Agriculture story in marathi, cottan peaking coat | Agrowon

कापूस, भाजीपाला तोडणी करताना वापरा वेचणी कोट
माधुरी रेवणवार
गुरुवार, 23 नोव्हेंबर 2017

वेचणी कोट जाड कॉटनच्या कपड्याचा असल्यामुळे ऊन लागत नाही. कोटाच्या झोळीमध्ये सहा किलोपर्यंत कापूस मावतो. हा कोट भाजीपाला, फळे तोडतानादेखील वापरता येतो.
 

वेचणी कोट जाड कॉटनच्या कपड्याचा असल्यामुळे ऊन लागत नाही. कोटाच्या झोळीमध्ये सहा किलोपर्यंत कापूस मावतो. हा कोट भाजीपाला, फळे तोडतानादेखील वापरता येतो.
 
 कापूस वेचणीच्या काळात महिला ७ ते ८ तास शेतामध्येच असतात. कापूस वेचणी करताना महिला जुन्या साडीचा तुकडा किंवा कपडा कंबरेभोवती गुंडाळून ओटी तयार करतात किंवा आपल्या साडीच्या पदराच्या ओच्याचा उपयोग वेचलेला कापूस गोळा करण्यासाठी करतात. या कापूस वेचणी कार्यामध्ये साधारणत: दोन्ही हाताच्या हालचाली वारंवार होत असतात. ओटी भरली की शेताच्या बांधावर रिकामी करण्यासाठी फेऱ्या माराव्या लागतात. ओटी सोडून रिकामी करून परत बांधावी लागते, यामध्ये बराचसा वेळ जातो.

  • कापूस वेचणी करताना कापसाची वाळलेली बोंडे बोटांना दुखापत करतात, शेतातून फिरताना कापसाच्या पऱ्हाट्यामुळे हाताच्या त्वचेवर ओरखडे उठतात.
  • जेव्हा कापूस जास्त प्रमाणात ओटीत भरला जातो, तेव्हा ओटी गुडघ्याच्या खाली येते आणि चालताना पायात अडकते. त्यामुळे वेचणी करताना त्रास होतो.
  • ओटीसह चालताना, ओटी पायावर व मांड्यावर सारखी आदळल्याने चालण्याची गती कमी होते. ओटी कंबरेला काचते व यामुळे त्वचेला खाज सुटते. उष्णतेमुळे डोके दुखणे, डोळ्यांची आग होणे, ऊन लागणे, पायाला गोळे येणे, कंबर दुखणे अशा महिलांच्या तक्रारी आहेत.
  • कापूस वेचणी करताना तो स्वच्छ असणे महत्त्वाचे असते. ओटीमधून कापूस जमिनीवर पडला की त्याबरोबर काडी, कचरा चिकटतो, त्यामुळे कापसाची प्रत खालावते.
  • काही भागात ओटी पाठीवर बांधली जाते. ओटी पाठीवर बांधल्यानंतर दोन्ही हातांनी कापूस वेचून हात वळवून शरीराच्या मागच्या बाजूला असलेल्या ओटीमध्ये कापूस गोळा केला जातो. यामुळे हातांच्या स्नायूंना पीळ बसतो. स्नायू अनैसर्गिक स्थितीमध्ये जातात. याचा परिणाम कामाच्या गतीवर होतो.

कापूस वेचणी कोट फायदेशीर
वसंतराव नाईक मराठवाडा कृषी विद्यापीठाच्या गृह विज्ञान महाविद्यालयाच्या कौटुंबिक साधन संपत्ती व्यवस्थापन या विभागातील डॉ. जयश्री झेंड आणि मंजूषा रेवणवार यांनी शेतकरी महिलांना कापूस वेचताना कोणताही त्रास होऊ नये आणि कापूसदेखील जास्त वेचता यावा या उद्देशाने कापूस वेचणी कोट तयार केला आहे.

