agrowon marathi special news regarding grampanchyat | Agrowon

महिला सरपंचांच्या कामात हस्तक्षेप पडणार महाग
सूर्यकांत नेटके
सोमवार, 2 जुलै 2018

नगर ः गावपातळीवर महिलांना काम करू न देता हस्तक्षेप होत आहे. त्याबाबत आता महिला सरपंचाच्या कामात केलेला हस्तक्षेप बाह्यव्यक्तीला महागात पडणार आहे. हस्तक्षेपामुळे विकासकामांवर परिणाम होत असल्याने आता महिला सरपंच असलेल्या ग्रामपंचायतीत हस्तक्षेप करणाऱ्यांवर गुन्हा दाखल करण्याचा ठराव नगर तालुका पंचायत समितीने घेतला आहे. विशेष म्हणजे संबंधित सरपंचाचेही हस्तक्षेपाला प्रोत्साहन असल्याचे आढळून आले तर त्या सरपंचावर कारवाई करण्याबाबतही गटविकास अधिकाऱ्यांमार्फत मुख्य कार्यकारी अधिकाऱ्यांना प्रस्ताव देणार आहे. तसा ठराव घेणारी नगर ही राज्यातील पहिलीच पंचायत समिती आहे.

नगर ः गावपातळीवर महिलांना काम करू न देता हस्तक्षेप होत आहे. त्याबाबत आता महिला सरपंचाच्या कामात केलेला हस्तक्षेप बाह्यव्यक्तीला महागात पडणार आहे. हस्तक्षेपामुळे विकासकामांवर परिणाम होत असल्याने आता महिला सरपंच असलेल्या ग्रामपंचायतीत हस्तक्षेप करणाऱ्यांवर गुन्हा दाखल करण्याचा ठराव नगर तालुका पंचायत समितीने घेतला आहे. विशेष म्हणजे संबंधित सरपंचाचेही हस्तक्षेपाला प्रोत्साहन असल्याचे आढळून आले तर त्या सरपंचावर कारवाई करण्याबाबतही गटविकास अधिकाऱ्यांमार्फत मुख्य कार्यकारी अधिकाऱ्यांना प्रस्ताव देणार आहे. तसा ठराव घेणारी नगर ही राज्यातील पहिलीच पंचायत समिती आहे. या निर्णयामुळे कामकाजात हस्तक्षेप करणाऱ्या महिला सरपंचाच्या कुटुंबातील व्यक्तींची अडचण होणार आहे.
आरक्षित जागेनुसार ५० टक्के ग्रामपंचायतीत महिलांना सरपंचपदाची संधी मिळाली आहे. काही ठिकाणी खुल्या जागांवरही महिला सरपंचपदी आहेत. मात्र, त्यांना स्वतंत्रपणे काम करू दिले जात नाही. पती, मुलगा, सासरा, वडील ही मंडळी महिला सरपंच असलेल्या ग्रामपंचायतीमध्ये हस्तक्षेप करताना दिसतात. त्यामुळे ग्रामसेवकांसह कर्मचाऱ्यांना काम करणे अवघड होते. कार्यालयीन कर्मचाऱ्यांना दबावाला बळी पडून काम करावे लागते. त्यावरून गावपातळीवरील वाददेखील होतो. कर्मचाऱ्यांना ग्रामस्थांच्या रोषाला सामोरे जावे लागते. याबाबत अनेक ग्रामपंचायतींच्या कर्मचाऱ्यांनी नगर तालुका पंचायत समितीच्या पदाधिकाऱ्यांसह अधिकाऱ्यांकडे तक्रारी केल्या. नुकत्याच झालेल्या पंचायत समितीच्या मासिक सभेत या विषयावर चर्चा झाली. महिला सरपंचाची चांगले काम करण्याची इच्छा असूनही हस्तक्षेपामुळे त्यांना काम करता येत नाही. मुळात ग्रामपंचायतीचे कोणत्याही कामात सरपंच, ग्रामसेवक आणि ग्रामपंचायतीच्या पदाधिकाऱ्याव्यतिरिक्त कोणीही लक्ष घालण्याची गरज नाही. बाह्यहस्तक्षेपामुळे गावपातळीवरील विकासकामांवरही परिणाम होत आहे. त्यामुळे बाहेरच्या कोणत्याही व्यक्तीने हस्तक्षेप केला तर त्यावर थेट पोलिसांत तक्रार देऊन गुन्हा दाखल करण्याचा ठराव घेतला आहे. ग्रामसेवक, पंचायत समितीत कर्मचाऱ्यांवर दबाव आला तर ते स्वतः पोलिसात तक्रार करतील. 

