Agriculture story in marathi, weekly weather advisory | Agrowon

दक्षिण, पश्‍चिम महाराष्ट्रात काही भागांत पावसाची शक्‍यता
डॉ. रामचंद्र साबळे
शनिवार, 3 फेब्रुवारी 2018

महाराष्ट्राच्या पश्‍चिम, मध्य व उत्तर महाराष्ट्राच्या भागावर १०१२ हेप्टापास्कल इतका हवेचा दाब राहील, तर मराठवाड्याचा पूर्वभाग व विदर्भाचा पूर्वभाग यावर १०१४ हेप्टापास्कल इतका हवेचा दाब राहील. त्यामुळे या आठवड्याच्या सुरवातीपासून थंडीचे प्रमाण सर्व महाराष्ट्रात चांगले राहील. ४ फेब्रुवारीपासून सह्याद्री पर्वतरांगांवर १०१२ हेप्टापास्कल इतका हवेचा दाब राहणार असून, वायव्य भारतावर १०१६ हेप्टापास्कल इतका हवेचा दाब राहणार आहे. सध्या वाऱ्याची दिशा वायव्येकडून बऱ्याच जिल्ह्यांत असल्याने थंडीत थोडीफार वाढ अपेक्षित आहे.

महाराष्ट्राच्या पश्‍चिम, मध्य व उत्तर महाराष्ट्राच्या भागावर १०१२ हेप्टापास्कल इतका हवेचा दाब राहील, तर मराठवाड्याचा पूर्वभाग व विदर्भाचा पूर्वभाग यावर १०१४ हेप्टापास्कल इतका हवेचा दाब राहील. त्यामुळे या आठवड्याच्या सुरवातीपासून थंडीचे प्रमाण सर्व महाराष्ट्रात चांगले राहील. ४ फेब्रुवारीपासून सह्याद्री पर्वतरांगांवर १०१२ हेप्टापास्कल इतका हवेचा दाब राहणार असून, वायव्य भारतावर १०१६ हेप्टापास्कल इतका हवेचा दाब राहणार आहे. सध्या वाऱ्याची दिशा वायव्येकडून बऱ्याच जिल्ह्यांत असल्याने थंडीत थोडीफार वाढ अपेक्षित आहे. ५ फेब्रुवारी रोजी संपूर्ण महाराष्ट्रावर १०१४ हेप्टापास्कल इतका हवेचा दाब राहण्यामुळे, तसेच वायव्य भारतावर १०१८ हेप्टापास्कल इतका हवेचा दाब वाढणार असल्याने थंडीत आणखी थोडीफार वाढ अपेक्षित आहे. ६ फेब्रुवारी रोजी ही स्थिती कायम राहील व थंडीचे वाढलेले प्रमाण कायम असेल. रात्री व पहाटे थंडीचे प्रमाण वाढलेले असेल तसेच दिवसा तापमानही थंड राहील.

ईशान्य भारतावरही हवेच्या दाबात वाढ होत आहे. त्याचाही परिणाम थंडीचे प्राबल्य टिकून राहण्यास अनुकूल राहील. उत्तर भारतातील काश्मीर तसेच उत्तर प्रदेशच्या पश्‍चिम भागात ९, १० व ११ फेब्रुवारी रोजी पावसाची शक्‍यता असून, महाराष्ट्राच्या दक्षिणेकडील भागावर ८ फेब्रुवारी व मध्य भागावर ९ फेब्रुवारी आणि मुंबईसह उत्तरेकडील पश्‍चिम भागात ११ फेब्रुवारी रोजी अल्पशा पावसाची शक्‍यता आहे. मराठवाड्यातील उस्मानाबाद, लातूर व बीड जिल्ह्यांत वाऱ्याचा ताशी वेग १४ ते १७ किलोमीटरपर्यंत राहणे शक्‍य आहे. अरबी समुद्राच्या व बंगालच्या उपसागराच्या पाण्याच्या पृष्ठभागाचे तापमान २९ ते ३० अंश सेल्सिअसपर्यंत वाढण्यामुळे पूर्वमोसमी पावसाच्या शक्‍यतेत वाढ होईल. या आठवड्यात हवामान कोरडे राहील.

