agrowon news in marathi, high rate for Gujrati cotton bales in india, Maharashtra | Agrowon

दर्जेदार सुतासाठी गुजराथी खंडीला देशात सर्वाधिक दर
चंद्रकांत जाधव
शुक्रवार, 29 जून 2018

कापसाचे दर स्थिर आहेत. सरकीचे दर २१०० ते २२०० रुपये प्रतिक्विंटल आहेत. हे दर टिकून राहतील, असे मला वाटते. 
- अरविंद जैन, माजी अध्यक्ष, खानदेश जीन प्रेस कारखानदार असोसिएशन

जळगाव : कोम्ड (प्रथम ग्रेड) सुताला मागील दोन वर्षांच्या तुलनेत यंदा सर्वाधिक २२५ रुपये प्रतिकिलोचा दर मिळाला आहे. चीनकडून सूत आयातीसंबंधीचे नवे सौदे अलीकडच्या महिनाभरात झाले आहेत. परिणामी दरवाढ झाली असून, सुताचे दर कमी झालेले नाहीत. यातच डॉलरचे दर ६८.७ रुपये प्रतिडॉलर, असे सोमवारी दुपारी १२च्या सुमारास पोचले. यातच दाक्षिणात्य सूतगिरण्या किंवा मिलांसमोर दर्जेदार रुईच्या तुटवड्याचे संकट उभे राहत असून, डॉलरचे दर उच्चांकी पातळीवर असल्याने निर्यातीला अनुकूल वातावरण कायम असल्याचे सूत व रुईच्या उद्योगातील जाणकारांनी म्हटले आहे. 

देशातील पंचतारांकित व नव्याने उभारलेल्या खासगी, सहकारी सूतगिरण्या किंवा मिलांमध्ये कोम्ड यार्न (सूत) अधिकचे तयार करण्याची स्पर्धा जणू सुरू आहे. दर्जेदार रुईची मागणी यामुळे कायम आहे. कोम्ड यार्नमध्ये ७२ टक्‍क्‍यांपर्यंत उत्तम धागा मिळतो. होजिअरीसाठी त्याचा वापर केला जातो. सध्या त्याची देशातून चीनसह युरोप, व्हीएतनाम येथे अधिकची आयात केली जात आहे. देशातील सूत निर्यात साडेतीन टक्‍क्‍यांनी वाढण्याची चिन्हे आहेत.

चीन व युरोप, व्हीएतनामध्ये सुमारे ५०० मेट्रिक टन सूत निर्यासंबंधीचे सौदे या महिन्यात देशात झाले आहेत. आणखी सौदे सुरू आहेत. दाक्षिणात्य व महाराष्ट्रीय मिलांसाठी ही चांगली संधी आहे. याच वेळी दर्जेदार रुईसंबंधी दाक्षिणात्य मिलांनी चिंता व्यक्त केली असून, तेथे तुटवडा जाणवू लागला आहे. तमिळनाडू व कर्नाटकमधील सुमारे १५० सूतगिरण्या किंवा मिलांना कापूस तुटवड्यासंबंधीचे संकट ऑगस्ट व सप्टेंबरमध्ये अडचणीत आणणारे ठरणार आहे. 

सूत निर्यातीला चालना मिळत असल्याने रुईची देशांतर्गत मागणी कायम आहे. कोम्ड होजिअरी सूताला सर्वाधिक दर असतानाच कार्डेड व्हीविंग सूताला २०० रुपये प्रतिकिलोचे तर ओपन अँड सूतालाही मागील वर्षाच्या तुलनेत किलोमागे २० रुपयांनी अधिक दर असल्याची माहिती मिळाली. 

