Agriculture story in marathi, weekly weather advisary | Agrowon

ढगाळ हवामानासह थंडीचे प्रमाण मध्यम राहील
डॉ. रामचंद्र साबळे
शनिवार, 12 जानेवारी 2019

महाराष्ट्राच्या तसेच कर्नाटक व केरळच्या पश्‍चिम किनारपट्टीवर १०१४ हेप्टापास्कल इतका अधिक हवेचा दाब राहील; आणि तेथून पूर्वेकडे पूर्व किनारपट्टीपर्यंत तितकाच हवेचा दाब राहण्यामुळे महाराष्ट्रासह कर्नाटक, तेलंगणा, आंध्र प्रदेश, केरळ व तमिळनाडूपर्यंत थंडीचे प्रमाण अधिक राहील. मध्य भारतावर १०१६ तर उत्तर भारतावर १०१८ हेप्टापास्कल इतका अधिक हवेचा दाब राहण्यामुळे वाऱ्याची दिशा उत्तरेकडून दक्षिणेकडे राहील. थंडीचे प्रमाण मध्यम स्वरूपाचे राहील. किमान तापमानात फार मोठी घसरण होणार नाही.

महाराष्ट्राच्या तसेच कर्नाटक व केरळच्या पश्‍चिम किनारपट्टीवर १०१४ हेप्टापास्कल इतका अधिक हवेचा दाब राहील; आणि तेथून पूर्वेकडे पूर्व किनारपट्टीपर्यंत तितकाच हवेचा दाब राहण्यामुळे महाराष्ट्रासह कर्नाटक, तेलंगणा, आंध्र प्रदेश, केरळ व तमिळनाडूपर्यंत थंडीचे प्रमाण अधिक राहील. मध्य भारतावर १०१६ तर उत्तर भारतावर १०१८ हेप्टापास्कल इतका अधिक हवेचा दाब राहण्यामुळे वाऱ्याची दिशा उत्तरेकडून दक्षिणेकडे राहील. थंडीचे प्रमाण मध्यम स्वरूपाचे राहील. किमान तापमानात फार मोठी घसरण होणार नाही. मात्र १२ जानेवारी रोजी १०१४ हेप्टापास्कल गुजरात व मध्य महाराष्ट्रावर तर १०१६ हेप्टापास्कल पूर्वभागावर हवेचा दाब राहील आणि मध्य महाराष्ट्रात थंडीचे प्रमाण मध्यम तर पूर्वेकडे थंडीचे प्रमाण जास्त राहील. राजस्थान, उत्तर प्रदेश, काश्‍मीर, अरुणाचल प्रदेश, हिमाचल प्रदेश, सिक्कीम, आसाम या भागावर थंडीचे प्रमाण अधिक राहील. उत्तरेकडून दक्षिणेकडे वाहणारे थंड वारे महाराष्ट्रातही थंडीचे प्राबल्य कामय राखतील. १३ जानेवारी रोजी थंडीत पुन्हा वाढ होईल. महाराष्ट्राच्या पूर्व किनाऱ्यावर १०१४ हेप्टापास्कल तर पूर्वेला १०१६ हेप्टापास्कल इतका हवेचा दाब राहील, त्यामुळे पूर्व महाराष्ट्रात व उत्तर महाराष्ट्र, पूर्व विदर्भात थंडी वाढेल. १४ जानेवारी रोजी वाढलेले थंडीचे प्रमाण कायम राहील, कारण गुजरात व मध्य प्रदेशच्या सीमेपासून दक्षिणेस १०१६ हेप्टापास्कल इतका हवेचा दाब वाढेल. त्याचाच अर्थ असा, की किमान तापमानात घसरण होईल. जम्मू भागात तसेच संपूर्ण हिमालयाच्या पायथ्याशी किमान तापमानात घसरण होऊन तेथे बर्फवृष्टी अपेक्षित असून, त्याचा परिणाम महाराष्ट्रावरही होईल आणि महाराष्ट्रात पुन्हा थंडी वाढणे शक्‍य आहे. पुन्हा नाशिक, धुळे, नगर भागांत तापमानात घसरण होणे शक्‍य आहे. १५ जानेवारी रोजी सह्याद्री पर्वत रांगांवर १०१४ तर मध्य प्रदेश सिमेवर १०१६ हेप्टापास्कल इतका हवेचा दाब राहण्यामुळे थंडीचे प्रमाण कायम राहील. १६ जानेवारी रोजी थंडीचे वाढते प्रमाण कायम राहील. १७ जानेवारी रोजी थंडीच्या प्रमाणात वाढ होईल.

