agrowon news in marathi, 4.50 rupees reduction in milk rate from mother dairy, Maharashtra | Agrowon

मदर डेअरीकडून दूध दरात साडेचार रुपयांनी कपात
टीम अॅग्रोवन
गुरुवार, 12 जुलै 2018

​गावात खासगी दूध संकलन केंद्राकडून दुधाची खरेदी केली जात होती. आम्ही त्याच्याकडे दूध विकायचो. सहा महिन्यांपूर्वी गावात मदर डेअरीचे संकलन सुरू झाले. मदरच्या अधिकाऱ्यांनी भाव अधिक देऊ असे सांगितले. सरकारी योजनांचा फायदा मिळेल असेही सांगण्यात अाले. मदरला दूध विकले तेव्हा सुरवातीला चांगला भाव मिळाला; परंतु आतापर्यंत चार वेळा भाव कमी करण्यात अाले अाहेत. 
- शिवानंद नारखेडे, दूध उत्पादक शेतकरी, ता. मोताळा, जि. बुलडाणा

बुलडाणा : विदर्भ, मराठवाड्यातील शेतकऱ्यांना दिलासा देण्यासाठी सुरू झालेला मदर डेअरीचा प्रकल्प अाता दूधउत्पादकांना कमी दर देत असल्याने चर्चेत अाला अाहे. प्रकल्प सुरू झाल्यापासून अातापर्यंत चारवेळा भाव कमी करण्यात अाला आहे. अाता गायीच्या दुधाचा भाव २३ रुपयांपर्यंत खाली अाला अाहे. पूर्वी हाच दर २७ रुपये ५० पैसे पडत होता, असे दूध उत्पादकांचे म्हणणे अाहे. लिटरमागे साडेचार ते पाच रुपयांचा फटका दूध उत्पादकांना सहन करावा लागत असून वाढलेल्या खर्चाचा ताळेबंद जुळविताना दूधउत्पादक हवालदिल बनला अाहे.  

विदर्भात दुग्धव्यवसाय सध्या कमकुवत अाहे. त्यातही शेतकरी अात्महत्याग्रस्त जिल्ह्यांमध्ये तर बिकट स्थिती अाहे. या शेतकऱ्यांना शेतीला जोडधंदा म्हणून दुग्ध व्यवसाय वाढीला प्रोत्साहन दिले जात अाहे. याचाच एक भाग म्हणून लोकप्रतिनिधींच्या पुढाकाराने या भागात मदर डेअरीने दूध संकलन सुरू केले.

बुलडाणा जिल्ह्यात मोताळा, नांदुरा या भागात मदर डेअरीच्या संकलनासाठी विविध केंद्र सुरू अाहेत. हा प्रकल्प सुरू झाला तेव्हा गायीच्या दुधाचा (३.५ फॅट, ८.५ S/F) भाव २७ रुपये ५० पैसे मिळत होता असे शेतकऱ्यांचे म्हणणे अाहे. अाता हाच दर २२ ते २३ रुपयांपर्यंत खाली घसरला. अाठ महिन्यांत चार वेळा दर कमी करण्यात अाले. शेतकऱ्यांकडून दर्जेदार दूध उत्पादनाची अपेक्षा व्यक्त केली जात असताना दुसरीकडे दर पाडले जात अाहेत. विशेष म्हणजे याचे कुठलेही कारण शेतकऱ्यांना सांगण्यात अालेले नाही.  

वऱ्हाडात नांदुरा, मोताळा तालुक्यात दूग्ध व्यवसायाने चांगले पाय रोवलेले अाहेत. पूर्वी हे शेतकरी खासगी डेअरींच्या संकलन केंद्रांवर दूध घालत. नंतर मदर डेअरीचे संकलन केंद्र उघडल्यानंतर शेतकरी त्याकडे वळू लागले. अनेकांनी कर्ज काढून या संकलनाच्या विश्वासावर नवीन गायी खरेदी केल्या. सरकारी योजनांचा लाभ मिळेल, अापले उत्पन्न वाढेल अशी पशुपालकांना अाशा होती.

परंतु, कर्ज काढून घेतलेल्या जनावरांवर अाता खर्च अधिक व उत्पन्न कमी असा पेच तयार झाला. त्यामुळे आता घेतलेले कर्ज फेडायचे  हा प्रश्न उभा राहला अाहे. मदर डेअरी बुलडाणा जिल्ह्यात संकलन केलेल्या दुधाचे मलकापूर एमअायडीसीमध्ये असलेल्या केंद्रात शीतकरण करून पुढील प्रक्रियेसाठी मुंबई, नागपूरला पाठविते. दुधाचे भाव कमी होत असताना कुठलीही संघटना, नेता याविषयावर अद्यापही बोलायला पुढे अालेला नाही. 

 

इतर अॅग्रो विशेष
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...