agriculture story in marathi, ginger processing | Agrowon

अाैषधी गुणधर्मांनीयुक्त अाल्याचे लोणचे, कॅंडी
कीर्ती देशमुख, डॉ. उमेश ठाकरे
गुरुवार, 2 ऑगस्ट 2018

आले हे स्वयंपाकात सूप, बिस्किटे आणि वड्यांच्या निर्मितीसाठी वापरले जाते. पाचक म्हणून याचा औषधी उपयोग होतो. त्याचबरोबरीने घरच्या घरी आल्यापासून लोणचे आणि कॅंडी बनविता येते.

अद्रक (आले) ही औषधी वनस्पती मानली जाते. आल्यामध्ये ९१ टक्के पाणी २.५ टक्के प्रोटिन, १३ टक्के कार्बोहायड्रेट असतात. आल्यापासूनच सुंठ तयार करतात. आले पाकात टाकून त्याच्या वड्या करतात. आले पाकाच्या वड्या सेवन केल्या असता उत्तम भूक लागते.

अाल्याचे अाैषधी गुणधर्म

आले हे स्वयंपाकात सूप, बिस्किटे आणि वड्यांच्या निर्मितीसाठी वापरले जाते. पाचक म्हणून याचा औषधी उपयोग होतो. त्याचबरोबरीने घरच्या घरी आल्यापासून लोणचे आणि कॅंडी बनविता येते.

अद्रक (आले) ही औषधी वनस्पती मानली जाते. आल्यामध्ये ९१ टक्के पाणी २.५ टक्के प्रोटिन, १३ टक्के कार्बोहायड्रेट असतात. आल्यापासूनच सुंठ तयार करतात. आले पाकात टाकून त्याच्या वड्या करतात. आले पाकाच्या वड्या सेवन केल्या असता उत्तम भूक लागते.

अाल्याचे अाैषधी गुणधर्म

  • खोकला झाल्यावरही हे उपयुक्त असते. आल्याचे बारीक काप करून त्याचे तुकडे व एकसारख्या प्रमाणात मधासोबत गरम करून दिवसातून दोन-तीन वेळा खावे. खोकला येणे बंद होते. त्याचसोबत घशातील खवखवसुद्धा कमी होते.
  • भूक लागत नसेल तर आल्याचे नियमित सेवन करावे त्याने पोट साफ होते व भूकही लागते
  • अॅसिडिटीवरही आलं उपकारक आहे. आल्यामध्ये ओवा आणि लिंबाचा रस एकत्र करून त्यात थोडे मीठ टाकून खावे. त्यामुळे पोटाचे आजार कमी होतात व ढेकरही येत नाही.
  • जर वारंवार उलट्या होण्याची समस्या असेल, तर आलं कांद्याच्या रसासोबत दोन चमचे प्यावे. यामुळे उलटी होणे थांबते.
  • सर्दी झाल्यावर आल्याचा चहा पिणे फायदेशीर असते
  • आल्याचा रस कोमट पाण्यात १ चमचा टाकून प्यावे. तोंडातील दुर्गंधी ताबडतोब जाते.
  • ताज्या आल्याची फोड तोंडात ठेवल्यास उचकी थांबते.
  • आल्यामध्ये कोलेस्टेरॉल कमी प्रमाणात असते. त्यामुळे रक्ताच्या गाठी बनण्यास प्रतिबंध करता येतो. तसेच कर्करोगाच्या प्रतिकारासाठीही आलं वापरतात.
  • डोके दुखत असल्यास आल्याचा चहा प्यावा डोकेदुखी कमी होते.

आल्याच्या किसाचे लोणचे

  • लोणचे तयार करण्यासाठी आले कीस ५०० ग्रॅम, लिंबू रस १२५ मि.लि., मसाला पदार्थ लागतात, त्याचबरोबरीने तिखट ३० ग्रॅम, मीठ १५० ग्रॅम, हळद दहा ग्रॅम, बडीशोप २० ग्रॅम, मोहरी डाळ ७५ ग्रॅम, मेथी चार ग्रॅम, तेल ३०० मि.लि. हिंग चवीनुसार वापरावे.
  • आले स्वच्छ करून खराब, किडलेले आल्याचे गड्डे वेगळे करावेत. स्वच्छ केलेले आले किसून त्याची संपूर्ण साल काढावी. साल काढलेला आल्याचा बारीक कीस करावा.
  • बडीसोप, मेथी, मोहरी भाजून त्याची बारीक पूड तयार करावी. सर्व मसाला पदार्थ बारीक करून घ्यावेत. तेल गरम करून त्यात थोडे हिंग मिसळावे.
  • तेल थंड झाल्यानंतर बारीक केलेला संपूर्ण मसाला तेलात मिसळावा. त्यानंतर मसाल्याचे मिश्रण व आल्याचा कीस एकत्र करून लिंबाचा रस त्यात मिसळावा.
  • संपूर्ण मिश्रण एकजीव करून घ्यावे. एकत्र केलेले मिश्रण रुंद काचेच्या बाटलीत भरावे. काही दिवसांतच आल्याचे लोणचे तयार होईल.

