agrowon news in marathi, capital agri loan cost structure is same, Maharashtra | Agrowon

भांडवली कृषी कर्जाची खर्चरचना ‘जैसे थे’च
टीम अॅग्रोवन
सोमवार, 9 जुलै 2018

पुणे : राज्यातील शेतकऱ्यांना भांडवली कृषी कामाच्या
विविध कर्जांसाठी गृहीत धरल्या जाणाऱ्या खर्चरचनेत गेल्या दोन वर्षांत वाढ करण्यात आली नसल्याची माहिती सूत्रांनी दिली. राज्यस्तरीय बॅंकर्स समितीने चालू वर्षात शेतकऱ्यांना शेतीच्या भांडवली कामांसाठी कोणत्या आधारावर कर्ज द्यायचे याची याविषयी मार्गदर्शनपर पत्रे पाठविली आहेत. ‘‘शेतकऱ्यांना दिल्या जाणाऱ्या कर्जविषयक बाबींची कोणतीही माहिती आम्हाला देण्याचे अधिकार नाहीत. त्यासाठी तुम्ही नाबार्डकडून माहिती घ्या,’’ असे सांगत समितीने कानावर हात ठेवले आहेत. 

पुणे : राज्यातील शेतकऱ्यांना भांडवली कृषी कामाच्या
विविध कर्जांसाठी गृहीत धरल्या जाणाऱ्या खर्चरचनेत गेल्या दोन वर्षांत वाढ करण्यात आली नसल्याची माहिती सूत्रांनी दिली. राज्यस्तरीय बॅंकर्स समितीने चालू वर्षात शेतकऱ्यांना शेतीच्या भांडवली कामांसाठी कोणत्या आधारावर कर्ज द्यायचे याची याविषयी मार्गदर्शनपर पत्रे पाठविली आहेत. ‘‘शेतकऱ्यांना दिल्या जाणाऱ्या कर्जविषयक बाबींची कोणतीही माहिती आम्हाला देण्याचे अधिकार नाहीत. त्यासाठी तुम्ही नाबार्डकडून माहिती घ्या,’’ असे सांगत समितीने कानावर हात ठेवले आहेत. 

खर्चपातळी म्हणजेच युनिट कॉस्टचा आधार घेऊन शेतकऱ्याला कर्ज देण्याची पद्धत बॅंकांची आहे. त्यामुळे या खर्चपातळीला विशेष महत्त्व असते. ‘‘बॅंकर्स समितीने खर्चपातळीत वाढ केलेली नसली तरी सुचविलेल्या पातळीत १० ते २० टक्के वाढ किंवा घट गृहीत धरून कर्ज देण्याचे अधिकार संबंधित बॅंकांना देण्यात आलेले आहेत. त्यामुळे खर्चपातळीत वाढ केलेली नसली तरी बॅंकांकडून शेतकऱ्यांची अडवणूक केली जात नाही,’’ असे बॅंकांचे म्हणणे आहे.

राष्ट्रीयकृत बॅंकेच्या सूत्रानुसार, यंदा आम्हाला राज्यस्तरीय बॅंकर्स समितीने पाठविलेल्या पत्राचा अभ्यास केल्यास भांडवली कर्जाच्या खर्चरचनेत दोन वर्षांच्या तुलनेत कोणताही बदल केला नसल्याचे दिसून येते. ही दररचना ठरविणे किंवा त्याचा आढावा घेण्यासाठी बॅंकर्स समितीने स्वतः काहीही केलेले नसून, नाबार्डने तयार केलेली कर्जदर रचना जशीच्या तशी आमच्याकडे पाठविली. 

दख्खन क्षेत्रात विहीर खोदाईसाठी शेतकऱ्याला विविध जिल्ह्यानुसार एक लाख ते एक लाख तीस हजार रुपये अशी खर्च पातळी ठेवण्यात आलेली आहे. ही पातळी पुणे, सांगली, सातारा, कोल्हापूर, सोलापूरसाठी सर्वांत जास्त ठेवली गेली आहे. 

विदर्भ तसेच पुर्णा, तापीच्या खोऱ्यातील अकोला, अमरावती, बुलढाणा आणि जळगाव जिल्ह्यांत बोअरवेलसाठी एक लाख ९५ हजार रुपये खर्चपातळी ठेवली गेली आहे. शेतकऱ्याला सबमर्सिबल पंपासाठी पाच एचपीला ५५ हजार रुपये तर तीन एचपीसाठी ४० हजार रुपये खर्चपातळी आहे. ७.५ एचपीच्या इलेक्ट्रिक मोटारसाठी ३५ हजार रुपये, ७.५ एचपीच्या डिझेल पंपसेटसाठी ४० हजार रुपये तर ३.५ एचपीच्या केरोसिन पंपासाठी २० हजार रुपये खर्चपातळी ठेवण्यात आलेली आहे. 

