Agriculture success stories in Marathi, ambadwet dist. pune , Agrowon, Maharashra | Agrowon

कचरा निर्मूलनासाठी गाव आले एकत्र
अमित गद्रे
सोमवार, 1 जानेवारी 2018

नववर्ष २०१८ विशेष...smiley smiley
------------------------------------------------------

नववर्ष २०१८ विशेष...smiley smiley
------------------------------------------------------

तीन वर्षांपूर्वी मुळशी (जि. पुणे) तालुक्यातील चार गावांमध्ये सामूहिक कचरा निर्मूलनाची चळवळ सुरू झालीय. त्याचे प्रातिनिधिक उदाहरण म्हणजेच अंबडवेट हे गाव. सध्या ग्रामीण भागातही ओला, सुका कचऱ्याचा प्रश्न गंभीर होतोय. कचऱ्यामुळे गाव बकाल दिसतं, आरोग्याचा प्रश्नही गंभीर होतो. मात्र गावकऱ्यांनीच कचरा निर्मूलन करायचं ठरविलं, तर स्वच्छ गाव साकार होऊ शकते. 

अंबडवेट हे सामान्य गाव. मात्र भविष्यातील कचऱ्याची समस्या वेळीच ओळखून गावकरी एकत्र आले. ग्रामपंचायतीनेही साथ दिली. प्रत्येक घराने ओला व सुका कचरा निर्मूलनासाठी सामूहिक प्रयत्न सुरु केले. पुणे येथील नो हाऊ फाउंडेशन-इनोरा या संस्थेने मार्गदर्शन केलं. प्रत्येक घरासमोर कंपोस्टर प्लांटर ड्रम असून त्यामध्ये वांगे, मिरची, टोमॅटो रोपांना फळंही लगडलेली दिसतात. 

या उपक्रमाबाबत नो हाऊ फाउंडेशन-इनोराचे विजय भालेकर म्हणाले की, आम्ही गावकरी आणि ग्रामपंचायत सदस्यांना एकत्र केले. ओला व सुका कचऱ्यामुळे अस्वच्छता, उकिरड्यांमुळे आरोग्यावरील परिणामांची माहिती पटवून दिली. प्रत्येक कुटुंबाला ओला कचरा जिरवण्यासाठी कंपोस्टर प्लांटर ड्रम दिला. त्यामध्ये पालापाचोळा, ओला कचरा, गांडूळ कल्चर भरण्यास गावकऱ्यांनी सुरवात केली. कचरा कुजण्यासाठी लागणाऱ्या डी कंपोस्टरचा खर्च  ग्रामपंचायत करते. गावकरी प्लॅस्टिक पिशव्या, बाटल्या, इतर साहित्य गोळा करून ठेवतात. दर पंधरा दिवसांनी ग्रामपंचायतीच्या माध्यमातून हा प्लॅस्टिक कचरा गोळा करून जी.डी.एन्व्हार्नमेंट प्रा.लि. कंपनीला इंधननिर्मितीसाठी देतो.  येत्या काळात हा उपक्रम ग्रामपंचायतीला हस्तांतरीत करणार आहोत. हा उपक्रम पाहून परिसरातील गावे कचरा निर्मूलनासाठी पुढे येताहेत.

गावकरी आले एकत्र :  
इनोराच्या संचालिका मंजूश्री तडवळकर म्हणाल्या की, गावांमध्ये ओला, सुका कचरा व्यवस्थापनासाठी आम्ही कमिन्स इंडिया लिमिटेड आणि सुदर्शन केमिकल्स कंपनीच्या सहकार्याने मुळशी तालुक्यातील चार गावे आणि वाड्यांमध्ये ग्रामपंचायतीच्या सहकार्याने तीन वर्षांपासून ओला, सुका कचरा व्यवस्थापनाबाबत जागृती केली. ओला कचरा जिरवण्यासाठी कंपोस्टर प्लांटर ड्रम व सेंद्रिय घटक कुजविणारे संवर्धक तसेच प्रशिक्षण दिले. परिणामी ओल्या कचऱ्याचे गांडूळ खतात रूपांतर झाले. 

गाव स्वच्छतेला मिळाली चालना : 
या उपक्रमाबाबत बोलताना अंबाबाई सेंद्रिय शेतकरी बचत गटाचे अध्यक्ष प्रताप ढमाले म्हणाले की ३  वर्षांपूर्वी अंबडवेट गाव, वाड्या मिळून ३७८ कंपोस्टर प्लांटर ड्रम बसविले. दररोज घरटी एक ते दीड किलो ओला कचरा जिरवला जातो. ड्रममध्ये टोमॅटो, वांगे, मिरची, शेवगा आदींची रोपेही लावली. ड्रममध्ये तयार झालेले खत परसबागेसाठी वापरले जाते. कचरा ,प्लॅस्टिक पिशव्या, इतर साहित्य घराघरात गोळा केल्याने प्लॅस्टिक समस्येवर मात करता आली. गावस्वच्छतेला चालना ,आरोग्याबाबत जागृती झाली. घराजवळ ८५ टक्के ओला कचरा जिरविता आला. 

