Agriculture stories in Marathi, farmer's crop planning , AGROWON, Maharashtra | Agrowon

योग्य व्यवस्थापनातून हरभरा उत्पादनात सातत्य जोपासले
गोपाल हागे
सोमवार, 25 सप्टेंबर 2017

शेतकरी नियोजन


रब्बीतील विविध पिकांमध्ये योग्य पद्धतीने नियोजन करणे आवश्यक असते. राज्यातील विविध भागांतील अनेक शेतकरी अशा सातत्यपूर्ण चांगल्या व्यवस्थापनातून उत्पादन व दर्जामध्ये चांगली वाढ मिळवत आहेत. अशा शेतकऱ्यांचे अनुभव अन्य शेतकऱ्यांसाठी उपयुक्त ठरू शकतात.

नाव : राजाराम किसन मेटांगळे,
मादणी, ता. मेहकर, जि. बुलडाणा

शेतकरी नियोजन


रब्बीतील विविध पिकांमध्ये योग्य पद्धतीने नियोजन करणे आवश्यक असते. राज्यातील विविध भागांतील अनेक शेतकरी अशा सातत्यपूर्ण चांगल्या व्यवस्थापनातून उत्पादन व दर्जामध्ये चांगली वाढ मिळवत आहेत. अशा शेतकऱ्यांचे अनुभव अन्य शेतकऱ्यांसाठी उपयुक्त ठरू शकतात.

नाव : राजाराम किसन मेटांगळे,
मादणी, ता. मेहकर, जि. बुलडाणा

हरभरा हे रब्बी हंगामातील अत्यंत महत्त्वाचे व नफा कमावून देणारे पीक आहे. अन्य पिकांच्या तुलनेत त्यासाठी कमी मेहनत यासाठी लागते. योग्य व्यवस्थापन सांभाळले तरच उत्पादन अधिक मिळू शकते. 

आमच्या कुटुंबाची तीस एकर शेती आहे. खरिपात आम्ही सोयाबीनचे मुख्य पीक घेतो. सोयाबीनची ऑक्‍टोबरच्या दरम्यान काढणी झाली की याच महिन्यात साधारण १५ ऑक्‍टोबर ते एक नोव्हेंबर दरम्यान हरभरा घेतो. दरवर्षी साधारणतः १८ ते २० एकर क्षेत्र हरभरा पिकासाठी ठेवतो. याहीवर्षी लवकरच सोयाबीनची काढणी करून हरभरा लावणीचे काम हाती घेणार आहोत.  

आम्ही तिघे भाऊ असून एकत्रितपणेच शेतीचे व्यवस्थापन सांभाळतो. सोयाबीनची काढणी झाली की ट्रॅक्‍टरच्या साह्याने (पंजीने) मशागत करतो. त्यानंतर पुन्हा रोटाव्होटरचा वापर करतो. त्यानंतर जमीन भिजवून घेतो. जमीन भिजवल्याने सोंगणीच्या वेळी पडलेली सोयाबीन उगवते. ही उगवलेली सोयाबीन वखरणी करून गाडून टाकतो. यामुळे हरभरा पिकातील एक निंदण वाचते. त्यानंतर लगेचच पट्टा पद्धतीने हरभरा लावणीचे काम सुरू केले जाते. ट्रॅक्‍चरचलीत पेरणी यंत्राने लागवड करतो. पेरणी यंत्राने सात तासे निघतात. परंतु एक तास बंद ठेवून सहाच तासे प्रत्येक फेरीत काढले जातात. एका तासाची जागा मोकळी ठेवली जाते. यामुळे पिकात मोकळी हवा खेळते. शिवाय आगामी काळात पिकाला पाणी देण्यासाठी स्प्रिंकलरचा वापर करणे, फवारणी व अन्य कामांसाठी शेतात फिरण्यासाठी या जागेचा उपयोग होते.

हरभरा लावणी :
एकरी ३० ते ३५ किलो बियाणे वापरतो. पेरणीपूर्वी बीजप्रक्रिया केली जाते. पेरणी करतानाच गंधक व डीएपी यांची मात्रा दिली जाते. त्यानंतर फवारणीद्वारेदेखील खते दिली जाते. पेरणीनंतर साधारणतः २० दिवसांनी पहिली डवरणी व त्यानंतर आणखी १० दिवसांनी दुसरी डवरणी करतो. हरभऱ्याला पाण्याच्या पाळ्या गरजेनुसार दिल्या जातात. किमान तीन ते पाच पाळ्या होऊ शकतात. कीड नियंत्रणासाठी चार फवारण्या घेतो. 

उत्पादनात सातत्य : 
दरवर्षी एकरी १० ते १२ क्विंटलपर्यंत उत्पादन मिळते. मागील वर्षी १९ एकरांमध्ये २१५ पोती हरभरा झाला. हा हरभरा मध्यंतरी दर कमी असल्याने अद्यापही विकलेला नाही. तूर्त तो वेअर हाऊसला ठेवला आहे. यावर्षी प्रयोग म्हणून काबुली हरभरा पेरणार आहे. त्यासाठी एका शेतकऱ्याकडून दोन क्विंटल बियाणे आणले आहे. हरभऱ्याचा एकरी उत्पादन खर्च सुमारे १० हजार रुपये होतो. उत्पादन अंदाजे १० क्विंटलपर्यंत मिळते. खर्च वजा जाता नफा सुमारे ३५ हजार रुपयांपर्यंत होतो. अर्थात प्रत्येक वर्षीच्या दरांवर ते अवलंबून राहते. 

संपर्क :  : राजाराम मेटांगळे, ७५८८५६५४५३ 

फोटो गॅलरी

इतर ताज्या घडामोडी
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...