Agriculture stories in Marathi, betelvine crop advisory, Agrowon, Maharashtra | Agrowon

पानवेल पीक सल्ला
मिलिंद जोशी, योगेश इंगळे, श्‍यामसुंदर माने
रविवार, 17 डिसेंबर 2017

पानवेल या पिकास आर्द्रता, सावली, जमिनीतील पुरेसा ओलावा ह्या बाबी मानवतात. मात्र सद्यस्थितीत काही कीड व राेग यांचाही प्रादुर्भाव होण्याची शक्यता अाहे. त्यादृष्टिकोनातून पीकसंरक्षणाच्या उपाययोजना कराव्यात. योग्य ओलावा व्यवस्थापन व खतमात्रा द्याव्यात.  

पानवेल या पिकास आर्द्रता, सावली, जमिनीतील पुरेसा ओलावा ह्या बाबी मानवतात. मात्र सद्यस्थितीत काही कीड व राेग यांचाही प्रादुर्भाव होण्याची शक्यता अाहे. त्यादृष्टिकोनातून पीकसंरक्षणाच्या उपाययोजना कराव्यात. योग्य ओलावा व्यवस्थापन व खतमात्रा द्याव्यात.  

  • थंड हवामानामुळे पानांचा आकार कमी होऊन पानाला सुरकुत्या पडतात. झाडाची वाढही खुंटते. त्यामुळे हिवाळ्यात पानवेलीचे संरक्षण करण्यासाठी बागेच्या चारही बाजूंनी गवताच्या किंवा बांबूच्या ताट्या लावाव्यात. 
  • जिवंत आधार वृक्षांची (पांगारा, हेटा, शेवगा) छाटणी करु नये. त्यामुळे वरील बाजूने पानवेलीचे थंडीपासून संरक्षण होते. 
  • जमिनीच्या मगदुरानुसार ५-९ दिवसांच्या अंतराने सायंकाळच्या वेळेस हलके ओलित करावे. जमिनीत पाणी साचून राहणार नाही याची काळजी घ्यावी. पाणी व्यवस्थापनासाठी ठिबक सिंचन पद्धतीचा अवलंब करावा. 
  • बागेत उष्णता राहावी यासाठी बागेभोवती ओला व सुका काडीकचरा गोळा करून धूर करावा. 
  • निंबोळी ढेप किंवा तत्सम सेंद्रिय खताची मात्रा १० क्विंटल प्रतिहेक्टर याप्रमाणात द्यावी. 
  • सॅलिसिलिक आम्लाच्या फवारणीमुळे पानवेलींची रोगप्रतिकारक क्षमता वाढते. त्यामुळे सॅलिसिलिक आम्ल १० पीपीएम (१० मिलिग्रॅम प्रतिलिटर पाणी) याप्रमाणात पानांवर फवारणी करावी. 
  • रासायनिक खतांमध्ये नत्राची मात्रा ५० किलो प्रतिहेक्टरी याप्रमाणात अमोनियम सल्फेटच्या स्वरुपात द्यावी. 
  • वाफ्यांमध्ये गवताचे किंवा पालापाचोळ्याचे आच्छादन करावे. त्यामुळे बाष्पीभवन कमी होऊन बाग ऊबदार राहण्यास मदत मिळते. 

पीक संरक्षण : 

  • सद्यस्थितीतील वातावरण मर रोगाचा प्रादुर्भाव होण्यास अनुकूल आहे.प्रतिबंधात्मक उपाययोजना म्हणून ट्रायकोडर्मा बुरशी १ किलाे अधिक ९ किलो चांगले कुजलेले शेणखत याप्रमाणात मिश्रण करून ते १०० ग्रॅम प्रतिचौरस मीटर क्षेत्रास वेलीच्या मुळाशी जमिनीत मिसळावे.
  • पानावरील बुरशीजन्य ठिपके रोगाचा प्रादुर्भाव होण्याचीही शक्यता आहे. नियंत्रणासाठी कॉपरऑक्सिक्लोराइड (५० टक्के विद्राव्य) ३ ग्रॅम प्रतिलिटर पाणी याप्रमाणात फवारणी करावी. तसेच याकाळात पायकूज रोगाचाही प्रादुर्भाव होण्याची शक्यता असते. नियंत्रणासाठी कॉपरऑक्सिक्लोराइड (५० टक्के विद्राव्य) ३ ग्रॅम प्रतिलिटर पाणी याप्रमाणात द्रावण तयार करून मुळाशी आळवणी करावी. 
  • मावा, मिली बग व ढेकण्या या किडींचा प्रादुर्भाव होण्याची शक्यता आहे. या किडी पानातील रस शोषण करतात. त्यामुळे पानाची प्रत खराब होते. नियंत्रणासाठी १५ दिवसांच्या अंतराने दोनवेळा मॅलाथिऑन २ मि.लि. प्रतिलिटर पाणी याप्रमाणात फवारणी करावी. फक्त ढेकण्या याच किडीचा प्रादुर्भाव असल्यास विद्राव्य गंधक २ ग्रॅम प्रतिलिटर पाणी याप्रमाणात फवारणी करावी. 
  • रोगट वेली उपटून नष्ट कराव्यात. फवारणीनंतर कमीतकमी १५ दिवस पानांची ताेडणी करू नये. 
  • सूचना - मावा, मिलीबग व ढेकण्या या किडीच्या नियंत्रणासाठी मॅलाथिऑनच्या फवारणीस लेबल क्लेम नाही. मात्र शिफारस संशोधनावर आधारित आहे.

