Agriculture story in marathi, weekly weather advisary | Agrowon

आठवडाभर ढगाळ, कोरड्या हवामानाची शक्यता
डाॅ. रामचंद्र साबळे
शनिवार, 16 मार्च 2019

महाराष्ट्रावर १०१२ हेप्टापास्कल इतका कमी हवेचा दाब राहील त्यामुळे कमाल व किमान तापमानात वाढ झाल्याचे दिसून येईल. १७ मार्च रोजी तितकाच हवेचा दाब राहण्याची शक्‍यता असून, कमाल व किमान तापमानात झालेली वाढ कायम राहील आणि त्याशिवाय दुपारच्या आर्द्रतेत मोठी घट होऊन हवामान कोरडे राहील. १८ मार्च रोजी तशीच हवामान स्थिती कायम राहील. मात्र १९ मार्च रोजी महाराष्ट्रासह उत्तर भारतावरील हवेचे दाब १०१० हेप्टापास्कल इतका कमी होईल. याचाच अर्थ असा, की किमान व कमाल तापमानात मोठी वाढ होऊन उन्हाची तीव्रता वाढण्यास सुरवात होईल. २० मार्च रोजी वाढलेले कमाल व किमान तापमान कायम राहील.

महाराष्ट्रावर १०१२ हेप्टापास्कल इतका कमी हवेचा दाब राहील त्यामुळे कमाल व किमान तापमानात वाढ झाल्याचे दिसून येईल. १७ मार्च रोजी तितकाच हवेचा दाब राहण्याची शक्‍यता असून, कमाल व किमान तापमानात झालेली वाढ कायम राहील आणि त्याशिवाय दुपारच्या आर्द्रतेत मोठी घट होऊन हवामान कोरडे राहील. १८ मार्च रोजी तशीच हवामान स्थिती कायम राहील. मात्र १९ मार्च रोजी महाराष्ट्रासह उत्तर भारतावरील हवेचे दाब १०१० हेप्टापास्कल इतका कमी होईल. याचाच अर्थ असा, की किमान व कमाल तापमानात मोठी वाढ होऊन उन्हाची तीव्रता वाढण्यास सुरवात होईल. २० मार्च रोजी वाढलेले कमाल व किमान तापमान कायम राहील. मात्र दुपारच्या आर्द्रतेत मोठी घट होऊन हवामान कोरडे राहील. २१ मार्च रोजी हवामान स्थितीत बदल होईल. महाराष्ट्रावरील हवेचे दाब १०१२ हेप्टापास्कलपर्यंत वाढतील व कमाल व किमान तापमानात थोडी घसरण होईल. तशीच स्थिती २२ व २३ मार्च रोजी राहील.

उत्तर भारत ः
उत्तर भारतातील पंजाब, हरियाना, हिमाचल प्रदेश, उत्तर प्रदेश, दिल्ली, बिहार भागांत १५ मार्च रोजी सुरू झालेला पाऊस १६ मार्चच्या रात्रीच्या काळातही राहील. १७ मार्च रोजी मध्यप्रदेश, छत्तीसगड भागांत पावसाची शक्‍यता राहील. राजस्थान व काश्‍मीर भागांवर १०१८ हेप्टापास्कल इतका वाढीव हवेचा दाब राहील, त्यामुळे हवामान थंड राहील. गुजरात, उत्तर प्रदेश भागांवर १०१६ हेप्टापास्कल इतका हवेचा दाब राहण्यामुळे हवामान अल्पसे थंड राहील. गुजरात भागात मात्र थंडी कमी झालेली असेल. १७ मार्च रोजी तशी हवामान स्थिती कायम राहील. गुजरात व उत्तर प्रदेशात थंडी कमी होईल. १८ मार्च रोजी उत्तर भारतातील थंडीचे प्रमाण अत्यंत सौम्य राहील, तेथे केवळ १०१४ हेप्टापास्कल इतका हवेचा दाब राहील. १९ मार्च रोजी हवेचे दाब घसरून १०१० हेप्टापास्कल इतका कमी हवेचा दाब होईल. तीच स्थिती पुढे राहील. उन्हाळा सुरू होईल.

