नवी दिल्ली : केंद्राने सर्व खाद्यतेलांच्या आयात मूल्यात प्रतिटन दोन रुपयांपासून ३० रुपयांपर्यंत घट केली आहे. शिकागो बेंचमार्क आॅफ ट्रेडमध्ये सोयाबीनच्या फ्युचर व्यापारात महिन्यात ७ टक्के घट झाल्याने खाद्यतेलांच्या आयात मूल्यात घट केली आहे. केंद्राने रिफाइंड, ब्लिच्ड आणि गंधविरहित पामोलिन आणि कच्चे पामोलिन तेलाच्या आयात मूल्यात २७ डॉलरची घट करण्यात आली आहे. आता रिफाइंड, ब्लिच्ड आणि गंधविरहित पामोलिन तेलावरील आयात मूल्य प्रतिटन ६४६ डॉलर आणि कच्चे पामोलीन तेलावरील आयात मूल्य प्रतिटन ६४३ डॉलरवर आले आहे. तसेच केंद्राने रिफाइंड, ब्लिच्ड आणि गंधविरहित पाम तेलाच्या आयात मूल्यात प्रतिटन ३० डॉलरची घट करून ६६४ डॉलर वरून ६३४ डॉलर केले आहे. कच्च्या पामतेलाच्या आयात मूल्यात प्रतिटन २६ डॉलरने घट करून ६४४ डॉलरवरून ६१८ डॉलर करण्यात आले आहे. कच्च्या सोयाबीन तेलाच्या आयात मूल्यात दोन डॉलरने घटविले असून ७५२ डॉलरवरून ७५० डॉलर करण्यात आले आहे. भारत हा जगातील सर्वांत मोठा खाद्यतेल आयातदार देश आहे. भारत आयात करत असलेल्या खाद्यतेलात पाम तेलाचा वाटा सर्वांत जास्त आहे. पाम तेलाची आयात प्रामुख्याने इंडोनेशिया आणि मलेशिया या देशांमधून होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.