कामाच्या अतिरिक्त ताणामुळे पणन संचालक दीर्घ रजेवर

पुणे ः पणन संचालकपदी पूर्णवेळ नियुक्ती असताना सहकार आयुक्तालयातील अपर निबंधक पदाच्या अतिरिक्त पदभारामुळे कामाच्या तणावात असलेले पणन संचालक डॉ. आनंद जाेगदंड दीर्घ रजेवर गेले आहेत. पणन संचालकपदाचा कार्यभार सहकार आयुक्तालयातील तपासणी व निवडणूक विभागाचे अपर निंबधक नवनाथ यगलेवाड यांच्याकडे सुपूर्त करण्यात आला आहे.  डॉ. जाेगदंड यांची गेल्या वर्षी पूर्णवेळ पणन संचालपदी नियुक्ती करण्यात आली आहे. ही नियुक्ती करत असताना त्यांच्याकडे सहकार आयुक्तालयातील अपर निबंधक पदाचा कार्यभार कायम ठेवण्यात आला हाेता. सहकार विभागीत हुशार अधिकारी म्हणून त्यांच्याकडे शेतकरी कर्जमाफी याेजनेची जबाबदारीदेखील साेपविण्यात आली हाेती. पणन संचालक आणि कर्जमाफी याेजनेच्या अतिरिक्त कामाच्या ताणामुळे डॉ. जाेगदंड गेली अनेक दिवसांपासून तणावाखाली हाेते. त्यातच पणन संचालनालयातील सुनावण्यांचे कामदेखील त्यांना पाहावे लागत हाेते. तसेच राज्यातील विविध बाजार समित्यांच्या विकासकामांच्या (१२-१) च्या परवानग्यांची प्रकरणेदेखील प्रलंबित आहेत. या दाेन्ही पदभारामुळे काेणत्याही एका विभागाला न्याय देऊ शकत नसल्याची डॉ. जाेदगंड यांची भावना झाली हाेती. त्यातच अनेक प्रकरणे प्रलंबित राहत असल्याचादेखील तणाव हाेता. तर बाजार समित्यांकडूनदेखील १२-१ च्या परवानग्या मिळत नसल्याबाबत नाराजी व्यक्त हाेत हाेती. यामुळे सहकार विभागातील अपर निबंधक पदाचा कार्यभार काढून घ्यावा, अशी मागणी डॉ. जाेगदंड यांनी सहकारमंत्र्यांकडे केली हाेती. मात्र ही मागणी अद्याप पूर्ण न झाल्याने कामाच्या अतिरिक्त ताणामुळे डॉ. जाेगदंड यांनी दीर्घ रजेवर जाण्याचा निर्णय घेतला आहे.