स्वयंचलित हवामान केंद्राचे बोरी बुद्रुक येथे उद्‌घाटन

बोरी बुद्रुक, ता. जुन्नरः येथे महाराष्ट्र ग्राम सामाजिक परिवर्तन अभियानांतर्गत स्वयंचलित हवामान केंद्राचा लोकार्पण सोहळा मान्यवरांच्या उपस्थितीत झाला.
बोरी बुद्रुक, ता. जुन्नरः येथे महाराष्ट्र ग्राम सामाजिक परिवर्तन अभियानांतर्गत स्वयंचलित हवामान केंद्राचा लोकार्पण सोहळा मान्यवरांच्या उपस्थितीत झाला.

आळेफाटा, जि. पुणे : अॅग्रोवन स्मार्ट प्रकल्पात समाविष्ट असलेल्या बोरी बुद्रुक (ता. जुन्नर) येथे महाराष्ट्र ग्राम सामाजिक परिवर्तन अभियानांतर्गत, नुकतेच स्वयंचलित हवामान केंद्राचा लोकार्पण सोहळा मान्यवरांच्या उपस्थितीत पार पडला. या कार्यक्रमादरम्यान शेतकऱ्यांना वातावरणाची माहिती मिळण्यासाठी तयार केलेल्या वेबसाइटचे देखील अनावरण करण्यात आले. लवकरच अॅड्रॉइड अॅपदेखील शेतकऱ्यांच्या सेवेत दाखल होणार आहे. शेतकऱ्यांना http://boriweather.aashaymeasurements.com/default.aspx या संकेत स्थळावर बोरी बुद्रुकची सर्व हवामानविषयक माहिती उपलब्ध होईल. या कार्यक्रमप्रसंगी राज्याचे हवामानविषयक सल्लागार डॉ. रामचंद्र साबळे, जुन्नरचे तहसीलदार किरण काकडे, विघ्नहर सहकारी साखर कारखान्याचे अध्यक्ष सत्यशील शेरकर, पंचायत समिती सदस्या अनघा घोडके, बोरी बुद्रुकच्या सरपंच पुष्पा कोरडे, मुख्यमंत्री ग्रामविकास प्रतिनिधी पूनम सातपुते, गोरक्षनाथ उकिरडे, संदीप जाधव, जय मस्करे, अशोक घोडके, ‘अग्रोवन स्मार्ट व्हिलेज’चे अधिकारी डॅनी वोल्टझोक, मुख्य अधिकारी अरविंद गुप्ता, जयप्रकाश कुलकर्णी, आशय मेजरमेंट प्रा. लि. कंपनीचे संचालक शंतनू पेंढारकर, राकेश नलावडे आदी मान्यवरांसह ग्रामस्थांची उपस्थिती होती.  दरम्यान, बोरी बुद्रुकचा सकाळ - अॅग्रोवन स्मार्ट व्हीलेज प्रकल्पात समावेश आहे. गावाच्या सर्वसमावेशक व शाश्वत विकासासाठी हा उपक्रम फायदेशीर ठरणार आहे. शेतकऱ्यांची गरज लक्षात घेऊन महाराष्ट्र ग्राम सामाजिक परिवर्तन अभियानांतर्गत महाराष्ट्र राज्याचे हवामानविषयक सल्लागार डॉ. रामचंद्र साबळे यांच्या मार्गदर्शनाखाली या स्वयंचलित हवामान केंद्राची स्थापना झाली असल्याचे पूनम सातपुते यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com