जिरविला ओला कचरा : 

  • अंबडवेट गाव आणि बारा वाड्या : ३७८ ड्रम
  • कोंढावळे, कळमशेत गाव आणि चार वाड्या : २२६ ड्रम
  • कासारआंबोली आणि चार वाड्या ः ६०० ड्रम
  • दररोज जिरतो १,२०४ किलो ओला कचरा. दरमहा एक हजार किलो प्लॅस्टिक प्रक्रियेसाठी जमा.

घरीच जिरवितो ओला कचरा 
अंबडवेटमधील कविता ओव्हाळ म्हणाल्या की, गावातील महिला गेल्या तीन वर्षांपासून ड्रममध्ये दररोज एक किलो ओला कचरा जिरवित आहेत. यामुळे रस्त्याच्या कडेचे उकिरडे संपले. घर, गावाचा परिसर स्वच्छ झाला. डास, माश्यांचा प्रादुर्भाव होत नाही. या ड्रममध्ये वांगी, टोमॅटोची रोपे लावल्यामुळे काही प्रमाणात भाजीपाला मिळतो. ड्रममध्ये गांडुळे असल्याने ओला कचरा जिरत राहातो. दुर्गंधी येत नाही. लहान मुलांनाही स्वच्छतेचे महत्त्व पटले आहे. वसंतवाडीमधील रोहिणी शिंदे म्हणाल्या की, रोज एक किलो कचरा या ड्रममध्ये जिरतो. दरवर्षी चाळीस किलो गांडूळ खत तयार होते. हे खत परसबागेसाठी वापरतो. 

संपर्क : प्रताप ढमाले, ९६८९०२७८१८

इतर अॅग्रो विशेष
‘कर्जनिधी’चा लाभ शेतकऱ्यांना कसा मिळणार...केंद्र सरकारने शेतकऱ्यांना कर्ज म्हणून ११ लाख...
अधिक नुकसान, कमी भरपाईराज्यभरात खरीप, रब्बी आणि उन्हाळी अशा तिन्ही...
'टिळक महाराष्ट्र विद्यापीठा'तर्फे...पुणे : टिळक महाराष्ट्र अभिमत विद्यापीठाने ‘सकाळ’...
शेतकऱ्यांसाठी हमीभाव दिवास्वप्नचमुंबई : सध्या शेतीमाल हमीभावाच्या मुद्द्यावरून...
साखर मूल्यांकनात १३० रुपयांनी वाढकोल्हापूर : साखर दरात वाढ होत असल्याने त्याचा...
संयुक्त खतांच्या किमती वाढल्यानागपूर ः वातावरणातील बदलामुळे शेतकऱ्यांसमोरील...
हेक्टरी २९१ किलोच तुरीची खरेदीसांगली : वेळ सकाळी दहाची...जत तालुक्‍यातील शेतकरी...
सरकार कांदा खरेदी करण्याची शक्यतानवी दिल्ली : देशात कांदा उत्पादक शेतकऱ्यांना...
मध्य महाराष्ट्रात शुक्रवारी गारपिटीची...पुणे ः कर्नाटकाचा उत्तर भाग आणि अरबी समुद्र, गोवा...
‘हवामान स्मार्ट शेती’ प्रकल्पाला...नवी दिल्ली : हवामानाच्या लहरीपणामुळे देशातील...
माझा शेतकरी चोर आहे का ः धनंजय मुंडेरावेर, जि. जळगाव ः मराठवाड्यातील गारपीटग्रस्त...
राज्यातील धरणासाठा ५२.८३ टक्क्यांवरपुणे : राज्यात रब्बी हंगामात पाण्याचा मोठ्या...
खतांवरील अनुदानाबरोबरच किमतीही हव्यात...खत उद्योगाच्या प्रगतीमध्ये केंद्र सरकार व राज्य...
पंचायत तज्ज्ञ गटाचा अहवाल लवकरच सादर...पुणे  : राज्यातील ग्रामविकासाची भविष्यकालीन...
तेहेतीस वर्षांपासून ‘बोन्साय’ कलेचा...पुणे येथील प्राजक्ता काळे यांनी ३३ वर्षांपासून...
उसापेक्षा किफातशीर ठरले रताळेसोलापूर जिल्ह्यातील बाभूळगावाने रताळे पिकात आपली...
हमी नको, हवा रास्त भाव केंद्र सरकारने २०१८ चा अर्थसंकल्प सादर करताना...
राज्यात अधिकाधिक ‘सीड पार्क’...दर्जेदार बियाण्यांच्या संशोधनासाठी खासगी...
दीडपट हमीभाव : केंद्र सरकारचं लबाडाघरचं...केंद्र सरकार आकड्यांचा खेळ करून स्वतःच्या सोयीचा...
उत्पादन खर्च काढण्यात सरकारची चलाखीपुणे : केंद्र सरकार आपल्या सोयीचा उत्पादन...