कोकण
ठाणे जिल्ह्यात कमाल तापमान २७ अंश सेल्सिअस राहील, तर रायगड जिल्ह्यात ३० अंश सेल्सिअस राहील. तसेच सिंधुदुर्ग व रत्नागिरी जिल्ह्यांत कमाल तापमान ३३ अंश सेल्सिअस राहील. सिंधुदुर्ग जिल्ह्यात किमान तापमान १५ अंश सेल्सिअस राहील. तसेच रत्नागिरी जिल्ह्यात १७ अंश सेल्सिअस राहील. आणि रायगड आणि ठाणे जिल्ह्यांत १६ अंश सेल्सिअस राहील. आकाश अंशतः झगाळ राहील. रायगड व सिंधुदुर्ग जिल्ह्यांत सकाळची सापेक्ष आर्द्रता ८० ते ९७ टक्के राहील, तर ठाणे जिल्ह्यात ६६ टक्के व रत्नागिरी जिल्ह्यात ५२ टक्के राहील. रत्नागिरी व ठाणे जिल्ह्यांत दुपारची सापेक्ष आर्द्रता ३४ ते ३५ टक्के राहील. तसेच सिंधुदुर्ग व रायगड जिल्ह्यांत ४१ ते ४७ टक्के राहील. वाऱ्याची दिशा ईशान्येकडून राहील.

उत्तर महाराष्ट्र
नाशिक व धुळे जिल्ह्यांत कमाल तापमान २७ अंश सेल्सिअश राहील तर नंदुरबार व जळगाव जिल्ह्यांत २८ ते २९ अंश सेल्सिअस राहील. नाशिक जिल्ह्यात किमान तापमान ७ अंश सेल्सिअश राहील, तसेच जळगाव जिल्ह्यात १० अंश सेल्सिअस राहील. धुळे जिल्ह्यात ११ अंश आणि नंदुरबार जिल्ह्यात १४ अंश किमान तापमान राहील. आकाश अंशतः ढगाळ राहील. नाशिक जिल्ह्यात सकाळची सापेक्ष आर्द्रता ५८ टक्के राहील, तर धुळे जिल्ह्यात ८३ टक्के तसेच नंदुरबार व जळगाव जिल्ह्यांत ६५ ते ६७ टक्के राहील. दुपारची सापेक्ष आर्द्रता नाशिक व धुळे जिल्ह्यांत २६ ते २८ टक्के राहील. तसेच नंदुरबार व जळगाव जिल्ह्यांत ३० टक्के राहील. वाऱ्याचा ताशी वेग ४ ते ५ किलोमीटर राहील. वाऱ्याची दिशा आग्नेयेकडून राहील.

मराठवाडा
औरंगाबाद जिल्ह्यात कमाल तापमान २८ अंश सेल्सिअस राहील, तसेच लातूर जिल्ह्यात २९ अंश सेल्सिअस राहील. बीड जिल्ह्यात ३० अंश सेल्सिअश आणि उस्मानाबाद जिल्ह्यात ३१ अंश सेल्सिअस कमाल तापमान राहील. नांदेड, परभणी, हिंगोली व जालना जिल्ह्यांत कमाल तापमान ३२ अंश सेल्सिअस राहील. नांदेड जिल्ह्यात किमान तापमान १८ अंश सेल्सिअस राहील, तर लातूर व उस्मानाबाद जिल्ह्यांत किमान तापमान १३ ते १४ अंश सेल्सिअस राहील. औरंगाबाद व परभणी जिल्ह्यांत किमान तापमान १० अंश सेल्सिअस, बीड व जालना जिल्ह्यांत ११ अंश सेल्सिअस राहील व हिंगोली जिल्ह्यात १२ अंश सेल्सिअस राहील. आकाश अंशतः ढगाळ राहील. बीड व जालना जिल्ह्यात सकाळची सापेक्ष आर्द्रता ७३ ते ७६ टक्के राहील. औरंगाबाद व लातूर जिल्ह्यांत सकाळची सापेक्ष आर्द्रता ६० ते ६४ टक्के राहील. तसेच नांदेड, परभणी व हिंगोली जिल्ह्यांत ५१ ते ५८ टक्के राहील. बीड व जालना जिल्ह्यांत दुपारती सापेक्ष आर्द्रता ५२ ते ५३ टक्के राहील. तसेच नांदेड व उस्मानाबाद जिल्ह्यांत २४ ते २७ टक्के आणि लातूर, परभणी, हिंगोली व औरंगाबाद जिल्ह्यांत ३२ ते ३८ टक्के दुपारची सापेक्ष आर्द्रता राहील. वाऱ्याचा ताशी वेग लातूर व उस्मानाबाद जिल्ह्यांत ताशी १५ ते १६ किलोमीटर राहील. तसेच बीड व परभणी जिल्ह्यांत ताशी १२ किलोमीटर, नांदेड व हिंगोली जिल्ह्यांत १० ते ११ किलोमीटर आणि जालना व औरंगाबाद जिल्ह्यांत ५ ते ७ किलोमीटर ताशी वाऱ्याचा वेग राहील., वाऱ्याची दिशा आग्नेयेकडून राहील.

