Agriculture story in marathi, weekly grape advisary | Agrowon

भुरी, पिंक बेरीकडे लक्ष द्या...
डॉ. एस. डी. सावंत
गुरुवार, 3 जानेवारी 2019

मागील आठवड्यापासून सर्व द्राक्ष विभागांत थंडीची लाट आहे. येत्या आठवड्यात सर्व द्राक्ष विभागात वातावरण निरभ्र राहणार असल्यामुळे थंडीची लाट कायम राहणार आहे. तलाव, नदी तसेच कालव्याच्या काठावरील बागांमध्ये जेथे खेळती हवा फार कमी आहे अशा ठिकाणी पहाटेचे तापमान दहा अंश सेल्सिअसपेक्षा कमी होण्याची शक्यता आहे. विशेषतः नाशिक विभागात रविवारपर्यंत बऱ्याच ठिकाणी तापमान कमी होण्याची शक्यता आहे. त्यामुळे थंडीपासून बागेचे संरक्षण कसे करता येईल याकडे लक्ष द्यावे.

मागील आठवड्यापासून सर्व द्राक्ष विभागांत थंडीची लाट आहे. येत्या आठवड्यात सर्व द्राक्ष विभागात वातावरण निरभ्र राहणार असल्यामुळे थंडीची लाट कायम राहणार आहे. तलाव, नदी तसेच कालव्याच्या काठावरील बागांमध्ये जेथे खेळती हवा फार कमी आहे अशा ठिकाणी पहाटेचे तापमान दहा अंश सेल्सिअसपेक्षा कमी होण्याची शक्यता आहे. विशेषतः नाशिक विभागात रविवारपर्यंत बऱ्याच ठिकाणी तापमान कमी होण्याची शक्यता आहे. त्यामुळे थंडीपासून बागेचे संरक्षण कसे करता येईल याकडे लक्ष द्यावे.

  • मागील आठवड्यात दिलेल्या सल्याप्रमाणे बागेच्या जवळपासच्या भागात पहाटे शेकोटी पेटवावी. पानातून होणाऱ्या बाष्पीभवनाच्या वेगाच्या प्रमाणात बागेमध्ये किती पाणी द्यायचे हे ठरवावे.
  • कायटोसॅन २ ते ३ मि.लि. प्रतिलिटर पाण्यात मिसळून घडावर फवारावे.
  • सिलिसिक ॲसिड (उपलब्ध सिलिकॉन) फॉर्म्युलेशननुसार योग्य प्रमाणात फवारणे आवश्यक आहे.

भुरीचे नियंत्रण ः
अति थंडीच्या वातावरणामध्ये बागेमध्ये कोणताही रोग सहजासहजी वाढणार नाही. परंतु ज्या ठिकाणी दुपारी भरपूर सूर्यप्रकाश असल्यास या वेळी तापमान २० ते २५ अंश सेल्सिअस किंवा त्याहून जास्त वाढण्याची शक्यता असते. जास्त कॅनॉपी असलेल्या बागांमध्ये हळूहळू भुरी वाढण्याची शक्यता असते. सध्याच्या काळात भुरीचा जास्त प्रमाणात प्रादुर्भाव दिसत नाही. परंतू दुर्लक्ष केल्यास जस जसे तापमान वाढत जाते तस तसा भुरीचा प्रादुर्भाव दिसू लागतो.

