Agriculture story in marathi, weekly weather advisory | Agrowon

थंडीचे प्राबल्य अधिक राहणारा आठवडा
डाॅ. रामचंद्र साबळे
शनिवार, 30 डिसेंबर 2017

महाराष्ट्राच्या कोकण किनारपट्टीवर १०१२ हेप्टापास्कल इतका हवेचा दाब राहणार असून, मध्य महाराष्ट्रापासून संपूर्ण पूर्व भागावर दक्षिणोत्तर दिशेने १०१४ हेप्टापास्कल इतका अधिक हवेचा दाब राहण्यामुळे किमान तापमानात घसरण होऊन थंडीचा कडाका जाणवेल.

महाराष्ट्राच्या कोकण किनारपट्टीवर १०१२ हेप्टापास्कल इतका हवेचा दाब राहणार असून, मध्य महाराष्ट्रापासून संपूर्ण पूर्व भागावर दक्षिणोत्तर दिशेने १०१४ हेप्टापास्कल इतका अधिक हवेचा दाब राहण्यामुळे किमान तापमानात घसरण होऊन थंडीचा कडाका जाणवेल.

काश्मीर खोऱ्यात १०१६ हेप्टापास्कल आणि संपूर्ण हिमालयाच्या पायथ्याच्या भागावरही तितकाच हवेचा दाब राहील. त्यामुळे उत्तर भारतात थंडीचा कडाका वाढलेला असेल आणि वारे जास्त हवेच्या दाबाकडून कमी हवेच्या दाबाकडे वाहतात या नियमानुसार उत्तर भारतातील अतिथंडवारे महाराष्ट्राच्या उत्तर भागात व उत्तर-दक्षिण दिशेने मध्य महाराष्ट्रापासून संपूर्ण पूर्व भागावर वाहतील. म्हणजेच नाशिक, नगर, पुणे येथे थंडीचे प्राबल्य वाढेल तसेच उत्तर महाराष्ट्र, विदर्भ व मराठवाड्यातील तसेच दक्षिण-पश्‍चिम महाराष्ट्रातील सर्वच जिल्ह्यांत थंडीचे प्राबल्य वाढल्याचे जाणवेल. ३० डिसेंबर रोजी ही स्थिती कायम राहील. मात्र त्याचवेळी काश्मीर खोऱ्यात आणखी थंडी वाढेल. कारण तेथे १०१८ हेप्टापास्कल इतका अधिक हवेचा दाब राहणार आहे. ३१ डिसेंबर रोजी ही स्थिती कायम राहील.

उत्तरेकडून येणारे अतिथंड वारे महाराष्ट्रात दाखल होतील आणि थंडीत वाढ होईल. त्याचवेळी सकाळी ६ ते ७ वाजेपर्यंत नदीकाठी, विहिरीवरील भागावर आणि काही भागात धुके जाणवेल. त्याशिवाय ज्वारी आणि इतर पिकावर दव पडलेले दिसून येईल. १ जानेवारी २०१८ रोजी थंडीची तीव्रता कमी होईल. त्याचे मुख्य कारण म्हणजे कोकण किनारपट्टीवर हवेचे दाब कमी होऊन ते १०१० हेप्टापास्कल इतके राहतील, तर महाराष्ट्रावर १०१२ हेप्टापास्कल इतका हवेचा दाब राहील. २ जानेवारी रोजीही थंडीचे प्रमाण मध्यम राहील. ३ व ४ जानेवारी रोजी कोकणासह महाराष्ट्रावरील हवेचे दाब समान राहतील. मात्र मध्य महाराष्ट्र, उत्तर महाराष्ट्र, विदर्भ व मराठवाड्यात थंडीचे प्रमाण कायम राहील. त्यामुळे या आठवड्यात थंडीचे प्राबल्य राहील.

१) कोकण :
रायगड जिल्ह्यात कमाल तापमान ३० अंश सेल्सिअस राहील, तर रत्नागिरी जिल्ह्यात ३४ अंश सेल्सिअस आणि ठाणे जिल्ह्यात ३५ अंश सेल्सिअस व सिंधुदुर्ग जिल्ह्यात ३६ अंश सेल्सिअस राहील. सिंधुदुर्ग जिल्ह्यात किमान तापमान १५ अंश सेल्सिअस तसेच रत्नागिरी, रायगड व ठाणे जिल्ह्यांत १७ ते १८ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता सिंधुदुर्ग जिल्ह्यात ९१ टक्के राहील. रत्नागिरी जिल्ह्यात ५७ टक्के राहील व रायगड आणि ठाणे जिल्ह्यात ६५ ते ६७ टक्के इतकी राहील. दुपारची सापेक्ष आर्द्रता रायगड जिल्ह्यात ६३ टक्के राहील. ठाणे जिल्ह्यात ५५ टक्के राहील, तर रत्नागिरी जिल्ह्यात ४४ टक्के व सिंधुदुर्ग जिल्ह्यात ३६ टक्के राहील. वाऱ्याचा ताशी वेग ६ ते ७ किलोमीटर राहील. वाऱ्याची दिशा इशान्येकडून राहील. पावसाची शक्‍यता नाही.

