agrowon news in marathi, heavy rain in several places, Maharashtra | Agrowon

राज्यात दमदार पाऊस; कोकण, विदर्भात मुसळधारेचा इशारा
टीम अॅग्रोवन
रविवार, 24 जून 2018

पुणे : मॉन्सून सक्रिय झाल्याने कोकण, मध्य महाराष्ट्र, मराठवाड्यात पावसाने जोर धरला आहे. कोकण किनापट्टीसह घाटमाथा, मराठवाड्यात काही ठिकाणी अतिवृष्टीची नोंद होत पावसाने दाणादाण उडवून दिली. कोकणात रस्त्यांनाही ओढे-नाल्याचे स्वररूप आले आहे. मराठवाड्यात पावसाने पिकांचे नुकसान झाले. बांधा फुटून, जमिनी खरडल्या, तर हळदीचे बेणे, बियाणे वाहून गेले. उस्मानाबाद जिल्ह्यात तलाव फुटल्याने शेतीचे नुकसान झाले, नद्यांनाही दुथडी पाणी आले. आव्हा (जि: बुलडाणा) वीज पडून विमलताई श्रीराम घोंगटे (वय ४०) यांचा मृत्यू झाला. शनिवारी (ता.

पुणे : मॉन्सून सक्रिय झाल्याने कोकण, मध्य महाराष्ट्र, मराठवाड्यात पावसाने जोर धरला आहे. कोकण किनापट्टीसह घाटमाथा, मराठवाड्यात काही ठिकाणी अतिवृष्टीची नोंद होत पावसाने दाणादाण उडवून दिली. कोकणात रस्त्यांनाही ओढे-नाल्याचे स्वररूप आले आहे. मराठवाड्यात पावसाने पिकांचे नुकसान झाले. बांधा फुटून, जमिनी खरडल्या, तर हळदीचे बेणे, बियाणे वाहून गेले. उस्मानाबाद जिल्ह्यात तलाव फुटल्याने शेतीचे नुकसान झाले, नद्यांनाही दुथडी पाणी आले. आव्हा (जि: बुलडाणा) वीज पडून विमलताई श्रीराम घोंगटे (वय ४०) यांचा मृत्यू झाला. शनिवारी (ता. २३) सकाळपर्यंतच्या २४ तासांमध्ये माथेरान येथे सर्वाधिक २६० मिलिमीटर पावसाची नोंद झाली. 

कोकणात शुक्रवारी सकाळपासूनच पावसाने जोर धरला असून, शनिवारीही पावसाची धार सुरूच होती. सिंधुदुर्ग, रत्नागिरी, रायगड जिल्ह्यासह घाटमाथ्यावर पावसाने धुवाधार हजेरी लावली. उत्तर महाराष्ट्रातील जळगाव, नंदुरबार, धुळे, नाशिक जिल्ह्याच्या पश्‍चिम भागांत पावसाचा जोर अधिक होता. तर उर्वरित भागातही हलक्या ते मध्यम पावसाच्या सरी कोसळल्या, धूळपेरणी झालेली पिके अंकुरली आहेत.

नगर, पुणे, सातारा जिल्ह्याच्या विविध भागांत पावसाच्या जलधारांना सुरवात झाली होती. साताऱ्यात शेतामध्ये पाणी साचल्याने पिकांचे नुकसान झाले. धरण क्षेत्रात सुरू असलेल्या पावसाने पाणीसाठ्यात वाढ होण्यास सुरुवात झाली असून, वापसा होताच खरिपाच्या पेरण्यांना वेग येणार आहे. 

मराठवाड्यातील उस्मानाबाद, नांदेड, लातूर, हिंगोली जिल्ह्यात पावसाचा जोर सर्वाधिक होता. तर, औरंगाबाद, बीड, परभणी जिल्ह्यातही पावसाच्या सरी कोसळल्या. उस्मानाबादच्या उमरगा तालुक्‍यात अतिवृष्टी झाल्याने परिसर जलमय झाला. उमरगा, नारंगवाडी, मुळज भागात शेतीचे बांध फुटले. तर, पळसगाव पाझर तलावाचा बांध फुटून पिकांचे व जमिनीचे मोठ्या प्रमाणात नुकसान झाले.

