थंडीची तीव्रता वाढेल, हवामान कोरडे राहील

अाठवड्याचे हवामान
अाठवड्याचे हवामान

महाराष्ट्रावरील हवेच्या दाबात वाढ होऊन तो १०१२ हेप्टापास्कल इतका होईल आणि त्यात पुन्हा वाढ होऊन ता. २६ नोव्हेंबर रोजी तो १०१४ हेप्टापास्कल इतका होईल. त्यामुळे किमान तापमान व कमाल तापमानात घसरण होईल आणि थंडीची तीव्रता वाढेल व ती जाणवेल. ता. २७ नोव्हेंबर सोमवारपर्यंत ही स्थिती कायम राहील. मंगळवार ता. २८ रोजी अंदमान समुद्रात व बंगालच्या उपसागरात हवेच्या कमी दाबाचे क्षेत्र निर्माण होईल. त्या वेळी महाराष्ट्रावरील हवेचे दाब कमी होऊन तो १०१० हेप्टापास्कल होईल.

बुधवार ता. २९ नोव्हेंबर रोजी महाराष्ट्रावरील हवेच्या दाबात पुन्हा घसरण होऊन तो १००८ हेप्टापास्कल इतका कमी होईल. त्या वेळी थंडीची तीव्रता कमी झालेली असेल. गुरुवार ता. ३० नोव्हेंबर रोजी ही स्थिती कायम राहात असताना अंदमान समुद्र व बंगालच्या उपसागराच्या दक्षिण भागावर हवेच्या कमी दाबाचे क्षेत्र निर्माण होऊन चक्राकार वारे तेथे वाहतील. या आठवडाभरात प्रामुख्याने हिंदी महासागर, अरबी समुद्र व बंगालच्या उपसागराच्या पाण्याच्या पृष्ठभागाचे तापमान सामान्यच राहील, त्यामुळे हवामान बदल जाणवणार नाहीत. कोकणातील सिंधुदुर्ग व रायगड जिल्ह्यांत हवामान अंशतः ढगाळ राहील.

संपूर्ण मराठवाड्यात हवामान अंशतः ढगाळ राहील, तसेच पश्‍चिम महाराष्ट्रात व विदर्भातही हवामान अंशतः ढगाळ राहणे शक्‍य आहे. मात्र ढगांचे प्रमाण अत्यल्प राहील. शनिवार ता. २ डिसेंबर रोजी पुन्हा हवामान बदल जाणवतील आणि त्यामुळे दक्षिण कोकण, कोल्हापूर, सांगली, सोलापूर या दक्षिणेकडील जिल्ह्यांत पावसाची शक्‍यता निर्माण होईल. त्याबाबत सविस्तर माहिती पुढच्या आठवड्यात हवामान अंदाजाद्वारे जाणून घेऊ आणि त्या दृष्टीने आतापासूनच तयारीत राहण्याची तयारी करूया. तोपर्यंत महाराष्ट्रातील हवामान थंड व कोरडे राहील.

