agriculture story in marathi, weekly weather advisary | Agrowon

अाठवड्याच्या उत्तरार्धात पावसाची शक्यता
डॉ. रामचंद्र साबळे
शनिवार, 13 ऑक्टोबर 2018

महाराष्ट्रासह दक्षिण व उत्तर भारतावर १०१० हेप्टापास्कल इतका हवेचा दाब राहणार असून, हा हवेचा दाब चांगला पाऊस होण्यासाठी अनकूल नाही. जोपर्यंत हवेचा दाब कमी होत नाहीत, तोपर्यंत पावसासाठी अनुकूल वातावरण तयार होणार नाही. १४ ऑक्‍टोबर रोजी हवेच्या दाबात वाढ होत असून, पावसासाठी तो अनकूल नाही. १५ ऑक्‍टोबर रोजी हवेचा दाब १०१४ हेप्टापास्कल आणि १६ ऑक्‍टोबर रोजी तितकाच हवेचा दाब राहण्यामुळे पावसासाठी वातावरण अनुकूल नाही. १७ ऑक्‍टोबर रोजी पुन्हा हवेचे दाब कमी होत असून, तो १०१२ हेप्टापास्कल राहील. मात्र त्यामुळे वातावरणात बदल जाणवतील.

महाराष्ट्रासह दक्षिण व उत्तर भारतावर १०१० हेप्टापास्कल इतका हवेचा दाब राहणार असून, हा हवेचा दाब चांगला पाऊस होण्यासाठी अनकूल नाही. जोपर्यंत हवेचा दाब कमी होत नाहीत, तोपर्यंत पावसासाठी अनुकूल वातावरण तयार होणार नाही. १४ ऑक्‍टोबर रोजी हवेच्या दाबात वाढ होत असून, पावसासाठी तो अनकूल नाही. १५ ऑक्‍टोबर रोजी हवेचा दाब १०१४ हेप्टापास्कल आणि १६ ऑक्‍टोबर रोजी तितकाच हवेचा दाब राहण्यामुळे पावसासाठी वातावरण अनुकूल नाही. १७ ऑक्‍टोबर रोजी पुन्हा हवेचे दाब कमी होत असून, तो १०१२ हेप्टापास्कल राहील. मात्र त्यामुळे वातावरणात बदल जाणवतील. महाराष्ट्राच्या घाटमाथ्यावर आणि दक्षिणेकडील भागावर ढगाळ हवामान राहील. १८ ते २० ऑक्‍टोबरला कोकणात पावसाची शक्‍यता निर्माण होईल. अरबी समुद्राच्या पाण्याच्या पृष्ठभागाचे तापमान २८ अंश सेल्सिअसपर्यंत वाढेल तसेच हिंदी महासागराच्या पाण्याच्या पृष्ठभागाचे तापमानही २८ अंश सेल्सिअसपर्यंत वाढण्यास सुरवात झाली आहे. त्यातून अरबी समुद्रात भावी काळात कमी दाबाचे क्षेत्र निर्माण होणे शक्‍य आहे. त्यातून चक्रीवादळाची निर्मिती शक्‍य आहे.