या खर्चपातळीच्या रचनेत सोलरपंपाला का स्थान देण्यात आलेले नाही याविषयी आश्चर्य व्यक्त केले जात आहे. फळबागेसाठी ठिबककरिता अंतरानुसार विविध पिकांसाठी खर्च पातळी निश्चित करण्यात आलेली आहे. त्यात द्राक्ष, केळी, कापूस, भाजीपाला, गुलाब, आले, स्ट्रॉबेरी, फुलशेतीसाठी सर्वांत जास्त म्हणजे एक लाखापर्यंत पातळी ठेवण्यात आलेली आहे. 

कारणे देण्याची गरज
‘‘राज्यस्तरीय बॅंकर्स समितीने असे सरधोपट पत्र न पाठवता गेल्या वर्षीच्या तुलनेत वाढ-घट दर्शविणारा तक्ता शेतकऱ्यांच्या माहितीसाठी जाहीर करण्याची आवश्यकता आहे. तसेच, भांडवली कृषिकर्जाच्या कोणत्या कर्जपातळीत वाढ किंवा घट का करण्यात आली नाही, याची कारणे देखील देण्याची नमूद करण्याची गरज आहे. ही माहिती बॅंकांच्या कामाची असली, तरी शेतकऱ्यांच्या माहितीसाठी जाहीर करायला हवी,’’ असे मत जिल्हा बॅंकेच्या एका अधिकाऱ्याने व्यक्त केले.

 

इतर अॅग्रो विशेष
वासंतीकरणाच्या प्रक्रियेतील तापमानाचे...वसंताच्या आगमनामुळे प्रत्येक वनस्पती किंवा...
मराठवाड्यात ‘रेशीम’ला रिक्त पदांचे...औरंगाबाद ः राज्याला रेशीम उद्योगात उदयोन्मुख...
खानदेशात पपई लागवडीत होणार निम्म्याने...जळगाव : खानदेशात आगाप पपई लागवडीला सुरवात झाली...
रशियाला द्राक्ष निर्यातीत ‘क्लिअरिंग’चा...नाशिक : भारतीय द्राक्षाचा रशिया मोठा आयातदार आहे...
वादळी पाऊस, गारपिटीचा तडाखापुणे ः अकोला जिल्ह्यातील देवरी (ता. अकोट),...
लाल वादळ मुंबईकडे झेपावलेनाशिक : गेल्या वर्षभरापासून आश्‍वासन देऊनही...
शेतकरी प्रतिनिधींची ऊस दर नियंत्रण मंडळ...पुणे: ऊसदर नियंत्रण मंडळाच्या बैठकीत शेतकरी...
जलसंधारण विभागाच्या आकृतिबंधास मान्यतामुंबई: नागपूर व पुणे येथे अपर आयुक्त तथा मुख्य...
नाणार भूसंपादनाची अधिसूचना रद्द करणारः...मुंबई: नाणार येथील प्रस्तावित ग्रीन रिफायनरी...
सुपीक जमीन, नियोजनातून वाढविली...हणमंतवडिये (ता. कडेगाव, जि. सांगली) येथील राहुल...
शेडनेट, रेशीमशेती, भाजीपाला लागवडीतून...विडूळ (ता. उमरखेड, जि. यवतमाळ) येथील सदानंद...
नाशिकच्या धरणांत अवघा ४५ टक्के जलसाठानाशिक : यंदा कमी झालेल्या पावसामुळे धरणातील...
शेतीसह शिक्षणाबाबतही जागरूक सावखेडाखुर्दसावखेडा खुर्द (ता. जि. जळगाव) या बागायती...
वाहतूक शुल्कासाठी प्रमाणपत्राची अट नको...पुणे : निर्यातीचा कोटा पूर्ण करणाऱ्या साखर...
राष्ट्रीय जल पुरस्कारांत महाराष्ट्र...मुंबई : राज्यातील जलयुक्त शिवार अभियानमध्ये...
बांबू उद्योगात भारताला स्वयंपूर्ण...मुंबई: कागद, कागदाचा लगदा, वस्त्र या विविध...
लाँग मार्च पोलिसांनी रोखला; आज कूच...नाशिक: मागील वर्षी मार्च महिन्यात अखिल भारतीय...
चटका वाढल्याने उन्हाळ्याची चाहूलपुणे : राज्यातील थंडी कमी होऊन उन्हाचा चटका...
निविष्ठांबाबत शासन कठोर: चंद्रकांत...पुणे : राज्यातील शेतकऱ्यांना खते, बियाणे,...
हमीभावाने कापूस खरेदीत केंद्राचा हात...जळगाव ः कापूस बाजारात हवी तशी तेजी नसल्याचे...