Agriculture story in marathi, forward market of agriculture commodities | Agrowon

सोयाबीन, हरभऱ्याच्या किमतीत वाढीचा कल
डॉ. अरुण कुलकर्णी
शुक्रवार, 29 सप्टेंबर 2017

सोयाबीन, हरभऱ्याच्या किमतीत वाढीचा कल या सप्ताहात गवार बी वगळता सर्वच पिकांचे भाव उतरले. गवार बीमध्ये दाेन टक्क्यांची वाढ झाली. सध्याच्या स्पॉट किमतीच्या तुलनेने पुढील काही महिन्यांत सोयाबीन, हरभरा व गवार बीचे भाव वाढतील. साखर व कापसाचे भाव अधिक उत्पादनाच्या अपेक्षेने कमी होतील.

गेल्या सप्ताहातील एनसीडीईएक्स व एमसीएक्समधील किमतीतील चढउतार खालीलप्रमाणे होते.

मिरची

सोयाबीन, हरभऱ्याच्या किमतीत वाढीचा कल या सप्ताहात गवार बी वगळता सर्वच पिकांचे भाव उतरले. गवार बीमध्ये दाेन टक्क्यांची वाढ झाली. सध्याच्या स्पॉट किमतीच्या तुलनेने पुढील काही महिन्यांत सोयाबीन, हरभरा व गवार बीचे भाव वाढतील. साखर व कापसाचे भाव अधिक उत्पादनाच्या अपेक्षेने कमी होतील.

गेल्या सप्ताहातील एनसीडीईएक्स व एमसीएक्समधील किमतीतील चढउतार खालीलप्रमाणे होते.

मिरची

मिरचीच्या (ऑक्टोबर २०१७) किमती ऑगस्ट महिन्यात रु. ७,८७२ पासून रु. ८,२६८ पर्यंत वाढल्या. या सप्ताहात त्या रु. ८,१७८ वर आल्या आहेत. स्पॉट किमती (गुंटूर) रु. ८,१५४  वर स्थिर आहेत. सध्याच्या स्पॉट किमतीपेक्षा डिसेंबर २०१७ मधील फ्युचर्स किमती १.५ टक्क्यांनी अधिक आहेत (रु. ८,२७४). निर्यात मागणी वाढत आहे. किमतींत मर्यादित चढ-उतार अपेक्षित आहेत.

मका

खरीप मक्याच्या (ऑक्टोबर २०१७) किमती ऑगस्ट महिन्यात घसरत होत्या. (रु. १,६०३ ते   रु. १,५५६). याही महिन्यात त्या घसरत आहेत. गेल्या सप्ताहाच्या तुलनेने या सप्ताहात त्या पुन्हा २.९ टक्क्यांनी घसरून रु. १,४०७ वर आल्या आहेत. स्पॉट किमती (निझामाबाद) रु. १,४०३ वर आल्या आहेत.

डिसेंबरमधील फ्युचर्स किमती रु. १,४२३ वर आल्या आहेत. हमी भाव गेल्या वर्षी रु. १,३६५ होता. या वर्षी तो रु. १,४२५ वर नेला आहे. २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी खरीप मक्याचे उत्पादन घसरून १८.७३ दशलक्ष टनावर होणार आहे (गेल्या वर्षीचे उत्पादन: १९.२४ दशलक्ष  टन). मागणी चांगली आहे. लांबवरचा कल वाढता आहे. मात्र खरीप पिकाच्या पुढील काही महिन्यातील आवकेमुळे किमती काहीशा घसरण्याचा संभव आहे.

साखर

साखरेच्या (ऑक्टोबर २०१७) किमती ऑगस्ट महिन्यात वाढत होत्या. (रु. ३,५२३ ते रु. ३,७०८). या सप्ताहात त्या रु. ३,७०० वर स्थिर आहेत. स्पॉट (कोल्हापूर) किमती रु. ३,६५० वर आल्या आहेत. पुढील वर्षी जागतिक उत्पादन व पुरवठा घटण्याची शक्यता व्यक्त केली जात आहे.

मे (२०१८) च्या फ्युचर्स किमती रु. ३,३५१ वर आल्या आहेत. सध्या साठा पुरेसा आहे.  सणामुळे मागणी वाढती आहे. २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी भारतातील उसाचे उत्पादन वाढून ते ३३७.३ दशलक्ष टनावर येणार आहे (गेल्या वर्षीचे उत्पादन: ३०६.७ दशलक्ष टन).

