agriculture story in marathi,news regarding Subash Deshmukh, cooperative and marketing Minister | Agrowon

पोशिंद्याला मदत करा... तुम्हाला हात जोडून विनंती
टीम अॅग्रोवन
रविवार, 31 डिसेंबर 2017

पुणे : 'माझ्या संकटग्रस्त शेतकऱ्याला कर्जमाफी मिळत असल्यास शहरवासीयांनो तुम्ही शंका घेऊ नका, कांद्याचे भाव वाढत असल्यास माध्यमांनो तुम्हीही विरोधात लिहू नका; जगाच्या या पोशिंद्याला, अन्नदात्याला तुम्ही सांभाळून घ्या; मी तुम्हाला हात जोडून विनंती करतो,' हे उद्गार आहेत राज्याचे सहकारमंत्री सुभाष देशमुख यांचे..!

पुणे : 'माझ्या संकटग्रस्त शेतकऱ्याला कर्जमाफी मिळत असल्यास शहरवासीयांनो तुम्ही शंका घेऊ नका, कांद्याचे भाव वाढत असल्यास माध्यमांनो तुम्हीही विरोधात लिहू नका; जगाच्या या पोशिंद्याला, अन्नदात्याला तुम्ही सांभाळून घ्या; मी तुम्हाला हात जोडून विनंती करतो,' हे उद्गार आहेत राज्याचे सहकारमंत्री सुभाष देशमुख यांचे..!

सकाळ माध्यम समूहाकडून दिल्या जाणाऱ्या अॅग्रोवन स्मार्ट शेतकरी पुरस्काराचे वितरण पुण्याच्या टिळक स्मारक सभागृहात करताना सहकारमंत्र्यांनी शहरवासीयांना भावनिक आवाहन केले. अॅग्रोवनचे संपादक आदिनाथ चव्हाण यांनी यावेळी आपल्या प्रास्ताविकात सहकारमंत्र्यांकडून कर्जमाफीविषयी नेमकी माहिती मिळणार असल्याचे सांगितले. तोच धागा पकडून श्री. देशमुख म्हणाले की, शेतकरी भरपूर उत्पादन घेतात आणि स्मार्ट शेतकरी पुरस्कार मिळवतात. त्यामुळे कर्जमाफी कशाला, असा प्रश्न शहरवासीयांना पडू शकतो. मात्र, प्रत्यक्षात निवडक शेतकऱ्यांचे सोडले तर बहुतेकांची स्थिती अतिशय त्रासदायक आहे.

यावेळी श्री. देशमुख यांनी कर्जमाफीचा उद्देश, शेतकऱ्यांच्या व्यथा, शहरी ग्राहकवर्गाकडून शेतमाल भाववाढीला होणारा विरोध आणि त्याचे परिणाम याचे अचूक विश्लेषण केले. आपला शेतकरी हा आपला अन्नदाता असून तो गरीब व समस्याग्रस्त आहे. कुटुंबातील गरीब भावाला इतर मोठे भाऊ सांभाळून घेतात व मदत करतात. तशीच भूमिका शहरवासीयांनी शेतकऱ्यांबाबत ठेवावी, अशी अपेक्षा श्री. देशमुख यांनी आपल्या भाषणातून व्यक्त केली.

'शहरवासीयांना मोटारसायकल, मोटारी, मोबाईल अशी सर्व साधने मिळवता येतील. मात्र, शेतकऱ्याने पिकवले नाही तर आपल्याला अन्न मिळणार नाही. शेतकरी आपला अन्नदाता आहे. त्याच्या कर्तृत्वाला आपण सलाम केला पाहिजे. कधी निसर्ग, कधी बाजारभाव, कधी कीडरोग तर कधी व्यापारी असा कोणाकडून शेतकऱ्याला झटका बसतो. खिशात येत नाही तोपर्यंत पैसा त्याचा नसतो. त्यामुळे शहरवासीयांनी मदतीची भूमिका घेत शेतकऱ्यांना साथ द्यावी. त्याच्या समृद्धीमध्येच आपले सुख आहे, असे सहकारमंत्री म्हणाले.

