लोहयुक्त कुळीथ खाकरा

कुळीथ खाकरा

कुळीथ हे लोहाचा उत्कृष्ट स्रोत आहे. कुळीथ हे प्रथिनांच्या सर्वांत श्रीमंत शाकाहारी स्रोतांपैकी एक आहे. कुळथाचा मधुमेह आहार म्हणून उपयोग केला जातो.

कुळीथाचे फायदे

पचनक्रिया तंदुरुस्त ठेवण्यासाठी.

मधुमेही रुग्णांसाठी अतिशय उपयुक्त.

कॅन्सरपासून संरक्षण.

रक्तातील लोहाचे प्रमाण वाढविण्यास मदत करते.

कोलेस्टेरॉल पातळी कमी ठेवण्यात मदत करते.

कुळीथाच्या बियांमध्ये ट्रिप्सीन इनहीबिटर, हेमॅग्लुटेनिन आणि नैसर्गिक फीनॉल्स असतात.

कोलेस्टेरॉल कमी करणे, वजन कमी करणे, पचनक्षमता तंदुरुस्त ठेवणे यासाठी कुळथाचा उपयोग होतो.

त्वचेच्या चांगल्या अारोग्यासाठीही कुळीथ फायदेशीर आहे. कुळथाचे दैनिक सेवन रक्तातील ग्लुकोजची पातळी कमी करण्याचे काम करते.

कुळीथामधील लोह शरीरातील हिमोग्लोबिनचे प्रमाण वाढविते.

सर्व फायदे लक्षात घेता कुळथापासून विविध पदार्थ बनविण्यात येतात. कुळीथ खाकरा या पदार्थाची टिकून राहण्याची क्षमता जास्त असल्याने हा पदार्थ तयार करण्यात आला.

साहित्य

कुळीथ पीठ (४५ ग्रॅम)

गव्हाचे पीठ (५५ ग्रॅम)

जिरे पावडर (५ ग्रॅम)

हळद (२ ग्रॅम)

मिरची पावडर (३ ग्रॅम)

मीठ (चवीनुसार)

तेल (१० ग्रॅम)

बडीशेप पावडर (२ ग्रॅम)

कृती

कुळीथाचे पीठ आणि गव्हाचे पीठ एकत्र करून ते चाळून घ्यावे.

पिठामध्ये हळद, मिरची पावडर, बडीशेप पावडर, मीठ घालून एकजीव करून घ्यावे.

गरजेनुसार तेल व पाणी घालून पीठ मळून घ्यावे.

भिजलेल्या पिठावर २० मिनिटे ओला कपडा झाकून ठेवावा.

पिठाचे छोटे छोटे गोळे करून पातळ लाटून घ्यावे.

कमी आचेवर कडक होईपर्यंत खाकरा भाजून घ्यावा.

प्लॅस्टिक बॅगमध्ये खाकरा साठवून ठेवावा.

संपर्क ः प्रणाली दळवी, ८६९२८५५०५५ (के. के. वाघ अन्नतंत्रज्ञान महाविद्यालय, नाशिक)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

लोहयुक्त कुळीथ खाकरा

Related Stories