कांदा - लसूण पीक सल्ला

बहुतांश शेतकऱ्यांच्या शेतामध्ये खरीप कांदा पिकाची पुनर्लागवड होऊन पीक सुमारे १५ ते ४५ दिवसांचे झाले आहे. या महिन्यामध्ये रांगडा कांद्याची रोपवाटिका करणे आवश्यक आहे. काही शेतकऱ्यांनी आधीच रोपवाटिका केली होती, त्यांची रोपे पुनर्लागवडीसाठी तयार आहेत. खरीप कांद्याच्या उभ्या पिकाकरिता सध्या पावसाळी वातावरण दिसत आहे. सलग तीन दिवस पाऊस, ८५ टक्क्यांपेक्षा अधिक आर्द्रता आणि ढगाळ वातावरण राहिल्यास कांदा पिकावर करपा रोगाचा प्रादुर्भाव होऊ शकतो. तो टाळण्यासाठी शेतातील अतिरिक्त पाण्याचा निचरा करून घ्यावा.

रांगडा कांदा रोपवाटिका एक हेक्टर क्षेत्रासाठी पाच गुंठे रोपवाटिका पुरेशी असते. त्यासाठी अर्धा टन चांगले कुजलेले शेणखत मिसळून १ मीटर रुंद व १० ते १५ सेंमी उंच गादीवाफे तयार करावेत. तण नियंत्रणासाठी पेरणीपूर्वी पेंडीमिथेलिन २ मिलि प्रतिलिटर या प्रमाणात फवारणी करावी. बीजप्रक्रिया ः कार्बेन्डाझीम १ ते २ ग्रॅम प्रतिकिलो बियाणे. मर रोग नियंत्रण ः ट्रायकोडर्मा व्हिरिडी १२५० प्रति हेक्टरी वापरावे.

रांगडा कांद्याच्या पुनर्लागवडीसाठी तयारी

डॉ. शैलेंद्र गाडगे, ०९९२२४९०४८३ (राष्ट्रीय कांदा, लसूण संशोधन संचालनालय, राजगुरुनगर, जि. पुणे) गादीवाफ्यावरील  कांदा रोपवाटिका.