अननसाच्या टाकाऊ सालीपासून पर्यावरणपूरक कुंड्या

अननस खाल्ल्यानंतर त्याची साल सहसा फेकून दिली जाते. वाया जाणाऱ्या या सालींपासून थायलंड येथील संशोधकांनी पर्यावरणपूरक कुंड्यांची निर्मिती केली आहे. या कुंड्या पूर्णपणे कुजत असल्याने प्लॅस्टिक कुंड्यांना पर्याय म्हणून वापरता येतात. रोपवाटिकेमध्ये विविध रोपांच्या निर्मितीसाठी आणि रोपांच्या पुनर्लागवडीसाठी या कुंड्या उपयुक्त ठरतील. पुढे कुंड्या कुजून जमिनीची सुपीकताही वाढवतात. हे संशोधन स्प्रिंगर या संशोधन पत्रिकेमध्ये प्रसिद्ध करण्यात अाले अाहे. अननस उत्पादनात अाणि निर्यातीमध्ये थायलंड देश जगात चाैथ्या क्रमांकावर अाहे.  थायलंडमध्ये अननसावर आधारित प्रक्रिया उद्योगांची संख्याही जास्त अाहे. या प्रक्रिया उद्योगामध्ये अननसाचा गर काढून घेतल्यानंतर साली शिल्लक राहतात. तुलनेने कठीण असल्याने सावकाश कुजतात. या वाया जाणाऱ्या सालीचा योग्य उपयोग करण्यासाठी शास्त्रज्ञ प्रयत्न करीत होते.  त्यांनी अननस सालीपासून नावीन्यपूर्ण अाणि पर्यावरणपूरक कुंड्या बनवल्या आहेत. या पर्यावरणपूरक कुंड्यांमुळे तीन उद्देश साध्य होतात. १) अन्नप्रक्रिया उद्योगामध्ये वाया जाणाऱ्या अननस सालीचा पुनर्वापर होईल. २) प्लॅस्टिक कुंड्यांना पर्यावरणपुरक पर्याय उपलब्ध होईल. ३) अननस सालीमध्ये असलेले सेंद्रिय व पोषक घटक रोपांना उपलब्ध होतील. जमिनीची सुपीकता जपली जाईल.

पोषक तत्त्वांचा उत्तम स्राेत अननस

कुंड्या तयार करण्याची पद्धत

मिळालेले निष्कर्ष