कोकण सिंधुदुर्ग, रत्नागिरी व ठाणे जिल्ह्यांत कमाल तापमान ३३ अंश सेल्सिअस राहील, तर रायगड जिल्ह्यात कमाल तापमान ३० अंश सेल्सिअस राहील. सिंधुदुर्ग व रायगड जिल्ह्यांत किमान तापमान २३ अंश सेल्सिअस राहील. रत्नागिरी जिल्ह्यात २४ अंश सेल्सिअस राहील. आणि ठाणे जिल्ह्यात २१ अंश सेल्सिअस राहील. ठाणे जिल्ह्यात सकाळची सापेक्ष आर्द्रता ५७ टक्के, सिंधुदुर्ग, रत्नागिरी व रायगड जिल्ह्यांत सकाळची सापेक्ष आर्द्रता ७० ते ७५ टक्के राहील. ठाणे जिल्ह्यात दुपारची सापेक्ष आर्द्रता २२ टक्के राहील. उर्वरित ३ जिल्ह्यांत ती केवळ ३१ ते ३६ टक्के इतकी कमी राहील, त्यामुळे हवामान कोरडे राहील. वाऱ्याचा ताशी वेग ४ ते ६ किलोमीटर राहील. वाऱ्याची दिशा इशान्येकडून राहील. पावसाची शक्‍यता नाही. उत्तर महाराष्ट्र नाशिक, धुळे व नंदुरबार जिल्ह्यांत कमाल तापमान २५ अंश सेल्सिअस राहील. जळगाव जिल्ह्यात कमाल तापमान २८ अंश सेल्सिअस राहील, तसेच किमान तापमान १६ अंश सेल्सिअस राहील आणि उर्वरित जिल्ह्यांत किमान तापमान १८ अंश सेल्सिअस राहील. आकाश निरभ्र राहील. नाशिक जिल्ह्यात सकाळची सापेक्ष आर्द्रता ४७ टक्के राहील. उर्वरित जिल्ह्यांत सकाळची सापेक्ष आर्द्रता ३५ ते ३९ टक्के राहील. दुपारची सापेक्ष आर्द्रता २० ते २२ टक्के इतकी कमी राहण्यामुळे हवामान अत्यंत कोरडे राहील. वाऱ्याचा ताशी वेग ५ ते ७ किलोमीटर राहील. नंदुरबार जिल्ह्यात वाऱ्याची दिशा इशान्येकडून राहील. उर्वरित सर्वच जिल्ह्यांत ती अाग्नेयेकडून राहील. पावसाची शक्‍यता नाही. मराठवाडा परभणी व हिंगोली जिल्ह्यात कमाल तापमान ३२ अंश सेल्सिअस राहील. उस्मानाबाद, नांदेड, लातूर, बीड जिल्ह्यांत ३१ अंश सेल्सिअस आणि औरंगाबाद जिल्ह्यात ३० अंश सेल्सिअस व जालना जिल्ह्यात २९ अंश सेल्सिअस राहील. बीड, जालना व औरंगाबाद जिल्ह्यांत किमान तापमान १८ अंश सेल्सिअस राहील. लातूर जिल्ह्यात १७ अंश सेल्सिअस आणि उस्मानाबाद, नांदेड, परभणी, हिंगोली या जिल्ह्यात १६ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता बीड, जालना व औरंगाबाद जिल्ह्यांत १८ अंश सेल्सिअस, लातूर जिल्ह्यात १७ अंश सेल्सिअस व उस्मानाबाद, नांदेड, परभणी, हिंगोली जिल्ह्यांत १६ अंश सेल्सिअस राहील. आकाश अंशतः ढगाळ राहील.

सकाळची सापेक्ष आर्द्रता ४८ ते ५२ टक्के राहील, तर दुपारची सापेक्ष आर्द्रता जालना व औरंगाबाद जिल्ह्यात २६ ते २८ टक्के व उर्वरित लातूर व बीड जिल्ह्यांत ३१ टक्के राहील. तसेच उस्मानाबाद, नांदेड, परभणी व हिंगोली जिल्ह्यात आर्द्रता केवळ ३० टक्के इतकी कमी राहील. वाऱ्याचा ताशी वेग ४ ते ९ किलोमीटर राहील. वाऱ्याची दिशा प्रामुख्याने बहुतांशी जिल्ह्यांत अाग्नेयेकडून राहील. मात्र उस्मानाबाद जिल्ह्यात पूर्वेकडून राहील. पावसाची शक्‍यता नाही. पश्‍चिम-विदर्भ अकोला जिल्ह्यात कमाल तापमान ३२ अंश सेल्सिअस राहील, तर वाशीम जिल्ह्यात ३१ अंश सेल्सिअस आणि बुलडाणा व अमरावती जिल्ह्यात ३० अंश सेल्सिअस राहील. अकोला व वाशीम जिल्ह्यात किमान तापमान १६ अंश सेल्सिअस राहील. बुलडाणा जिल्ह्यात १७ अंश सेल्सिअस आणि अमरावती जिल्ह्यात १८ अंश सेल्सिअस राहील. अमरावती जिल्ह्यात आकाश निरभ्र राहील, तर उर्वरित बुलडाणा, अकोला व वाशीम जिल्ह्यात आकाश अंशतः ढगाळ राहील.

