Agriculture stories in Marathi, farmer's crop planning, AGROWON, Maharashtra | Agrowon

भेंडी पिकात कमीत कमी निविष्ठा वापरण्यावर भर
चंद्रकांत जाधव
सोमवार, 25 सप्टेंबर 2017

शेतकरी नियोजन


रब्बीतील विविध पिकांमध्ये योग्य पद्धतीने नियोजन करणे आवश्यक असते. राज्यातील विविध भागांतील अनेक शेतकरी अशा सातत्यपूर्ण चांगल्या व्यवस्थापनातून उत्पादन व दर्जामध्ये चांगली वाढ मिळवत आहेत. अशा शेतकऱ्यांचे अनुभव अन्य शेतकऱ्यांसाठी उपयुक्त ठरू शकतात.

नाव : नरेंद्र गोरख सपकाळे,
करंज, ता. जि. जळगाव

शेतकरी नियोजन


रब्बीतील विविध पिकांमध्ये योग्य पद्धतीने नियोजन करणे आवश्यक असते. राज्यातील विविध भागांतील अनेक शेतकरी अशा सातत्यपूर्ण चांगल्या व्यवस्थापनातून उत्पादन व दर्जामध्ये चांगली वाढ मिळवत आहेत. अशा शेतकऱ्यांचे अनुभव अन्य शेतकऱ्यांसाठी उपयुक्त ठरू शकतात.

नाव : नरेंद्र गोरख सपकाळे,
करंज, ता. जि. जळगाव

करंज (जि. जळगाव) येथील युवा शेतकरी नरेंद्र सपकाळे यांची तीन एकर शेती असून, ते मागील चार वर्षांपासून रब्बी भेंडीचे उत्पादन घेतात. सोबतच कांदा, कपूस व इतर भाजीपाला ही पिके देखील घेतली जातात. कमीत कमी उत्पादन खर्च व अधिकाधिक उत्पादन, असे त्यांच्या भेंडी लागवडीचे सूत्र अाहे. कीडनाशके व रासायनिक खतांवरील खर्च कमी करण्याचा त्यांचा प्रयत्न असतो. गावानजीकच मुख्य रस्त्यावर त्यांची शेती असून, कुटुंबातील प्रत्येक व्यक्ती शेतीसाठी योगदान देते.  

लागवडीचे नियोजन :
दरवर्षी एक एकरावर भेंडीची लागवड असते. यंदा ४ ऑगस्टला भेंडीची लागवड केली आहे. एक एकरात पावणेदोन किलो बियाणे लागले. लागवडीपूर्वी दोन ट्रॉली शेणखत मिसळले जाते. सपकाळे यांच्याकडे बैलजोडीसह १२ जनावरे आहेत. त्यामुळे घरचेच शेणखत उपलब्ध होते. दोन फूट बाय पाच इंच अंतरावर लागवड केली जाते. लागवडीनंतर १० दिवसांनी एकरी १० किलो १०ः२६ः२६ खताचा डोस दिला जातो. लागवडीनंतर दीड महिन्यानंतर एकरी १५ किलो पोटॅश व १० किलो १०ः२६ः२६  खताची मात्रा दिली जाते. खताचा वापर कमी प्रमाणात केला जातो. कारण जास्त खत वापरल्यामुळे शेंडीची जास्त वाढ होते. त्यामुळे तोडा कमी मिळतो. 

पाणी मुबलक, पण वापर मर्यादित :
पाण्यासाठी बोअरची व्यवस्था केली अाहे. करंज व परिसर हा तापी नदीकाठावर असल्यामुळे पाणी मुबलक प्रमाणात असते. पाणी मुबलक असले तरी त्याचा वापर मर्यादित स्वरूपात केला जातो. भेंडीला पाट पद्धतीने पाणी दिले जाते. शेतात चांगला वाफसा राहील, याची काळजी घेतली जाते. काळी कसदार जमीन असल्याने दर १५ दिवसांनी पाणी दिले जाते.

तणनाशकांचा वापर टाळतात : 
तणनियंत्रण घरातील महिलाच करतात. तणनाशकांचा वापर केला जात नाही. पीक १५ दिवसांचे झाल्यानंतर एक लिटर गोमूत्र १५ लिटर पाण्यात मिसळून त्याची फवारणी केली जाते. गरज असेल तरच कीडनाशकांची फवारणी केली जाते. परंतु कीडनाशकांची फवारणी कमीत कमी करावी लागेल, यावर कटाक्ष असतो.

दीड महिन्यानंतर तोडणी सुरू, दर चांगलाच मिळतो : 
अातापर्यंत दोनदा भेंडीची तोडणी झाली आहे. साडेतीन महिन्यांचे पीक असते. ३० ते ३५ वेळेस तोडे होतात. सर्वाधिक तोडे करणारे भेंडी उत्पादक म्हणून त्यांची परिसरात ओळख आहे. भेंडीची परिसरातील आठवडे बाजारात विक्री केली जाते. किलोला सरासरी २० ते २५ रुपये दर मिळतो. दर दोन दिवसांनी तोडणी करतात. तोडणीचे काम घरातीलच व्यक्ती करतात. त्यामुळे अधिक नफा मिळतो.

संपर्क :  : नरेंद्र सपकाळे, ८८०६६५४६१९

फोटो गॅलरी

इतर अॅग्रो विशेष
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...
जांभरुण परांडे गावात जन्माला आली...अमरावती : जांभरुण परांडे (जि. वाशीम) येथे...
शेतकऱ्यांना व्यापार संधी उपलब्ध होणारपुणे : राज्यात फळे भाजीपाल्याचे वाढते...
राज्यात आजपासून हरभरा खरेदी परभणी : नाफेड आणि विदर्भ सहकारी विपणन महासंघाच्या...
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....