agricuture news in Marathi, HVDS scheme will start from 15 august, Maharashtra | Agrowon

‘एचव्हीडीएस’ योजनेला १५ ऑगस्टपासून प्रारंभ
टीम अॅग्रोवन
रविवार, 12 ऑगस्ट 2018

मुंबई : राज्यातील शेतकऱ्यांची गेल्या दोन वर्षांपासून प्रलंबित असलेली कृषी वीज पंपांच्या जोडणीची प्रतीक्षा संपण्याची शक्यता आहे. हाय व्होल्टेज डिस्ट्रीब्यूशन सिस्टीम (एचव्हीडीएस) या सुमारे पाच हजार कोटी रुपये खर्चाच्या योजनेचा प्रारंभ १५ ऑगस्ट रोजी होणार आहे. प्रतीक्षेतील सव्वादोन लाख शेतकऱ्यांना या योजनेतून वीज जोडणी दिली जाणार आहे. त्यामुळे शेतकऱ्यांना अखंडित आणि पूर्ण दाबाने वीजपुरवठा होईल; तसेच वीजचोला आळा बसेल, असा दावा ऊर्जा विभागाने केला आहे.

मुंबई : राज्यातील शेतकऱ्यांची गेल्या दोन वर्षांपासून प्रलंबित असलेली कृषी वीज पंपांच्या जोडणीची प्रतीक्षा संपण्याची शक्यता आहे. हाय व्होल्टेज डिस्ट्रीब्यूशन सिस्टीम (एचव्हीडीएस) या सुमारे पाच हजार कोटी रुपये खर्चाच्या योजनेचा प्रारंभ १५ ऑगस्ट रोजी होणार आहे. प्रतीक्षेतील सव्वादोन लाख शेतकऱ्यांना या योजनेतून वीज जोडणी दिली जाणार आहे. त्यामुळे शेतकऱ्यांना अखंडित आणि पूर्ण दाबाने वीजपुरवठा होईल; तसेच वीजचोला आळा बसेल, असा दावा ऊर्जा विभागाने केला आहे.

मुंब्रा, मालेगाव व अकोला येथे वीज वितरणाचे कंत्राट खासगी वितरण कंपनीला देण्यात येणार आहे. कारण या तीनही ठिकाणी ५० टक्के वीज हानी सध्या असून ती १५ टक्क्यांवर आणण्यासाठी फ्रँचाईजी नेमण्यात येणार असल्याची माहिती ऊर्जा विभागाने दिली आहे. सध्याच्या पद्धतीनुसार शेतकऱ्यांना ६५ व १०० केव्हीए क्षमतेच्या एकेका रोहित्रातून १५ ते २० कृषी ग्राहकांना विद्युतपुरवठा करण्यात येतो.

यामुळे लघुदाबवाहिनीची लांबी वाढते व वीजहानी मोठ्या प्रमाणात होते. शिवाय शेतकऱ्यांना कमी दाबाने वीजपुरवठा होतो. वीज पुरवठ्यात वारंवार बिघाड होऊन वीजपुरवठा खंडित होणे, तांत्रिक वीज हानी, रोहित्र बिघाड, विद्युत अपघात आदींना म‍हावितरणला सामोरे जावे लागते. या सर्व अडचणींवर एचव्हीडीएस योजनेद्वारे मात करता येणे शक्य होणार असल्याचे उर्जा विभागातील सूत्रांनी सांगितले. यामुळे उच्चदाब प्रणालीत उच्चदाब वाहिन्यांवरील विद्युत प्रवाह मोठ्या प्रमाणात कमी होणार आहे, तसेच या प्रणालीमुळे वाहिन्यांवर आकडे टाकून वीजचोरी करता येणार नाही. 

तसेच चंद्रपूर व नागपूर जिल्ह्यात ८९ गावांमध्ये एलईडी दिवे व ऊर्जा संवर्धन पथदर्शी प्रकल्पासाठी ५३.२५ कोटींच्या पुरवणी मागण्या नुकत्याच विधिमंडळात मंजूर करण्यात आल्या आहेत. या पथदर्शी प्रकल्पात नागपूर जिल्ह्यातील ३१ गावे आणि चंद्रपूर जिल्ह्यातील ५८ गावांचा समावेश करण्यात आला आहे. हा पथदर्शी प्रकल्प महाऊर्जामार्फत राबविण्यात येणार आहे. एलईडी दिव्यांचा व ऊर्जा संवर्धनाचा हा प्रकल्प पथदर्शी स्वरूपात दोन जिल्ह्यात राबविण्यात येणार असून, या योजनेचा फायदा लक्षात घेता संपूर्ण राज्यात हा प्रकल्प राबविण्याचा शासनाचा विचार आहे.

या प्रकल्पांतर्गत ८९ गावांमध्ये सीएफएल लाईट, विद्युत उपकरणे, ऊर्जा कार्यक्षम एलईडी लाईट बदलविण्यात येतील. ८९ गावांमध्ये विशिष्ट ठिकाणी हायमास्ट लाईट बसविण्यात येतील. या गावांमध्ये आवश्यक त्या ठिकाणी भूमिगत वायरिंग करण्यात येईल. या प्रकल्पात ५ वर्षे देखभाल दुरुस्तीचा खर्च अंतर्भूत असल्याचे सांगण्यात आले.

एका जोडणीसाठी दोन लाख रुपये खर्च 
या योजनेवर सुमारे ४४९६ कोटी व नवीन उपकेंद्रासाठी लागणारा अंदाजे खर्च ५५१ कोटी अशा एकूण ५,०४८ कोटी रुपये इतका खर्च अपेक्षित आहे. गेल्या तीन वर्षात ४ लाखावर कृषिपंपांना वीज जोडणी देण्यात आली असून महावितरणद्वारे प्रतिजोडणी दीड लाख रुपये खर्च करण्यात आला. ‘एचव्हीडीएस’ योजनेअंतर्गत प्रतिकृषीपंप जोडणीसाठी २ लाख रुपये खर्च अपेक्षित आहे. सध्याच्या लघुदाब प्रणालीपेक्षा उच्चदाब वितरण प्रणालीचे फायदे अधिक आहेत. हा प्रकल्प यशस्वीरीत्या पूर्ण होण्यासाठी महावितरणच्या मुख्यालयात एक स्वतंत्र कक्ष स्थापन करण्यात येणार आहे. ‘एचव्हीडीएस’ योजना लागू झाल्यानंतर लघुदाब व उच्चदाब वितरण प्रणाली या दोन्ही प्रणाली कार्यरत राहणार आहेत. 

एचव्हीडीएस योजनेची वैशिष्ट्ये 

  •  २ लाख २४ हजार शेतकऱ्यांना तूर्तास लाभ
  •  ५०४८ कोटी रुपये खर्च
  •  २ शेतकऱ्यांना एक रोहित्र
  •  वीजचोरीला आळा बसणार
  •  शाश्वत व अखंडित वीजपुरवठा

इतर अॅग्रो विशेष
कोकण, दक्षिण- मध्य महाराष्ट्रात आज... पुणे : पश्‍चिम मध्य प्रदेश, मध्य महाराष्ट्र आणि...
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...