या आठवड्यात सकाळचे वातावरण थंड तर दुपारचे उष्ण असे राहील. बाष्पीभवनाचा वेग वाढेल. दुपारची सापेक्ष आर्द्रता कमी राहील तर सकाळी धुके काही भागांत जाणवेल. जेव्हा सकाळी धुके जाणवेल तेव्हा पिकांवर कीड, रोगाचा प्रादुर्भाव जाणवेल. वाऱ्याचा वेग सामान्यच राहील. या पुढील काळात बंगालच्या उपसागरात व अरबी समुद्रातही हवेच्या कमी दाबाची क्षेत्रे निर्माण होणे शक्‍य असून, त्यातून काही भागात या अाठवड्याच्या उत्तरार्धात म्हणजेच १८ ते २१ अाॅक्टोबरदरम्यान पाऊस होणे शक्‍य आहे. मात्र गेल्या महिनाभरातील हवामान स्थिती पाहता आणि पावसाचे प्रमाण पाहता, महाराष्ट्रातील बऱ्याच भागात पाण्याची टंचाई निर्माण होणे शक्‍य आहे. त्यासाठी आत्तापासूनच पाण्याचा काटकसरीने वापर करणे तसेच ठिबक सिंचन प्रणालीचा वापर वाढवणे गरजेचे ठरणार आहे. विदर्भातील बुलडाणा, मराठवाड्यातील बीड, उस्मानाबाद, लातूर, औरंगाबाद, जालना, परभणी, हिंगोली तसेच पश्‍चिम महाराष्ट्रातील सोलापूर, सातारा, सांगली, पुणे व नगर जिल्ह्यांचा पूर्वभाग जळगाव, धुळे, नंदुरबार या जिल्ह्यांतही भविष्यात पिण्याच्या पाण्याचे प्रश्‍न निर्माण होणे शक्‍य आहे.

कोकण
कोकणात या आठवड्यात सिंधुदुर्ग व रत्नागिरी जिल्ह्यांत अल्पशा पावसाची शक्‍यता असून, रायगड व ठाणे जिल्ह्यांत पावसात उघडीप राहील. मात्र, आणखी काही दिवसांत संपूर्ण कोकणीत व सह्याद्री पर्वताचे घाटमाथ्यावर पावसाची शक्‍यता आहे. वाऱ्याची दिशा ईशान्येकडून राहील. वाऱ्याचा ताशी वेग ६ ते ८ किलोमीटर राहील. कमाल तापमानात वाढ होईल. सिंधुदुर्ग जिल्ह्यात ३७ अंश सेल्सिअसपर्यंत तापमान वाढेल, तर रत्नागिरी जिल्ह्यात ३५ अंश सेल्सिअस कमाल तापमान राहील. रायगड व ठाणे जिल्ह्यांत कमाल तापमान ३६ अंश सेल्सिअस राहील. किमान तापमान ठाणे जिल्ह्यात, किमान तापमान २५ अंश सेल्सिअस राहील, तर रत्नागिरी जिल्ह्यात किमान तापमान २३ अंश सेल्सिअस राहील. सिंधुदुर्ग व रायगड जिल्ह्यांत किमान तापमान २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता सिंधुदुर्ग व रत्नागिरी जिल्ह्यांत सकाळची सापेक्ष आर्द्रता ८३ टक्के राहील, तर ठाणे व रायगड जिल्ह्यात ५७ ते ६६ टक्के राहील. तसेच सिंधुदुर्ग व रत्नागिरी जिल्ह्यांत दुपारची सापेक्ष आर्द्रता ५० ते ६१ टक्के राहील, तर ठाणे व रायगड जिल्ह्यांत ती ३१ ते ३५ टक्के राहील. त्यामुळे हवामान अत्यंत कोरडे राहील.

उत्तर महाराष्ट्र
महाराष्ट्रात पावसाची शक्‍यता नाही. वाऱ्याची दिशा ईशान्येकडून राहील. वाऱ्याचा ताशी वेग २ ते ७ किलोमीटर इतका कमी राहील. नाशिक जिल्ह्यात कमाल तापमान ३४ अंश सेल्सिअस राहील, तर धुळे, नंदुरबार व जळगाव जिल्ह्यांत कमाल तापमान ३८ अंश सेल्सिअस राहील. नाशिक व जळगाव जिल्ह्यांत किमान तापमान १९ ते २० अंश सेल्सिअस राहील, तसेच धुळे व नंदुरबार जिल्ह्यात ते २३ ते २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता धुळे जिल्ह्यात ४५ टक्के तर नाशिक, नंदुरबार व जळगाव जिल्ह्यांत ते ५० ते ५७ टक्के राहील. दुपारची सापेक्ष आर्द्रता २१ ते २७ टक्के राहील, त्यामुळे हवामान अत्यंत कोरडे राहील.

