agrowon news in marathi, heavy rain several places in state , Maharashtra | Agrowon

राज्यात अनेक ठिकाणी जोरदार पाऊस
टीम अॅग्रोवन
सोमवार, 9 जुलै 2018

पुणे ः गुजरातचा दक्षिण भाग, कोकण ते केरळचा उत्तर भाग यादरम्यान कमी दाबाचा पट्टा तयार झाला आहे. यामुळे कोकणासह मध्य महाराष्ट्र, मराठवाडा व विदर्भातील काही भागांत जोरदार पाऊस पडला. राज्यातील एकूण १५६ मंडळांत अतिवृष्टी झाली; तर पंचाहत्तरहून अधिक ठिकाणी शंभर मिलिमीटरहून अधिक पाऊस झाला. कोकणातील ठाणे, रायगड, रत्नागिरी, पालघर जिल्ह्यातील अनेक ठिकाणी शनिवारी (ता.७) पावसाने धुव्वाधार हजेरी लावली. रायगडमधील मानगाव येथे राज्यातील सर्वाधिक २५० मिलिमीटर पाऊस पडल्याची नोंद रविवारी (ता.८) सकाळी झाली आहे. 

पुणे ः गुजरातचा दक्षिण भाग, कोकण ते केरळचा उत्तर भाग यादरम्यान कमी दाबाचा पट्टा तयार झाला आहे. यामुळे कोकणासह मध्य महाराष्ट्र, मराठवाडा व विदर्भातील काही भागांत जोरदार पाऊस पडला. राज्यातील एकूण १५६ मंडळांत अतिवृष्टी झाली; तर पंचाहत्तरहून अधिक ठिकाणी शंभर मिलिमीटरहून अधिक पाऊस झाला. कोकणातील ठाणे, रायगड, रत्नागिरी, पालघर जिल्ह्यातील अनेक ठिकाणी शनिवारी (ता.७) पावसाने धुव्वाधार हजेरी लावली. रायगडमधील मानगाव येथे राज्यातील सर्वाधिक २५० मिलिमीटर पाऊस पडल्याची नोंद रविवारी (ता.८) सकाळी झाली आहे. 

येत्या गुरुवारपर्यंत (ता.१२) कोकणात तुरळक ठिकाणी अतिवृष्टी होण्याची शक्यता आहे. मध्य महाराष्ट्रात मुसळधार पाऊस पडेल. आज (सोमवारी) कोकणात तुरळक ठिकाणी अतिवृष्टी होईल. मराठवाडा व विदर्भात काही ठिकाणी मुसळधार, तर तुरळक ठिकाणी जोरदार पाऊस, तर मध्य महाराष्ट्रात तुरळक ठिकाणी जोरदार पाऊस पडेल. उद्या (मंगळवार) कोकण, गोव्यात तुरळक ठिकाणी अतिवृष्टीचा इशारा देण्यात आला आहे. मराठवाड्यात काही ठिकाणी मुसळधार, तर तुरळक ठिकाणी जोरदार पाऊस, मध्य महाराष्ट्रात तुरळक ठिकाणी जोरदार पाऊस पडण्याचा अंदाज हवामान विभागाच्या सूत्रांनी वर्तविला आहे.

मराठवाडा आणि परिसरात चक्राकार वाऱ्याची स्थिती तयार झाली आहे. समुद्रसपाटीपासून ही स्थिती ७.६ किलोमीटर उंचीवर आहे. पूर्वेकडील छत्तीसगड राज्याच्या परिसरातही चक्राकार वाऱ्याची स्थिती निर्माण झाली आहे. त्यामुळे राज्यातील कोकण, मध्य महाराष्ट्र व घाटमाथा आणि विदर्भातील गडचिरोली, भंडारा, गोंदिया, नागपूर, वाशीम, अकोला परिसरात पाऊस पडत आहे. रविवारी (ता. ८) कोकण, मध्य महाराष्ट्र, मराठवाडा व विदर्भातील काही भागात पावसाने चांगली हजेरी लावल्याने नद्या, नाले भरून वाहू लागले आहेत.

राज्यात शनिवारी (ता.७) सायंकाळी कोकणातील रायगड, रत्नागिरी, पालघर जिल्ह्यातील अनेक मंडळांच्या ठिकाणी अतिवृष्टी झाली. मध्य महाराष्ट्रातील नाशिकमधील उभेरठाणा, बाऱ्हे, बोरगाव, सुरगाणा, पेठ, जागमोडी या मंडळांच्या ठिकाणी अतिवृष्टी झाली. सातारा जिल्ह्यातील महाबळेश्‍वर, तापोळा,
लामज, तर कोल्हापुरातील करंजफेन, आंबा, राधानगरी, साळवण, हेरे येथे अतिवृष्टी झाली. शनिवारी (ता.८) पुणे, नगर, सातारा, नाशिक जिल्ह्यातील पश्चिम पट्ट्यात हलक्या स्वरूपाचा पडला. खान्देशातील धुळे, नंदुरबार आणि जळगाव जिल्ह्यातील काही मंडळांत पावसाच्या हलक्या सरी बरसल्या.

मराठवाड्यातील जालना जिल्ह्यातील जालना ग्रामीण येथे १२२, वाडीगोद्री येथे १०५ मिलिमीटर पाऊस पडला, तर औरंगाबाद, बीड, उस्मानाबाद, नांदेड आणि लातूर जिल्ह्यात तुरळक ठिकाणी हलका ते मध्यम स्वरूपाचा पाऊस झाला. विदर्भातील अमरावती जिल्ह्यातील वाऱ्हा, चंद्रपुरातील गडचांदूर या मंडळांच्या ठिकाणी अतिवृष्टी झाली. उर्वरित नागपूर, भंडारा, गोंदिया, यवतमाळ, चंद्रपूर, अमरावती, बुलडाणा या जिल्ह्यांतील काही ठिकाणी पावसाने चांगली हजेरी
लावली. रविवारीही या भागात ढगाळ हवामान होते.