पाऊस पडलेल्या भागातील नदी-नाले दुथडी भरून वाहले; तर जलसंधारणाची कामेही तुडुंब झाली. पश्‍चिम विदर्भातील अकोला व बुलडाणा जिल्ह्यात शनिवारी (ता. २३) सकाळी ढगांच्या गडगडासह पाऊस झाला. मोताळा तालुक्यातील अाव्हा येथी विमलताई श्रीराम घोंगटे (वय ४०) ही महिला शेतात काम करत असताना अंगावर वीज पडून मृत्यू झाला. बाळापूर तालुक्यात झालेल्या पावसाने रिधोरा शिवारात पवन अग्रवाल यांनी ठोक्याने केलेल्या १६ एकर क्षेत्रांवरील कपाशीचे बियाणे वाहून गेले. 

कोकण, विदर्भात मुसळधारेचा इशारा
उत्तर महाराष्ट्र, गुजरात परिसरावर, तसेच दक्षिण कोकणात चक्राकार वाऱ्यांच्या दोन वेगवेगळ्या स्थिती स.िक्रय आहे. महाराष्ट्रापासून केरळपर्यंत किनारपट्टीला समांतर हवेचा कमी दाबाचा पट्टा असल्याने किनारपट्टी, मध्य महाराष्ट्र, मराठवाडा, पश्‍चिम विदर्भात ढगाळ वातावरण आहे. राज्यात मॉन्सूनच्या पावसाला सुरवात झाली असून, आज (ता. २४) राज्यात सर्वदूर पावसाची शक्यता आहेत. तर, कोकण, विदर्भात तुरळक ठिकाणी मुसळधार पावसाचा इशारा देण्यात आला आहे. मंगळवारपासून (ता.२६) पावसाचा जोर वाढणार असून, कोकण आणि विदर्भात मुसळधार पाऊस पडण्याची अंदाज हवामान विभागाने वर्तविला अाहे.

शनिवारी (ता. २३) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस (मिलिमीटरमध्ये, स्त्रोत - हवामान विभाग) : 
कोकण : माथेरान २६०, कर्जत २४०, रत्नागिरी २१०, लांजा १४०, हर्णे १३०, भिरा १२०, रोहा ११०, राजापूर १००, डहाणू, खालापूर प्रत्येकी ९०, मुरबाड, पालघर, ठाणे, वसई प्रत्येकी ७०, बेलापूर ६०, अलिबाग, खेड, मंडणगड, मोखडा, पेण, संगमेश्‍वर, सुधागड पाली, वाडा प्रत्येकी ५०, देवगड, गुहागर, कल्याण, पनवेल, वैभववाडी प्रत्येकी ४०.

मध्य महाराष्ट्र : लोणावळा २००, पाथर्डी, शेवगाव प्रत्येकी १३०, वडगाव मावळ ८०, अक्कलकोट ६०, धरणगाव, मोहोळ, सोलापूर प्रत्येकी ५०, एरंडोल, इंदापूर, कवठे महाकाळ प्रत्येकी ४०, बार्शी, भडगाव, जळगाव, माढा, मंगळवेढा, पेठ, यावल प्रत्येकी ३०.
मराठवाडा : उमरगा १५०, औंढा नागनाथ १००, चाकूर, निलंगा प्रत्येकी ८०, धर्माबाद, हिंगोली प्रत्यकी ७०, शिरूर अनंतपाळ ६०, कंधार, कन्नड, लोहा, पूर्णा, रेणापूर प्रत्यकी ५०, अहमदपूर, भूम, जळकोट, कळमनुरी, परभणी, उमरी प्रत्येकी ४०, लातूर, पैठण, फुलांब्री, शिरूर कासार, तुळजापूर, प्रत्येकी ३०.

