agriculture story in marathi, weekly weather advisary | Agrowon

परतीच्या माॅन्सूनसाठी हवामान घटक अनुकूल
डॉ. रामचंद्र साबळे
शनिवार, 8 सप्टेंबर 2018

दक्षिण कोकण व दक्षिण-पश्‍चिम महाराष्ट्रावर १०१० हेप्टापास्कल इतका हवेचा दाब वाढणार असून मध्य, उत्तर व पूर्व महाराष्ट्र म्हणजेच उत्तर महाराष्ट्र, विदर्भ, मराठवाडा व मध्य महाराष्ट्रापासून पूर्वेस व दक्षिणेस हवेचा दाब १००८ हेप्टापास्कल इतका वाढेल, तेव्हा हवामान ढगाळ राहील आणि विदर्भात व कोकणात अत्यल्प पावसाची शक्‍यता तर मराठवाडा व उत्तर महाराष्ट्र व पश्‍चिम महाराष्ट्रात पावसात उघडीप राहील.

दक्षिण कोकण व दक्षिण-पश्‍चिम महाराष्ट्रावर १०१० हेप्टापास्कल इतका हवेचा दाब वाढणार असून मध्य, उत्तर व पूर्व महाराष्ट्र म्हणजेच उत्तर महाराष्ट्र, विदर्भ, मराठवाडा व मध्य महाराष्ट्रापासून पूर्वेस व दक्षिणेस हवेचा दाब १००८ हेप्टापास्कल इतका वाढेल, तेव्हा हवामान ढगाळ राहील आणि विदर्भात व कोकणात अत्यल्प पावसाची शक्‍यता तर मराठवाडा व उत्तर महाराष्ट्र व पश्‍चिम महाराष्ट्रात पावसात उघडीप राहील. उत्तर भारतातील काश्मीरचा भाग, पंजाब व हरियानाचा भाग तसेच उत्तराखंड, उत्तर प्रदेश, हिमाचल प्रदेश, सिक्कीम या भागांवर केवळ १००४ हेप्टापास्कल इतका कमी हवेचा दाब राहण्यामुळे त्या भागात मध्य स्वरूपात पावसाची शक्‍यता राहील. याचाच अर्थ असा की अद्यापही त्या भागात नैऋत्य माॅन्सून सुरूच राहील. तीच स्थिती ओरिसा भागात राहील. बंगालच्या उपसागराच्या उत्तरेकडील भागावर १००८ हेप्टापास्कल इतका हवेचा दाब राहील. त्यामुळे हळूहळू नैऋत्य मॉन्सूनचा प्रभाव कमी होत जाईल. मात्र ही स्थिती पुढे आणखी बदलेल. ९ सप्टेंबर रोजी संपूर्ण महाराष्ट्रावर १०१० हेप्टापास्कल इतका हवेचा दाब वाढेल आणि महाराष्ट्रातील पाऊस थांबेल तर १० सप्टेंबर रोजी उत्तर दक्षिण दिशेने महाराष्ट्राच्या पूर्व भागावर १००८ तर पश्‍चिम भागावर १०१० हेप्टापास्कल इतका हवेचा दाब राहील. त्या वेळी महाराष्ट्राच्या पश्‍चिम भागात कोकणासह पाऊस थांबेल.

उत्तर भारतात हवेचे दाब वाढण्यास सुरुवात होत आहे. राजस्थान, काश्मीर भागावर १००६ हेप्टापास्कल तसेच हिमालयाच्या पायथ्यासही तितकाच हवेचा दाब राहील. एकूणच नैऋत्य माॅन्सून वारे नैऋत्येकडून वाहण्याचे थांबतील तेव्हा राजस्थानमधेही पाऊस थांबेल आणि ईशान्य माॅन्सूनचा काळ सुरू होण्यास हवामान घटक म्हणजेच हवेचे दाब अनुकूल बनतील. सूर्याचे दक्षिणायन सुरू होईल आणि परतीच्या माॅन्सूनसाठी पावसाळी हवामान घटक अनुकूल बनतील. ती स्थिती १५ सप्टेंबरपर्यंत येईल.

