agrowon marathi special news regarding plough and spray pump in jalgaon dist. | Agrowon

पलटी नांगर, फवारणी पंप योजनेला चांगला प्रतिसाद
चंद्रकांत जाधव
गुरुवार, 21 जून 2018

जळगाव : थेट अनुदान (डीबीटी) पद्धत लागू असतानाही जिल्हा परिषदेच्या स्वनिधीअंतर्गत राबविलेल्या व्यक्तीगत लाभाच्या कृषी योजनेतील पलटी नांगर व बॅटरीचलित फवारणी पंप योजनेला प्रतिसाद लाभला. या योजनांचा लक्ष्यांक १०० टक्के पूर्ण झाला. शिवाय अनेक जणांचा समावेश प्रतीक्षा यादीत करावा लागला. मात्र इतर कृषी योजनांना डीबीटीमुळे कमी प्रतिसाद मिळाल्याची माहिती आहे.

जळगाव : थेट अनुदान (डीबीटी) पद्धत लागू असतानाही जिल्हा परिषदेच्या स्वनिधीअंतर्गत राबविलेल्या व्यक्तीगत लाभाच्या कृषी योजनेतील पलटी नांगर व बॅटरीचलित फवारणी पंप योजनेला प्रतिसाद लाभला. या योजनांचा लक्ष्यांक १०० टक्के पूर्ण झाला. शिवाय अनेक जणांचा समावेश प्रतीक्षा यादीत करावा लागला. मात्र इतर कृषी योजनांना डीबीटीमुळे कमी प्रतिसाद मिळाल्याची माहिती आहे.

जिल्हा परिषदेने मागील वित्तीय वर्षात (२०१७-१८) स्वनिधीतून एक कोटी रुपये तरतूद केली होती. हा निधी एचडीपीई पाईप, फवारणीचे हातपंप, पलटी नांगर, बॅटरीचलित फवारणी पंप, ताडपत्री यासंबंधी खर्च करायचा होता. ज्या योजनेला अधिक प्रतिसाद त्यावर खर्च करायचा होता. यातील फक्त बॅटरीचलित फवारणीचे पंप, पलटी नांगर योजनेला चांगला प्रतिसाद मिळाला. परंतु एचडीपीई पाईप, हातपंप व ताडपत्रीसंबंधीच्या अनुदानासाठी प्रस्ताव आले नाहीत. फक्त २०० शेतकऱ्यांनी ताडपत्री, हातपंप व एचडीपीई पाईपसंबंधी अनुदानासाठी प्रस्ताव दिले. तब्बल ४८ लाख निधी अखर्चित राहीला. हा अखर्चित निधी पलटी नांगर व बॅटरीचे फवारणी पंप यावर खर्च करण्याचा निर्णय कृषी समितीने घेतला. यामुळे सुमारे २०० पेक्षा अधिक पलटी नांगरचे प्रस्ताव व सुमारे २२० शेतकऱ्यांचे बॅटरी पंपचे प्रस्ताव मार्गी लागले.

डीबीटीमुळे निधी गुंतविणे टाळले
डीबीटीअंतर्गत योजनेचा लाभ घेण्यासाठी सुरवातीला संबंधीत अवजारांची खरेदी पूर्ण पैसे भरून शेतकऱ्याला करावी लागले. निर्देशीत कंपन्यांनी तयार केलेल्या कंपनीचे अवजार घ्यायचे असते. खरेदीपूर्वी पूर्वसंमती घ्यावी लागते. खरेदीनंतर त्यावर ५० टक्के अनुदान दिले जाते. अर्थातच पलटी नांगर व बॅटरीचे पंप शेतीसाठी अधिक उपयोगाचे असल्याने शेतकऱ्यांनी सुरवातीलाच पूर्ण पैसे खर्च केले. जिल्ह्यात अनेक विक्रेत्यांकडे आयएसआय प्रमाणित ताडपत्री उपलब्ध नव्हत्या. या योजनेतून आयएसआय ताडपत्री घेणे बंधनकारक आहे. त्यामुळे ताडपत्रीसंबंधीदेखील फारसे प्रस्ताव आले नाहीत. बॅटरी पंपला दोन हजार रुपये तर पलटी नांगरसाठी २० हजार रुपये अनुदान मागील वित्तीय वर्षीत देय होते.

या वित्तीय वर्षात (२०१८-१९) जिल्हा परिषदेने पलटी नांगरसाठीचे अनुदान वाढवून २५ हजार रुपये केले आहे. तर एचडीपीई पाईपवर प्रतिनग ४०० रुपये अनुदान देण्याचा निर्णयदेखील घेतला आहे. बॅटरीचे पंप, ताडपत्री यावरील अनुदान मात्र वाढविलेले नाही. ज्या योजनेला अधिक प्रतिसाद मिळेल, त्यावर कमी प्रतिसाद असलेल्या योजनेचा निधी खर्च करण्यासंबंधीदेखील धोरणात्मक निर्णय घेण्यात आला आहे. या वित्तीय वर्षात दीड कोटी रुपये एवढा निधी स्वनिधीतून कृषी योजनांसाठी देण्यात आला आहे. मागील वर्षाच्या तुलनेत ३० लाख रुपये अधिक निधी दिल्याची माहिती मिळाली.

पलटी नांगरासाठी अनुदान वाढविले
कृषी योजनांना यंदा चांगला प्रतिसाद मिळेल, अशी अपेक्षा आहे. डीबीटीमुळे मागील वित्तीय वर्षात तीन योजनांना कमी प्रतिसाद मिळाला. पलटी नांगर, बॅटरी पंपसंबंधी चांगली मागणी होती. ती लक्षात घेऊन पलटी नांगरासाठी अनुदान वाढविले आहे. तसेच एचडीपीई पाईप योजनेचा लाभ अधिकाधिक शेतकऱ्यांना मिळावा यासाठी अनुदान वाढवून ते प्रतिनग ४०० रुपये केले आहे.
- नंदकिशोर महाजन,
उपाध्यक्ष तथा सभापती कृषी समिती, जिल्हा परिषद, जळगाव

 

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...