मराठवाडा
मराठवाड्यात या आठवड्यात पावसाची शक्‍यता नाही. परभणी जिल्ह्यात वाऱ्याची दिशा अाग्नेयेकडून राहील. लातूर व नांदेड जिल्ह्यांत वाऱ्याची दिशा नैर्ऋत्येकडून राहील. उस्मानाबाद, बीड, हिंगोली, जालना, औरंगाबाद जिल्ह्यांत वाऱ्याची दिशा ईशान्येकडून राहील. बीड जिल्ह्यात वाऱ्याचा ताशी वेग ११ किलोमीटर राहील, तर उर्वरित सर्वच जिल्ह्यांत वाऱ्याचा ताशी वेग ६ ते ९ किलोमीटर राहील. उस्मानाबाद जिल्ह्यात कमाल तापमान ३२ अंश सेल्सिअस राहील. नांदेड जिल्ह्यात ते ३३ अंश सेल्सिअस राहील, तर लातूर व जालना जिल्ह्यांत ते ३४ अंश सेल्सिअस राहील. परभणी व हिंगोली जिल्ह्यांत कमाल तापमान ३५ अंश सेल्सिअस राहील. औरंगाबाद व बीड जिल्ह्यांत कमाल तापमान ३६ ते ३७ अंश सेल्सिअस राहील. हिंगोली जिल्ह्यात किमान तापमान १७ अंश सेल्सिअस राहील. बीड, परभणी, जालना व औरंगाबाद जिल्ह्यांत किमान तापमान १९ अंश सेल्सिअस राहील, तर उस्मानाबाद व लातूर जिल्ह्यांत किमान तापमान २० अंश सेल्सिअस राहील. नांदेड जिल्ह्यात किमान तापमान २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५० ते ६२ टक्के राहील तर दुपारची सापेक्ष आर्द्रता लातूर व नांदेड जिल्ह्यांत ३२ ते ३७ टक्के राहील. उर्वरित जिल्ह्यांत दुपारची सापेक्ष आर्द्रता २४ ते २९ टक्के राहील. दुपारी हवामान अत्यंत कोरडे राहील.

पश्‍चिम विदर्भ
पश्‍चिम विदर्भात पावसाची शक्‍यता नाही. वाऱ्याची दिशा ईशान्येकडून राहील. वाऱ्याचा ताशी वेग ६ ते १० किलोमीटर राहील. बुलडाणा जिल्ह्यात कमाल तापमान ३५ अंश सेल्सिअस राहील, तर अकोला, वाशीम व अमरावती जिल्ह्यांत कमाल तापमान ३४ अंश सेल्सिअस राहील. वाशीम जिल्ह्यात किमान तापमान २५ अंश सेल्सिअस राहील. अमरावती जिल्ह्यात किमान तापमान २१ अंश सेल्सिअस राहील, तर बुलडाणा व अकोला जिल्ह्यांत किमान तापमान २० अंश सेल्सिअस राहील. आकाश अंशतः ढगाळ राहील. बुलडाणा व वाशीम जिल्ह्यांत सकाळची सापेक्ष आर्द्रता ८४ ते ८५ टक्के राहील. अकोला व अमरावती जिल्ह्यांत सकाळची सापेक्ष आर्द्रता ७४ ते ७५ टक्के राहील, तर दुपारची सापेक्ष आर्द्रता अमरावती जिल्ह्यात ३३ टक्के, तर उर्वरित जिल्ह्यात २८ ते २९ टक्के राहील.

