agrowon news in marathi, crop loan problem , on the spot report, Maharashtra | Agrowon

बॅंकेच्या चकरा अन् कागदपत्रांच्या जंत्रीतच होताहेत पैसे खर्च
चंद्रकांत जाधव
शनिवार, 23 जून 2018

धुळे ः मागील दोन - तीन महिन्यांपासून पीककर्जासाठी बॅंकेत चकरा मारीत आहोत. वाढीव कर्ज बॅंका देण्यास तयार नाहीत. सर्च रिपोर्ट, स्टॅम्प आदींसाठी पैसे खर्च होत आहेत. आणखी नवनव्या कागदपत्रांची मागणी बॅंक करते. सध्या तर बॅंकेचे साहेब जागेवर सापडत नाहीत. पीककर्ज मिळणार केव्हा. सावकाराकडून दोन रुपये प्रतिशेकडा दराचे कर्ज घेण्याची वेळ या बॅंकांनी आणली आहे. पावसाप्रमाणेच बॅंकांही शेतकऱ्यांबाबत लहरीपणा दाखवत आहेत, अशी हतबलता शेतकरी व्यक्त करत होते. 

धुळे ः मागील दोन - तीन महिन्यांपासून पीककर्जासाठी बॅंकेत चकरा मारीत आहोत. वाढीव कर्ज बॅंका देण्यास तयार नाहीत. सर्च रिपोर्ट, स्टॅम्प आदींसाठी पैसे खर्च होत आहेत. आणखी नवनव्या कागदपत्रांची मागणी बॅंक करते. सध्या तर बॅंकेचे साहेब जागेवर सापडत नाहीत. पीककर्ज मिळणार केव्हा. सावकाराकडून दोन रुपये प्रतिशेकडा दराचे कर्ज घेण्याची वेळ या बॅंकांनी आणली आहे. पावसाप्रमाणेच बॅंकांही शेतकऱ्यांबाबत लहरीपणा दाखवत आहेत, अशी हतबलता शेतकरी व्यक्त करत होते. 

पीककर्जासंबंधी शेतकऱ्यांना काय अनुभव, अडचणी येत आहेत, यासंबंधी ‘ॲग्रोवन’ने गुरुवारी (ता. २१) दुपारी धुळे जिल्ह्यातील बेटावद (ता. शिंदखेडा) येथील स्टेट बॅंकेनजीक शेतकऱ्यांची भेट घेऊन त्यांच्याशी संवाद साधला. बॅंकेत मोठी गर्दी दुपारी जेवणाच्या वेळेपर्यंत होती. अनेक शेतकरी आले होते. बेटावद परिसरातील सुमारे १२ ते १३ गावांचा व्यवहार या स्टेट बॅंकेत आहे. शेतकऱ्यांशी संवादानंतर अनेक धक्कादायक मुद्दे समोर आले. 

पाच लाख फेडायची पत, पण चार महिने वणवण
स्टेट बॅंकेत डोंगरगाव (ता. शिंदखेडा) येथील अरूण बापू पाटील हे नव्याने पीककर्ज घेण्यासाठी आले होते. ते म्हणाले, चार महिने बॅंकेभोवती फिरत आहे. एक हेक्‍टर ९२ आर क्षेत्र आहे. मागील वर्षी खासगी बॅंकेचे कर्ज घेतले होते. पाच लाख रुपये वेळेत परतफेड केली. आता स्टेट बॅंकेकडून कर्ज घेऊ म्हणून संबंधितांना भेटलो. त्यांनी जी कागदपत्र मागितली ती आणली. मध्येच विहिरीची नोंद नाही म्हटले. मग विहिरीबाबतचा स्टॅम्प तयार केला. सहा हजार रुपये खर्ची घातले. पण, अजून बॅंकेने पीककर्ज दिलेले नाही. साहेब नाहीत, असे आता सांगितले जाते. 