सकाळची सापेक्ष आर्द्रता अकोला व अमरावती जिल्ह्यांत ४० ते ४३ टक्के राहील व वाशीम व बुलडाणा जिल्ह्यात सकाळची सापेक्ष आर्द्रता ४८ ते ५० टक्के राहील. दुपारची सापेक्ष आर्द्रता वाशीम जिल्ह्यात ३० टक्के व अमरावती, अकोला व बुलडाणा जिल्ह्यांत २२ ते २६ टक्के राहील. वाऱ्याचा ताशी वेग ४ ते ६ किलोमीटर राहील. वाऱ्याची दिशा इशान्येकडून राहील. पावसाची शक्‍यता नाही. मध्य विदर्भ यवतमाळ, वर्धा व नागपूर जिल्ह्यांत कमाल तापमान ३० ते ३१ अंश सेल्सिअस राहील. किमान तापमान १५ ते १६ अंश सेल्सिअस राहील. नागपूर जिल्ह्यात आकाश निरभ्र राहील, तर यवतमाळ व वर्धा जिल्ह्यांत आकाश अंशतः ढगाळ राहील. सकाळची सापेक्ष आर्द्रता ६० टक्के तर वर्धा व नागपूर जिल्ह्यांत सकाळची सापेक्ष आर्द्रता ४० ते ४२ टक्के राहील. दुपारची सापेक्ष आर्द्रता यवतमाळ जिल्ह्यात ३५ टक्के व वर्धा व नागपूर जिल्ह्यांत २१ ते २३ टक्के राहील. वाऱ्याचा ताशी वेग ३ ते ५ किलोमीटर राहील. वाऱ्याची दिशा इशान्येकडून राहील. पावसाची शक्‍यता नाही. पूर्व विदर्भ गडचिरोली जिल्ह्यात कमाल तापमान ३२ अंश सेल्सिअस राहील तर चंद्रपूर, भंडारा व गोंदिया जिल्ह्यात ३१ अंश सेल्सिअस राहील. भंडारा जिल्ह्यात किमान तापमान १८ अंश सेल्सिअस राहील, तर चंद्रपूर, गडचिरोली व गोंदिया जिल्ह्यांत १५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता भंडारा जिल्ह्यात ४० टक्के राहील तर उर्वरित जिल्ह्यांत ५० ते ५२ टक्के राहील. दुपारची सापेक्ष आर्द्रता २० ते २१ टक्के राहील. वाऱ्याचा ताशी वेग ३ ते ८ किलोमीटर राहील व वाऱ्याची दिशा इशान्येकडून राहील. पावसाची शक्‍यता नाही. दक्षिण - पश्‍चिम महाराष्ट्र सोलापूर जिल्ह्यात कमाल तापमान ३२ अंश सेल्सिअस राहील. कोल्हापूर, सातारा व पुणे जिल्ह्यात कमाल तापमान ३१ अंश सेल्सिअस राहील. सांगली व नगर जिल्ह्यात ३० अंश सेल्सिअस राहील. कोल्हापूर जिल्ह्यात किमान तापमान २० अंश सेल्सिअस, सांगली, सोलापूर व पुणे जिल्ह्यांत १९ अंश सेल्सिअस आणि नगर जिल्ह्यात १८ अंश सेल्सिअस आणि सातारा जिल्ह्यात १६ अंश सेल्सिअस राहील. आकाश अंशतः ढगाळ राहील.

सकाळची सापेक्ष आर्द्रता कोल्हापूर जिल्ह्यात ७० टक्के, सातारा जिल्ह्यात ८२ टक्के, पुणे जिल्ह्यात ६६ टक्के, सांगली, सोलापूर व नगर जिल्ह्यांत ५४ ते ५८ टक्के राहील. दुपारची सापेक्ष आर्द्रता कोल्हापूर जिल्ह्यात ४४ टक्के व नगर जिल्ह्यात २९ टक्के आणि सांगली, सातारा, सोलापूर व पुणे जिल्ह्यांत ३१ ते ३८ टक्के राहील. वाऱ्याचा ताशी वेग ४ ते ८ किलोमीटर राहील. कोल्हापूर जिल्ह्यात वाऱ्याची दिशा इशान्येकडून तर उर्वरित सर्वच जिल्ह्यांत वाऱ्याची दिशा अग्नेयेकडून राहील. या आठवड्यात पावसाची शक्‍यता नाही. कृषी सल्ला

  • कुक्कुटपालन शेडमध्ये बल्ब लावून तापमान वाढवण्याचा प्रयत्न करावा आणि पक्षांचे थंडीपासून संरक्षण करावे. मेंढ्यांना लाळखुरकूत रोगप्रतिबंधक लस टोचावी.
  • उशिरा पेरणी करायच्या गव्हासाठी एनआयएडब्ल्यू-३४ आणि ऐकेडब्ल्यू-४६२७ यापैकी जातींची निवड करावी.
  • पूर्व हंगामी ऊस लागवड ३० नोव्हेंबरपूर्वी करावी.
  • - डॉ. रामचंद्र साबळे (ज्येष्ठ कृषी हवामान तज्ज्ञ अाणि सदस्य संशोधन परिषद डॉ. बाळासाहेब सावंत कोकण कृषी विद्यापीठ, दापोली व वसंतराव नाईक मराठवाडा कृषी विद्यापीठ, परभणी)

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com