agriculture story in marathi, agrowon, sugarcane seed nursery ,kashil, satara | Agrowon

दर्जेदार ऊसबेण्याची केली निर्मिती 
विकास जाधव
बुधवार, 20 मार्च 2019

काशीळ (ता. जि. सातारा) येथील उच्चशिक्षित व प्रगतशील शेतकरी भरत माने हे प्रगतशील शेतकरी आहेत. काही वर्षांपासून दोन ते तीन एकरांत उसाचा बेणेमळा तयार करण्यात सातत्य ठेवत दर्जेदार बेणे शेतकऱ्यांना पुरवण्यामध्ये त्यांनी स्वतःची ओळख तयार केली आहे. 
 

काशीळ (ता. जि. सातारा) येथील उच्चशिक्षित व प्रगतशील शेतकरी भरत माने हे प्रगतशील शेतकरी आहेत. काही वर्षांपासून दोन ते तीन एकरांत उसाचा बेणेमळा तयार करण्यात सातत्य ठेवत दर्जेदार बेणे शेतकऱ्यांना पुरवण्यामध्ये त्यांनी स्वतःची ओळख तयार केली आहे. 
 
सातारा जिल्ह्यातील काशीळ हे पुणे बंगळूर राष्ट्रीय महामार्गावरील सुमारे सात हजार लोकसंख्येचे गाव. गावात कृष्णा व उरमोडी नद्याचा संगम असून त्याखाली कोल्हापूर पद्धतीचा बंधारा आहे. साहजिकच गावास मुबलक प्रमाणात पाणी उपलब्ध असल्याने बहुतांशी शेती बागायत आहे. यामध्ये सर्वाधिक ऊस, आले, सोयाबीन पिके केली जातात. गावातील भरत तुकाराम माने ‘बीएस्सी’ (इलेक्ट्रॅानिक्स) असलेले प्रगतशील शेतकरी. शिक्षणानंतर त्यांनी काही काळ मुंबई येथे नोकरी केली. त्यानंतर माजी मुख्यमंत्री पृथ्वीराज चव्हाण यांच्याकडे पंतप्रधान कार्यालय तसेच मुख्यमंत्री कार्यालयात सहायक खासगी सचिव म्हणूनही जबाबदारी पाहिली. घरच्या शेतीत नवनवे काही करावे अशी प्रचंड आवड होती. पण नोकरी सुरू असल्याने त्याकडे पूर्णवेळ देणे शक्य व्हायचे नाही. पण शेतीची नाळ मात्र कायम ठेवली होती. 

ऊस बेणे मळ्याची सुरवात 
माने कुटुंबाची सुमारे २५ एकर शेती वेगवेगळ्या ठिकाणी आहे. त्यात सुमारे १५ एकर ऊस वेगवेगळ्या हंगामात असतो. मात्र मुख्य हंगाम आडसाली हाच असतो. परिसरात उसाचे क्षेत्र मोठे आहे. त्यामुळे ऊस उत्पादकांची गरज भरत आणि मोठे बंधू अंकुश यांनी लक्षात घेतली. सन १९९६ च्या सुमारास परिसरातील साखर कारखान्याच्या माध्यमातून ऊस बेणे मळ्याचा प्रयोग केला. त्या वेळी बेणेविक्रीतून चांगले उत्पन्न मिळाल्याचेही त्यांच्या लक्षात आले होते. या काळात बेणे विक्री शक्यतो कारखान्यांच्या माध्यमातून केली जात होती. मध्यंतरी माने कुटुंब सोयाबीन, भात, गहू आदींच्या बीजोत्पादनाकडे वळले. त्यात ते यशस्वीही झाले. पण काही तांत्रिक कारणांमुळे त्यात पुढे अडचणी येऊ लागल्या. मग पुन्हा २००९ नंतर ऊसबेणे तयार करण्यावरच भर दिला. त्यात आजतागायत म्हणजे सुमारे ९ ते १० वर्षे सातत्य टिकवले आहे. 

प्रयोगशीलता जपली 
शेतकऱ्यांना दर्जेदार बियाणे कसे देता येईल यासाठी माने विविध ठिकाणी जाऊन अभ्यास करतात. 
यात वसंतदादा शुगर इन्स्टिट्यूट, ऊस संशोधन केंद्र, पाडेगाव, उरुळीकांचन परिसरातील तंत्रशुद्ध बियाणे करणारे शेतकरी, सह्याद्री, अजिंक्यतारा, किसनवीर या कारखान्यांच्या ऊस विकास विभागांच्या भेटींचा समावेश आहे. 

बेणेमळानिर्मिती- ठळक बाबी 

  • शेतकऱ्यांची विविध लागवड हंगामांची गरज लक्षात घेऊन बेणेमळानिर्मिती 
  • मुख्य वाण को-८६०३२. त्याचबरोबर १०००१, फुले २६५ आदींचाही समावेश 
  • बेणेमळा घेण्यापूर्वी दोन महिने अाधी शेणखत, लेंडीखताचा वापर 
  • बेणे निरोगी असावे यासाठी रासायनिक बीजप्रक्रिया 
  • शिफारशीनुसार रासायनिक खतांचे व अन्य व्यवस्थापन 

अर्थशास्त्र 
साधारण ८ ते १० महिने बेणेमळा असतो. यात एकरी उत्पादन खर्च ७० हजार रुपयांपर्यंत होतो. 
एक एकर क्षेत्रातून को ८६०३२ वाणाच्या लागवडीयोग्य १७०० ते १७५० मोळ्या (प्रती २० उसाच्या) मिळतात. प्रती मोळी २०० ते २२० रुपये याप्रमाणे विक्री होते. खर्च वजा जाता एकरी सुमारे दोन लाख रुपयांचे उत्पन्न हाती येते. परिसरातील अनेक ऊस उत्पादक त्यांच्याकडून बेणे घेऊन जातात. 

