agrowon news in marathi, farmers Deprived from subsidy due to SMS term, Maharashtra | Agrowon

‘एसएमएस’ अटीमुळे हजारो शेतकरी अनुदानापासून वंचित
हरी तुगावकर
गुरुवार, 21 जून 2018

लातूर : शासनाने राज्यातील चार लाखापेक्षा जास्त शेतकऱ्यांची तूर व हरभऱ्याची हमीभावाने खरेदी केलेली नाही. हजारो शेतकऱ्यांना एसएमएस पाठवूनही त्यांच्या मालाची खरेदी झाली नाही. आता आॅनलाइन नोंदणी केलेल्या शेतकऱ्यांना एक हजार रुपये अनुदान देण्याचे शासनाने जाहीर केले आहे. पण यात ज्यांना एसएमएस पाठवले गेले, पण त्यांनी आपला माल खरेदी केंद्रावर आणला नाही त्यांना अपात्र ठरविण्याचे आदेश दिले आहेत. त्यामुळे राज्यातील हजारो शेतकरी अनुदानपासूनच वंचित राहण्याची भीती आहे.

लातूर : शासनाने राज्यातील चार लाखापेक्षा जास्त शेतकऱ्यांची तूर व हरभऱ्याची हमीभावाने खरेदी केलेली नाही. हजारो शेतकऱ्यांना एसएमएस पाठवूनही त्यांच्या मालाची खरेदी झाली नाही. आता आॅनलाइन नोंदणी केलेल्या शेतकऱ्यांना एक हजार रुपये अनुदान देण्याचे शासनाने जाहीर केले आहे. पण यात ज्यांना एसएमएस पाठवले गेले, पण त्यांनी आपला माल खरेदी केंद्रावर आणला नाही त्यांना अपात्र ठरविण्याचे आदेश दिले आहेत. त्यामुळे राज्यातील हजारो शेतकरी अनुदानपासूनच वंचित राहण्याची भीती आहे.

गतवर्षीच्या हंगामात तुरीचे मोठे उत्पादन झाले होते. राज्यातील गोदामे पूर्णपणे भरली गेली. त्यात या वर्षी तूर व हरभऱ्याचे मोठ्या प्रमाणात उत्पादन झाले. गोदामांचा व बारदान्याचा अभावामुळे सुरवातीपासूनच तूर व हरभरा खरेदी धीम्यागतीने झाली. वखार महामंडळाने राज्यातील महामंडळाव्यतिरिक्त अन्य १८३ गोदामे भाड्याने घेतली. तीही भरली गेली. बारदाना नाही, गोदाम नाही, असे कारणे सांगत खरेदी केंद्र बहुतांश दिवस बंदच राहिली. मुदतवाढीचे नाटकही झाले. शेवटी शासनाने तुरीची ता. १५ मे रोजी, तर हरभऱ्याची ता. ११ जूनला खरेदी केंद्र बंद केली. 

हमीभावाने तूर व हरभऱ्याची खरेदी करताना आॅनलाइन नोंदणीची अट टाकली होती. अनेक अडचणीवर मात करीत राज्यातील सात लाख ७५ हजार ६९९ तूर व हरभरा उत्पादक शेतकऱ्यांनी अॉनलाइन नोंदणी केली होती. या पैकी तीन महिन्यांत केवळ तीन लाख ६५ हजार १५ शेतकऱ्यांचाच माल हमीभावाने खरेदी केला आहे. उर्वरित चार लाख दहा हजार ६८४ शेतकऱ्यांचा माल शासनाने खरेदीच केलेला नाही. यात तुरीच्या एक लाख ९१ हजार ७६ व हरभऱ्याच्या दोन लाख १८ हजार ६०८ शेतकऱ्यांचा समावेश आहे. या शेतकऱ्यांनी हमीभावापेक्षा बाराशे ते दीड हजार रुपये प्रति क्विंटल कमी दराने बाजारात विकला आहे. 

खरेदीचे नाटक संपल्यानंतर शासनाने आॅनलाइन नोंदणी केलेल्या शेतकऱ्यांना एक हजार रुपये अनुदान देण्याचे शासनाने जाहीर केले आहे. खरेदी केंद्रावर शासन एका शेतकऱ्य़ाची दररोज २५ क्विंटल तूर किंवा हरभऱ्याची खरेदी करीत होते. या अनुदानासाठी प्रति हेक्टर दहा क्विंटल असे दोन हेक्टरपर्यंतच तूर किंवा हरभऱ्याची खरेदी करण्याची अट घातली आहे. याचाही फटका शेतकऱ्यांना बसणार आहे.

आॅनलाइन नोंदणी केलेल्या शेतकऱ्यांना एसएमएस पाठवून त्यांच्या मालाची खरेदी केली जात होती. पण हजारो शेतकऱ्यांना एसएमएस पाठवले गेले. त्यांनी माल खरेदी केंद्रावर आणलाही. पण बरदाना नाही, गोदाम नाही असे कारणे सांगून परत पाठवले गेले. त्यात एक हजाराच्या अनुदानासाठी एसएमएस पाठवून तूर आणि हरभरा न आणलेल्या शेतकऱ्यांना अपात्र ठरविण्याचे आदेश शासनाने मंगळवारी (ता. १९) दिले आहेत. त्यामुळे राज्यातील हजारो शेतकरीदेखील या अनुदानापासून वंचित राहण्याची भीती आहे. शासनाने याचा फेरविचार करण्याची गरज आहे.

शासनाने २०१७-१८ या हंगामात शेतकऱ्यांची 
हमीभावाने खरेदी केलेली तूर व हरभरा पुढीलप्रमाणे

 

पिकाचा प्रकार झालेली खरेदी लाभार्थी शेतकरी एकूण खरेदी किंमत
तूर ३३,६७,१७७.४८ क्विंटल २,६५,८५४ १८३५.११ कोटी
हरभरा १३,६९,१८४.४६ क्विंटल ९९,१६१ ६०२.४४ कोटी

 

इतर अॅग्रो विशेष
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...
देशात ऊस लागवड 51.9 लाख हेक्टरवरनवी दिल्ली ः मागील वर्षी अतिरिक्त साखर...
देशातील कृषी संशोधन व्यवस्था खिळखिळी...पुणे: केंद्र सरकारने देशातील १०३ पैकी ६१...
मराठवाड्यात ३५ टक्के खरिप पीककर्ज वाटपऔरंगाबाद : मराठवाड्यात खरीप पीककर्ज वाटप...
सुधारित तंत्राद्वारे केली केळी शेती...ब्राह्मणपुरी (ता. शहादा, जि. नंदुरबार) येथील...
पाणी अडवले, पाणी जिरवले पाण्याचे संकट...नांदेड जिल्ह्यातील तालुक्याचे ठिकाण असलेल्या...
राज्यात पाच कीटकनाशके विक्रीला दोन...अकोलाः राज्यात कीटकनाशक फवारणीद्वारे विषबाधा...
उत्तर महाराष्ट्र, उत्तर कोकणात...पुणे : बंगालच्या उपसागरातील ‘दाये’ चक्रीवादळाने...
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...