दक्षिण भारत ः
दक्षिण भारतावर केवळ १०१२ हेप्टापास्कल इतका कमी हवेचा दाब राहील, त्यामुळे सकाळी थंड व दुपारी उष्ण हवामान राहील. तीच स्थिती १७ मार्च रोजी कायम राहील. १८ मार्च रोजी तसेच हवामान कायम राहील. मात्र दिनांक १९ मार्च रोजी हवेचे दाब कमी होऊन ते १०१० हेप्टापास्कल इतके होतील. त्यामुळे कर्नाटक, तेलंगणा, आंध्र प्रदेश, केरळ, तमिळनाडू भागांत थंडी कमी होऊन उन्हाळी हंगाम सुरू झाल्याचे प्रकर्षाने जाणवेल. २० मार्च रोजी तसेच हवामान राहील. उन्हाळा सुरू झाल्याचे स्पष्ट होईल.

कोकण
रत्नागिरी जिल्ह्यात कमाल तापमान ३३ अंश सेल्सिअस राहील तर सिंधुदुर्ग, रायगड व ठाणे जिल्ह्यांत कमाल तापमान ३२ अंश सेल्सिअस राहील. रायगड जिल्ह्यात किमान तापमान १९ अंश सेल्सिअस राहील तर सिंधुदुर्ग जिल्ह्यात किमान तापमान २१ अंश सेल्सिअस राहील, तर रत्नागिरी व ठाणे जिल्ह्यांत किमान तापमान २२ अंश सेल्सिअस राहील. आकाश निरभ्र राहील. ठाणे जिल्ह्यात सकाळची सापेक्ष आर्द्रता ४१ टक्के, रत्नागिरी जिल्ह्यात ५९ टक्के, सिंधुदुर्ग व रायगड जिल्ह्यांत सकाळची सापेक्ष आर्द्रता ६० टक्के राहील. रत्नागिरी व रायगड जिल्ह्यांत दुपारची सापेक्ष आर्द्रता ४२ ते ४३ टक्के राहील, तर ठाणे जिल्ह्यात २३ टक्के राहील. तसेच सिंधुदुर्ग जिल्ह्यात दुपारची सापेक्ष आर्द्रता ३५ टक्के राहील. वाऱ्याचा ताशी वेग ४ ते ७ किलोमीटर, सिंधुदुर्ग, रत्नागिरी व ठाणे जिल्ह्यांत राहील तर रायगड जिल्ह्यात ताशी ३ किलोमीटर राहील. सिंधुदुर्ग व ठाणे जिल्ह्यांत वाऱ्याची दिशा अग्नेयेकडून राहील तर रत्नागिरी व रायगड जिल्ह्यांत वाऱ्याची दिशा ईशान्येकडून राहील.

उत्तर महाराष्ट्र
नंदूरबार जिल्ह्यात कमाल तापमान ३७ अंश सेल्सिअस राहील तर नाशिक जिल्ह्यात ३८ अंश सेल्सिअस राहील आणि धुळे व जळगाव जिल्ह्यांत ३९ अंश सेल्सिअस राहील. जळगाव जिल्ह्यात किमान तापमान २० अंश सेल्सिअस राहील तर नाशिक, धुळे व नंदूरबार जिल्ह्यांत किमान तापमान १९ अंश सेल्सिअस राहील. धुळे, नंदूरबार व जळगाव जिल्ह्यांत आकाश अंशतः ढगाळ राहील. सकाळची सापेक्ष आर्द्रता २० ते २४ टक्के राहील तर दुपारची सापेक्ष आर्द्रता ११ ते १२ टक्के इतकी कमी राहील. त्यामुळे हवामान अत्यंत कोरडे राहील. वाऱ्याचा ताशी वेग नाशिक व नंदूरबार जिल्ह्यांत ताशी वाऱ्याचा वेग ८ किलोमीटर तर धुळे व जळगाव जिल्ह्यांत ताशी १० किलोमीटर राहील. वाऱ्याची दिशा नैर्ऋत्येकडून राहील.