आल्याची कॅंडी

  • कॅंडी तयार करण्यासाठी आल्याचे काप एक किलो, साखर एक किलो, सायट्रिक अॅसिड पाच ग्रॅम, पाणी हे घटक लागतात.
  • आले स्वच्छ करून त्याची साल काढून घ्यावी. नंतर त्याचे आवडीनुसार गोल किंवा लांब काप करून घ्यावेत. काप १० ते १५ मिनिटे ब्लॅचिंग करून घ्यावेत. काप २० ते २५ मिनिटे हवेत उघड्यावर ठेवावेत.
  • काप काही प्रमाणात वाळल्यानंतर वजन करून त्याच्या वजनाइतकी साखर आणि पाच ग्रॅम सायट्रिक अॅसिड घ्यावे. त्याचा एकतारी पाक तयार करून पाकात आल्याचे काप टाकावेत.
  • हे मिश्रण २४ तास ठेवून पुन्हा त्याचा पाक हा दोनतारी करावा. असेच एकासोबत एक असे तीन वेळा करावे. काप बाहेर काढून उन्हात वाळवावे. त्याची आल्याची कॅंडी तयार होईल. आल्याच्या कापातील तिखटपणा कमी होईपर्यंत ते काप पाकात ठेवावेत.

संपर्क ः कीर्ती देशमुख, ८२७५४१२०६३
(विषय विशेषज्ञ (गृहविज्ञान) कृषी विज्ञान केंद्र, अकोला)

टॅग्स

इतर कृषिपूरक
जनावरांना खुराकासोबत द्या बायपास फॅट,...संतुलित पशुखाद्यामध्ये प्रथिने, पिष्टमय पदार्थ,...
दर्जेदार पशुखाद्यातून होते पोषण,...गाई-म्हशींना दूध उत्पादनासाठी बरेचसे पौष्टिक घटक...
वंधत्व निवारणासाठी कृत्रिम रेतन फायदेशीरफायदेशीर व्यवसायासाठी जनावरे सुदृढ व प्रजननक्षम...
पावसाळ्यात सांभाळा शेळ्यांनापावसाळ्यात आर्द्रतेचे प्रमाण निश्चितच जास्त असते...
शेतीला मिळाली पूरक उद्योगांची जोडअमरावती शहरातील ॲड. झिया खान यांनी भविष्याची सोय...
हिरव्या, कोरड्या चाऱ्याचे योग्य नियोजन...पावसाळ्यामध्ये सर्वत्र भरपूर प्रमाणात हिरवा चारा...
रोखा शेळ्यांमधील जिवाणूजन्य अाजारपावसाळ्यात शेळ्यांमध्ये विविध संसर्गजन्य रोगाचा...
महत्त्व सेंद्रिय पशुपालनाचे...सेद्रिय पशुपालन ही संकल्पना अापल्याकडे नविन असली...
कोंबड्या, जनावरांतील वाईट सवयींचे करा...कोंबड्या अाणि जनावरांस काही वाईट सवयी असतील, तर...
अाैषधी गुणधर्मांनीयुक्त अाल्याचे लोणचे...आले हे स्वयंपाकात सूप, बिस्किटे आणि वड्यांच्या...
बदलत्या वातावरणात जपा कोंबड्यांनापावसाळ्यात दमट हवामान असते. त्यामुळे...
फऱ्या, तिवा, घटसपर् रोगाची लक्षणे अोळखापावसाळ्यात जनावरे आजारी पडण्याचे व त्यामुळे...
शेतीला दिली शेळीपालनाची जोडपाटबंधारे खात्यातील नोकरी सांभाळून राम चंदर...
पोषक घटकांनीयुक्त शेळीचे दूधभारतामध्ये प्रामुख्याने गायीच्या व म्हशीच्या...
बोटुकली आकाराच्या मत्स्यबीजाचे संवर्धन...मत्स्यबीज केंद्रावर प्रेरित प्रजननाद्वारे तयार...
उत्कृष्ट शेळीपालन व्यवसायाचा आदर्शपरभणी जिल्ह्यातील वडाळी येथील ढोले बंधूंनी...
पंधरा हजार ब्रॉयलर पक्ष्यांचे काटेकोर...घरची सुमारे दहा ते अकरा एकर माळरानावरची शेती. चार...
अशी करा मत्स्यशेतीची पूर्वतयारी...मत्स्यबीज संगोपनाचे यश हे तळ्याच्या पूर्वतयारीवरच...
काळीपुळी रोग नियंत्रणासाठी...काळीपुळी रोग उष्ण प्रदेशात उन्हाळ्याच्या अखेरीस...
अोळखा जनावरांतील प्रजनन संस्थेचे आजारप्रजनन संस्थेशी निगडित संसर्गजन्य रोगांचा प्रसार...