कोकण
कोकणातील सिंधुदुर्ग व रत्नागिरी जिल्ह्यांत कमाल तापमान ३२ ते ३४ अंश सेल्सिअस राहील. रायगड जिल्ह्यात २८ अंश सेल्सिअस आणि ठाणे जिल्ह्यात ३१ अंश सेल्सिअस राहील. रत्नागिरी जिल्ह्यात किमान तापमान २० अंश सेल्सिअस, तर ठाणे जिल्ह्यात २१ अंश सेल्सिअस आणि रायगड जिल्ह्यात १९ अंश सेल्सिअस व सिंधुदुर्ग जिल्ह्यात १७ अंश सेल्सिअस राहील. आकाश निरभ्र राहील. सकाळची सापेक्ष आर्द्रता रत्नागिरी जिल्ह्यात ६८ टक्के राहील. रायगड, ठाणे व सिंधुदुर्ग जिल्ह्यांत ८१ ते ८३ टक्के राहील. दुपारची सापेक्ष आर्द्रता सिंधुदुर्ग जिल्ह्यात २८ टक्के, रत्नागिरी जिल्ह्यात ३८ टक्के, ठाणे जिल्ह्यात ४३ टक्के तर रायगड जिल्ह्यात ५८ टक्के इतकी राहील. त्यामुळे हवामान कोरडे राहील. वाऱ्याचा ताशी वेग ३ ते ५ किलोमीटर राहील. रायगड व ठाणे जिल्ह्यांत वाऱ्याची दिशा अग्नेयेकडून राहील. सिंधुदुर्ग जिल्ह्यात पूर्वेकडून, तर रत्नागिरी जिल्ह्यात ईशान्येकडून राहील. ८ ते ११ फेब्रुवारी काळात तुरळक ठिकाणी पावसाची शक्‍यता आहे.

उत्तर महाराष्ट्र
जळगाव जिल्ह्यात कमाल तापमान ३५ अंश सेल्सिअसपर्यंत वाढणे शक्‍य असून, उर्वरित नाशिक, धुळे व नंदूरबार जिल्ह्यांत ३२ अंश सेल्सिअस राहील. जळगाव जिल्ह्यात किमान तापमान ९ अंश सेल्सिअस राहील, तर नाशिक, धुळे व नंदूरबार जिल्ह्यांत किमान तापमान १२ अंश सेल्सिअस राहील. आकाश निरभ्र राहील. जळगाव जिल्ह्यात सकाळची सापेक्ष आर्द्रता ५९ टक्के राहील. उर्वरित नाशिक, धुळे व नंदूरबार जिल्ह्यांत ६९ टक्के राहील. जळगाव जिल्ह्यात दुपारची सापेक्ष आर्द्रता २० टक्के, तर नाशिक, धुळे व नंदूरबार जिल्ह्यांत दुपारची सापेक्ष आर्द्रता २१ टक्के राहील. वाऱ्याचा ताशी वेग ३ ते ५ किलोमीटर राहील. नाशिक व धुळे जिल्ह्यांत वाऱ्याची दिशा वायव्येकडून तर नंदूरबार व जळगाव जिल्ह्यांत वाऱ्याची दिशा नैर्ऋत्येकडून राहील.