२) उत्तर महाराष्ट्र :
जळगाव जिल्ह्यात कमाल तापमान ३० अंश सेल्सिअस राहील तर नाशिक, धुळे व नंदूरबार जिल्ह्यांत कमाल तापमान ३२ अंश सेल्सिअस राहील. जळगाव जिल्ह्यात किमान तापमान १२ अंश सेल्सिअस राहील तर नाशिक, धुळे व नंदूरबार जिल्ह्यांत ते १० अंश सेल्सिअस राहील. आकाश अंशतः ढगाळ राहील. जळगाव जिल्ह्यात सकाळची सापेक्ष आर्द्रता ५६ टक्के राहील. नाशिक, धुळे व जळगाव जिल्ह्यांत सकाळची सापेक्ष आर्द्रता ६० टक्के राहील. दुपारची सापेक्ष आर्द्रता जळगाव जिल्ह्यात २६ टक्के राहील तर नंदूरबार, धुळे व नाशिक जिल्ह्यांत सकाळची सापेक्ष आर्द्रता २७ टक्के इतकी राहील. वाऱ्याचा ताशी वेग ५ ते ९ किलोमीटर राहील. धुळे जिल्ह्यात वाऱ्याची दिशा पूर्वेकडून राहील तर नंदूरबार जिल्ह्यात इशान्येकडून राहील. आणि नाशिक व जळगाव जिल्ह्यांत वाऱ्याची दिशा अग्नेयेकडून राहील.

३) मराठवाडा :
लातूर जिल्ह्यात कमाल तापमान २९ अंश सेल्सिअस राहील. जालना जिल्ह्यात कमाल तापमान ३१ अंश सेल्सिअस राहील. उर्वरित उस्मानाबाद, नांदेड, बीड, परभणी, हिंगोली व औरंगाबाद जिल्ह्यांत ३० अंश सेल्सिअस राहील. लातूर व नांदेड जिल्ह्यांत किमान तापमान १६ अंश सेल्सिअस राहील. उस्मानाबाद जिल्ह्यात किमान तापमान १४ अंश सेल्सिअस आणि नांदेड व औरंगाबाद जिल्ह्यांत १२ अंश सेल्सिअस राहील. जालना जिल्ह्यात किमान तापमान १० अंश सेल्सिअस तर परभणी व हिंगोली जिल्ह्यांत ११ अंश सेल्सिअस राहील, आकाश अंशतः ढगाळ राहील. सकाळची सापेक्ष आर्द्रता औरंगाबाद व उस्मानाबाद जिल्ह्यांत ४० ते ४८ टक्के राहील. बीड जिल्ह्यात सकाळची सापेक्ष आर्द्रता ६१ टक्के राहील. लातूर, नांदेड, परभणी, हिंगोली व जालना जिल्ह्यांत ५४ ते ५५ टक्के राहील. दुपारची सापेक्ष आर्द्रता औरंगाबाद व जालना जिल्ह्यांत १८ ते १९ टक्के राहील. उस्मानाबाद व लातूर जिल्ह्यांत २४ टक्के राहील, तर नांदेड, बीड, परभणी, हिंगोली जिल्ह्यांत २० ते २२ टक्के राहील. वाऱ्याचा ताशी वेग ४ ते ९ किलोमीटर राहील. वाऱ्याची दिशा अग्नेयेकडून राहील. पावसाची शक्‍यता नाही.

४) पश्‍चिम विदर्भ ः
बुलडाणा व अकोला जिल्ह्यांत कमाल तापमान ३० अंश सेल्सिअस राहील. वाशीम व अमरावती जिल्ह्यांत ३१ अंश सेल्सिअस राहील. अकोला व अमरावती जिल्ह्यांत किमान तापमान १३ अंश सेल्सिअस राहील तर बुलडाणा व वाशीम जिल्ह्यांत किमान तापमान ११ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता अमरावती जिल्ह्यात ६० टक्के राहील तर अकोला जिल्ह्यात ५० टक्के राहील. बुलडाणा व वाशीम जिल्ह्यांत सकाळची सापेक्ष आर्द्रता ५५ टक्के राहील. दुपारची सापेक्ष आर्द्रता सर्वच जिल्ह्यांत २० टक्के इतकी कमी राहील. त्यामुळे हवामान कोरडे राहील. पावसाची शक्‍यता नाही. वाऱ्याचा ताशी वेग ५ ते ७ किलोमीटर राहील. वाऱ्याची दिशा अमरावती जिल्ह्यात अग्नेयेकडून तर उर्वरीत बुलडाणा, अकोला व वाशीम जिल्ह्यात वाऱ्याची दिशा पूर्वेकडून राहील.