पश्‍चिम विदर्भ
वाशीम जिल्ह्यात कमाल तापमान ३२ अंश सेल्सिअस तर बुलडाणा, अकोला व अमरावती जिल्ह्यांत ३१ अंश सेल्सिअस राहील. वाशीम व अमरावती जिल्ह्यांत किमान तापमान १२ अंश सेल्सिअस राहील, तर अकोला व बुलडाणा जिल्ह्यांत किमान तापमान १३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता वाशीम जिल्ह्यात ७० टक्के तर अमरावती, अकोला व बुलडाणा जिल्ह्यांत ८२ ते ८८ टक्के राहील. बुलडाणा व अमरावती जिल्ह्यांत दुपारची सापेक्ष आर्द्रता ६५ ते ७५ टक्के राहील, तर अकोला व वाशीम जिल्ह्यांत ४५ टक्के राहील. वाऱ्याची ताशी वेग ६ किलोमीटर राहील. वाशीम जिल्ह्यात वाऱ्याची दिशा आग्नेयेकडून तर बुलडाणा, अकोला व अमरावती जिल्ह्यांत वाऱ्याची दिशा नैर्ऋत्येकडून राहील.

मध्य विदर्भ
वर्धा जिल्ह्यात कमाल तापमान ३१ अंश सेल्सिअस, तर यवतमाळ व नागपूर जिल्ह्यांत ३० अंश सेल्सिअस राहील. यवतमाळ व वर्धा जिल्ह्यांत किमान तापमान १२ अंश सेल्सिअस तर नागपूर जिल्ह्यात ११ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता वर्धा जिल्ह्यात ७८ टक्के तसेच यवतमाळ व नागपूर जिल्ह्यांत ८५ ते ८९ टक्के राहील. वर्धा जिल्ह्यात दुपारची सापेक्ष आर्द्रता ४५ टक्के राहील, तर यवतमाळ व नागपूर जिल्ह्यांत ती ६५ ते ७० टक्के राहील. वाऱ्याचा ताशी वेग ४ ते ५ किलोमीटर राहील. वाऱ्याची दिशा यवतमाळ जिल्ह्यात आग्नेयेकडून, वर्धा जिल्ह्यात दक्षिणेकडून व नागपूर जिल्ह्यात नैर्ऋत्येकडून राहील.

पूर्व विदर्भ
गडचिरोली जिल्ह्यात कमाल तापमान ३२ अंश सेल्सिअस राहील. चंद्रपूर व भंडारा जिल्ह्यांत कमाल तापमान ३१ अंश सेल्सिअस तर गोंदिया जिल्ह्यात ३० अंश सेल्सिअस राहील, चंद्रपूर व गडचिरोली जिल्ह्यांत किमान तापमान १३ अंश सेल्सिअस तर भंडारा व गोंदिया जिल्ह्यात ते ११ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८२ ते ८८ टक्के राहील, तर दुपारची सापेक्ष आर्द्रता ६५ ते ६८ टक्के राहील. वाऱ्याचा ताशी वेग ५ ते ६ किलोमीटर राहील. वाऱ्याची दिशा नैर्ऋत्येकडून राहील.

दक्षिण-पश्‍चिम महाराष्ट्र
सातारा व पुणे जिल्ह्यांत कमाल तापमान २९ अंश सेल्सिअस राहील, तर कोल्हापूर, सोलापूर व नगर जिल्ह्यांत ३१ अंश सेल्सिअस आणि सांगली जिल्ह्यांत ते ३० अंश सेल्सिअस राहील. कोल्हापूर जिल्ह्यांत किमान तापमान १६ अंश सेल्सिअस राहील; तसेच सांगली व सोलापूर जिल्ह्यांत ते १३ अंश सेल्सिअस आणि सातारा व पुणे जिल्ह्यांत ते १० ते ११ अंश सेल्सिअस राहील. नगर जिल्ह्यात किमान तापमान ९ अंश सेल्सिअस राहील.आकाश अशतः ढगाळ राहील. पुणे जिल्ह्यात सकाळची सापेक्ष आर्द्रता ८८ टक्के व सातारा जिल्ह्यात ८१ टक्के राहील. सांगली व नगर जिल्ह्यांत सकाळची सापेक्ष आर्द्रता ७२ ते ७३ टक्के राहील. कोल्हापूर व सोलापूर जिल्ह्यांत सकाळची सापेक्ष आर्द्रता ५५ ते ६९ टक्के राहील. सांगली व नगर जिल्ह्यांत दुपारची सापेक्ष आर्द्रता २३ ते २८ टक्के राहील. उर्वरित कोल्हापूर, सातारा, सोलापूर व पुणे जिल्ह्यांत दुपारची सापेक्ष आर्द्रता ३० ते ३७ टक्के राहील. वाऱ्याचा ताशी वेग सोलापूर व सांगली जिल्ह्यांत ११ ते १४ किलोमीटर, तर उर्वरित जिल्ह्यांतोत ५ ते ८ किलोमीटर राहील. वाऱ्याची दिशा आग्नेयेकडून राहील.
 
