Agriculture story in marathi, cultivation of khapli wheat | Agrowon

तंत्र खपली गहू लागवडीचे...
डॉ. यू. एन. आळसे, डी. डी. पटाईत
शुक्रवार, 10 नोव्हेंबर 2017

खपली गव्हाची पेरणी १ ते २० नोव्हेंबर दरम्यान साधारण थंडी वाढल्यास म्हणजे १५-२० सेल्सिअस तापमान झाल्यानंतर करावी. बागायती पेरणीसाठी दोन ओळीतील अंतर २२.५ से. मी. ठेवून पेरणी करावी. पेरणीपूर्वी बीजप्रक्रिया करावी. पेरणी करताना ५-६ से.मी. पेक्षा जास्त खोल बियाणे पडणार नाही, याची काळजी घ्यावी.

खपली गव्हाची पेरणी १ ते २० नोव्हेंबर दरम्यान साधारण थंडी वाढल्यास म्हणजे १५-२० सेल्सिअस तापमान झाल्यानंतर करावी. बागायती पेरणीसाठी दोन ओळीतील अंतर २२.५ से. मी. ठेवून पेरणी करावी. पेरणीपूर्वी बीजप्रक्रिया करावी. पेरणी करताना ५-६ से.मी. पेक्षा जास्त खोल बियाणे पडणार नाही, याची काळजी घ्यावी.

गुजरात, महाराष्ट्र व कर्नाटकमधील नदी खोऱ्यातील गाळाच्या व भारी जमिनीत प्रामुख्याने कोरडवाहू भागात खपली गहू उत्पादन घेतले जाते. कमी उत्पादनामुळे खपली गहू पिकाची गेल्या काही दशकामध्ये लागवड कमी होत गेली. मात्र, सुधारित जाती, योग्य तंत्राचा वापर केल्यास या पोषक गव्हापासून चांगले उत्पादन मिळवणे शक्य आहे. भारतामध्ये ब्रेड/चपाती किंवा शरबती (triticum aestivum), बन्सी गहू (T. durum), व खपली गहू (t. dicoccum) या तीन प्रकारच्या गव्हाची लागवड होते. त्यातील ९५ टक्के वाटा हा शरबती गव्हाचा असला तरी पोषकतेमुळे खपली गव्हाची मागणी वाढत आहे.

खपली गव्हातील पोषकता व उपयुक्तता

  • पाचक पदार्थ (१६ टक्के fibers), प्रथिने (१२ ते १५ टक्के) व कर्बोदके (७८ ते ८३ टक्के) व ग्लोसेमिक इंडेक्‍स कमी असतो. हा इंडेक्स अधिक असलेले पदार्थ मधुमेही रुग्णांसाठी अपायकारक मानले जातात.
  • खपली गव्हाद्वारे उत्कृष्ट प्रतीचा रवा, शेवया, पास्ता बनविता येऊ शकतो. खपली गव्हाचे पदार्थ चविष्ट, मऊ व मनाला संतुष्टी देणारे असतात.
  • महाराष्ट्रामध्ये पश्‍चिम महाराष्ट्रात फलटण (जि. सातारा) परिसरात खपली गव्हाचा पेरा वाढत आहे. राज्यातील अनुकूल वातावरणामुळे अन्य ठिकाणीही खपली गहू लागवडीला प्रोत्साहन   देण्याची आवश्यकता आहे. त्यासाठी कर्नाटकातील धारवाड येथील संशोधनातून पुढे आलेल्या तंत्राचा वापर करण्याची आवश्यकता आहे.

पेरणीची वेळ :
गव्हाची पेरणी १ ते २० नोव्हेंबर दरम्यान करावी. थंडी वाढल्यास म्हणजे १५-२० सेल्सिअस तापमान झाल्यानंतर पेरणी करावी.

