म्हशींच्या जातींची माहिती द्यावी.

मुऱ्हा : उत्तर भारतात, तसेच महाराष्ट्रात ही जात आढळते. शरीर बांधा मोठा, भारदस्त व कणखर असतो. एका वेतातील दुधाचे प्रमाण ३००० ते ३५०० लिटर असते. गाईच्या दुधापेक्षा स्निग्धांश जास्त असतो.

मेहसाणा :  या जातीची शरीरवैशिष्ट्ये मुऱ्हा जातीशी मिळतीजुळती आहेत. या म्हशी एका वेतात सरासरी ३००० लिटरपर्यंत दूध देतात.

सुरती : शरीर बांधा मध्यम, डोळे लांबट, भुवयांचे केस पांढरे, डोके मोठे, शिंगे मध्यम व विळ्याच्या आकाराची असतात. शरीराचा रंग भुरा व मानेवर ठळक पांढरे आडवे पट्टे असतात. एका वेतातील दुधाचे उत्पादन १८०० लिटर असते.

पंढरपुरी : या म्हशी आकाराने मध्यम; पण अतिशय काटक असतात. लांब व निमुळता चेहरा, खांद्यापर्यंत पोचणारी लांब व पिळवटलेली शिंगे, हे यांचे वैशिष्ट्य आहे. पारड्या वयाच्या २५ ते ३० महिन्यांत गाभण राहतात.३५ ते ४० महिन्यांत पहिल्यांदा वितात. मध्यम शरीर, लवकर वयात येणाऱ्या पारड्या, कमी भाकड काळ, पहिल्या वेताच्या वेळी कमी वय, उत्तम प्रजोत्पादन व दुग्धोत्पादन क्षमता आणि दुग्धोत्पादनाचे सातत्य या गुणांमुळे दुधासाठी ही जात चांगली आहे. या म्हशी एका वेतात १५०० ते १८०० लिटर दूध देतात.

संपर्क : ०२३१- २६९३७१७ 

पंढरपुरी म्हैस सुधार प्रकल्प, कोल्हापूर