agrowon news in marathi, administrative change in sugar commissioner, Maharashtra | Agrowon

साखर आयुक्तालयात प्रशासकीय बदल
टीम अॅग्रोवन
शनिवार, 9 जून 2018

पुणे : राज्याच्या साखर आयुक्तालयात प्रशासकीय बदल झाले असून डी. बी. मुकणे व शैलेश कोतमिरे यांच्याकडे संचालकपदाची सूत्रे देण्यात आली आहेत. मात्र, उपपदार्थ विभागात काम करण्यास कोणी तयार नसल्यामुळे हा विभाग अजूनही वाऱ्यावर आहे. भूविकास बॅंकेचे अवसायक असलेले अपर निबंधक श्री. मुकणे आता साखर अर्थ संचालक म्हणून, श्री. कोतमिरे हे प्रशासन संचालक म्हणून काम बघणार आहेत.
 

पुणे : राज्याच्या साखर आयुक्तालयात प्रशासकीय बदल झाले असून डी. बी. मुकणे व शैलेश कोतमिरे यांच्याकडे संचालकपदाची सूत्रे देण्यात आली आहेत. मात्र, उपपदार्थ विभागात काम करण्यास कोणी तयार नसल्यामुळे हा विभाग अजूनही वाऱ्यावर आहे. भूविकास बॅंकेचे अवसायक असलेले अपर निबंधक श्री. मुकणे आता साखर अर्थ संचालक म्हणून, श्री. कोतमिरे हे प्रशासन संचालक म्हणून काम बघणार आहेत.
 
राज्याच्या साखर आयुक्तालयाच्या इतिहासात २०१७-१८ हा हंगाम सर्वाधिक नियोजनाचा होता. गाळपासाठी ९५० लाख टनाहून जास्त ऊस उभा होता. जुने साखर कारखाने चालू करण्याचे मोठे आव्हान होते. त्यात पुन्हा कर्जबाजारी साखर कारखान्यांबाबत राज्य शासनाकडे पाठपुरावा करून सवलती मिळवून देण्याचे देखील आव्हान आयुक्तालयासमोर होते. आव्हानात्मक स्थितीत देखील विद्यमान साखर आयुक्त संभाजी कडूपाटील यांनी प्रशासकीय नियोजन चांगले केल्यामुळे गाळपाचे प्रश्न तयार झाले नाहीत. अर्थात, त्यासाठी आयुक्तालयातील प्रशासन विभागाचे संचालक किशोर तोष्णीवाल व अर्थ संचालक राजेश कुलकर्णी यांचे कामकाजदेखील उपयुक्त ठरले. 

साखर आयुक्तालयाचा प्रमुख जरी सनदी अधिकारी असला तरी आयुक्तालयाचा कारभार मात्र सहकार विभागाकडून चालविला जातो. प्रशासकीय बदलांमध्ये श्री. तोष्णीवाल यांना आता अपर निबंधक म्हणून पुण्यात तर श्री. कुलकर्णी हे मुंबईत अपर निबंधक म्हणून कामकाज बघतील. 

प्रशासन सहसंचालक म्हणून गेली काही वर्ष उत्तम कामगिरी बजावणारे अशोक गाडे यांच्या जागेवर आता औरंगाबादचे विभागीय सहनिबंधक आर. पी. सुरवसे यांची नियुक्ती झाली आहे. श्री. गाडे यांच्याकडे मुंबई कृषी उत्पन्न बाजार 
समितीच्या सहसचिवपदाची जबाबदारी देण्यात आलेली आहे. 
 उपपदार्थ सहसंचालक कार्यालयाचे विस्कळित झालेले कामकाज मात्र अजून पूर्वपदावर आलेले नाही.

आयुक्तालयात उपपदार्थ विभाग वेगळा स्थापन करण्यात आलेला आहे. मात्र, या विभागाला बहुतेक वेळा कोणीही वाली नसल्याचे दिसून येते. तत्कालीन सहसंचालक शरद जरे यांची बदली झाल्यानंतर अनेक महिने उपपदार्थ विभाग वा-यावर होता. शासनाने बी. जे. देशमुख यांची नियुक्ती काही महिन्यांपूर्वी केली होती. मात्र, ते या पदावर काम करण्यास इच्छुक नव्हते. श्री.देशमुख यांची बदली पुणे कृषी उत्पन्न बाजार समितीच्या सचिवपदी झाल्यानंतर उपपदार्थ विभाग पुन्हा ओस पडला आहे.

इतर ताज्या घडामोडी
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...