सोयाबीन

सोयाबीन फ्युचर्स (ऑक्टोबर २०१७) किमती ऑगस्ट महिन्यात २४ तारखेपर्यंत वाढत होत्या (रु. ३,०७१ ते रु. ३,२७७). नंतर त्या घसरू लागल्या. या सप्ताहात त्या सोयाबीन उत्पादन क्षेत्रातील पर्जन्यमान सुधारल्यामुळे २.१ टक्क्यांनी घसरून रु. ३,०२९ वर आल्या आहेत. स्पॉट (इंदूर) किमती रु. ३,०४० वर आल्या आहेत.

जानेवारी २०१८ च्या फ्युचर्स किमती रु. ३,१७८ वर आल्या आहेत. हमीभाव (बोनस सहित) गेल्या वर्षी रु. २,७७५ होता. या वर्षी तो रु. ३,०५० वर नेला आहे. २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी सोयाबीनचे उत्पादन घसरून १२.२ दशलक्ष टनावर येणार आहे (गेल्या वर्षीचे उत्पादन: १३.८ दशलक्ष  टन). खरीप पिकाच्या पुढील काही महिन्यातील आवकेमुळे किमती काहीशा घसरण्याचा संभव आहे.

हळद

हळदीच्या फ्युचर्स (ऑक्टोबर २०१७) किमती ऑगस्ट महिन्यात घसरत होत्या (रु. ७,८९० ते ७,३४४). या सप्ताहात त्या ३ टक्क्यांनी घसरून रु. ७,२५० वर आल्या आहेत. स्पॉट (निझामाबाद) किमती रु. ७,४३६ वर  आल्या आहेत.

डिसेंबर २०१७ च्या फ्युचर्स किमती सध्याच्या स्पॉट किमतींच्या तुलनेने १.९ टक्क्यांनी कमी आहेत (रु. ७,९२८). तेलंगण व कर्नाटक मध्ये पावसाची तूट गेल्या सप्ताहात बऱ्याच प्रमाणात भरून निघाली आहे. त्यामुळे वाढीव उत्पादनाची अपेक्षा आहे.

गहू

ऑगस्ट महिन्यात गव्हाच्या (ऑक्टोबर २०१७) किमती घसरत होत्या. (रु. १,६८८ ते  रु. १,६५५).  या सप्ताहात त्या ०.८ टक्क्यांनी घसरून रु. १,६२७ वर आल्या आहेत. स्पॉट किमती (दिल्ली)  रु. १,७६६ वर आल्या आहेत.

डिसेंबर २०१७ मधील फ्युचर्स किमती सध्याच्या स्पॉट किमतींपेक्षा ५.५  टक्क्यांनी कमी आहेत. (रु. १,६६९). मर्यादित चढ-उतार अपेक्षित आहेत.  

हरभरा

हरभऱ्याचे व्यवहार १४ जुलै रोजी एनसीडीईएक्समध्ये सुरू झाले. ऑगस्ट महिन्यात हरभऱ्याच्या फ्युचर्स (ऑक्टोबर २०१७) किमती वाढत होत्या (रु. ४,८८९ ते ६,३१९). या महिन्यात त्या घसरत आहेत. या सप्ताहात त्या ५.९ टक्क्यांनी घसरून रु. ५,७३४ वर आल्या आहेत.

स्पॉट (बिकानेर) किमती रु. ५,६५४ वर आल्या आहेत. नोव्हेंबर २०१७ मधील फ्युचर्स किमती सध्याच्या स्पॉट किमती पेक्षा १.६ टक्क्यांनी अधिक आहेत (रु.५,७४६). सध्या मागणी वाढती आहे; मात्र मध्य प्रदेश व उत्तर प्रदेश येथे गेल्या सप्ताहात पाऊस पडल्याने पुढील काही दिवस किमतीत घसरण शक्य आहे.

कापूस

एमसीएक्समधील कापसाच्या फ्युचर्स (ऑक्टोबर २०१७) किमती ऑगस्ट महिन्यात रु. १८,१८० व रु. १८,८९० या दरम्यान होत्या. या सप्ताहात त्या ०.३ टक्क्यांनी वाढून रु. १८,५३० वर आल्या आहेत. स्पॉट (राजकोट) किमती रु. १८,८८४ वर आलेल्या आहेत.

