agriculture story in marathi, importance of gunvant fodder crop | Agrowon

प्रथिनांचा उत्तम स्राेत ः गुणवंत चारापीक
के. एल. जगताप
मंगळवार, 25 सप्टेंबर 2018

राहुरी येथील महात्मा फुले कृषी विद्यापीठाने संकरित बाजरी व नेपियर गवताचा संकर करून गुणवंत हे चारापिकाचे वाण विकसित केले अाहे. गुणवंत या चारापिकाची पाने लांब असून पालेदार, मऊ, रसरशीत असतात.
 
अधिक उत्पादनाकरिता तसेच जनावरांचे स्वास्थ्य अधिक काळ उत्तमरीत्या टिकवून ठेवण्याकरिता हिरवा चारा दैनंदिन आहारात देणे गरजेचे आहे. गुणवंत हे चारापीक चवीला रुचकर असून, पचायला पाचक अाहे. ओक्झॅलिक आम्लाचे (२.०५) प्रमाण कमी अाणि प्रथिनांचे प्रमाण (९.४६) जास्त आहे.

राहुरी येथील महात्मा फुले कृषी विद्यापीठाने संकरित बाजरी व नेपियर गवताचा संकर करून गुणवंत हे चारापिकाचे वाण विकसित केले अाहे. गुणवंत या चारापिकाची पाने लांब असून पालेदार, मऊ, रसरशीत असतात.
 
अधिक उत्पादनाकरिता तसेच जनावरांचे स्वास्थ्य अधिक काळ उत्तमरीत्या टिकवून ठेवण्याकरिता हिरवा चारा दैनंदिन आहारात देणे गरजेचे आहे. गुणवंत हे चारापीक चवीला रुचकर असून, पचायला पाचक अाहे. ओक्झॅलिक आम्लाचे (२.०५) प्रमाण कमी अाणि प्रथिनांचे प्रमाण (९.४६) जास्त आहे.

जमीन
काळ्या कसदार अाणि मध्यम ते भारी जमिनीत या पिकाची वाढ उत्तम होते. जमिनीची पाणी निचरा होण्याची क्षमता चांगली असावी. जमिनीचा सामू ५ ते ८ च्यादरम्यान असावा.

जमिनीची मशागत
खोल नांगरट करून जमीन भुसभुशीत होण्यासाठी कुळवाच्या पाळ्या द्याव्यात.

हवामान
साधारणपणे ३० अंश सेल्सिअसच्या वर तापमान असेल तर वाढ उत्तम होते. उन्हाळा तसेच पावसाळा हे दोन ऋतू अाणि स्वच्छ सूर्यप्रकाश या पिकाच्या वाढीस पोषक असतो.

लागवडीचा हंगाम
वर्षभरात कोणत्याही महिन्यात या चारापिकाची लागवड करता येते. फक्त तापमान १५ सेल्सिअसपेक्षा कमी नसावे. उन्हाळा - फेब्रुवारी ते मार्च, पावसाळा - जून ते आॅगस्ट या महिन्यांत लागवड केल्यास पिकाची चांगली वाढ होते.

लागवडीचे अंतर
६० X ९० सेंमी अंतर ठेवल्यास हेक्टरी २ डोळ्यांच्या ठोंबांची संख्या १८००० लागते.

लागवडीची पद्धत
दोन डोळे असलेले ठोंब वापरताना ६० सेमी अंतरावर अशा पद्धतीने लागवड करावी, जेणेकरून एक डोळा जमिनीत व एक डोळा जमिनीच्या वर राहील. दोन ओळीतील अंतर हे ९० सेमी ठेवावे.

रासायनिक खतांची मात्रा
लागवडीच्या वेळी एकरी ५० : २५ : २० किलो नत्र, स्फुरद, व पालाश द्यावे. प्रत्येक कापणीनंतर एकरी २० किलो नत्र द्यावे. खांदणी करतेवेळी २० : २५ : २० किलो नत्र, स्फुरद, व पालाश द्यावे.

आंतरमशागत
पिकाच्या वाढीच्या काळात एक ते दोन खुरपण्या कराव्यात. प्रत्येक वर्षी उन्हाळ्याच्या अखेरीस एका ठिकाणी २ ते ३ फुटवे ठेवून बाकीचे सर्व काढून टाकावे.