आठ दिवसांत झाला फरक
पंचायत समितीने हस्तक्षेप झाल्यास गुन्हा दाखल करण्याचा ठराव घेऊन आठ दिवस झाले आहेत. आठ दिवसांत बऱ्यापैकी फरक झाला आहे. सातत्याने ग्रामपंचातीकडे फिरकणारी बाहेरची मंडळी आता येथे येऊन बोलण्याला धस्तावली आहे. महिला सरपंचांनाही या निर्णयामुळे चांगले काम करता येणार असून, ग्रामसेवक संघटनेने या निर्णयाचे स्वागत केले आहे, असे पंचायत समितीतून सांगण्यात आले. 

महिला सरपंच असलेल्या ग्रामपंचायतीत कामांत हस्तक्षेप होत असल्याच्या तक्रारी आहेत. त्याबाबत आम्ही कठोर कारवाईचा निर्णय घेतला आहे. महिलांना पदाची संधी मिळाली तर त्यांना स्वतंत्रपणे काम करू देण्याची आमची भूमिका आहे. कोणाही असले तरी हस्तक्षेप करणाऱ्याची अजिबात गय केली जाणार नाही.
- रामदास भोर, (सभापती, नगर तालुका पंचायत समिती)

इतर ग्रामविकास
‘आरटीजीएस'द्वारे ग्रामपंचायत...सोलापूर : ग्रामपंचायत कर्मचाऱ्यांचे सहा...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
‘पुणे पांजरपोळ ट्रस्ट` करतोय देशी...भोसरी (जि. पुणे) येथील पुणे पांजरपोळ ट्रस्ट ही...
'लालकंधारी'च्या माळसोन्ना गावाने हटविला...परभणी जिल्ह्यातील माळसोन्ना (ता. परभणी) गावाने...
'आरोग्यम धनसंपदा’ ब्रीद प्रत्यक्षात...महाराष्ट्र राज्याच्या सीमेजवळ असलेल्या कर्नाटक...
ग्रामरोजगाराला गती देणारी ‘निवेदिता...महात्मा गांधी, विनोबा भावे यांच्यापासून प्रेरणा...
शालेय शिष्यवृत्ती परीक्षेचा राज्यातील ‘... पुणे जिल्ह्यातील पिंपळे खालसा (ता. शिरूर)...
ग्रामविकासासह सुधारीत शेतीपद्धती...औरंगाबाद जिल्ह्यातील फुलंब्री तालुक्‍यातील बोरगाव...
शेती, पूरक उद्योग अन् ग्रामविकासाला...सातारा जिल्ह्यातील डोंगरी, दुर्गम जावळी तालुक्यात...
वडनेर बुद्रुक गावाने मिळवली स्वच्छता,...ग्रामविकासासाठी गावकरी एकत्र आले. प्रत्येक कामात...
‘स्वयम शिक्षण प्रयोग` करतेय ग्रामविकास...पुणे येथील ‘स्वयम शिक्षण प्रयोग` ही स्वयंसेवी...
ग्रामस्वच्छतेचा मंत्र प्रत्यक्षात...स्वच्छतेचा ध्यास मनाशी बाळगून सांगली जिल्ह्यातील...
बचत गटातून वाढली रोजगाराची संधीशेडगाव (ता. श्रीगोंदा, जि. नगर) येथील महिलांनी...
श्रमदानातून पाणी टंचाईवर महागोंड गावाने...महागोंड (ता. आजरा) येथील आंबेओहळ नाल्यावरील...
जळगाव जिल्ह्यातील बारा तालुके... राज्यात हगणदारीमुक्तीसंबंधी मार्च २०१८ ची...
संत गाडगेबाबांचा भक्त करतोय गावोगावी...संतविचार तसेच लोककला यांच्या माध्यमातूनही...
शाश्वत शेती, पूरक व्यवसायातून गावांना...जल, जमीन, जंगल आणि जननी या चार घटकांमुळे मानव...
कुपोषणमुक्तीसाठी ११३ अंगणवाड्यांत...परभणी (प्रतिनिधी)ः कुपोषणमुक्तीसाठी जिल्ह्यातील...