५) मध्य विदर्भ ः
वर्धा जिल्ह्यात कमाल तापमान २९ अंश सेल्सिअस राहील. यवतमाळ व नागपूर जिल्ह्यांत कमाल तापमान ३० अंश सेल्सिअस राहील. यवतमाळ जिल्ह्यात किमान तापमान १२ अंश सेल्सिअस राहील व नागपूर जिल्ह्यात १० अंश सेल्सिअस राहील. वर्धा जिल्ह्यात किमान तापमान ११ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता वर्धा व नागपूर जिल्ह्यांत ५५ टक्के राहील, तर यवतमाळ जिल्ह्यांत सकाळची सापेक्ष आर्द्रता ६५ टक्के राहील. यवतमाळ जिल्ह्यात दुपारची सापेक्ष आर्द्रता ३० टक्के राहील तर वर्धा व नागपूर जिल्ह्यांत २० ते २३ टक्के राहील. वाऱ्याचा ताशी वेग ६ ते ७ किलोमीटर राहील. वाऱ्याच्या दिशा अग्नेय, पूर्व व इशान्येकडून राहील.

६) पूर्व विदर्भ :
चंद्रपूर व गडचिरोली जिल्ह्यांत कमाल तापमान ३१ अंश सेल्सिअस राहील तर भंडारा व गोंदिया जिल्ह्यांत कमाल तापमान ३० अंश सेल्सिअस राहील. चंद्रपूर व गडचिरोली जिल्ह्यांत किमान तापमान ११ अंश सेल्सिअस राहील तर भंडारा व गोंदिया जिल्ह्यांत किमान तापमान १० अंश सेल्सिअस राहील. आकाश अंशतः ढगाळ राहील. गडचिरोली जिल्ह्यात सकाळची सापेक्ष आर्द्रता ६२ टक्के राहील तर चंद्रपूर, भंडारा व गोंदिया जिल्ह्यांत सकाळची सापेक्ष आर्द्रता ५० ते ५५ टक्के राहील. चंद्रपूर व गडचिरोली जिल्ह्यांत दुपारची सापेक्ष आर्द्रता ३० टक्के व भंडारा व चंद्रपूर जिल्ह्यांत केवळ २० टक्के राहील आणि दुपारी हवामान अत्यंत कोरडे राहील. वाऱ्याचा ताशी वेग ४ ते ६ किलोमीटर राहील. वाऱ्याची दिशा गोंदिया व चंद्रपूर जिल्ह्यांत इशान्येकडून, गडचिरोली जिल्ह्यात पूर्वेकडून आणि भंडारा जिल्ह्यात अग्नेयेकडून राहील. पावसाची शक्‍यता नाही.

७) दक्षिण-पश्‍चिम महाराष्ट्र :
पुणे जिल्ह्यात कमाल तापमान ३२ अंश सेल्सिअस राहील तसेच सातारा जिल्ह्यातही कमाल तापमान तितकेच राहील. कोल्हापूर जिल्ह्यात कमाल तापमान ३१ अंश सेल्सिअस तर सांगली व सोलापूर जिल्ह्यात ते ३० अंश व नगर जिल्ह्यात २९ अंश सेल्सिअस राहील. कोल्हापूर व सांगली जिल्ह्यांत किमान तापमान १५ अंश सेल्सिअस राहील. सातारा व सोलापूर जिल्ह्यांत ११ अंश सेल्सिअस राहील आणि पुणे जिल्ह्यात १० अंश व नगर जिल्ह्यात १२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता पुणे जिल्ह्यात ७९ टक्के राहील तर सातारा जिल्ह्यात ६० टक्के व सांगली, कोल्हापूर, सोलापूर जिल्ह्यांत ५४ ते ५७ टक्के व नगर जिल्ह्यांत ४३ टक्के राहील. दुपारची सापेक्ष आर्द्रता सोलापूर जिल्ह्यात ३५ टक्के राहील. कोल्हापूर व सांगली जिल्ह्यांत २७ टक्के राहील. सातारा जिल्ह्यात २१ टक्के आणि पुणे व नगर जिल्ह्यांत १९ टक्के राहील. त्यामुळे हवामान कोरडे राहील. वाऱ्याचा ताशी वेग ६ ते ९ किलोमीटर राहील तर वाऱ्याची दिशा कोल्हापूर व सांगली जिल्ह्यांत इशान्येकडून बाकी जिल्ह्यांत अग्नेयेकडून राहील.

कृषी सल्ला ः

  • फळबागांना तसेच इतर पिकांना सायंकाळी पाणी दिल्यास मातीचे आणि मुळ्याजवळचे तापमान फारसे घसरणार नाही. पाणी उशिरा तापते आणि उशिरा थंड होते त्याचा फायदा होईल.
  • जनावरे उघड्यावर न बांधता गोठ्यामध्ये बांधावीत.
  • कुक्कुटपालन शेडच्या खिडक्‍या रात्रीच्या वेळी बंद कराव्यात. शेड उबदार राहण्यासाठी शेडमध्ये बल्ब लावावेत.

(ज्येष्ठ कृषी हवामान तज्ज्ञ अाणि सदस्य संशोधन परिषद, डॉ. बाळासाहेब सावंत कोकण कृषी विद्यापीठ, दापोली व वसंतराव नाईक मराठवाडा कृषी विद्यापीठ, परभणी)

इतर अॅग्रो विशेष
कोकण, दक्षिण- मध्य महाराष्ट्रात आज... पुणे : पश्‍चिम मध्य प्रदेश, मध्य महाराष्ट्र आणि...
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...