कोकण
कोकणातील नैऋत्य माॅन्सून पाऊस थांबण्याच्या मार्गावर असून या आठवड्यात संपूर्ण कोकणातील सर्वच जिल्ह्यात पावसाचे प्रमाण अत्यल्प राहील. वाऱ्याची दिशा या आठवड्यात नैऋत्येकडूनच राहील. सिंधुदुर्ग व रत्नागिरी जिल्ह्यात प्रतिदिनी ४ मिलिमीटर तर ठाणे, रायगड व पालघर या जिल्ह्यात प्रतिदिनी केवळ २ मिलिमीटर पावसाची शक्‍यता आहे. वाऱ्याचा ताशी वेग ५ ते ७ किलोमीटर इतका कमी होईल. कमाल तापमान ३१ ते ३२ अंश सेल्सिअस राहील तर किमान तापमान ठाणे जिल्ह्यात २५ अंश सेल्सिअस आणि उर्वरित सिंधुदुर्ग, रायगड व रत्नागिरी जिल्ह्यात २२ ते २३ अंश सेल्सिअस राहील. आकाश अंशतः ढगाळ राहील. सिंधुदुर्ग जिल्ह्यात सकाळची सापेक्ष आद्रता ९४ टक्के तर उर्वरीत रत्नागिरी, रायगड व ठाणे जिल्ह्यात ८२ ते ८३ टक्के राहील. दुपारची सापेक्ष आर्द्रता ६५ ते ७२ टक्के राहील. दुपारी हवामान कोरडे राहील.

उत्तर महाराष्ट्र
उत्तर महाराष्ट्रात सर्वच जिल्ह्यात विशेष करून पाऊस थांबेल व पावसात उघडीप जाणवेल. वाऱ्याची दिशा नैऋत्येकडूनच राहील. वाऱ्याचा ताशी वेग ७ ते ९ किलोमीटर राहील. नंदुरबार व नाशिक जिल्ह्यात कमाल तापमान २६ ते २७ अंश सेल्सिअस राहील तर जळगाव व धुळे जिल्ह्यात कमाल तापमान २९ ते ३० अंश सेल्सिअस राहील. किमान तापमान नाशिक जिल्ह्यात १८ अंश सेल्सिअस राहील तर धुळे, नंदूरबार व जळगाव जिल्ह्यात किमान तापमान २० ते २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८१ ते ९१ टक्के राहील तर दुपारची सापेक्ष आर्द्रता ५७ ते ६३ टक्के राहील.

मराठवाडा
या आठवड्यात संपूर्ण मराठवाड्यातील सर्वच जिल्ह्यात पावसात उघडीप राहील. मराठवाड्यातील सर्वच जिल्ह्यात या आठवड्यात वाऱ्याची दिशा बदलत असून, ती वायव्येकडून सुरू होईल. याचाच अर्थ असा की, मराठवाड्यात नैऋत्य मॉन्सून थांबून ईशान्य मॉन्सून सुरू होण्यास हवामान घटक अनुकूल बनत आहेत. त्यामुळे वाऱ्याच्या दिशेतही बदल होईल. वाऱ्याचा ताशी वेग सर्वसाधारणच राहील. उस्मानाबाद व औरंगाबाद जिल्ह्यात कमाल तापमान ३० अंश सेल्सिअस राहील तर जालना जिल्ह्यात ३१ अंश सेल्सिअस राहील. उर्वरीत लातूर, नांदेड, बीड, परभणी, हिंगोली व जालना जिल्ह्यात कमाल तापमान ३२ अंश सेल्सिअस राहील. उस्मानाबाद, परभणी, हिंगोली व औरंगाबाद जिल्ह्यात किमान तापमान १९ अंश सेल्सिअस राहील. लातूर, बीड व जालना जिल्ह्यात किमान तापमान २० अंश सेल्सिअस राहील तर नांदेड जिल्ह्यात किमान तापमान २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता जालना जिल्ह्यात ९१ टक्के तर उस्मानाबाद जिल्ह्यात ७९ टक्के राहील. तसेच उर्वरीत जिल्ह्यात ती ८२ ते ८८ टक्के राहील. दुपारची सापेक्ष आर्द्रता ५१ ते ५६ टक्के राहील.

