नाशिककरांना आज मिळणार जमीन समृद्ध करण्याचा मूलमंत्र

चर्चासत्र
चर्चासत्र

 नाशिक ः ‘समृद्ध माती, जमीन सुपीकता आणि पीक पोषण'' या विषयाला वाहून घेतलेल्या तज्ज्ञांकडून अनुभवसिद्ध मार्गदर्शन मिळण्याची संधी नाशिक जिल्ह्यातील प्रयोगशील शेतकऱ्यांना मिळत आहे. आज, बुधवारी (ता.२०) येथील सकाळी १० वाजता येथील प. सा. नाट्यगृहात शेतकऱ्यांना माती समृद्ध करण्याचा मूलमंत्र मिळणार आहे.  शेतीचे ज्ञान, तंत्रज्ञान, बाजारातील कल यांबाबतची उपयुक्त माहिती दररोज शेतकऱ्यांपर्यंत पोचवणाऱ्या ‘ॲग्रोवन''च्या वतीने  बुधवारी (ता.२० ) नाशिकला ‘जमीन सुपीकता'' या विषयावरील चर्चासत्राचे आयोजन करण्यात आले आहे. येथील नेहरू गार्डन नजीकच्या परशुराम सायखेडकर नाट्यगृहात चर्चासत्र सकाळी १० ते दुपारी २ यादरम्यान होईल. यारा फर्टिलायझर्स हे या चर्चासत्राचे प्रस्तुतकर्ते असून, कॅन बायोसिस हे सहप्रायोजक आहेत. राज्यातील जमिनीचे आरोग्य दिवसेंदिवस ढासळत चालल्याने शेती संकटात आली आहे. हे लक्षात घेऊन ‘ॲग्रोवनने'' हे जमीन सुपीकता वर्ष जाहीर केले आहे. त्याचाच भाग म्हणून हे महत्त्वाचे चर्चासत्र होत आहे. हे आहेत चर्चासत्राचे वक्ते   डॉ. हरिहर कौसडीकर ः डॉ. कौसडीकर हे सध्या महाराष्ट्र कृषी शिक्षण व संशोधन परिषद पुणे येथे संशोधन संचालक म्हणून कार्यरत आहेत. त्यांनी जमिनीचे आरोग्य व पीक पोषण या विषयांवर तसेच कृषि शिक्षणाविषयी पुस्तके लिहिली आहेत. या शिवाय दैनिक ॲग्रोवन मध्ये त्यांची सूक्ष्म अन्नद्रव्य व्यवस्थापन ही लेखमालाही प्रसिद्ध झाली आहे.   सुभाष शर्मा ः श्री. शर्मा यांना रासायनिक व नैसर्गिक या दोन्ही पद्धतीच्या शेतीचा दीर्घ अनुभव आहे. जपानमधील मासानोबू फुकुओका आणि भारतातील गुजरात मधील शेतकरी भास्कर सावे यांच्याकडून प्रेरणा घेऊन ते १९९४ पासून पूर्णपणे नैसर्गिक शेती करीत आहेत. शाश्‍वत शेती पध्दतीतून दर्जेदार पीक उत्पादन घेण्यात त्यांनी सातत्यपूर्ण यश मिळविले आहे.    प्रताप चिपळूणकर ः श्री. चिपळूणकर हे कोल्हापूर येथील प्रयोगशील शेतकरी त्याच बरोबर ते भू-सूक्ष्मजीवशास्त्राचे अभ्यासक आहेत. जमिनीची सुपिकता वाढविण्यासाठी त्यांनी १९९० पासून अनेक प्रयोग केले आहेत. त्यातूनच त्यांनी शाश्‍वत शेतीचे तंत्र विकसित केले आहे. या विषयावरील दैनिक ॲग्रोवनमधील लेखमालेचे पुस्तकही प्रकाशित झाले आहे.  चर्चासत्राचे नियोजन असे...  चर्चासत्र ः जपाल माती, तर पिकतील मोती   स्थळ ः प. सा. नाट्यगृह, नेहरू गार्डनजवळ, शालिमार, नाशिक.  दिनांक व वेळ ः बुधवार, २० मे २०१८. सकाळी १० ते दुपारी २

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com