कृषी सल्ला

  • बागायत क्षेत्रात १५ जानेवारी ते १५ फेब्रुवारी या कालावधीत ऊस व भुईमुगाची लागवड करावी.
  • ऊस पिकासाठी ठिबक सिंचन प्रणालीचा वापर करावा.
  • भाजीपाला पिकापैकी भेंडीची लागवड करावी.
  • कलिंगड व खरबूज पिकाची लागवड थंडीचे प्रमाण कमी होताच करावी.

(ज्येष्ठ कृषी हवामान तज्ज्ञ आणि सदस्य संशोधन परिषद वसंतराव नाईक मराठवाडा कृषी विद्यापीठ, परभणी)
 

इतर कृषी सल्ला
डाळिंबबागेतील मररोगाची लक्षणे कसे ओळखाल...डाळिंबबागेमध्ये मररोगाचा प्रादुर्भाव आणि प्रसार...
आले लागवडीचे पूर्वनियोजनआ ले लागवड करताना जमिनीची निवड, पूर्वमशागत,...
जमीन अन् सूक्ष्मजीवपूर्वीच्या रासायनिक शेतीमध्ये...
योग्य पद्धतीने करा कूपनलिका पुनर्भरणमागच्या भागात आपण विहीर आणि कूपनलिका यांमधील फरक...
गटशेतीच्या सुलभ व्यवस्थापनासाठीशेतकरी गट स्थापन होऊन गटशेतीस सुरवात करताना पुढील...
महाराष्ट्रात मॉन्सून आगमनासाठी अनुकूल...महाराष्ट्रातील हवेचा दाब १००४ हेप्टापास्कल इतका...
खरीप कांदा लागवड तंत्रज्ञानविशेषतः विदर्भात रब्बी हंगामातील कांद्याचे...
गोष्ट तलावांचा श्वास मोकळा करण्याची...तलावांमध्ये बेशरम वनस्पतीचा पसारा वाढला तर आवश्यक...
द्राक्षवेल अचानक सुकण्याच्या समस्येवर...सध्याच्या परिस्थितीत द्राक्षबागेतील सर्व भागात...
द्राक्षबागेतील स्ट्रोमॅशियम बारबॅटम...द्राक्षाच्या जुन्या बागांमध्ये खोडकिडीच्या...
कोरडवाहूमध्ये कमी खर्चात उत्पादनासह...अवर्षण स्थितीमध्ये सर्वांत अधिक फटका हा कोरडवाहू...
गटशेतीचे ध्येय, उद्दिष्ट, वेळापत्रक ठरवाशेती शाश्वत व किफायतशीर होण्यासाठी एकट्याने शेती...
विहीर अन्‌ कूपनलिका नेमकी कोठे खोदावी?आपल्या जागेमध्ये विहीर करायची की कूपनलिका करायची...
गटशेतीतील जबाबदाऱ्यांचे वाटपशेती शाश्वत व किफायतशीर होण्यासाठी एकट्याने शेती...
जमिनी सुपीकता, उत्पादकता वाढीसाठी शेणखत...कृषी विद्यापीठ किंवा संशोधन केंद्रांद्वारे सर्व...
भुरी नियंत्रणासह अन्नद्रव्य...सध्या बऱ्याच ठिकाणी तापमानामध्ये वाढ होताना दिसत...
भाजीपाला रोपवाटिका नियोजनभाजीपाल्यामध्ये मिरची, टोमॅटो आणि वांगी अशा...
रानडुकरांना रोखण्यासाठी पर्यावरणपूरक...वनविभाग किंवा जंगलाच्या आसपास असलेल्या...
आरोग्यकार्डानुसार शेतात, व्यवस्थापनात...केवळ आरोग्यकार्डाचे वाटप झाले म्हणून...
भूमिगत बंधारा वाढवेल विहिरींची पाणी...सध्या अनेक गावांमध्ये विहिरीचे पाणी लवकर...