मराठवाडा
बीड व हिंगोली जिल्ह्यांत कमाल तापमान ४० अंश सेल्सिअसपर्यंत वाढेल. उस्मानाबाद, परभणी व जालना जिल्ह्यांत कमाल तापमान ३९ अंश सेल्सिअस राहील, तर लातूर, नांदेड व औरंगाबाद जिल्ह्यांत ते ३८ अंश सेल्सिअस राहील. बीड व परभणी जिल्ह्यांत किमान तापमान २३ अंश सेल्सिअस राहील, तर उर्वरित सर्वच जिल्ह्यांत किमान तापमान २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता बीड व परभणी जिल्ह्यांत २७ टक्के इतकी कमी राहील. उस्मानाबाद, लातूर, नांदेड व हिंगोली जिल्ह्यांत ३३ ते ३७ टक्के सकाळची सापेक्ष आर्द्रता राहील. दुपारची सापेक्ष आर्द्रता केवळ १२ ते १५ टक्के राहील. त्यामुळे मराठवाड्यातील हवामान अत्यंत कोरडे राहील. वाऱ्याचा ताशी वेग वाढेल. नांदेड व परभणी जिल्ह्यांत वाऱ्याची ताशी वेग १३ किलोमीटर राहील, तर लातूर जिल्ह्यात १४ किलोमीटर राहील व उस्मानाबाद जिल्ह्यात ताशी १२ किलोमीटर राहील. बीड, हिंगोली, जालना व औरंगाबाद जिल्ह्यांत ताशी १० किलोमीटर राहील.

पश्‍चिम विदर्भ
वाशीम व अमरावती जिल्ह्यांत कमाल तापमान ४० अंश सेल्सिअस राहील; अकोला जिल्ह्यात ३९ अंश सेल्सिअस व बुलढाणा जिल्ह्यात ३६ अंश सेल्सिअस राहील. किमान तापमान अकोला जिल्ह्यात किमान तापमान २२ अंश सेल्सिअस राहील तर बुलढाणा, वाशीम व अमरावती जिल्ह्यांत किमान तापमान २१ अंश सेल्सिअस राहील. आकाश अंशतः ढगाळ राहील. अमरावती व अकोला जिल्ह्यांत सकाळची सापेक्ष आर्द्रता ४३ ते ४४ टक्के राहील, तर वाशीम व बुलढाणा जिल्ह्यांत सकाळची सापेक्ष आर्द्रता ३५ ते ३८ टक्के राहील. वाशीम जिल्ह्यात दुपारची सापेक्ष आर्द्रता १८ टक्के राहील, तर बुलढाणा, अकोला व अमरावती जिल्ह्यांत २३ ते २५ टक्के राहील. वाऱ्याचा ताशी वेग ८ ते ९ किलोमीटर राहील. बुलढाणा जिल्ह्यात वाऱ्याची दिशा वायव्येकडून, वाशीम जिल्ह्यात नैर्ऋत्येकडून व अकोला व अमरावती जिल्ह्यांत अग्नेयेकडून राहील.

मध्य विदर्भ
यवतमाळ, वर्धा, नागपूर जिल्ह्यांत कमाल तापमान ४० अंश सेल्सिअस राहील, तर वर्धा जिल्ह्यात किमान तापमान २३ अंश सेल्सिअस राहील, तर यवतमाळ व नागपूर जिल्ह्यांत किमान तापमान २१ अंश सेल्सिअस राहील. आकाश अंशतः ढगाळ राहील. नागपूर जिल्ह्यात सकाळची सापेक्ष आर्द्रता ४५ टक्के राहील तर वर्धा व यवतमाळ जिल्ह्यांत सकाळची सापेक्ष आर्द्रता ३० ते ३५ टक्के राहील. दुपारची सापेक्ष आर्द्रता १५ ते २० टक्के राहील. वाऱ्याचा ताशी वेग ८ ते १० किलोमीटर राहील. यवतमाळ जिल्ह्यात वाऱ्याची दिशा अग्नेयेकडून तर वर्धा व नागपूर जिल्ह्यांत वाऱ्याची दिशा र्इशान्येकडून राहील.