बीज प्रक्रिया :
(प्रति किलो बियाणे)
थायरम ३ ग्रॅम/किलो.
त्यानंतर अॅझेटोबॅक्‍टर व स्फुरद विरघळवणारे जीवाणू प्रत्येकी २५ ग्रॅम प्रति किलो.

बियाण्याचे प्रमाण :
बागायती पेरणीसाठी १०० किलो प्रति हेक्‍टर बियाणे वापरावे.

पेरणीचे अंतर :
बागायती पेरणीसाठी दोन ओळीतील अंतर २२.५ से. मी. ठेवून पेरणी करावी. पेरणी करताना ५-६ से.मी. पेक्षा जास्त खोल बियाणे पडणार नाही, याची काळजी घ्यावी.

खतांचा वापर :
जमीन तयार करताना २५ गाड्या शेणखत जमिनीत मिसळून द्यावे. पेरणी करताना नत्र, स्फुरद, पालाश प्रत्येकी ५० किलो खत मात्रा द्यावी. उर्वरीत अर्धी नत्र मात्रा म्हणजे ५० नत्र/हेक्‍टर पेरणीनंतर ३० दिवसांनी द्यावी.

आंतरमशागत :

  • खपली गहू पीक पेरणीपासून ३० ते ४५ दिवस तणविरहीत ठेवावे. अन्यथा ३० ते ३५ टक्के उत्पन्नात घट येते. त्यासाठी १ ते २ खुरपण्या ४५ दिवसांपर्यंत कराव्यात.
  • उगवणीपूर्वी ऑक्‍झीफ्लोरफेन ०.२५ किलो प्रति हेक्टर या प्रमाणे जमिनीवर फवारणी करावी. त्यानंतर ६ आठवड्यांनी एखादी खुरपणी करावी.

खपली गव्हाचे वाण
 

 खपली वाण  कालावधी (दिवस) उत्पन्न (क्विं/हे.)    वैशिष्ट्ये
एनपी-२००  १०५ - ११०                -  तांबेरा रोग प्रतिकारक
 डी.डी.के-१००१ १०५ - ११० ५७ निमबुटका वाण
डी.डी.के-१००९ १०५ - ११० ४७-६७  निमबुटका वाण, तांबेरा प्रतिबंधक
 डी.डी.के-१०२५  १०५ - ११० ४२-४९ निमबुटका वाण, प्रथिनांचे प्रमाण १३ टक्के
 डी.डी.के-१०२९  १०५ - ११०  ४५-५९  निमबुटका वाण, प्रथिनांचे प्रमाण १३ टक्के
 एमएसीएस-२९७१  ११० - ११५  ४६-६२ तांबेरा प्रतिकारक
 एच.डब्यू-१०९८   १०५ - ११० ४५-६२ तांबेरा प्रतिकारक, प्रथिने १३.५ टक्के

पाणी व्यवस्थापन
जमिनीच्या मगदुराप्रमाणे १५ ते २० दिवसांच्या अंतराने खपली गहू पिकाच्या विविध अवस्थेत पाणी द्यावे.

खपली गहू पीक वाढीच्या संवेदनशील अवस्था

पीकवाढीची संवेदनशील अवस्था    पेरणीनंतर दिवस
मुकूटामुळे फुटण्याची अवस्था १८ - २१
फुटवे जास्तीत जास्त येण्याची अवस्था ३० - ३५
कांडी धरण्याची अवस्था   ४५ - ५०
पीक फुलात असतानाचा काळ  ६५ - ७०
दाण्यात दुधाळ चीक अवस्था    ८० - ८५
दाणे भरताना अवस्था ९० - ९५

वरील अवस्थेपैकी मुकूटमुळे अवस्था, फुटवे, फुटव्याची अवस्था, फुलोरा आणि दुधाळ अवस्था या अत्यंत महत्त्वाच्या असून, या काळात पाण्याच्या पाळ्या अवश्‍य द्याव्यात. सिंचनाची उपलब्धता कमी असल्यास पाणी पाळ्याचे नियोजन खालील प्रमाणे करावे.