मराठवाडा
नांदेड व हिंगोली जिल्ह्यांत कमाल तापमान ३६ अंश सेल्सिअस राहील. बीड, परभणी व जालना जिल्ह्यांत कमाल तापमान ३५ अंश सेल्सिअस राहील. उस्मानाबाद, लातूर व औरंगाबाद जिल्ह्यांत कमाल तापमान ३२ ते ३३ अंश सेल्सिअस राहील. लातूर, नांदेड व जालना जिल्ह्यांत किमान तापमान १६ अंश सेल्सिअस राहील. उस्मानाबाद जिल्ह्यात किमान तापमान १४ अंश सेल्सिअस राहील, तर औरंगाबाद, परभणी, बीड या जिल्ह्यांत किमान तापमान १३ अंश सेल्सिअस राहील. आकाश निरभ्र राहील. नांदेड जिल्ह्यात सकाळची सापेक्ष आर्द्रता ७० टक्के राहील, तर हिंगोली जिल्ह्यात ६५ टक्के इतर राहील. आणि परभणी जिल्ह्यात ६० टक्के इतकी राहील. उस्मानाबाद, लातूर, बीड, जालना व औरंगाबाद जिल्ह्यांत दुपारची सापेक्ष आर्द्रता ५० त ५८ टक्के इतकी राहील. दुपारची सापेक्ष आर्द्रता उस्मानाबाद, लातूर, बीड, जालना, औरंगाबाद व हिंगोली जिल्ह्यांत २१ ते २४ टक्के इतकी कमी राहील. त्यामुळे या सर्वच जिल्ह्यांत दुपारी हवामान कोरडे राहील. लातूर जिल्ह्यात वाऱ्याचा ताशी वेग १७ किलोमीटर राहील, तर उस्मानाबाद व बीड जिल्ह्यांत वाऱ्याचा ताशी वेग १४ ते १५ किलोमीटर राहील. उर्वरित नांदेड, परभणी, हिंगोली जिल्ह्यांत ताशी ११ किलोमीटर, तर औरंगाबाद व जालना जिल्ह्यांत ५ ते ८ किलोमीटर राहील. वाऱ्याची दिशा दक्षिण व नैर्ऋत्येकडून राहील.

पश्‍चिम विदर्भ
अमरावती व बुलडाणा जिल्ह्यांत कमाल तापमान ३२ ते ३३ अंश सेल्सिअस राहील, तर वाशीम व अकोला जिल्ह्यांत ३४ ते ३५ अंश सेल्सिअस राहील. किमान तापमान अकोला व अमरावती जिल्ह्यांत १४ ते १५ अंश सेल्सिअस राहील, तर बुलडाणा व वाशीम जिल्ह्यांत १६ अंश सेल्सिअस राहील. आकाश निरभ्र राहील. सकाळची सापेक्ष आर्द्रता बुलडाणा जिल्ह्यात ५० टक्के राहील, तर अकोला, वाशीम व अमरावती जिल्ह्यांत सकाळची सापेक्ष आर्द्रता ४० ते ४५ टक्के राहील. दुपारची सापेक्ष आर्द्रता १२ ते १८ टक्के इतकी कमी राहील. त्यामुळे हवामान कोरडे राहील. वाऱ्याचा ताशी वेग ४ ते ८ किलोमीटर राहील. वाऱ्याची दिशा अग्नेय, नैर्ऋत्येकडून राहील.

मध्य विदर्भ
मध्य विदर्भात कमाल तापमान ३२ ते ३३ अंश सेल्सिअस राहील. किमान तापमान १३ ते १५ अंश सेल्सिअस राहील. आकाश निरभ्र राहील. नागपूर जिल्ह्यात सकाळची सापेक्ष आर्द्रता ६० टक्के राहील तर यवतमाळ, वर्धा व चंद्रपूर जिल्ह्यांत सकाळची सापेक्ष आर्द्रता ४० ते ४५ टक्के राहील. दुपारची सापेक्ष आर्द्रता सर्वच जिल्ह्यांत १८ ते २० टक्के राहील, त्यामुळे हवामान कोरडे राहील. वाऱ्याचा ताशी वेग ७ ते ८ किलोमीटर राहील. वाऱ्याची दिशा नैर्ऋत्येकडून राहील.