मध्य विदर्भ
यवतमाळ व नागपूर जिल्ह्यांत ४ मिलिमीटर पावसाची शक्‍यता असून, वर्धा जिल्ह्यात पावसाची शक्‍यता नाही. वाऱ्याची दिशा ईशान्येकडून राहील. वाऱ्याचा ताशी वेग ७ ते ९ किलोमीटर राहील. कमाल तापमान नागपूर जिल्ह्यात ३४ अंश सेल्सिअस राहील, तर वर्धा जिल्ह्यात ३५ अंश सेल्सिअस आणि यवतमाळ जिल्ह्यात ३६ अंश सेल्सिअस राहील. किमान तापमान सर्वच जिल्ह्यांत २० ते २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७८ ते ८२ टक्के राहील, तर दुपारची सापेक्ष आर्द्रता २९ ते ३९ टक्के राहील. हवामान अत्यंत कोरडे राहील. त्यामुळे पाण्याची गरज वाढेल.

पूर्व विदर्भ
पूर्व विदर्भातील सर्वच जिल्ह्यांत २ ते ४ मिलिमीटर पावसाची शक्‍यता आहे. वाऱ्याची दिशा ईशान्येकडून राहील. भंडारा व गंदिया जिल्ह्यांत वाऱ्याचा ताशी वेग ६ किलोमीटर राहील, तर चंद्रपूर व गडचिरोली जिल्ह्यांत वाऱ्याचा ताशी वेग १० किलोमीटर राहील. भंडारा जिल्ह्यात कमाल तापमान ३५ अंश सेल्सिअस राहील, तर चंद्रपूर, गोंदिया व गडचिरोली जिल्ह्यांत कमाल तापमान ३४ अंश सेल्सिअस राहील. किमान तापमान गोंदिया जिल्ह्यात किमान तापमान २० अंश सेल्सिअस, तर उर्वरित जिल्ह्यांत किमान तापमान २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७८ ते ८९ टक्के, तर दुपारची २५ ते ४१ टक्के राहील.

दक्षिण-पश्‍चिम महाराष्ट्र
कोल्हापूर जिल्ह्यात अल्पशा पावसाची शक्‍यता असून, उर्वरित जिल्ह्यांत पावसाची शक्‍यता नाही वाऱ्याची दिशा ईशान्येकडून राहील. वाऱ्याचा ताशी वेग ७ ते १० किलोमीटर राहील. सांगली, सातारा व पुणे जिल्ह्यांत किमान तापमान ३४ अंश सेल्सिअस राहील. कोल्हापूर जिल्ह्यात कमाल तापमान ३५ अशं सेल्सिअस राहील. नगर जिल्ह्यात कमाल तापमान ३६ अंश सेल्सिअस राहील, तर सोलापूर जिल्ह्यात कमाल तापमान ३७ अंश सेल्सिअस राहील. कोल्हापूर जिल्ह्यात किमान तापमान २७ अंश सेल्सिअस राहील. तसेच पुणे जिल्ह्यात २२ अंश सेल्सिअस राहील. सांगली व सातारा जिल्ह्यांत २० अंश सेल्सिअस राहील, तर सोलापूर जिल्ह्यात १८ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता कोल्हापूर जिल्ह्यात ८० टक्के तर सांगली व सातारा जिल्ह्यात ६२ ते ६३ टक्के राहील. नगर व पुणे जिल्ह्यांत सकाळची सापेक्ष आर्द्रता ५० ते ५३ टक्के राहीलस तर सोलापूर जिल्ह्यात सकाळची सापेक्ष आर्द्रता ४७ टक्के राहील. सोलापूर व नगर जिल्ह्यांत दुपारची सापेक्ष आर्द्रता २२ ते २३ टक्के इतकी कमी राहील. कोल्हापूर व सांगली जिल्ह्यांत दुपारची सापेक्ष आर्द्रता ५६ ते ५७ टक्के राहील, तर सातारा व पुणे जिल्ह्यांत २८ ते ३६ टक्के इतकी कमी राहील.
 