पाणी व्यवस्थापन
लागवडीच्या वेळी सुरवातीला दोन व त्यानंतर १० ते १५ दिवसांनी पाण्याच्या पाळ्या द्याव्यात. पावसाळ्यात पावसाचा अंदाज घेऊन पिकाला पाणी द्यावे. साधारणपणे पिकाला ८०० ते ९०० मिमी पाण्याची गरज असते.

कापणी
कापणी करत असताना जमिनीपासून १५ ते २० सेमी. अंतरावर कापणी करावी. त्यामुळे चांगले फुटवे येण्यास मदत होईल. एका वर्षात ६ ते ८ कापण्या होतात. प्रतिहेक्टरी हिरव्या चाऱ्याचे उत्पादन हे १२० ते १५० टन होते.

संपर्क ः के. एल. जगताप, ९८८१५३४१४७
(विषय विशेषज्ञ पशू संवर्धन व दुग्धशास्त्र, कृषी विज्ञान केंद्र, खामगाव, जि. बीड)

 

इतर अॅग्रो विशेष
नांदेड जिल्ह्यात मुगाची उत्पादकता...नांदेड ः यंदा नांदेड जिल्ह्यातील १४ तालुक्यांतील...
संतप्त शेतकऱ्यांनी हवामान विभागाला...पुणे : हवामान विभागाचा अंदाज चुकीचा...
जलयुक्त शिवार, शेततळ्यांमुळे संरक्षित...अमरावती   : जिल्ह्यात शेततळी, जलयुक्त शिवार...
तिसगाव उपबाजारात चाऱ्यासाठी उसाला...तिसगाव, जि. नगर  : पाथर्डी तालुक्‍यात...
तुझे आहे तुजपाशी जगाच्या सरासरीच्या दीडपट पाऊस भारतात पडतो तरी...
सूक्ष्म सिंचनात अडचणी मोठ्या राज्यात पाण्याचे दुर्भिक्ष...
भातशेती वाचविण्यासाठी शेतकऱ्यांची धडपडनगर ः ‘पोळ्यापासून पाऊस नाही. पोळ्याला गेला तरी...
ठिबकचा तिढा सुटला, नोंदणीला होणार सुरवातनागपूर  ः ठिबक संदर्भातील नोंदणीवर वितरकांनी...
महिला बचत गटाने सुरू केली बियाणे बँकपाटीलवाडी (धामणवन) (ता. अकोले, जि. नगर) या...
शेती अन् ग्रामविकासासाठी आलो एकत्रअकोला शहरात विविध क्षेत्रांत काम करणाऱ्यांनी...
थेट शेतीमाल विक्री ठरली नावापुरतीचपुणे  ः फळे भाजीपाला नियमनमुक्तीनंतर शेतकरी...
‘सीसीआय’च्या खरेदी केंद्रासाठी...जळगाव  ः खासगी जिनिंगमध्ये कापूस खरेदीसंबंधी...
गटशेतीला प्रोत्साहनासाठी निकषांत बदलपुणे : राज्याच्या गटशेती धोरणाला आलेली मरगळ...
जळगावला ‘हीट’चा चटका ः पारा ३८ अंशांवरपुणे : राज्यात ऑक्टोबर हीटच्या चटक्यात जळगाव...
संकटातील सूतगिरण्यांना वीज दरवाढीचा...कोल्हापूर : महावितरणने वीज दरवाढीचा बडगा...
उसाच्या जनुकीय संरचनेतून उलगडली अनेक...गेल्या अनेक शतकांपासून ऊस हे पीक साखरेसोबतच...
दुर्गम सातपुड्यात नवतंत्रज्ञानाचा...नंदुरबार जिल्ह्यात सातपुडा पर्वतातील दुर्गम धनाजे...
‘ब्रॉयलर’ संगोपनासोबत भक्कम विक्री...नांदेड जिल्ह्यातील झरी (ता. लोहा) येथील मारुतीराव...
चक्रीवादळाची तीव्रता कमी होण्यास सुरवातपुणे : बंगालच्या उपसागरात तयार झालेले तितली...
टेंभू योजनेचे पाणी घाटमाथ्यावर कधी येणारसांगली ः टेंभू उपसा सिंचन योजनेचे पाणी...