राज्यात काही भागांत अतिवृष्टी झाली, तसेच काही भागांत पावसाचा मोठा खंड पडला. पिकात अतिपावसामुळे पाणी साठून रोगांचा व दमट वातावरणामुळे किडींचा प्रादुर्भाव दिसून येत आहे. त्या दृष्टिकोनातून नियोजन करावे.
खरीप ज्वारी/ मका : खोड किडीचा प्रादुर्भाव आढळून येत आहे. खोडकीड नियंत्रण : फवारणी प्रतिलिटर पाणी क्विनॉलफॉस २ मि.लि. किंवा क्‍लोरपायरिफॉस २ मि.लि.
तूर : तणांचा प्रादुर्भाव असल्यास कोळपणी व खुरपणी करून तणांचा बंदोबस्त करावा. अतिरिक्त पाण्याचा निचरा होण्यासाठी एक आड एक ओळ चर काढावा. शेतात पाणी साचून राहिल्यामुळे मूळकुजव्या रोगाचा प्रादुर्भाव होण्याची शक्‍यता आहे.
मूळकुजव्या नियंत्रण - आळवणी बुंध्याशी कॉपर ऑक्‍सिक्‍लोराइड २.५ ग्रॅम किंवा कार्बेन्डाझिम १ ग्रॅम प्रतिलिटर पाणी
सोयाबीन : उशिरा लागवड झालेल्या पिकामध्ये जलसंधारणासाठी उपाययोजना करावी. त्यासाठी पीक ३० ते ३५ दिवसांचे झाल्यावर दर चार ओळींनंतर एक जलसंधारण सरी काढावी. कीड व रोगांसाठी नियमित सर्वेक्षण करावे. उगवणीनंतर पिकात युरिया खताची मात्रा देऊ नये.
सूर्यफूल : ऑगस्ट महिन्यात सूर्यफुलाची पेरणी केल्यास पेरणीनंतर १०-१२ दिवसांनी विरळणी करावी. संकरित वाणात ६० x ३० सें.मी. सरळ वाणात ४५ x २२.५० सें.मी. अंतरावर एक हिरवेगार व जोमदार रोपटे ठेवावे. पेरणीनंतर ३० दिवसांनी प्रतिहेक्‍टरी ३० किलो नत्र-युरियाद्वारे जमिनीत ओल असताना द्यावे. केसाळ अळीचा व अल्टरनेरीया (काळे ठिपके) या रोगाचा प्रादुर्भाव दिसून येत आहे.
केसाळ अळीनियंत्रण : फवारणी प्रतिलिटर पाणी : क्विनॉलफॉस २ मि.लि. सूचना : केसाळ अळीचे अंडीपुंज तसेच अळ्यासहित पाने तोडून रॉकेलमिश्रित पाण्यात बुडवावी. आधी ही क्रिया करून मग क्विनाॅलफॉसची फवारणी करावी.
अल्टरनेरिया (काळे ठिपके) रोगनियंत्रण ः फवारणी प्रतिलिटर पाणी : मॅन्कोझेब २.५ ग्रॅम
भुईमूग : अतिरिक्त पाण्याचा निचरा करावा. पावसाचा खंड पडला असल्यास पिकास संरक्षित पाणी द्यावे. पाने पोखरणारी/ गुंडाळणारी अळी, मावा व तुडतुडे व तांबेरा, टिक्का या रोगांचा प्रादुर्भाव दिसून येत आहे.
पाने पोखरणारी अळीनियंत्रण ः फवारणी प्रतिलिटर पाणी : क्लोरपायरीफॉस २ मि.लि.
तांबेरा रोगनियंत्रण : फवारणी प्रतिलिटर पाणी : ट्रायडेमॉर्फ ०.७ मि.लि.
टिक्का रोगनियंत्रण ः फवारणी प्रतिलिटर पाणी : मॅन्कोझेब २.५ ग्रॅम
कापूस येत्या काही दिवसांत अतिवृष्टीचा अंदाज आहे. अशावेळी पाणी साचून नुकसान होऊ नये यासाठी पिकात चर काढावेत. त्यासाठी पिकात दर ४ ओळी नंतर किंवा एका आड एक ओळीनंतर उथळ सऱ्या पाडाव्यात. सऱ्यांमधून अतिरिक्त पाण्याचा निचरा होतो. तसेच उशिरा पडणाऱ्या पावसाचे पाणी जमिनीत मुरण्यास मदत होते. पिकाच्या शेवटच्या अवस्थांत वाढीसाठी या पाण्याचा पिकाला उपयोग होतो. पाण्याचा ताण किंवा अतिरिक्त पाऊस झाल्यास पीक पिवळे पडू लागते. त्यामुळे पोटॅशिअम नायट्रेट (१३ः००ः४५) किंवा १९ः१९ः१९ ही विद्राव्य खते १५ ग्रॅम प्रतिलिटर पाणी या प्रमाणात फवारणी करावी. पिकात अतिरिक्त पाणी साचून राहिल्यामुळे मूळकुजव्या रोगाचा प्रादुर्भाव होण्याची शक्‍यता आहे. तसेच करपा/कवडी या रोगाचा व फुलकिडे, तुडतुडे व पांढरी माशी या कीडींचा प्रादुर्भाव दिसून येत आहे.
रोगनियंत्रण : मूळकुजव्या : आळवणी प्रमाण प्रतिलिटर पाणी कॉपर ऑक्‍झिक्‍लोराइड २.५ ग्रॅम किंवा कार्बेन्डाझिम १ ग्रॅम सूचना : आळवणी अतिरिक्त पाण्याचा निचरा करुन तसेच बुंध्याशी आळवणी करावी.
करपा/ कवडी : फवारणी प्रतिलिटर पाणी : कॉपर ऑक्‍झिक्‍लोराइड २.५ ग्रॅम
कीडनियंत्रण : फुलकिडे ः फवारणी प्रति लिटर पाणी डायमेथोएट (३० टक्के) १ मि.लि. किंवा अॅसिटामिप्रीड (२० टक्के) ०.४ ग्रॅम किंवा फिप्रोनील (५ टक्के) २ मि.लि. किंवा फ्लोनिकॅमिड (५० टक्के) ०.३ ग्रॅम
तुडतुडे ः फवारणी प्रतिलिटर पाणी अॅसिटा-मिप्रीड (२० टक्के) ०.४ ग्रॅम किंवा थायामिथोक्‍झाम (२५ टक्के) ०.४ ग्रॅम
पांढरी माशी ः फवारणी प्रति लिटर पाणी असिफेट (७५ टक्के) २ ग्रॅम किंवा अॅसिटामिप्रीड (२० टक्के) ०.४ ग्रॅम किंवा डायमेथोएट (३० टक्के) १ मि.लि.
संपर्क ः डॉ. यू. एन. आळसे, ९४२१३९२१९३ (कृषी तंत्रज्ञान माहिती केंद्र, वसंतराव नाईक मराठवाडा कृषी विद्यापीठ, परभणी)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.