Agriculture story in marathi, Rose market in Nanded | Agrowon

नांदेड फुलबाजारामुळे परिसरात फुलली फुलशेती
माणिक रासवे
बुधवार, 13 फेब्रुवारी 2019

नांदेड (प्रतिनिधी)ः मराठवाड्यामध्ये प्रसिद्ध अशा नांदेड येथील फुलांच्या बाजारपेठेमध्ये देशी गुलाबासह डच गुलाबाची आवक होत आहे. व्हॅलेंटाइन डेनिमित्त गुलाब फुलांच्या मागणीत वाढ होते, तसेच दरात जवळपास दुपटीने वाढ होत असल्याचे बाजारातील सूत्रांनी सांगितले.

नांदेड (प्रतिनिधी)ः मराठवाड्यामध्ये प्रसिद्ध अशा नांदेड येथील फुलांच्या बाजारपेठेमध्ये देशी गुलाबासह डच गुलाबाची आवक होत आहे. व्हॅलेंटाइन डेनिमित्त गुलाब फुलांच्या मागणीत वाढ होते, तसेच दरात जवळपास दुपटीने वाढ होत असल्याचे बाजारातील सूत्रांनी सांगितले.

पूर्वी नांदेड शहरातील कलामंदिर परिसरामध्ये फुलांचा बाजार भरत असे. १९९० च्या दरम्यान फुलांची चांगली बाजारपेठ विकसित झाली. त्यामुळे २०१५ मध्ये स्थानिक प्रशासनाने शहरातील हिंगोली गेट भागातील उड्डाण पुलाच्या खाली फुलबाजारासाठी जागा दिली. येथे १० अडते आणि ३० ते ४० किरकोळ व्यापारी आहेत. मराठवाड्याच्या विविध जिल्ह्यातून खरेदीदार फुलांच्या खरेदीसाठी येतात. त्याचप्रमाणे येथून हैदराबाद, मुंबई, इंदूर, यवतमाळ, तुळजापूर या भागामध्ये विविध प्रकारची फुले पाठवली जात असल्याचे जेष्ठ अडत व्यापारी करिमखान पठाण यांनी सांगितले.

नांदेड परिसरातील मुदखेड, नांदेड, अर्धापूर या तीन तालुक्यांमध्ये फुलशेतीचा चांगला विस्तार झाला आहे. उमरी, भोकरसह अन्य काही तालुक्यांतील सिंचनाची सोय असलेल्या शेतकऱ्यांकडे फुलशेती रुजली आहे. जिल्ह्यात फुलशेतीखालील क्षेत्र सुमारे ५०० एकरपर्यंत आहे. कृषी विभागाच्या योजनेअंतर्गत ६० ते ६५ शेडनेटगृह आणि १८ ते २० पाॅलिहाउस उभारले आहेत. त्यात गुलाब, गलांडा, काकडा, मोगरा, लिली, झेंडू, निशिगंध, बिजली, जरबेरा आदी फुलांची लागवड केली आहे. २००५ नंतर गुलाबाचे क्षेत्र वाढले आहे.
नांदेड येथील फुलबाजारामध्ये नांदेडसह शेजारच्या परभणी, हिंगोली जिल्ह्यातील ९०० ते १००० शेतकरी फुले विक्रीसाठी आणतात. लिलाव पद्धतीने बोली बोलून शेतकऱ्यांसमक्ष फुलांची खरेदी केली जाते. गुलाब फुलांची किंमत त्याच दिवशी दिली, तर काकडा, मोगरा आदी फूल उत्पादकांना आठवड्याला पट्टी काढली जाते.

