agrowon marathi agralekh on opportunities in trade war | Agrowon

व्यापारयुद्धातील संधी
विजय सुकळकर
शनिवार, 28 एप्रिल 2018

चीनने आयातकर लावल्याने शेतमालाची निर्यात अमेरिकेला महाग पडेल. अशावेळी कापूस सोयापेंड आदी शेतमालाची चीनमध्ये निर्यात वाढविण्याची चांगली संधी आपल्याला लाभली आहे.

आपल्या देशातील मालास परदेशांतील बाजारपेठा उपलब्ध व्हाव्यात. त्या मालास चांगली किंमत मिळावी. जागतिक बाजारात इतर देशांच्या स्पर्धेत आपला माल आघाडीवर राहावा, यासाठी सर्वच देशांचा प्रयत्न असतो. या व्यापारी स्पर्धेतून पूर्वी युद्धे, महायुद्धे भडकली आहेत. खुल्या आर्थिक धोरणाने जागतिक व्यापारातील अडथळे कमी करण्यात आलीत. व्यापारी युद्धांना आळा घालणे हा त्यामागचा उद्देश होता आणि आहे. युद्धाचा वणवा कुणालाच नको असला तरी देशोदेशांत व्यापारी युद्धाला वारंवार तोंड फुटतच आले आहे. अमेरिका आणि चीनमध्ये नुकतेच व्यापारीयुद्ध जुंपले असून त्याचे बरेवाईट परिणाम जगाला भोगावे लागतील. विशेष म्हणजे या युद्धाची सुरवात मुक्त अर्थव्यवस्थेचा पुरस्कार करणाऱ्या अमेरिकेकडूनच झाली आहे. ‘अमेरिका फस्ट’ असे तेथील जनतेला आश्वासन देऊन सत्तेत आलेले अमेरिकेचे राष्ट्राध्यक्ष डोनाल्ड ट्रम्प यांनी पोलाद, ॲल्युमिनियम धातूंवर आयातकर वाढविला. त्याचा सर्वाधिक फटका चीनला बसल्याने त्यांनी अमेरिकेतून आयात होणाऱ्या सुमारे २३४ वस्तूंवर आयातशुल्क लावले आहे. त्याला प्रत्युत्तर म्हणून अमेरिकेनेसुद्धा चीनमधून आयात होणाऱ्या १३०० वस्तूंवर २५ टक्के आयातशुल्क लावले आहे. चीन हा कापूस, सोयाबीन, फळे-भाजीपाला या शेतमालासह सागरी पदार्थांचा प्रमुख आयातदार देश आहे. ही आयात चीन आजपर्यंत अमेरिकेकडून करीत आला आहे. परंतु आता चीनने आयातकर लावल्याने शेतमालाची निर्यात अमेरिकेला महाग पडेल. अशावेळी कापूस, सोयापेंड, मोहरीपेंड, मका या शेतमालाची चीनमध्ये निर्यात वाढविण्याची चांगली संधी आपल्याला लाभली आहे. 

