Agriculture stories in Marathi, kesar mango crop advisory ,Agrowon,Maharashtra | Agrowon

केसर आंबा सल्ला
डॉ. संजय पाटील
सोमवार, 4 डिसेंबर 2017

मोहोर जोपासना :

मोहोर जोपासना :

  • आंबा पिकात मोहोर येण्यासाठी काडीची परिपक्वता, अन्नघटकांची उपलब्धता, संजीवकांची पातळी हे घटक महत्त्वाचे असतात. मात्र मोहोरनिर्मितीस चालना देण्यासाठी झाडांना शारीरिक ताण आवश्‍यक असतो; म्हणून सद्यःस्थितीत बागेस फुलोरा येऊन फळे बाजरीच्या आकाराची होईपर्यंत पाणी देऊ नये.
  • केसर आंबा उत्पादनामध्ये पालवीचे नियोजन ही महत्त्वाची गोष्ट आहे. याकडे दुर्लक्ष झाल्यास नुकसान होते. आंबा झाडास पालवी आल्यावर ती पक्व होऊन मोहोर काडी तयार होणे आवश्‍यक असते.
  • आंबा पिकास मार्च-एप्रिल, जून-जुलै व ऑगस्ट-सप्टेंबर तर काही वेळा जानेवारी-फेब्रुवारीत पालवी येऊन ती १०-११ महिन्यांनी पक्व होऊन मोहोर येण्यासाठी तयार होते. काडीची पक्वता वाढविण्यासाठी पालवीच्या अवस्थेनुसार पोटॅशियम नायट्रेटची १ ते २ टक्का (१० ते २० ग्रॅम प्रतिलिटर पाणी) या प्रमाणात फवारणी फायदेशीर ठरते.
  • सद्यःस्थितीत थंडीची तीव्रता कमी असल्यामुळे आंबा झाडे मोहरण्यास उशीर लागण्याची शक्‍यता आहे. ज्या बागांमध्ये पालवी पोपटी रंगाची असेल, तिच्या पक्वतेसाठी वरीलप्रमाणेच पोटॅशियम नायट्रेटची फवारणी करावी.  
  • या वर्षी पाऊस लांबल्याने पालवी ऑगस्टमध्ये न येता, ऑक्‍टोबरमध्ये वाढलेल्या तापमानामुळे नोव्हेंबर महिन्यात दिसून येत आहे. तिची पक्वता उशिरा होणार असल्याने मोहोर लांबणीवर पडू शकतो.

मोहोरावरील कीड-रोग नियंत्रण : 

  • ऑक्‍टोबर-नोव्हेंबर महिन्यात आलेल्या नवीन फुटीवर शेंडा पोखरणारी अळी व मिजमाशी यांचा उपद्रव होऊ शकतो. त्यांचे नियंत्रण करावे. 
  • काही बागांमध्ये मोहोर येण्याची प्रक्रिया पूर्ण झाली आहे. अद्याप मोहोर फुललेला नाही, अशा ठिकाणी तुडतुड्यांचा प्रादुर्भाव दिसून येत आहे. त्याचे नियंत्रण करावे. 
  • नुकत्याच फुटण्याच्या स्थितीत असणाऱ्या मोहोरावर बोंग्या अळीचा प्रादुर्भाव दिसून येत आहे. ही अळी मोहरणाऱ्या बोंग्यातील रस शोषून घेते. परिणामी झाड मोहरत नाही म्हणून या अळीचे नियंत्रण करावे. 
  • बऱ्याच वेळा केसर आंबा मोहरत असताना अवकाळी पाऊस होऊन मोहोरावर करपा येऊ शकतो. त्याच्या नियंत्रणासाठी फवारणी करावी. 
  • मोहोर फुलण्यापूर्वी किडीचे नियंत्रण करीत असताना प्रतिबंधात्मक उपाययोजना म्हणून भुरी या बुरशीजन्य रोगाच्या नियंत्रणासाठी फवारणी करावी. 