संपर्क : मिलिंद जोशी, ७५८८५०३०९१
(डॉ. पंजाबराव देशमुख कृषी विद्यापीठ, अकोला)

फोटो गॅलरी

इतर ताज्या घडामोडी
शेतकऱ्यांसाठी संसदेचे विशेष अधिवेशन...कोल्हापूर  : शेतीमालाला दीडपट हमीभाव आणि...
सांगलीत मजूर टंचाईचा गुऱ्हाळघरांना फटकासांगली  ः शिराळा तालुक्‍यात गुळाची निर्मिती...
औरंगाबाद जिल्ह्यात ३०० टॅंकरद्वारे... औरंगाबाद  : जिल्ह्यातील २४५ गावे व २९...
नगर जिल्ह्यात ४८१ शेतकरी मित्रांची निवड नगर  ः कृषी विभागाच्या विविध योजना...
धुळे, जळगावमध्ये मक्‍याचा कडबा २००... जळगाव  ः दूध उत्पादकांना अपेक्षित दर मिळत...
सातारा जिल्ह्यात पाच टॅंकरव्दारे...सातारा  : जिल्ह्यातील माण, खटाव भागात...
साताऱ्यातील दहा कारखान्यांचा गाळप हंगाम... सातारा  : जिल्ह्यातील ऊस गाळप हंगाम अंतिम...
साखर कारखानदारांच्या मागण्या निरर्थक :...कोल्हापूर : देशात अतिरिक्त साखरेचा प्रश्‍न गंभीर...
जालन्यातील रेशीमकोष बाजारपेठेचे आज उद्‌...औरंगाबाद : जालना बाजार समितीच्या आवारात शनिवारी (...
तंत्र हळद लागवडीचे...आंगठे आणि हळकुंड बियाण्यापेक्षा जेठे गड्डे...
ग्रामीण भागात समिश्र चलन तुटवडा अकोला  : गेल्या काही दिवसांपासून चलन तुटवडा...
जमीन सुपीकतेसाठी प्रो-साॅईल प्रकल्पपरभणी  ः नाबार्ड आणि जर्मनीतील जीआयझेड या...
नाशिकमधील ड्रायपोर्टचा मार्ग मोकळानाशिक  : नाशिक जिल्हा बँकेकडे तारण असलेली...
मोहफुलावरील बंदी उठलीनागपूर (सकाळ वृत्तसेवा) : आदिवासींसाठी मोहफुलाचे...
संत्रा पिकाचे ४० टक्‍के नुकसान जलालखेडा, जि. नागपूर : जगप्रसिद्ध असलेल्या...
पावसाळी अधिवेशन नागपूरमध्ये होणारमुंबई : येत्या ४ जुलैपासून सुरू होणारे...
पुणे जिल्ह्यात भाताचे क्षेत्र वाढण्याचा... पुणे: जिल्ह्यातील शेतकऱ्यांची खरीप हंगामाची...
साताऱ्यातील दोन हजार सत्तावीस... सातारा : कृषी यांत्रिकीकरणास मोठ्या प्रमाणात...
साखर जप्त करता येणार नाही ः मुश्रीफ कोल्हापूर  : एफआरपीची थकीत रक्कम ऊस...
नगर जिल्ह्यात ‘जलयुक्त’ची ३७१ कामे पूर्ण नगर : जिल्ह्यात जलयुक्त शिवार अभियानातून मागील...