  • माने यांच्या शेतीची वैशिष्ट्ये 
  • कारखान्याला जाणाऱ्या आडसाली उसाचे एकरी ९० ते १०० टनांपर्यंत उत्पादन 
  • शेतीकामाच्या सर्व नोंदी संगणकीकृत 
  • शेणखत, लेंडीखत, कंपोस्ट तसेच हिरवळीच्या खतांचा अधिकाधिक वापर 
  • ॲग्रोवन, कृषी संदर्भातील असलेली पुस्तके, मोबाईल ॲप आदींच्या माध्यमातून तसेच प्रयोगशील शेतकऱ्यांच्या शेतीस भेटी देऊन सातत्याने नवनवीन माहिती घेण्यावर भर 
  • शेतीत पुतण्या वैभव, लहान बंधू व उपजिल्हाधिकारी संदीप माने यांचे मोलाचे सहकार्य 
  • सुमारे २५ गुंठ्यात वृक्षलागवड, चिकूची ३२ झाडे, केशर आंबा व बाणावली नारळ लागवड 

संपर्क- भरत माने- ९६०४९५९९५९, ७७४१०७५७५० 
 

फोटो गॅलरी

इतर यशोगाथा
इक्रीसॅट पद्धतीतून वाढविले भुईमूग...सोहाळे (ता. आजरा, जि. कोल्हापूर) येथील प्रयोगशील...
गौरीनंदन ने ठेवले दर्जेदार, भेसळमुक्त...शनी शिंगणापूर (ता. नेवासा, जि. नगर) येथील...
तीव्र दुष्काळाच्या प्रदेशात ११० एकरांवर...आटपाडी (जि. सांगली) येथील राजेश सातारकर यांची...
ग्रामविकास, आरोग्य अन् शिक्षणासाठी ‘खोज...मेळघाट परिसरातील आदिवासी लोकांच्या विकासासाठी...
प्रक्रिया उद्योगातून बनविली ओळखअमरावती येथील जयश्री रवींद्र गुंबळे यांनी गेल्या...
दुष्काळाशी लढा देत हळदीची उत्कृष्ट शेतीअमळनेर (जि. जळगाव) येथील अश्पाक मुनीर पिंजारी व...
दुग्धव्यवसाय, प्रक्रियेने दिला शेताीला...बुलडाणा शहरापासून सुमारे दहा किलोमीटरवरील अजिसपूर...
ग्रामविकासाचा आदर्श झालेले वडगाव पांडे महाराष्ट्र ग्राम सामाजिक परिवर्तन अभियानाच्या...
‘सबसरफेस ड्रीप’ तंत्राने  ऊस, टोमॅटोची...शेततळ्यातले जेमतेम पाणी आणि उपलब्ध पाण्याचा योग्य...
उत्कृष्ट संत्रा व्यवस्थापनाचा युवा...वयाच्या विसाव्या वर्षीच शेतीत उतरलेल्या ऋषीकेश...
शेतीला मिळाली पूरक उद्योगाची साथमहिलांसाठी बचत गट चळवळ फायद्याची ठरली आहे. बचत...
महिला गटाची प्रक्रिया उद्योगातून ‘...बार्शीटाकळी (जि. अकोला) गावातील दहा महिलांनी...
वैशिष्ट्यपूर्ण, मूल्यवर्धित उत्पादनांत...औरंगाबाद येथील सौ. मनीषा संतोष चव्हाण यांनी...
‘राजवाडी पॅटर्न’द्वारे शंभर एकर जमीन...पावसाळ्यात भरपूर पाऊस, उन्हाळ्यात पाण्याचे...
मोगरा शेतीतून दरवळला यशाचा सुगंध...ॲग्रोवनमध्ये मोगरा शेतीची यशकथा वाचून कवठेमहांकाळ...
काटेकोर जलव्यवस्थापनाद्वारे खेडी खुर्द...खेडी खुर्द (ता. जि. जळगाव) येथील शेतकऱ्यांनी...
वर्षभर सुमारे सात परदेशी भाज्यांची...वर्षभर सुमारे सात परदेशी भाज्यांची शेती ...
गीर गायींच्या संगोपनासह पॅकेटबंद दुधाची...अमरावती जिल्ह्यातील मोर्शी हा संत्रा पिकासाठी...
अथक प्रयत्न, संघर्षातून  प्रयोगशील...पाण्याच्या योग्य व्यवस्थापनातून २० एकरांत...
मुंबईतील नोकरी सांभाळून गावी विस्तारली...मुंबईला शिक्षकाची नोकरी करताना सुटीच्या काळात...