ओलिताची उपलब्धता  पाण्याची पाळी देण्याची वेळ (पेरणीपासून दिवसांनी)
एक ओलिताची सोय ४२
दोन ओलिताची सोय  २१, ६४
तीन पाण्याच्या पाळ्याची सोय असल्यास २१, ४२, ६५
चार पाणी पाळी शक्य असल्यास ६५, ९५

संपर्क : ०२४५२- २२९०००
(कृषी तंत्रज्ञान माहिती केंद्र, वसंतराव नाईक मराठवाडा कृषी विद्यापीठ, परभणी.)

इतर ताज्या घडामोडी
शिफारशीत मूग जातींची निवड महत्त्वाची...गेल्या काही वर्षांमध्ये मुगाचे दर वाढते असल्याने...
माफसू : मुलाखतीपासून उमेदवार वंचितनागपूर : महाराष्ट्र पशू आणि मत्स्य विज्ञान...
पिंक बेरी, भुरी, क्रॅकिंग टाळण्यासाठी...सध्याच्या वाातावरणामध्ये द्राक्ष बागेमध्ये पिंक...
तंत्र उन्हाळी तीळ लागवडीचे...सुपीक व उत्तम निचरा असलेल्या मध्यम ते भारी जमिनीत...
खानदेशात अजूनही कांदा लागवड सुरूचजळगाव : धुळ्यासह जळगाव जिल्ह्यात अजूनही कांदा...
गोड दह्याच्या निवळीपासून तेलाची...योगर्ट (दही) निर्मिती उद्योगामध्ये गोड...
आर. बी. हर्बल अॅग्रोचे ‘भू-परीस’...मार्केट ट्रेंडस्.. आर. बी. हर्बल अॅग्रो ही...
ई-नामसाठी डायनॅमिक कॅश क्रेडिट बंधनकारकपुणे ः आॅनलाइन राष्ट्रीय कृषी बाजार याेजनेत (ई-...
सिंधुदुर्ग जिल्ह्यात विस्तारतेय ऊसशेतीसिंधुदुर्ग : आंबा, काजू व अन्य मसाला पीक...
मुख्यमंत्री शाळा बंद करताहेत : अजित पवारबीड : सरकार मस्तीत आहे. पंतप्रधान नरेंद्र...
माजी राज्यमंत्र्यांचे विहिरीत आंदोलनअकोला : बुलडाणा जिल्ह्यातील पाणीपुरवठा योजनांमधील...
शासकीय निधी खर्चाची माहिती आता एका क्‍...रत्नागिरी - ग्रामीण भागात होणाऱ्या कामांचा...
जळगावात चवळी शेंगा २००० ते ३००० रुपये...जळगाव : येथील कृषी उत्पन्न बाजार समितीमध्ये...
संत्र्याची झाडे पिवळी पडल्याने...अकोला : मृग बहराने दगा दिल्याने संत्रा उत्पादक...
अापल्या खात्यावर फक्त अापलाच अधिकारबँकेत भीमाबाईचं खातं राधाच्या ओळखीमुळे निघालं, हे...
सीड प्लॉटधारकांनाही बोंड अळीचा फटकाअकोला : कापूस उत्पादनासोबतच सीड प्लॉट...
नागपूर जिल्ह्यात गव्हाचे क्षेत्र आठ...नागपूर  :  पेंच प्रकल्पामुळे उद्‌भवलेला...
सोलापूरात २४०८ क्विंटल उडीद, मूग,...सोलापूर  : नाफेडच्या वतीने सोलापूर कृषी...
परभणीत ‘जलयुक्त’ची एक हजारांवर कामे... परभणी : जिल्ह्यात जलयुक्त शिवार अभियानाच्या...
मधमाश्यांच्या वसाहतीत वाढतेय...अमेरिकेतील इल्लिनॉईज विद्यापीठामध्ये झालेल्या...