंत्रण :

  • करपाग्रस्त पानाचा भाग किंवा रोगग्रस्त पाने कापून बागेबाहेर नेऊन त्यांचा नाश करावा.
  • फवारणी (प्रतिलिटर पाणी) प्रोपीकोनॅझोल १ मि.लि. अधिक सर्फेक्‍टंट १ मि.लि. किंवा प्रोपीकोनॅझोल ०.५ मि.लि. अधिक मिनरल ऑइल १० मि.लि. किंवा कार्बेन्डाझीम ०.५ ग्रॅम अधिक मिनरल ऑइल १० मि.लि. 

सूचना : बुरशीनाशकांची आवश्‍यकतेनुसार आलटून पालटून फवारणी करावी.

फूलकीड नियंत्रण :

  • फवारणी (प्रतिलिटर पाणी) फिप्रोनील (५ एस.सी.) १.५ मि.लि.
  • फवारणीची वेळ : निसवणीच्या अवस्थेत असलेल्या बागांमध्ये शेवटचे पान बाहेर निघताना किंवा केळफूल बाहेर पडत असताना बेचक्‍यातील केळफुलावर फवारणी करावी.  

संपर्क  ः ०२५७ -२२५०९८६
(केळी संशोधन केंद्र, जळगाव)

टॅग्स

फोटो गॅलरी

इतर फळबाग
फणस व्यवस्थापनफणसाला नियमित फुले व फळे येतात. फणसामध्ये...
कागदी लिंबू लागवडकागदी लिंबू पिकाला मध्यम काळी, हलकी मुरमाड,...
द्राक्षबागेत नवीन फुटीवर किडींच्या...द्राक्ष बागेमध्ये सध्याच्या वातावरणाचा आढावा...
संत्र्यावर कोळशीचा प्रादुर्भाव, त्वरेने...सद्यस्थितीत अकोला, अमरावती आणि बुलढाणा जिल्ह्यांत...
फळबागांना आच्छादन, संरक्षित पाणी द्यासध्याच्या काळात पाणी कमतरता, सूर्यप्रकाश, गरम...
द्राक्षबागेत खरड छाटणीनंतर सूक्ष्म...द्राक्षबागेत या वेळी फळकाढणीचा हंगाम जोरात सुरू...
द्राक्ष : नवीन वाढ करण्यासाठी आवश्यक...द्राक्षबागेमध्ये मागील हंगामामध्ये कलम केलेल्या...
राष्ट्रीय फलोत्पादन अभियानांतर्गत १३०... राष्ट्रीय फलोत्पादन अभियानांतर्गत हिंगोली...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
सुपीक जमीन, नियोजनातून वाढविली...हणमंतवडिये (ता. कडेगाव, जि. सांगली) येथील राहुल...
द्राक्ष बागेतील अतिथंडीचे परिणाम,...द्राक्षलागवडीखालील भागात (मुख्यतः नाशिक जिल्हा)...
थंडी : केळी पीक सल्ला१) सध्याच्या थंडीमुळे नवीन लागवड केलेल्या...
वाढत्या थंडीपासून द्राक्षबागेचे संरक्षणउत्तरेकडून येणाऱ्या थंड वाऱ्यांमुळे राज्यातील...
केळी पीक व्यवस्थापन सल्ला उन्हाळ्यातील अधिक तापमान, वेगाने वाहणारे वारे...
आंबा, काजू पीक व्यवस्थापन सल्ला सध्याच्या काळातील थंडीमुळे आंबा कलमांना चांगला...
संत्र्यावरील सिट्रस सायला किडीचे...संत्रा पिकामध्ये नवती फुटण्यास सुरवात झाल्यानंतर...
गारपीटग्रस्त संत्रा, मोसंबी बागांचे...वादळी पाऊस आणि गारपीटच्या माऱ्यामुळे संत्रा /...
डाळिंब पिकातील अन्नद्रव्ये कमतरतेची...डाळिंबाचे उत्पादनक्षम आयुष्य हे जमिनीच्या...
ढगाळ वातावरणासह थंडीची शक्यता; भुरी,...सर्व द्राक्ष विभागांमध्ये सध्या निरभ्र वातावरण...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...