तर शेतकऱ्याला कोणाच्या दारात जाण्याची गरज नाही
शेतकऱ्याला जर पाणी, वीज, खते, बियाणे, पतपुरवठा, हमीभाव, शेतमाल प्रक्रिया अशा विविध सुविधा पुरविल्यास कोणाच्याही दारात जाण्याची गरज राहणार नाही. केंद्र व राज्य सरकार तीच भूमिका ठेवत विविध योजना राबवित आहे, असे सहकारमंत्री श्री. देशमुख यांनी आपल्या भाषणात नमूद केले.

 

इतर अॅग्रो विशेष
थंडीने काजू मोहोरला...!देवरूख, रत्नागिरी : जानेवारी महिना...
मैत्रीचा नवा अध्यायपंतप्रधान नरेंद्र मोदी यांची जुलै २०१७ मधील...
महागाई आणि ग्राहकांची मानसिकताअन्नधान्याचे दूध-फळे/भाजीपाल्याचे भाव थोडे वाढले...
‘कळमणा बाजार’ निवडणूक जुन्या पणन...नागपूर : येथील कळमणा बाजार समितीच्या निवडणुका...
वाशीममध्ये सोयाबीनची झेप ३४००...अकोला : गेल्या काही दिवसांपासून सोयाबीनच्या दरात...
‘निर्यात सुविधा केंद्रा’साठी प्रस्ताव...पुणे : राज्यातून अधिकाधिक शेतमाल निर्यात व्हावा,...
शेतकऱ्यांसाठी हक्‍काची बाजारपेठ- नागपूर...नागपूर येथील कृषी पर्यवेक्षक हेमंत चव्हाण यांनी...
दर्जेदार कांदा रोपे हवीत? चला...सांगली जिल्ह्यातील शेखरवाडी (ता. वाळवा) हे गाव...
कमी दाबाचे क्षेत्र अरबी समुद्राकडे सरकलेपुणे : उत्तर महाराष्ट्रात असलेले कमी दाबाचे...
सूक्ष्म सिंचन संच न बसविणाऱ्या...ऑनलाइन अर्जाला १५ मार्चपर्यंत मुदतवाढ पुणे :...
चला जालन्याला... ॲग्रोवनच्या कृषी...जालना : शेतकऱ्यांसह सर्वांचीच उत्सुकता लागून...
पीक विमा हप्त्याची रक्कम गेली कुठेअकोला : ‘शासकीय काम, सहा महिने थांब’ अशी एक...
देवगडचा हापूस महिनाभर उशिराने बाजारात...सिंधुदुर्ग : ओखी वादळाचा फटका आता देवगडच्या...
यवतमाळ जिल्ह्यात शंभर टक्के क्षेत्रावर...यवतमाळ : जिल्ह्यातील पाच लाख हेक्‍टरवर कपाशीची...
सल्ला हवा अचूकचभारतीय हवामानशास्त्र विभाग अद्ययावत झाले, असे...
शेती परिवाराची कामे हवी शेतकऱ्यांशी...आपल्या देशाला स्वातंत्र्य मिळण्यापूर्वी प्रगत...
उडीद खरेदीसाठी २० पर्यंत मुदतवाढ :...मुंबई : खरीप २०१७ मधील उडीदाच्या वाढीव प्रमाणातील...
मुंबईत २६ जानेवारीला संविधान बचाव आंदोलनमुंबई : सर्वपक्षीय आणि सामाजिक धुरिणांनी संविधान...
उत्तर महाराष्ट्रात ढगाळ हवामानपुणे : मालदीव ते उत्तर महाराष्ट्र या दरम्यान...
बीटी बियाण्यांची आगाऊ नोंदणी न करण्याचा...जळगाव : राज्यात यंदा कापसाच्या पिकावर गुलाबी बोंड...