पश्‍चिम विदर्भ
पश्‍चिम विदर्भातील सर्वच जिल्ह्यात पावसाचे प्रमाण काही दिवशी २ ते ९ मिलिमीटर इतके अल्प राहील. वाऱ्याची दिशा वायव्येकडून राहील. वाऱ्याचा ताशी वेग ७ ते ९ किलोमीटर राहील. बुलडाणा जिल्ह्यात कमाल तापमान २९ अंश सेल्सिअस राहील तर उर्वरीत जिल्ह्यात कमाल तापमान ३० ते ३२ अंश सेल्सिअस राहील. किमान तापमान सर्वच जिल्ह्यात २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता वाशिम जिल्ह्यात ८३ टक्के राहील. बुलडाणा, अकोला व अमरावती जिल्ह्यात सकाळची सापेक्ष आर्द्रता ७२ ते ७८ टक्के राहील. दुपारची सापेक्ष आर्द्रता ५६ ते ५७ टक्के राहील.

मध्य विदर्भ
वर्धा जिल्ह्यात पावसात उघडीप राहील, तर नागपूर व यवतमाळ जिल्ह्यात काही दिवशी २ मिलिमीटर इतक्‍या अल्प पावसाची शक्‍यता आहे. वाऱ्याची दिशा नैऋत्येकडून राहील. वाऱ्याचा ताशी वेग ९ ते १० किलोमीटर राहील. नागपूर व यवतमाळ जिल्ह्यात कमाल तापमान ३१ अंश सेल्सिअस राहील तर वर्धा जिल्ह्यात ते ३२ अंश सेल्सिअस राहील. किमान तापमान २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७० ते ७४ टक्के तर दुपारची ४८ ते ५१ टक्के राहील.

पूर्व विदर्भ
गोंदिया जिल्ह्यात पावसात उघडीप राहील. उर्वरीत चंद्रपूर, गडचिरोली व भंडारा जिल्ह्यात अत्यल्प २ ते ३ मिलिमीटर पावसाची शक्‍यता राहील. वाऱ्याची दिशा नैऋत्येकडूनच राहील. वाऱ्याचा ताशी वेग ५ ते ९ किलोमीटर राहील. गोंदिया जिल्ह्यात कमी तर चंद्रपूर जिल्ह्यात अधिक वाऱ्याचा वेग असेल. गोंदिया जिल्ह्यात कमाल तापमान ३१ अंश सेल्सिअस राहील तर उर्वरीत सर्वच जिल्ह्यात कमाल तापमान ३२ अंश सेल्सिअस राहील. किमान तापमान गोंदिया जिल्ह्यात २२ अंश सेल्सिअस, चंद्रपूर व भंडारा जिल्ह्यात २३ अंश सेल्सिअस तर गडचिरोली जिल्ह्यात ते २४ अंश सेल्सिअस राहील. आकाश अंशतः ढगाळ राहील. सकाळची सापेक्ष अार्द्रता ७४ ते ७५ टक्के राहील तर दुपारची सापेक्ष आर्द्रता ४८ ते ५२ टक्के राहील.