होजिअरीसंबंधी कोम्ड सुताला अधिकची मागणी जगभरातून सुरू असल्याने दर्जेदार रुईसाठी प्रसिद्ध असलेल्या गुजरातच्या शंकर ६ च्या खंडीला (३५६ किलो रुई) सर्वाधिक ४७ हजार २०० ते ४७ हजार ३०० रुपये दर आहेत. तो मुबलक प्रमाणात मिळत आहे. तर मध्य प्रदेशातील डीसीएच ३२ या ३४ ते ३५ मिलिमीटर लांबीच्या रुईला ५५५०० ते ५८००० हजार रुपये प्रतिखंडीचा दर आहे. परंतु डीसीएच ३२ या प्रकारच्या रुईचा देशांतर्गत बाजारात फारसा पुरवठा नसल्याची माहिती आहे. 

रुईचा प्रकार          दर                         लांबी
महाराष्ट्र

एमईसीएच १   ४५७०० ते ४६२००          २९  मिलिमीटर
एमईसीएच १      ४६२०० ते ४६७००        ३०  मिलिमीटर

गुजरात
व्ही ७९७ (कल्याण)    २९५०० ते ३१५००         २२  मिलिमीटर
शंकर ६            ४५८०० ते ४६३००          २८.५  मिलिमीटर
शंकर ६            ४६८०० ते ४७३००          २९  मिलिमीटर (अ श्रेणी)

तेलंगण (आंध्र प्रदेश)
आदिलाबाद        ४४८०० ते ४६८००          २९.३ मिलिमीटर
बन्नी ब्रह्मा (वरंगल)  ४४८०० ते ४६८००    २९.३ मिलिमीटर
एमसीयू ५ (गुंटूर)   ४४८०० ते ४७३००          २९.३ मिलिमीटर 

मध्य प्रदेश
एमईसीएच १    ४५५०० ते ४६०००          २९  मिलिमीटर
एमईसीएच १   ४६००० ते ४६५००          ३०  मिलिमीटर
डीसीएच ३२   ५५५०० ते ५८०००       ३४ ते ३५ मिलिमीटर

प्रतिक्रिया
सूताचे दर दोन वर्षांच्या तुलनेत अधिक आहेत. कोम्ड होजिअरी यार्नला (सूत) अधिकचा उठाव आहे. त्यासाठी दर्जेदार रुईची गरज मिलांना आहे. दर्जेदार रुईचा तुटवडा दाक्षिणात्य मिला किंवा सूतगिरण्यांना जाणवू लागला असून, तेथील सूतगिरण्यांशी संबंधित संघटनांनी तशी चिंता अलीकडेच व्यक्त केली आहे. 
- दीपकभाई पाटील, अध्यक्ष, लोकनायक जयप्रकाश नारायण सहकारी सूतगिरणी, शहादा (जि. नंदुरबार)

सूताचे दर दोन वर्षांच्या तुलनेत अधिक आहेत. कोम्ड होजिअरी यार्नला (सूत) अधिकचा उठाव आहे. त्यासाठी दर्जेदार रुईची गरज मिलांना आहे. दर्जेदार रुईचा तुटवडा दाक्षिणात्य मिला किंवा सूतगिरण्यांना जाणवू लागला असून, तेथील सूतगिरण्यांशी संबंधित संघटनांनी तशी चिंता अलीकडेच व्यक्त केली आहे. 
- दीपकभाई पाटील, 
अध्यक्ष, लोकनायक जयप्रकाश नारायण सहकारी सूतगिरणी, शहादा (जि. नंदुरबार)

इतर ताज्या घडामोडी
बंद अवस्थेतील कारखाने सहकारी तत्त्वावर...जळगाव : जिल्ह्यात काही साखर कारखाने एकेकाळी जोमात...
कांदा - लसूण पीक सल्लाबहुतांश शेतकऱ्यांच्या शेतामध्ये खरीप कांदा पिकाची...
नांदेड जिल्ह्यात ५१० कोटी रुपये पीक...नांदेड ः नांदेड जिल्ह्यात यंदाच्या खरीप हंगामात...
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...