कृषी सल्ला

  • कमाल तापमानात वाढ होत असल्याने दुपारची सापेक्ष आर्द्रता कमी होत आहे. अशा काळात बाष्पीभवनाचा वेग वाढतो. आणि खरिपातील पिके लवकर परिपक्व होतात, त्यामुळे खरीप पिकांची काढणी करावी, मळणी करावी.
  • रब्बी हंगामात पाण्याची सोय असल्यास हरभरा पिकाची तसेच बागायत रब्बी ज्वारीची पेरणी करावी.
  • बागायत क्षेत्रात कांदा, कोबी, फ्लॉवर, टोमॅटो, वांगी या पिकांची रोपे लावून लागवड करावी.
  • ऊस व फळबागांना ठिबकसिंचनाने पाणी द्यावे.

(ज्येष्ठ कृषी हवामानतज्ज्ञ अाणि सदस्य संशोधन परिषद वसंतराव नाईक मराठवाडा कृषी विद्यापीठ, परभणी)

इतर ताज्या घडामोडी
`जलयुक्त`ची कामे गतीने पूर्ण करा : डवलेबुलडाणा : जलयुक्‍त शिवार अभियानातंर्गत भूजल...
नगर जिल्ह्यात सव्वाचार लाख हेक्‍टर...नगर ः नगर जिल्ह्यामध्ये रब्बीच्या सरासरी...
सांगलीतील मध्यम, लघू प्रकल्पांत २३...सांगली ः जिल्ह्यातील ८४ मध्यम आणि लघू प्रकल्पांत...
नगर जिल्हा परिषदेत दलालांचा सुळसुळाटनगर ः जिल्हा परिषदेत आता पहिल्यासारखी स्थिती नाही...
सोलापुरात वांगी, ढोबळी मिरची, कोबी दरात...सोलापूर ः सोलापूर कृषी उत्पन्न बाजार समितीच्या...
रेशीम शेतकऱ्यांना सरकारचे अर्थसाह्य :...नागपूर : नव्याने रेशीम शेतीकडे वळणाऱ्या...
नाशिक जिल्हा बॅँकेच्या संचालकांच्या...नाशिक : आर्थिक अडचणीत सापडलेल्या जिल्हा मध्यवर्ती...
सोलापुरातील रस्त्याचे काम शेतकऱ्यांनी...सोलापूर : सोलापूर-विजापूर राष्ट्रीय...
योग्य वेळी करा मिरीची काढणीमिरी घोसामधील एक ते दोन मणी पिवळे अगर नारंगी...
नाशिकला वांगी, घेवडा, आले दर तेजीतनाशिक : गत सप्ताहात नाशिक बाजार समितीत बहुतांश...
बियांद्वारे मिळवता येतील भाताचे ‘क्लोन’ बियांद्वारे मिळवता येतील भाताचे ‘क्लोन’...
प्रथिनांद्वारे मिळवता येईल अधिक टिकाऊ...निसर्गातील कोळ्याच्या धाग्यापासून प्रेरणा घेत चीन...
ऊसतोडणी कामगारांच्या गावांत दुष्काळी...नगर ः जनावरे जगवण्यासाठी आणि रोजगाराच्या शोधात...
नामपूरात शेतमालाला दर, कर्जमाफीसाठी...नामपूर, जि. नाशिक : कांदा पिकासह शेतमालाचे...
वजनकाट्यात घोळ करणाऱ्यांनी लाज बाळगावीमाळेगाव, जि. पुणे ः ‘माळेगाव साखर कारखान्याचे...
कोल्हापूर जिल्ह्यास ३०० एकर तुती...कोल्हापूर : महारेशीम अभियानांतर्गत कोल्हापूर...
हमीभावाने साडेदहा हजार क्विंटल शेतीमाल...नांदेड ः नांदेड, परभणी, हिंगोली जिल्ह्यांमध्ये...
पुणे बाजारात भाजीपाल्यांचे दर स्थिर;...पुणे ः गुलटेकडी येथील कृषी उत्पन्न बाजार...
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...