पीक संरक्षण :  
शेंडा पोखरणारी अळी व मिजमाशी :  
नियंत्रण : फवारणी प्रतिलिटर - लॅम्बडा सायहॅलोथ्रीन (५ टक्के प्रवाही) ०.६ मि.लि. किंवा ब्युप्रोफेझीन (१५ टक्के प्रवाही) २ मि.लि. 
मोहोरावरील तुडतुडे : 
फवारणी प्रतिलिटर - इमिडाक्‍लोप्रीड (१७.८ टक्के प्रवाही) ०.३ मि.लि. 
मोहोरावरील बोंग्या अळी : 
फवारणी प्रतिलिटर - क्विनॉलफॉस (२५ टक्के प्रवाही) २ मि.लि. 
मोहोरावरील करपा : 
फवारणी प्रतिलिटर - कार्बेन्डाझिम (५० टक्के) १ ग्रॅम किंवा थायोफिनेट मिथाईल (७० टक्के) १ ग्रॅम 
मोहोरावरील भुरी : 
फवारणी प्रतिलिटर - हेक्‍झॉकोनेझोल ०. ५ मि.लि. किंवा विद्राव्य गंधक २ ग्रॅम

संपर्क : डॉ. संजय पाटील, ९८२२०७१८५४
(केसर आंबा गुणवत्ता केंद्र, हिमायतबाग, औरंगाबाद)

इतर अॅग्रो विशेष
मराठवाड्याच्या तहानेवर इस्रायली उपाय!७००-८०० मि.मी पाऊस पडणाऱ्या मराठवाड्यात...
जगणे सुसह्य करण्यासाठी जागे व्हाअखिल भारतीय मराठी साहित्य संमेलन शेती,...
‘महामेष’ योजना ३४ जिल्ह्यांत राबविणार...औरंगाबाद : राजे यशवंतराव होळकर महामेष योजना...
शेतीतील यांत्रिकीकरणासाठी हवे शासनाचे...अकोला ः अाजच्या बदलत्या काळात शेती पद्धतीत...
मध्य प्रदेशात गारपीटग्रस्तांना हेक्टरी...नवी दिल्ली ः मध्य प्रदेश राज्यात नुकत्याच...
गारपीटग्रस्तांना भरीव मदतीचा प्रस्ताव...नागपूर ः गारपीटग्रस्तांना सरकारकडून जाहीर करण्यात...
शेतकरी कंपन्यांच्या धान्य खरेदीबाबत...पुणे : हमीभावाने धान्य खरेदीत शेतकरी उत्पादक...
महसूल मंडळातील सरासरी उत्पादकतेनुसार...परभणी : केंद्र शासनाच्या किंमत समर्थन...
गारपीटग्रस्त क्षेत्र तीन लाख हेक्टरमुंबई : राज्यात गेल्या आठवड्यात झालेल्या...
राजधानी दिल्लीत शेती क्षेत्रावर आज...नवी दिल्ली : देशाला नवे कृषी धोरण देण्यासाठी...
‘कापूस ते कापड’पासून आता ‘पिकणे ते...नाशिक : राज्यातील कापसावर प्रक्रिया होऊन...
उन्हाचा चटका जाणवू लागलापुणे : उत्तरेकडील थंड वाऱ्यांचा प्रवाह कमी होऊ...
बचत, व्यवसायातून मिळवली आर्थिक सक्षमता गोऱ्हे बु. (ता. हवेली, जि. पुणे) गावामधील...
एकट्या मराठवाड्यातच २ लाख हेक्टरचे...औरंगाबाद : मराठवाड्यात ११ ते १३ फेब्रुवारीदरम्यान...
विश्वासघाताची किंमत मोजावी लागेल ः अजित...नगर : फेकूगिरी, दिशाभूल, फसव्या घोषणा, महागाईचा...
राज्यातील पाच हजार सोसायट्यांचे...खामगाव, जि. बुलडाणा : राज्यात आगामी काळात ५०००...
पुढील चार दिवस हवामान कोरडे राहणारपुणे : राज्यावरील ढगाळ हवामानाचे सावट दूर...
विश्वासघाताची किंमत मोजावी लागेल ः पवारनगर : फेकूगिरी, दिशाभूल, फसव्या घोषणा,...
शेतकरी आत्महत्या हे बाजारकेंद्रित...सयाजीराव गायकवाड साहित्यनगरी (बडोदा, गुजरात) :...
व्यवसायाचे तंत्र शेतीच्या नियोजनात ठरले...नाशिक येथील फॅब्रिकेशनचा व्यवसाय सांभाळून नरेंद्र...