व्याजाने पैसे घेण्याची वेळ 
वाघळी (ता. शिंदखेडा) येथील ईश्‍वर नानाभाऊ माळी हे कर्जमाफीचे लाभार्थीही पीककर्जापासून अजून वंचित आहे. दीड लाख कर्ज माफ झाले. त्यावरील व्याज व इतर रक्कम म्हणून फेब्रुवारीतच ३२ हजार रुपये भरले. सहा एकर बागायती कापूस आहे. पीककर्जाच्या प्रस्तावासाठी पाच हजार खर्च केले. बॅंकवाले किती कर्ज मला मिळेल, हे सांगत नाहीत. घरी मुलगा व मुलगी आहे. ते इंग्रजी माध्यमाच्या शाळेत शिकतात. त्यांच्यासाठी पैसे लागतील. हंगाम उभा केला. त्यासाठी निधी हवा आहे. परंतु, वेळेत कर्ज मिळाले नसल्याने सावकाराकडून दोन रुपये प्रतिशेकडा दराचे पैसे घेण्याची वेळ आली आहे. किती दिवस वणवण करायची व पैसे खर्च करायचे, यालाही मर्यादा आहे, असे ईश्‍वर माळी म्हणाले. 

जिल्हा बॅंक कमी कर्ज देते, म्हणून स्टेट बॅंकेकडे आलो
बेटावद (ता. शिंदखेडा) येथील अशोक पुंडलीक वाणी हेदेखील कर्जासाठी आपल्या मुलासोबत आले होते. त्यांनी सांगितले, की धुळे - नंदुरबार जिल्हा बॅंक हवे तेवढे कर्ज शेतीवर देत नाही. त्यांचे ६० हजार रुपये कर्ज भरले. नीलचा दाखला घेतला आहे. माझे नऊ एकर व पत्नीचे १.४७ हेक्‍टर बागायती क्षेत्र आहे. आमच्या दोघांचे पीककर्जासाठीचे प्रस्ताव तयार करीत आहे. आता कितीही खर्च लागला तर तो कागदपत्रांसाठी करावाच लागेल. पाहू, प्रयत्न तर करावेच लागतील. 

वाढीव कर्जाला नकार
स्टेट बॅंकेत कुठल्याशा कामानिमित्त आलेले पाष्टे (ता. शिंदखेडा) येथील दिलीप तुकाराम भदाणे यांनाही वाढीव पीककर्ज मिळत नसल्याचे समोर आले. ते म्हणाले, माझी ८० आर शेती आहे. मी मुळावद (ता. शिंदखेडा) येथील पंजाब नॅशनल बॅंकेचा नियमित कर्जदार आहे. ४० हजार कर्ज त्यांनी दिले होते. ते पुन्हा भरले. आता वाढीव कर्जाची मागणी बॅंकेकडे केली, पण ते मिळालेले नाही. त्यांनी मूल्यांकन करून आणा, असे सांगितले आहे. त्याच्या गडबडीत फिरत आहे. पीककर्ज हे जूनपूर्वीच शेतकऱ्याला मिळावे. उशिराने हाती पैसा आला तर तो शेतीच्या फारशा उपयोगाचा नसतो. 

साहेब म्हणतात मी शासकीय कामात...
वाघाळी (ता. शिंदखेडा) येथील एकनाथ भास्कर खैरनार हेदेखील आपल्या आईवडीलांच्या पीककर्जासंबंधी दोन महिन्यांपासून फिरत आहे. ते म्हणाले, माझे वडील भास्कर भबुतराव खैरनार व आई रंजनाबाई खैरनार यांच्या नावे बागायती शेती आहे. वडिलांच्या ५० आर व आईच्या ६२ आर क्षेत्रासंबंधी पीककर्ज घेतले होते. वडिलांच्या नावे ११ हजार व आईच्या नावे १० हजार ७०० रुपये कर्ज भरले. पण नवीन पीककर्ज देत नाहीत. चार दिवस बॅंकेत येत आहे, पण बॅंकेत साहेबच जागेवर नाहीत. शेवटी साहेबांशी मोबाईलवर संपर्क साधला. त्यांनी मी शासकीय कामात आहे, असे म्हटले.

इतर अॅग्रो विशेष
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
प्रथिनांचा उत्तम स्राेत ः गुणवंत चारापीकराहुरी येथील महात्मा फुले कृषी विद्यापीठाने...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
मॉन्सूनची माघार शनिवारपासूनपुणे : नैऋत्य मोसमी वाऱ्यांच्या (माॅन्सून)...
सेंद्रिय शेतीसाठी शासनाच्या विविध योजनासेंद्रिय शेती आणि पीक उत्पादनवाढीसाठी राज्य आणि...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
तुरळक ठिकाणी पावसाचा अंदाजपुणे : ‘दाये’ चक्रीवादळ निवळून गेल्यानंतर राज्यात...
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...