पिंक बेरी नियंत्रण ः
बऱ्याच बागांमध्ये पिंक बेरीच्या नियंत्रणासाठी घडावर कागद लावण्याचे काम सुरू झाले आहे. घडावर कागद लावण्या अगोदर भुरीचे योग्य नियंत्रण करून पेपर लावावा. एखादी सल्फरची फवारणी (दीड ग्रॅम प्रतिलिटर पाणी) किंवा त्या पाठोपाठ जैविक नियंत्रणासाठी ॲम्पिलोमायसीस क्विसकॅलिस (८ ते १० मिलि प्रतिलिटर पाणी) किंवा ट्रायकोडर्मा (५ मिलि प्रतिलिटर पाणी) किंवा बॅसिलस सबटिलिस (२ते ३ ग्रॅम प्रतिलिटर पाणी) याची फवारणी घेऊनच द्राक्ष घडांवर पेपर लावावा.
सध्याच्या वातावरणामध्ये सल्फर व ॲम्पिलोमायसीसच्या फवारण्या आलटून पालटून ज्या बागांमध्ये झालेल्या होत्या त्या सर्व बागांमध्ये भुरीचे चांगले नियंत्रण झाले असल्याची माहिती सर्व द्राक्ष विभागातून मिळत आहे. फळ छाटणीनंतरच्या ५५ दिवसांनंतर आंतरप्रवाही बुरशीनाशकाची एकही फवारणी न करता फक्त सल्फर आणि जैविक नियंत्रणासाठी उपयुक्त बुरशीच्या योग्य वापराने भुरीचे चांगले नियंत्रण मिळविणे शक्य आहे. हे या परिणामात दिसत आहे. याची बागायतदारांनी नोंद घ्यावी. झीरो रेडिस्यू द्राक्ष निर्मितीसाठी या नियोजनाचा चांगला फायदा बागायतदारांना होणार आहे.
 

इतर कृषी सल्ला
जमिनीची सुपीकता, सूक्ष्मजीवांचा अतूट...वॉक्समन यांच्या सॉईल अॅण्ड मायक्रोब्स या...
मक्यावरील लष्करी अळीचे एकात्मिक नियंत्रणमहाराष्ट्रात फॉल आर्मी वर्म (स्पोडोप्टेरा...
डाळिंबबागेतील मररोगाची लक्षणे कसे ओळखाल...डाळिंबबागेमध्ये मररोगाचा प्रादुर्भाव आणि प्रसार...
आले लागवडीचे पूर्वनियोजनआ ले लागवड करताना जमिनीची निवड, पूर्वमशागत,...
जमीन अन् सूक्ष्मजीवपूर्वीच्या रासायनिक शेतीमध्ये...
योग्य पद्धतीने करा कूपनलिका पुनर्भरणमागच्या भागात आपण विहीर आणि कूपनलिका यांमधील फरक...
गटशेतीच्या सुलभ व्यवस्थापनासाठीशेतकरी गट स्थापन होऊन गटशेतीस सुरवात करताना पुढील...
महाराष्ट्रात मॉन्सून आगमनासाठी अनुकूल...महाराष्ट्रातील हवेचा दाब १००४ हेप्टापास्कल इतका...
खरीप कांदा लागवड तंत्रज्ञानविशेषतः विदर्भात रब्बी हंगामातील कांद्याचे...
गोष्ट तलावांचा श्वास मोकळा करण्याची...तलावांमध्ये बेशरम वनस्पतीचा पसारा वाढला तर आवश्यक...
द्राक्षवेल अचानक सुकण्याच्या समस्येवर...सध्याच्या परिस्थितीत द्राक्षबागेतील सर्व भागात...
द्राक्षबागेतील स्ट्रोमॅशियम बारबॅटम...द्राक्षाच्या जुन्या बागांमध्ये खोडकिडीच्या...
कोरडवाहूमध्ये कमी खर्चात उत्पादनासह...अवर्षण स्थितीमध्ये सर्वांत अधिक फटका हा कोरडवाहू...
गटशेतीचे ध्येय, उद्दिष्ट, वेळापत्रक ठरवाशेती शाश्वत व किफायतशीर होण्यासाठी एकट्याने शेती...
विहीर अन्‌ कूपनलिका नेमकी कोठे खोदावी?आपल्या जागेमध्ये विहीर करायची की कूपनलिका करायची...
गटशेतीतील जबाबदाऱ्यांचे वाटपशेती शाश्वत व किफायतशीर होण्यासाठी एकट्याने शेती...
जमिनी सुपीकता, उत्पादकता वाढीसाठी शेणखत...कृषी विद्यापीठ किंवा संशोधन केंद्रांद्वारे सर्व...
भुरी नियंत्रणासह अन्नद्रव्य...सध्या बऱ्याच ठिकाणी तापमानामध्ये वाढ होताना दिसत...
भाजीपाला रोपवाटिका नियोजनभाजीपाल्यामध्ये मिरची, टोमॅटो आणि वांगी अशा...
रानडुकरांना रोखण्यासाठी पर्यावरणपूरक...वनविभाग किंवा जंगलाच्या आसपास असलेल्या...