पूर्व विदर्भ
गोंदिया जिल्ह्यात कमाल तापमान ३१ अंश सेल्सिअस राहील, तर भंडारा जिल्ह्यात ३३ अंश सेल्सिअस आणि चंद्रपूर व गडचिरोली जिल्ह्यांत ३२ अंश सेल्सिअस राहील. किमान तापमान १२ ते १३ अंश सेल्सिअस राहील. आकाश निरभ्र राहील. गडचिरोली जिल्ह्यात सकाळची सापेक्ष आर्द्रता ७० टक्के राहील. चंद्रपूर जिल्ह्यात ४५ टक्के आणि भंडारा व गोंदिया जिल्ह्यांत ५० ते ६० टक्के राहील. दुपारची सापेक्ष आर्द्रता भंडारा जिल्ह्यात केवळ १५ टक्के तर उर्वरित जिल्ह्यांत २० टक्के राहील. त्यामुळे हवामान अत्यंत कोरडे राहील. वाऱ्याचा ताशी वेग ६ ते ८ किलोमीटर राहील. वाऱ्याची दिशा नैर्ऋत्येकडून राहील.

दक्षिण - पश्‍चिम महाराष्ट्र
सोलापूर व नगर जिल्ह्यांत कमाल तापमान ३५ अंश सेल्सिअसपर्यंत वाढेल. सांगली जिल्ह्यात ३४ अंश सेल्सिअसपर्यंत वाढेल, तर कोल्हापूर व पुणे जिल्ह्यांत ३२ अंश सेल्सिअस राहील. पुणे व नगर जिल्ह्यांत किमान तापमान १० ते १३ अंश सेल्सिअस राहील. सातारा जिल्ह्यात १४ अंश सेल्सिअसपर्यंत तर कोल्हापूर, सांगली व सोलापूर जिल्ह्यांत १७ अंश सेल्सिअसपर्यंत राहील. आकाश निरभ्र राहील. सकाळची सापेक्ष आर्द्रता पुणे जिल्ह्यात ५१ टक्के सोलापूर व नगर जिल्ह्यांत ६२ टक्के तर सातारा जिल्ह्यात ६८ टक्के राहील. कोल्हापूर व सांगली जिल्ह्यांत ७१ ते ७२ टक्के राहील. दुपारची सापेक्ष आर्द्रता कोल्हापूर, सातारा व पुणे जिल्ह्यांत ३१ ते ३३ टक्के राहील तर सांगली व सोलापूर जिल्ह्यांत २२ टक्के आणि नगर जिल्ह्यात ११ टक्के इतकी कमी राहील. त्यामुळे हवामान कोरडे राहील. वाऱ्याचा ताशी वेग ४ ते ११ किलोमीटर राहील, तर वाऱ्याची दिशा अग्नेयेकडून राहील.

कृषी सल्ला

  • उन्हाळी भुईमुगाची पेरणी १५ फेब्रुवारीपर्यंत करून घ्यावी. पेरणीसाठी टी.ए.जी.-२४, टी.जी.-२६, जे.एल.-५०१, टी.एल.जी.-४५. एल.जी.एन.-१ यापैकी जातीची निवड करावी. पेरणीपूर्वी बियाण्याला रायझोबियम जिवाणू संवर्धनाची प्रक्रिया करावी. सारे व पाट पाडावेत व १० दिवसांच्या अंतराने पाणी द्यावे.
  • उन्हाळी तिळाची पेरणी ए.के.टी.-१०१ किंवा पी.के.व्ही.एन.टी.-११ यापैकी जातीची निवड करून पेरणी ४५ x १० सें.मी. अंतर ठेवून करावी. पेरणीपूर्वी बियाण्यास अझॅटोबॅक्‍टर जिवाणू संवर्धनाची प्रक्रिया करावी.
  • बाजरी पेरणीसाठी जमिनीची मशागत करावी.
  • ८ ते ११ फेब्रुवारी दरम्यान दक्षिण महाराष्ट्रातील हळद लागवडीच्या भागात शिजवलेली हळद एकत्र करून झाकून घ्यावी.

(ज्येष्ठ कृषी हवामान तज्ज्ञ अाणि सदस्य संशोधन परिषद वसंतराव नाईक मराठवाडा कृषी विद्यापीठ, परभणी व डॉ. बाळासाहेब सावंत कोकण कृषी विद्यापीठ, दापोली)

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...