भारत हा अमेरिकेच्या खालोखाल जगात दुसऱ्या क्रमांकाचा कापूस उत्पादक देश आहे. चीन आयात करीत असलेल्या कापसात अमेरिकेचा वाटा ४० टक्के आहे. सध्या भारतातून चीनला केवळ सहा ते सात लाख कापसाच्या गाठींचीच निर्यात होते. आपली चीनला निर्यात क्षमता याच्या पाच ते सहा पटीने अधिक असून तेवढी निर्यात आपण यापूर्वी केलीदेखील आहे. सध्या भारतातून आयात होणाऱ्या कापसावर चीनने कोणतेही शुल्क लावलेले नाही. त्यामुळे अमेरिकेच्या तुलनेत भारतीय कापूस चीनला स्वस्त पडेल. चीनच्या सोयाबीन आयातीत अमेरिकेचाच दबदबा आहे. परंतु, आता चीनने लादलेल्या निर्बंधामुळे अमेरिकेची चीनला होणारी सोयापेंड निर्यात रोडावेल. अशावेळी चीनमधील पोल्ट्री उद्योगाची गरज भागविण्यासाठी चीन भारताकडून सोयाबीन, सोयापेंड आयात करू शकते. चीनने गुणवत्तेच्या कारणास्तव आपल्या सोयापेंडवर निर्बंध घातलेले आहे. मागील दोन वर्षांच्या तुलनेत आपली सोयापेंड निर्यात निम्म्यावर आली आहे. चीनला अपेक्षित गुणवत्तेनुसार आपण सोयापेंड पुरवू शकलो तर एक मोठे मार्केट आपल्या हाती लागेल. असे झाल्यास चीनसह जपान, दक्षिण कोरिया, व्हिएतनाम या देशांनाही सोयापेंड निर्यात करता येईल. आपल्या शेतमालाची चीनला निर्यात वाढविण्यासाठी मात्र कृषी, वाणिज्य, व्यापार मंत्र्यांना योग्य तो पाठपुरावा करावा लागेल. भारतीय शेतमालाची निर्यात त्यांना कशी फायदेशीर ठरेल, हे पटवून द्यावे लागेल. असे झाल्यास दोन देशांदरम्यान असलेली ५० अब्ज डॉलरची व्यापार तूट भरून निघेल. महत्त्वाचे म्हणजे भारतीय शेतमालास देशांतर्गत बाजारपेठेत मागणी वाढून शेतकऱ्यांना चांगले दर मिळतील.     

इतर अॅग्रो विशेष
दहशतवादी आणि त्यांच्या पाठिराख्यांना...पांढरकवडा : आपल्या लष्कराबद्दल आपल्याला गर्व आहे...
शेतीतूनच होते औद्योगिक विकासाची पायाभरणीची नमधील कम्युनिस्ट पक्षाच्या राज्यकर्त्यांनी...
कसा टळेल मानव-वन्यप्राणी संघर्ष? अलीकडे वन्यप्राण्यांकडून शेतपिकांचे होणारे नुकसान...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
पंधरा एकरांत उत्कृष्ठ हरभरा नंदुरबार जिल्ह्यातील ब्राह्मणपुरी (ता. शहादा)...
विविध प्रयोगांमधून वाढवले उत्पन्नाचे...यवतमाळ जिल्ह्यातील अंबोडा येथील महेश व दीपक या...
परभणीतील शेतकऱ्यांचे कोल्हापुरात आंदोलनकोल्हापूर ः परभणी जिल्ह्यातील नुकसानग्रस्त...
किमान विक्री मूल्यवाढीने साखर उद्योगात...कोल्हापूर : साखरेचे किमान विक्री मूल्य २९००...
जन्मोजन्मी दास । व्हावे हेचि माझी आस ।।जन्मोजन्मी दास । व्हावे हेचि माझी आस ।। पंढरीचा...
शहीद जवानांच्या कुटुंबीयांना प्रत्येकी...तासगाव, जि. सांगली ः छत्रपती शिवाजी महाराज, डॉ....
दीड हजार कोटींचा दुसरा हप्ता...मुंबई  ः गेल्या वर्षी खरीप हंगामात अपुऱ्या...
राज्यात गारठा पुन्हा वाढण्याची शक्यतापुणे : उत्तरेकडून थंड वाऱ्याचे प्रवाह येऊ...
पंतप्रधान मोदी आज करणार महिला बचत...यवतमाळ ः पंतप्रधान नरेंद्र मोदी शनिवारी (ता...
पदव्युत्तर कृषी अभ्यासक्रमात पुढील...नागपूर ः कृषी अभ्यासक्रमात आजची परिस्थिती आणि...
दुष्काळात पीकविम्याचा आधारमुंबई ः यंदाच्या भीषण दुष्काळाच्या पार्श्वभूमीवर...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
चीनमधील शेतीची विस्मयकारक प्रगतीविसाव्या शतकाच्या मध्यावर भारताला स्वातंत्र्य...
सेस, सेवाशुल्क आणि संभ्रमप्रक्रियायुक्त शेतमाल, फळे-भाजीपाला आणि शेवटी...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...