डिसेंबर  २०१७ च्या फ्युचर्स किमती सध्याच्या स्पॉट किमतींपेक्षा ३.६ टक्क्यांनी कमी आहेत (रु. १८,२००). २२ सप्टेंबर रोजी केंद्र शासनाने जाहीर केलेल्या प्रथम अंदाजानुसार या वर्षी कापसाचे उत्पादन घसरून ३२.३ दशलक्ष गाठीवर येणार आहे (गेल्या वर्षीचे उत्पादन: ३३.१ दशलक्ष गाठी). मागणी चांगली आहे. लांबवरचा कल वाढता आहे. मात्र खरीप पिकाच्या पुढील काही महिन्यातील आवकेमुळे किमती घसरण्याचा संभव आहे. (सर्व किमती प्रती क्विंटल; कापसाची किमत प्रती १४० किलोची गाठी).

गवार बी

गवार बीच्या फ्युचर्स (ऑक्टोबर २०१७) किमतीने ऑगस्ट महिन्यात वाढ अनुभवली होती (रु. ३,५८२ ते ४,२३४). या सप्ताहात त्या २ टक्क्यांनी वाढून  रु. ३,८३७  वर आल्या आहेत. स्पॉट (जोधपूर) किमती  रु. ३,८७५ वर आहेत.  सध्याच्या स्पॉट (जोधपुर) किमतींपेक्षा डिसेंबर २०१७ मधील फ्युचर्स किमती १.४ टक्क्यांनी अधिक आहेत (रु. ३,९३०). राजस्थानमध्ये पाऊस समाधानकारक आहे. मागणी वाढत आहे.

संपर्क ः arun.cqr@gmail.com

इतर अॅग्रोमनी
दशकातील सर्वांत मोठ्या कापूस आयातीचे...जळगाव ः महाराष्ट्रासह काही प्रमुख कापूस उत्पादक...
कांदा निर्यात मूल्यात १५० डॉलरने कपातनवी दिल्ली : केंद्र सरकारने कांद्यावरील...
सप्ताहात कापूस, सोयाबीन, गव्हाच्या...या सप्ताहात कापूस, सोयाबीन व गहू यांचे भाव चढले....
अंडी, ब्रॉयलर्सच्या बाजारात सातत्यपूर्ण...पुणे : मागणी आणि पुरवठ्यातील संतुलनामुळे अंडी आणि...
अल्पभूधारक भलमे यांची 108 एकर शेती !चंद्रपूर जिल्ह्यातील चारगाव (धरण) (ता. वरोरा)...
कापूस, सोयाबीनच्या फ्युचर्स भावात वाढया सप्ताहात सोयाबीन व गवार बीचे भाव मोठ्या...
क्रॅकिंग टाळण्यासह भुरी नियंत्रणाकडे...सध्या सर्वच द्राक्ष विभागांमध्ये थंडीची लाट आलेली...
तेलंगणमध्ये मिरची उत्पादन घटणारहैदराबाद, तेलंगण : गेल्या वर्षी मिरचीच्या जास्त...
गहू, हरभऱ्याच्या भावावर ठेवा लक्षया सप्ताहात रब्बी मका, गवार बी व हरभरा वगळता...
द्राक्ष बाजारात गुणवत्तेचा मुद्दा कळीचाराज्यातील द्राक्ष उत्पादक पट्ट्यात यंदा ३० ते ३५...
कापूस निर्यातीत १५ टक्के वाढकापसाच्या उत्पादनात वाढ झाल्यामुळे चालू हंगामात (...
'कृषी स्टार्टअप' कंपन्यांसाठी महास्पर्धादेशातील शेती क्षेत्रापुढील प्रमुख १२ समस्यांवर...
कांद्यातील तेजी-मंदीचे सूत्रकांदा बाजाराच्या दृष्टीने नव्या वर्षाची सुरवात...
खाद्यतेलाच्या बदल्यात साखर निर्यातीचा...इंडोनेशियाकडून खाद्यतेल विकत घेण्याच्या बदल्यात...
खासगी कंपनीप्रमाणे शेतीचे नियोजनएखाद्या खासगी कंपनीप्रमाणे वेळेचा काटेकोर वापर,...
मका, सोयाबीनच्या फ्युचर्स भावांत वाढया सप्ताहात खरीप मका व हरभरा वगळता सर्वच...
गुंतवणूकदारांना आकर्षित करण्यासाठी...कृषी क्षेत्रामध्ये आर्थिक गुंतवणुकीला आकर्षित...
जागतिक कापूस उत्पादनात होणार घट मुंबई ः भारत, आॅस्ट्रेलिया, पाकिस्तानच्या कापूस...
नाताळ, नववर्षाच्या उत्सवी माहोलामुळे...नाताळ ते ३१ डिसेंबर या वर्षातील सर्वाधिक खपाच्या...
अकोटमध्ये कापसाचे दर पोचले ५६६० रुपयांवरअकोला : या अाठवड्यात कापसाच्या दरात सातत्याने...