दक्षिण-पश्‍चिम महाराष्ट्र
सांगली व सातारा जिल्ह्याच्या पश्‍चिमेकडील भागात काही दिवशी २ ते ४ मिलिमीटर पावसाची शक्‍यता असून उर्वरीत जिल्ह्यात पावसात पूर्णपणे उघडीप राहील. वाऱ्याची दिशा नैऋत्येकडून राहील. वाऱ्याचा ताशी वेग ५ ते ८ किलोमीटर राहील. नगर जिल्ह्यात कमाल तापमान ३२ अंश सेल्सिअस राहील तर सोलापूर जिल्ह्यात ३१ अंश सेल्सिअस राहील. सातारा जिल्ह्यात २७ अंश सेल्सिअस आणि कोल्हापूर सांगली व पुणे जिल्ह्यात ते २९ अंश सेल्सिअस राहील. सोलापूर जिल्ह्यात किमान तापमान २२ अंश सेल्सिअस राहील. सांगली जिल्ह्यात २० अंश सेल्सिअस आणि उर्वरीत सर्वच जिल्ह्यात ते २१ अंश सेल्सिअस राहील. आकाश अंशतः ढगाळ राहील. सकाळची सापेक्ष अार्द्रता ८१ ते ९४ टक्के तर दुपारची सापेक्ष आर्द्रता ५० ते ७८ टक्के राहील.
 
कृषी सल्ला

  • खरीप हंगामातील उडीद, मूग, चवळी, कुळीथ, मटकी इत्यादी पिकांच्या शेंगा तोडून उन्हात वाळवून काठीने बडवून दाणे मोकळे करून उफणून उन्हात वाळवावेत.
  • रब्बी ज्वारी पेरणीसाठी जमिनीची पूर्वमशागत करावी. हेक्‍टरी ६.५ टन चांगले कुजलेले शेणखत विस्कटून कुळवाची पाळी देऊन जमिनीत मिसळावे.
  • करडई पेरणीसाठी जमिनीची मशागत करावी. बियाणे, खते अाणि जिवाणू संवर्धके अाणून ठेवावीत.
  • ऊस, हळद, आले पिकांना पाणी द्यावे.
  • बाजीपाला पिकांची रोपे तयार करावीत.
  • कांदा रोपांची लागवड करावी.

 
(ज्येष्ठ कृषी हवामान तज्ज्ञ अाणि सदस्य संशोधन परिषद वसंतराव नाईक मराठवाडा कृषी विद्यापीठ, परभणी)

इतर अॅग्रो विशेष
चांगल्या अारोग्यासाठी ः प्रोबायोटिक्स...प्रोबायोटिक्‍स म्हणजे सजीव सूक्ष्मजीव. सुमारे एक...
धुराडी २० ऑक्टोबरपासून पेटणारमुंबई : साखर कारखानदारांमधून या वर्षी ऊस गाळप...
राज्याच्या तापमानात वाढपुणे : राज्याच्या बहुतांशी भागात पाऊस थांबला...
मिरचीच्या आगारात सुधारित तंत्राचा वापरअौरंगाबाद व जालना जिल्ह्यातील काही तालुके मिरचीचे...
देशात तब्बल ६८ टक्के दुधात होते भेसळपुणे : देशात दूध व दुग्धजन्य पदार्थांमध्ये ६८...
राज्य बँकेवरील जिल्हा बँकांचे...मुंबई : महाराष्ट्र राज्य सहकारी बँकेच्या संचालक...
फुलशेतीने दिली आर्थिक साथहिंगोली जिल्ह्यातील तपोवन (ता. औंढा नागनाथ)...
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
प्रथिनांचा उत्तम स्राेत ः गुणवंत चारापीकराहुरी येथील महात्मा फुले कृषी विद्यापीठाने...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
मॉन्सूनची माघार शनिवारपासूनपुणे : नैऋत्य मोसमी वाऱ्यांच्या (माॅन्सून)...
सेंद्रिय शेतीसाठी शासनाच्या विविध योजनासेंद्रिय शेती आणि पीक उत्पादनवाढीसाठी राज्य आणि...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
तुरळक ठिकाणी पावसाचा अंदाजपुणे : ‘दाये’ चक्रीवादळ निवळून गेल्यानंतर राज्यात...
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...