विदर्भ : बार्शी टाकळी, मंगरूळपीर, पुसद प्रत्यकी ५०, अकोला, मालेगाव, वाशिम प्रत्येकी ४०, अर्णी, दारव्हा, करंजालाड, मानोरा प्रत्यकी ३०, पारवा २०. 

घाटमाथा : लोणावळा २१०, लोणावळा २००, वळवण १८०, ताम्हिणी, १५०, डुंगरवाडी १४०, भिरा १२०, शिरोटा ९०, कोयना पोफळी, दवडी ८०, भिवापुरी, अंबोणे ७०, खोपोली, शिरगाव ६०.

इतर अॅग्रो विशेष
एकात्मिक कीड नियंत्रणासाठी फेरोमोन...रासायनिक कीडनाशकांना किटक प्रतिकारक होत असून,...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
खानदेशात पाणीटंचाईच्या प्रस्तावात वाढजळगाव : खानदेशात पाणीटंचाईचे प्रस्ताव वाढत आहेत....
कडाक्याच्या थंडीने गव्हाच्या विविध...सातारा ः येथील वेण्णा तलाव परिसरात असलेल्या...
राहुरी कृषी विद्यापीठाचा दर्जा घसरलापुणे: राहुरी येथील महात्मा फुले कृषी...
कणेरी मठावर देशातील पहिले डिव्हाइन...कोल्हापूर : हजारो फुलझाडांसह विविध प्रकारची...
आंध्र प्रदेशातील एका कंपनीचा परवाना `...नागपूर ः आंध्र प्रदेशातील एका बियाणे कंपनीच्या...
आणखी साडेचार हजार गावांमध्ये दुष्काळी...मुंबई : खरीप हंगाम २०१८ मध्ये राज्यातील ५०...
मराठवाड्यात आज पावसाचा अंदाजपुणे : कमाल तापमानात वाढ झाल्याने राज्यात...
भाजप सरकारमध्ये शेतकऱ्यांची बाजू घेणारा...सेलू, जि. परभणी ः केंद्र तसेच राज्य सरकारमधील...
कापूस आयातीवर निर्बंध हवेतजळगाव ः आंतरराष्ट्रीय बाजारात भारतीय व अमेरिकन...
लेखी आश्वासनानंतर लाल वादळ शमलेनाशिक: प्रलंबित मागण्यांसाठी किसान सभेने काढलेला...
आदर्श नैसर्गिक शेतीसह जपली पीक विविधता नांदेड जिल्ह्यातील मालेगांव (ता. अर्धापूर) येथील...
अर्थसंकल्पीय अधिवेशनात दुष्काळावर दोन...मुंबई: लोकसभा निवडणुकीच्या पार्श्वभूमीवर...
विदेशी भाज्यांमधून अल्पभूधारक...येळगाव (ता. जि. बुलडाणा) येथील विष्णू गडाख या...
शेतकऱ्यांचा लाँग मार्च स्थगित; सरकारचे...मुंबई : आश्वासन देऊनही वर्षभरापासून पूर्ण न...
वासंतीकरणाच्या प्रक्रियेतील तापमानाचे...वसंताच्या आगमनामुळे प्रत्येक वनस्पती किंवा...
मराठवाड्यात ‘रेशीम’ला रिक्त पदांचे...औरंगाबाद ः राज्याला रेशीम उद्योगात उदयोन्मुख...
खानदेशात पपई लागवडीत होणार निम्म्याने...जळगाव : खानदेशात आगाप पपई लागवडीला सुरवात झाली...
रशियाला द्राक्ष निर्यातीत ‘क्लिअरिंग’चा...नाशिक : भारतीय द्राक्षाचा रशिया मोठा आयातदार आहे...