गुलाबाची आवक आणि दर ः

  • शिर्डी गुलाबाची दररोज १५ ते २० क्विंटलपर्यंत आवक होते. त्यास २० ते ४० रुपये किलोपर्यंत दर मिळतात. लग्नसराईमध्ये वाढलेल्या मागणीनुसार दर वाढतात. सोमवारी (ता. ११) शिर्डी गुलाबाचे दर १०० ते १२० रुपये किलो होते. लग्नसराईमध्ये ३०० रुपये किलोपर्यत दर वाढले होते.
  • रंगीत गुलाबाच्या १० फुलांच्या बंचचे दर ४० ते ५० रुपयेपर्यंत असतात.
  • शेडनेट, पाॅलिहाउस उभारणी खर्चिक असल्यामुळे नांदेड जिल्ह्यातील अनेक शेतकरी डच गुलाबाची लागवड ओपनवर घेतात. बाजारात डच गुलाबाची दररोज १५० ते २०० बंच (प्रतिबंच २० फुले) आवक होते. त्यास ८० ते १०० रुपये दर मिळतो.
  • व्हलेंटाइन डेच्या दिवशी मागणी वाढल्याने डच गुलाबाच्या दरात दुपटीने वाढ होते. गतवर्षी (२०१८) व्हॅलेंटाइन डेला डच गुलाबाच्या बंचला १८० ते २०० रुपये दर मिळाला होता. या काळात शिर्डी गुलाबाच्या बुकेंनाही मागणी असते.
  • नोव्हेंबर ते फेब्रुवारी या कालावधीत गुलाब फुलांची आवक अधिक असली तर त्यानंतर मात्र सिंचनाची सुविधा असलेल्या शेतकऱ्यांची फुले बाजारात येतात. उन्हाळ्यात लग्नसराईमुळे मागणी वाढलेली असते. तुलनेत आवक कमी असल्याने दर चांगलेच वधारतात.
  • जरबेराच्या दहा फुलांच्या बंचला ५० ते ८० रुपये दर मिळतात. ते व्हॅलेंटाइन डे काळात सव्वा ते दीड पटीने वाढत असल्याचे व्यापारी मोहंमद तकिय्योद्दिन यांनी सांगितले.

आमच्याकडे १० एकर शेतीपैकी तीन एकरवर फुलशेती आहे. गुलाब, शेवंती, झेंडू, गलांडा, ओपनमध्ये डच गुलाबाचे उत्पादन घेतो. सर्व मिळून दररोज १ क्विंटल फुले निघतात. शिर्डीत गुलाबास ५० ते १०० रुपये प्रतिकिलोपर्यंत दर मिळतात.
- गणेश कव्हळे, फूल उत्पादक, इळेगाव (ता. उमरी)

गावापासून फुलाची बाजारपेठ जवळ असल्याने पारंपरिक शेतीला फुलशेतीची जोड दिली आहे. शिर्डी गुलाबासह, बिजली, गलांडा अशी ५ ते १० किलो फुले विक्रीसाठी आणतो. जाहीर लिलाव पद्धतीने बोली फुलांची खरेदी होऊन, त्वरित रक्कम हाती मिळते.
- अमोल सावंत, फूल उत्पादक, मालेगाव (ता. अर्धापूर) 

इतर ताज्या घडामोडी
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...
व्यवस्थेनेच शेतकऱ्यांना ओरबडले : राजू...कोल्हापूर ः ‘देशात अनेक राजवटी आल्या; पण या...
चारा छावण्या सुरू न केल्यास आंदोलन :...नगर : दुष्काळी परिस्थिती लक्षात घेऊन राज्य सरकाने...
आंबा मोहर सल्ल्यासाठी तज्ज्ञ बांधावर जालना : हवामानाचा बदलता अंदाज पाहता फळ संशोधन...
मापाडींच्या प्रश्नांबाबत सरकार...सोलापूर  : राज्यातील बाजार समित्यातील हमाल-...
तीन वर्षांपूर्वीचा हरभरा बियाणे घोळाचा...अकोला ः २०१६-१७ च्या रब्बी हंगामात शेतकऱ्यांना...
उन्हाळ कांद्याच्या सिंचनाबाबत अडचणी जळगाव  ः उन्हाळ कांदा लागवडीसंबंधी खानदेशात...
पाकमधून होणाऱ्या सर्व आयातीवर जबर शुल्कनवी दिल्लीः पुलवामा येथील हल्ल्याच्या...
हुतात्मा जवानांच्या कुटुंबीयांना ५० लाख...बुलडाणा ः तीन दिवसांपूर्वी काश्‍मीरमधील...
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...