पूर्व विदर्भ
चंद्रपूर जिल्ह्यात कमाल तापमान ४१ अंश सेल्सिअस तर भंडारा जिल्ह्यात ४० अंश सेल्सिअस तसेच गोंदिया व गडचिरोली जिल्ह्यांत ३८ ते ३९ अंश सेल्सिअस राहील. गोंदिया व भंडारा जिल्ह्यांत किमान तापमान २० ते २१ अंश सेल्सिअस राहील, तर गडचिरोली व चंद्रपूर जिल्ह्यांत किमान तापमान २४ ते २५ अंश सेल्सिअस राहील. आकाश अंशतः ढगाळ राहील. भंडारा व गोंदिया जिल्ह्यांत सकाळची सापेक्ष आर्द्रता ४५ ते ४९ टक्के राहील, तर चंद्रपूर व गडचिरोली जिल्ह्यांत सकाळची सापेक्ष आर्द्रता ५० ते ६० टक्के राहील. भंडारा व गोंदिया जिल्ह्यांत दुपारची सापेक्ष आर्द्रता २० ते २१ टक्के राहील तर चंद्रपूर व गडचिरोली जिल्ह्यांत दुपारची सापेक्ष आर्द्रता ३२ टक्के इतकी कमी राहील, त्यामुळे हवामान कोरडे राहील. चंद्रपूर व गडचिरोली जिल्ह्यांत वाऱ्याचा ताशी वेग १२ किलोमीटर राहील तर भंडारा व गोंदिया जिल्ह्यांत ताशी ८ ते ९ किलोमीटर राहील. चंद्रपूर व गडचिरोली जिल्ह्यांत वाऱ्याची दिशा अग्नेयेकडून, भंडारा जिल्ह्यात र्इशान्येकडून तर गोंदिया जिल्ह्यात नैर्ऋत्येकडून राहील.

दक्षिण-पश्‍चिम महाराष्ट्र
नगर जिल्ह्यात कमाल तापमान ४० अंश सेल्सिअस राहील. सोलापूर जिल्ह्यात ३९ अंश सेल्सिअस, सातारा व पुणे जिल्ह्यांत ३८ अंश सेल्सिअस, सांगली जिल्ह्यात ३७ अंश सेल्सिअस तर कोल्हापूर जिल्ह्यात ३५ अंश सेल्सिअस राहील. पुणे व नगर जिल्ह्यांत किमान तापमान १९ अंश सेल्सिअस राहील. कोल्हापूर व सोलापूर जिल्ह्यांत किमान तापमान २३ अंश सेल्‍सिअस राहील; तर सांगली व सातारा जिल्ह्यांत किमान तापमान २० ते २१ अंश सेल्सिअस राहील. सांगली, सोलापूर, पुणे व नगर जिल्ह्यांत आकाश अंशतः ढगाळ राहील. कोल्हापूर जिल्ह्यात सकाळची सापेक्ष आर्द्रता ४९ टक्के राहील. उर्वरित जिल्ह्यात सकाळची सापेक्ष आर्द्रता ३० ते ३७ टक्के राहील. दुपारची सापेक्ष आर्द्रता १२ ते १९ टक्के राहील. सोलापूर जिल्ह्यात वाऱ्याचा ताशी वेग ११ किलोमीटर राहील, तर उर्वरित जिल्ह्यांत वाऱ्याचा ताशी वेग ३ ते ८ किलोमीटर राहील. कोल्हापूर जिल्ह्यात वाऱ्याची दिशा र्इशान्येकडून राहील तर उर्वरित जिल्ह्यांत वाऱ्याची दिशा नैर्ऋत्येकडून राहील.
 
कृषी सल्ला

  • उष्ण हवामानात वाढ होत असल्याने पाण्याचा वापर काटकसरीने करून पिकांना ठिबकने पाणीपुरवठा करण्यावर भर द्यावा.
  • नारळाच्या नवीन रोपांना चार बाजूस लाकडी खुंट उभे करून किलतान अडकवून सावली करावी.
  • जनावरे शक्‍यतो सावलीत बांधावीत.
  • शेतातील कामे सकाळी व दुपारी करावीत.
  • पाटाने पाणी द्यावयाचे झाल्यास भुईमूग, बाजरी, मूग, सूर्यफूल व भाजीपाला पिकांना ८ दिवसांचे अंतराने पाणी द्यावे.

(ज्येष्ठ कृषी हवामान तज्ज्ञ, सदस्य संशोधन परिषद वसंतराव नाईक मराठवाडा कृषी विद्यापीठ, परभणी) 

इतर ताज्या घडामोडी
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...