agrowon news in marathi, monsoon on door of india, Maharashtra | Agrowon

मॉन्सून आज केरळात धडकणार ?
टीम अॅग्रोवन
मंगळवार, 29 मे 2018

पुणे : नैऋत्य मोसमी वाऱ्यांनी (मॉन्सून) सोमवारी (ता. २८) प्रगती करत भारत आणि श्रीलंकेदरम्यानच्या कोमोरीन भागात धडक दिली. केरळच्या दक्षिणेकडे देशाच्या उंबरठ्यावर मॉन्सून पोचला आहे. बंगालच्या उपसागरातही संपूर्ण अंदमान बेटसमूहासह मोठा पल्ला पार केला आहे. मंगळवारी (ता. २८) मॉन्सून देवभूमी केरळ, तामिळनाडूच्या काही भागात दाखल होण्यास पोषक स्थिती असल्याचे हवामान विभागाने स्पष्ट केले आहे. 

पुणे : नैऋत्य मोसमी वाऱ्यांनी (मॉन्सून) सोमवारी (ता. २८) प्रगती करत भारत आणि श्रीलंकेदरम्यानच्या कोमोरीन भागात धडक दिली. केरळच्या दक्षिणेकडे देशाच्या उंबरठ्यावर मॉन्सून पोचला आहे. बंगालच्या उपसागरातही संपूर्ण अंदमान बेटसमूहासह मोठा पल्ला पार केला आहे. मंगळवारी (ता. २८) मॉन्सून देवभूमी केरळ, तामिळनाडूच्या काही भागात दाखल होण्यास पोषक स्थिती असल्याचे हवामान विभागाने स्पष्ट केले आहे. 

अंदमानात नियमित वेळेच्या सुमारे पाच दिवस उशिराने (२५ जून) दाखल झालेल्या माॅन्सूनने वेगाने प्रगती सुरू ठेवली आहे. रविवारी (ता. २७) अंदमान बेटांच्या बहुतांशी भागासह श्रीलंकेच्या दक्षिण भागापर्यंत मजल मारली तर दुसऱ्याच दिवशी साेमवारी श्रीलंकेचा बहुतांशी भाग व्यापून केरळच्या दक्षिण किनाऱ्यापर्यंतचा टप्पा पुर्ण केला. दक्षिण पूर्व अरबी समुद्र, मालदीव - कोमोरीन परिसर, बंगालच्या उपसागराचा नैऋत्य भाग, पूर्वमध्य, अग्नेय भागामध्ये मॉन्सून दाखल झाला आहे. 
अरबी समुद्रात असलेल्या कमी दाब क्षेत्राची तीव्रता वाढल्याने मॉन्सूनच्या प्रगतीस चाल मिळाली आहे.

मंगळवारी सकाळपर्यंतच्या २४ तासांमध्ये मॉन्सून कोमोरीन-मालदीवचा उर्वरीत भाग, लक्षद्वीप बेटे, केरळ आणि तामिळनाडूच्या काही भाग, मध्य बंगालच्या उपसागरात दाखल होण्यास अनुकल स्थिती आहे. गुरुवारपर्यंत (ता. ३१) मॉन्सून संपूर्ण केरळ व्यापून कर्नाटकची किनारपट्टी व अंतर्गत भागात दाखल होण्याची शक्यता असल्याचे हवामान विभागाने म्हटले आहे. 

कमी दाबाची दोन क्षेत्रे सक्रिय
अरबी समुद्रात केरळ आणि कर्नाटकच्या किनाऱ्यावर रविवारी निर्माण झालेले कमी दाबाचे क्षेत्र सोमवारी ठळक झाले होते. त्यामुळे या भागात ढगांची गर्दी वाढली होती. तर बंगालच्या उपसागरामध्ये पूर्वमध्य भागामध्ये सोमवारी आणखी एक कमी दाबाचे क्षेत्र तयार झाले आहे. उद्या त्याची तीव्रता वाढण्याची शक्यता आहे. यातच उत्तर केरळ आणि तामिळनाडू दरम्यान १२ अंश उत्तर अक्षांशादरम्यान समुद्रसपाटीपासून ३.१ किलोमीटर उंचीवर वाऱ्यांचे पूर्व-पश्‍चिम जोडक्षेत्र सक्रिय अाहे. या पूरक स्थितीमुळे मॉन्सूनची प्रगती शक्य असल्याचे हवामान विभागाने स्पष्ट केले आहे. 

माॅन्सूनची केरळला धडक : स्कायमेट
मॉन्सूनने केरळला सोमवारी (ता.२८) धडक दिली असल्याचे स्कायमेट या खासगी हवामान संस्थेने म्हटले आहे. केरळमध्ये मॉन्सूनसदृश स्थिती असल्याने देशात पावसाचा हंगाम सुरू झाला असल्याचे स्कायमेटचे मुख्य कार्यकारी अधिकारी जतिन सिंग यांनी सांगितले. तर बाहेर पडणाऱ्या दीर्घ किरणोत्सर्गी लहरी, दोन दिवस पडलेला पाऊस, वाऱ्यांची दिशा पाहता माॅन्सून केरळात दाखल झाल्याचे स्कायमेटचे उपाध्यक्ष महेश पालवत यांनी म्हटले आहे. 

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...