राज्यातील सत्तर मिलिमीटरहून अधिक पडलेली पावसाची ठिकाणे ः स्राेत - कृषी विभाग
कोकण विभाग
ठाणे : ठाणे १२५, बलकुम १६५, भाइंदर १३६, दहिसर १८५, बेलापुर ११८, कल्याण २४५, अप्पर २३०, टिटवाळा ११२.३, ठाकुरली २३८, नडगाव १२३, धसइ ७२, देहरी ७१, उल्हासनगर ११७, अंबरनाथ १९२.४, गोरेगाव १०४.४, कुमभर्ली १४७.२, बदलापूर १४८ रायगड : पोयनड ९०, चरी ८३, रामरज ७३, पवयंजे १४६, ओवले १०९, करनाळा १६३, तलोजे १०७, मोराबी १४१, कर्जत २३१.४, नेरळ १११, कडाव २०५, कळंब १०९, कशेले १९५, चौक १९७, वौशी २१२, खोपोली २२१ पाली ११५, आटोने २०७, जांभूळपाडा १२०, पेण ८०, हमरापूर १८०.२, वशी ८२, कामरली १०४, महाड २४४, बिरवडी २१९, करंजवडी १८७, नाटे २१४, खारवली १५१, तुडली २३५, माणगाव २५०, इंदापूर १३२, गोरेगाव २१०, लोनेरे २१४, निझामपूर १२५, रोहा ८१, नागोठणे १७३, चानेरा ९४, कोलाड १६५, पोलादपूर १४०, कोंडवी १२५, वाकण १३९, मुरूड ९८, म्हसला १४२, खामगाव १६५.८
रत्नागिरी : चिपळूण १२६, खेरडी १२३, मरगतम्हाणे ११५, रामपूर २१०, वाहल १५०, सावरडे १८४, असुरडे १७५, कलकावणे ८५, शिरगाव १६५, दापोली १५५, बुरवंडी १५०, दाभोल १४९, वाकवली १७६, पालगड २२८, वेलवी १५६, खेड १९२, शिरशी १४७, अंबवली १२९, कुलवंडी १९७, भारने १८२, दाभील १२५,
धामनंद ९६, गुहाघर ९०, तलवली ११०, पटपन्हाले ११०, अबलोली १००, हेडवी ८२, मंडणगड १६०, म्हाप्रल १५१, देव्हरे १६८, जायगड ७१, कडवी १७३, मुरडव १६६, माखजन १६५, फुंगुस १४४, फनसावणे १८२, अंगवली ९०, कोडगाव ८८, देवरुख १००, तुलसानी ८६, माभले १०५, तेरहे १०९, राजापूर ७७,
सवंडल ९३, पाचल ९०, सातवली ८६, सिंधुदुर्ग : सावंतवाडी ९५, तालवट ७३, भेडशी ७९, पालघर ः वसई १८१, मांडवी १४९, अगशी ८५, निर्मल ११६, विरार १९२, मानिकपूर १६७, वाडा १०३ , कडूस १०९, कोणे १६६, कांचगड २०४, डहाणू ११८.१, मालयण ११२.८, साइवन १०८.२, कसा १९१, चिंचणी ११५, पालघर १६७, मनवर १४१, बोयसर १२२.५, सफला १६६, अगरवाडी १६८, तारापूर ११८, जव्हार ८७, साखर २१२, मोखडा ८२.६, तलसरी १२५, झरी १३७, विक्रमगड ७५, तलवड २६०

मध्य महाराष्ट्र ः
नाशिक : उभेरठाणा ८५.८, बाऱ्हे ७१.२, बोरगाव १४०, सुरगाणा ११०.३, पेठ ७२.५, जागमोडी ८८.४, सातारा : महाबळेश्‍वर ११९, तापोळा १२९.२, लामज १३३.४, कोल्हापूर : करंजफेन ९२, आंबा १०७, राधानगरी ८४, साळवण ७५, हेरे ८१

मराठवाडा ः
जालना : जालना ग्रामीण १२२, वाडीगोद्री १०५,

विदर्भ ः
अमरावती : वाऱ्हा ७५, चंद्रपूर ः गडचांदूर १९८.४,

इतर अॅग्रो विशेष
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...
देशात ऊस लागवड 51.9 लाख हेक्टरवरनवी दिल्ली ः मागील वर्षी अतिरिक्त साखर...
देशातील कृषी संशोधन व्यवस्था खिळखिळी...पुणे: केंद्र सरकारने देशातील १०३ पैकी ६१...
मराठवाड्यात ३५ टक्के खरिप पीककर्ज वाटपऔरंगाबाद : मराठवाड्यात खरीप पीककर्ज वाटप...
सुधारित तंत्राद्वारे केली केळी शेती...ब्राह्मणपुरी (ता. शहादा, जि. नंदुरबार) येथील...
पाणी अडवले, पाणी जिरवले पाण्याचे संकट...नांदेड जिल्ह्यातील तालुक्याचे ठिकाण असलेल्या...
राज्यात पाच कीटकनाशके विक्रीला दोन...अकोलाः राज्यात कीटकनाशक फवारणीद्वारे विषबाधा...
उत्तर महाराष्ट्र, उत्तर कोकणात...पुणे : बंगालच्या उपसागरातील ‘दाये’ चक्रीवादळाने...
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...