  • हा कोट जाड कॉटनच्या कपड्याचा असल्यामुळे ऊन लागत नाही. घाम आला तर शोषला जातो.
  • लांब बाह्यांमुळे कापसाच्या बोंडाचे ओरखाडे त्वचेवर पडत नाहीत. पूर्ण शरीर झाकले जाते.
  • कापूस जमा करण्यासाठी झोळी मोठी असल्यामुळे त्यात ५ ते ६ किलो पर्यंत कापूस मावतो.
  • कापसाने भरलेल्या झोळीचे ओझे पोट, कमरेवर न पडता खांद्यावर पडते. यामुळे महिलांना त्रास कमी जाणवतो.
  • झोळीतून कापूस सहज बाहेर काढण्यासाठी झोळीच्या दोन्ही बाजूस बंद दिले आहेत ते बंद सोडले की, कापूस लवकर बाहेर काढून टाकता येतो.
  • हा कोट भाजीपाला, फळे तोडतानादेखील वापरता येतो.

संपर्क ः माधुरी रेवणवार, ९४०३९६२०१४
०२४६५-२२७७५७
कृषी विज्ञान केंद्र, सगरोळी, जि. नांदेड

 

इतर कृषिपूरक
तेजस्विनीच्या साथीने बचतीतून...तेजस्विनी लोकसंचालित साधन केंद्राच्या...
प्रथमोपचाराने बरे होतील जनावरांतील आजारजनावरांमध्ये विविध प्रकारचे विषाणूजन्य व...
वाढत्या तापमानाचा जनावरांवर होणारा...जनावरांमध्ये दिसून येणाऱ्या उष्मा तणावासाठी...
शेळ्या-मेंढ्यांमधील गर्भाशयाच्या...जनावरांना विशेषतः शेळ्या-मेंढ्यांना गर्भाशयाचे...
नियोजन स्वच्छ दूध उत्पादनाचे...दुग्ध व्यवसायात आर्थिक परिस्थिती, शास्त्रोक्त...
अॅझोला, हायड्रोपोनिक्स चाऱ्यातून करा...चाराटंचाईवर मात करण्यासाठी उपलब्ध चाऱ्याची...
संवर्धन खिलार गोवंशाचे...जातिवंत खिलार जनावरांची पैदास वाढवण्यासाठी...
शेळ्या-मेंढ्यांमधील गर्भाशयाचे आजार,...शेळ्या मेंढ्यांना गर्भाशयाचा आजार झालेला आहे हे...
झलक क्रिमोना आंतरराष्ट्रीय पशू...इटली देशात दरवर्षी क्रिमोना आंतरराष्ट्रीय पशू...
जनावरांच्या संतुलित आहार...जनावरांना दिवसभरात किती चारा दिला पाहिजे आणि तो...
जनावरांच्या आहारात कोरडा चारा वापरताना...महाराष्ट्रातील बहुतांशी भागात फेब्रुवारी ते...
कमी जागेत, कमी पाण्यात अळिंबी...कमी जागेत, कमी पाण्यात अळिंबीची लागवड करता येत...
जनावरांच्या खाद्यामध्ये अचानक बदल करणे...कोवळा चारा, निकृष्ट दर्जाचा चारा किंवा बुरशीची...
जनावरांतील रोगनिदानासाठी प्रयोगशाळा...तात्काळ रोगनिदान व योग्य उपचार केल्यामुळे औषधांचा...
गाई, म्हशींची दुग्धोत्पादन क्षमता वाढवा...सध्याच्या काळात सेक्स सीमेन किंवा सॉर्डेड सीमेन,...
ओळखा लिस्टेरिओसिस आजाराची लक्षणेजनावरापासून माणसास होणारे आजार प्रामुख्याने...
पशुसल्लावाढत्या तापमानात जनावरांच्या आहार...
प्रजननक्षमता सक्षम करण्यासाठी...सुयोग्य व समतोल आहारातून जनावरांना ऊर्जा, प्रथिने...
जनावरांमध्ये प्रसूतीनंतर येणाऱ्या समस्याजनावर गाभण असताना व विताना जर व्यवस्थित लक्ष दिले...
प्रक्रियेमुळे वाढेल ऊस वाढ्याची...वाढ्यातील आॅक्झलेट या घटकामुळे जनावराच्या शरीरात...